Chibkees 13
13
Anplaas has Lawj sis Ncaid
1Anplaas ha coj niz tuz puj has txhua tsaab yaad kwg yog niz tuz, has Lawj nrug niz tiad hub teschias Izib muz txug tu pez Nenkes hub teschias Kana-aas saas qaastes. 2Anplaas yog is tug neeg muaj txag npluanuj, muaj yaaj, muaj tshis, muaj nyuj, muaj nyaj has muaj kug ntaw heeb. 3Ces Anplaas tiad qhais qhob chia qhai has niz tsib is qho dhaw tu is qho, rob luz tu hub Npethees. Niz luz txug tu qhais qhob chia kwg nyos nruasnraas qhais Npethees has A-is kwg yaab thaws niz taw luz tsuad chia nyos is ntus 4has niz taw tees is lus thaaj. Niz ha pehiad tuz Tswb nyos qhob qhai.
5Lawj tuz kwg nrug Anplaas tsib ua ke, kuj muaj yaaj, muaj tshis, muaj nyuj, muaj cuas muaj yig has muaj tusqhe hubtsig. 6Yog ni qhai, ha tsi muaj tshaab zaws txaws tu ostug nyos ua ke, tu qhob ostug muaj tsaj txhu coos heeb. 7Ces Anplaas cob tus yug tsaj has Lawj cob tus yug tsaj ha sis caab sis nthe nyos tsi tawz ua ke. (Lus sijhiad qhai cob neeg Kana-aas has cob neeg Pelixes tseed nyos hub lus teschias qhai.)
8Anplaas ha has tu Lawj tas, “Ws yog kwbtij txibtus tsi tsidnyog ca koj cob neeg has kud cob neeg sis caab sis nthe ni na. 9Ws ca ni sis fais nyaz muz nyos nyaz. Xaib nuad koj nyad thaaj chia twg. Yog koj muz nyos saas lawj phed, kud maad muz nyos saas xis, yog koj muz nyos saas xis, kud maad muz nyos saas lawj phed.”
10Lawj tig nuad isncig qhai has pud taaznrhiab lus Haab Yawladees muz thoos pliaz tu qhais Xaw-as, mas muaj dej txhiab txhua qhob, is yaad ni tuz Tswb lus Vaaj#13.10 Tuz Tswb lus vaaj: yog lus Vaaj Edees. lossis zoo is yaad ni lus teschias Izib ntaag. (Lus sijhiad qhai yog ua ntej tuz Tswb hliab lus nroog Xawdoos has lus nroog Kawmawlas.) #Chk 2.10 11Yog ni qhai, Lawj ha hod taaznrhiab lus Haab Yawladees has niz ha tsib muz nyos tusaas hnoostuaj liad. Qhob kwg ostug taw sis ncaid yog ni qhai. 12Anplaas nyos tusaas teschias Kana-aas, has Lawj muz nyos hub tej nroog kwg nyos rias haab has muz tsaa tseb ntaws nyos ze lus nroog Xawdoos. 13Cob neeg Xawdoos ua phed ua qas has ua txhud tiadtsaad tuz Tswb luj heeb ni.
Anplaas Tsib Muz Nyos hub Henploos
14Tod qaas kwg Lawj ncaid liad, tuz Tswb has tu Anplaas has tas, “Koj tuaj qhais qhob chia kwg koj nyos ko, tsaa qhobmuag ua tuaszoo nuad muz tusaas qaastes has qawdtes, hnoostuaj has hnoospoos. 15Kud yiad muas taaznrhiab lus teschias kwg koj qhobmuag pud pus tu koj has koj cob xeesntxwz, has lus teschias qhai yiad yog koj tug muz istxhis ni.#Tez 7.5 16Kud yiad pus kuas koj muaj xeesntxwz coos heeb kwg tsi muaj tuz twg yiad suab txhees ni, yog tuz twg suab txhas tej hmoob aab hub ntajtes na, mas ha yiad suab txhas koj cob xeesntxwz! 17Nizna, koj ca ni siab keb muz kuas thoos pliaz lus teschias na, tu qhob kud yiad muas taaznrhiab lus teschias na pus tu koj.” 18Yog ni qhai, Anplaas ha ni tsib tiad qhais thaaj chia qhai has muz tsaa tseb ntaws nyos ze tsos ntoo xees qhais thaaj chia Maales hub lus nroog Henploos, has thaws nyos qhais niz tees taw is lus thaaj ua chia fij khood tu tuz Tswb.
Currently Selected:
Chibkees 13: CQD2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Chibkees 13
13
Anplaas has Lawj sis Ncaid
1Anplaas ha coj niz tuz puj has txhua tsaab yaad kwg yog niz tuz, has Lawj nrug niz tiad hub teschias Izib muz txug tu pez Nenkes hub teschias Kana-aas saas qaastes. 2Anplaas yog is tug neeg muaj txag npluanuj, muaj yaaj, muaj tshis, muaj nyuj, muaj nyaj has muaj kug ntaw heeb. 3Ces Anplaas tiad qhais qhob chia qhai has niz tsib is qho dhaw tu is qho, rob luz tu hub Npethees. Niz luz txug tu qhais qhob chia kwg nyos nruasnraas qhais Npethees has A-is kwg yaab thaws niz taw luz tsuad chia nyos is ntus 4has niz taw tees is lus thaaj. Niz ha pehiad tuz Tswb nyos qhob qhai.
5Lawj tuz kwg nrug Anplaas tsib ua ke, kuj muaj yaaj, muaj tshis, muaj nyuj, muaj cuas muaj yig has muaj tusqhe hubtsig. 6Yog ni qhai, ha tsi muaj tshaab zaws txaws tu ostug nyos ua ke, tu qhob ostug muaj tsaj txhu coos heeb. 7Ces Anplaas cob tus yug tsaj has Lawj cob tus yug tsaj ha sis caab sis nthe nyos tsi tawz ua ke. (Lus sijhiad qhai cob neeg Kana-aas has cob neeg Pelixes tseed nyos hub lus teschias qhai.)
8Anplaas ha has tu Lawj tas, “Ws yog kwbtij txibtus tsi tsidnyog ca koj cob neeg has kud cob neeg sis caab sis nthe ni na. 9Ws ca ni sis fais nyaz muz nyos nyaz. Xaib nuad koj nyad thaaj chia twg. Yog koj muz nyos saas lawj phed, kud maad muz nyos saas xis, yog koj muz nyos saas xis, kud maad muz nyos saas lawj phed.”
10Lawj tig nuad isncig qhai has pud taaznrhiab lus Haab Yawladees muz thoos pliaz tu qhais Xaw-as, mas muaj dej txhiab txhua qhob, is yaad ni tuz Tswb lus Vaaj#13.10 Tuz Tswb lus vaaj: yog lus Vaaj Edees. lossis zoo is yaad ni lus teschias Izib ntaag. (Lus sijhiad qhai yog ua ntej tuz Tswb hliab lus nroog Xawdoos has lus nroog Kawmawlas.) #Chk 2.10 11Yog ni qhai, Lawj ha hod taaznrhiab lus Haab Yawladees has niz ha tsib muz nyos tusaas hnoostuaj liad. Qhob kwg ostug taw sis ncaid yog ni qhai. 12Anplaas nyos tusaas teschias Kana-aas, has Lawj muz nyos hub tej nroog kwg nyos rias haab has muz tsaa tseb ntaws nyos ze lus nroog Xawdoos. 13Cob neeg Xawdoos ua phed ua qas has ua txhud tiadtsaad tuz Tswb luj heeb ni.
Anplaas Tsib Muz Nyos hub Henploos
14Tod qaas kwg Lawj ncaid liad, tuz Tswb has tu Anplaas has tas, “Koj tuaj qhais qhob chia kwg koj nyos ko, tsaa qhobmuag ua tuaszoo nuad muz tusaas qaastes has qawdtes, hnoostuaj has hnoospoos. 15Kud yiad muas taaznrhiab lus teschias kwg koj qhobmuag pud pus tu koj has koj cob xeesntxwz, has lus teschias qhai yiad yog koj tug muz istxhis ni.#Tez 7.5 16Kud yiad pus kuas koj muaj xeesntxwz coos heeb kwg tsi muaj tuz twg yiad suab txhees ni, yog tuz twg suab txhas tej hmoob aab hub ntajtes na, mas ha yiad suab txhas koj cob xeesntxwz! 17Nizna, koj ca ni siab keb muz kuas thoos pliaz lus teschias na, tu qhob kud yiad muas taaznrhiab lus teschias na pus tu koj.” 18Yog ni qhai, Anplaas ha ni tsib tiad qhais thaaj chia qhai has muz tsaa tseb ntaws nyos ze tsos ntoo xees qhais thaaj chia Maales hub lus nroog Henploos, has thaws nyos qhais niz tees taw is lus thaaj ua chia fij khood tu tuz Tswb.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.