An Filipi 4
4
Kaag u d'be̱se̱
1Hyaaren a baran ri am rein ta̱'m to̱n hwe̱di. A̱m to̱nk ta̱m a̱m he̱n no hwe̱di d'kala. Nwaa an rein ta de̱l m a̱n c'za̱ngkta̱. An rein ta̱m ho̱d d'zemna da̱n ta̱'m kab baa Na'Sila̱. A̱m konk no a̱n es s'naa s'il a̱n gabs Kan Go̱mca̱n Kooye̱.
2A̱m konk netana hna, Yodiya a̱n'a Sintiki, az a swe̱e̱ hid na̱ d'baa d'da̱n a̱n gabs Kan Go̱mca̱n Kooye̱. 3Vo ta̱m hyaare kanayomk na̱m'ga̱u, a̱m konk vo, se̱e̱te̱ netana hna. C ba̱sk kasi lalk Ye̱so d'kut a na̱nna na. C Kle̱me̱nt ne, a neta̱n hyan kwe̱ an dinc na̱ rein a'ge̱n a̱nmin taka̱llaka̱n na ge̱ntin dinc an ta po̱t d'kala.
4Em na c'za̱ngkta̱ kooye̱ daava rem Kan Go̱mca̱n Kooye̱. A̱m sudk a̱n ze no, em na c'za̱ngkta̱.
5Lag na neta̱n kwe̱ a nap no a̱n d'kau, rema̱n Kan Go̱mca̱n Kooye̱ bo̱pk a̱n dooga. 6An lag la wasska̱d c'rihi naas no c'de̱b da. A̱n kooye̱, cepk na a̱n vat kons no baa Na'Sil a c'bo̱m no̱. 7I taanl a̱n Sila ta ne̱e̱t no la̱tma̱n de̱bca̱n hatin naps nocurimu. Ca̱ gadg de̱bc no a keka̱bs non baan gabs Ye̱so Ka̱risti.
8A̱n d'be̱se̱ hyaarene, kooye̱ a̱n rein m'ga̱u. Kooye̱ a̱n ciin k'gwin. Kooye̱ a̱n rein honhono. Kooye̱ a̱n zattin ri d'reb da. Kooye̱ a̱n rein i kasi. Kooye̱ a̱n nan he̱n ke̱mda̱n inya. Awaz rihi ci taaca̱ d'ke̱me̱ alla nan bo̱m e hwe̱di, sav na c'de̱b a̱n goon rihica̱n lo. 9Kooye̱ a̱n la̱a̱sine alla a̱n kabka alla a̱n hongk baa ri alla a̱n he̱nk a̱m nu'emo, gab na rihica̱n lo kwe̱, a̱n em ca̱. Sila nan ta la̱ta̱sa̱ na c'de̱be̱, ta boro baa no.
C'Bo̱m rem m'ho̱so̱
10A̱m emk c'za̱ngkta̱ hwe̱di a̱n gabs Kan Go̱mca̱n Kooye̱. Rema̱n a̱n d'be̱se̱, a̱n pa̱la̱ska̱ to̱nca̱n gosin a̱n el a̱n to̱nc ri. Ke̱ng a̱n wassk a mi ni. I ke̱e̱dan ta lain a̱n kumk a̱n kwesata taanl da. 11Za robamadan de̱lin a̱m vatt taanl da. Rema̱n a̱m baask a̱m vetaska gaga̱m c'de̱b a̱n kooye̱ a̱n kumin me. 12A̱m napk ho̱d d'robama. A̱m nap ta̱m ho̱d nu'kumu. A̱m la̱a̱sk gaga̱m c'de̱b a̱n rina̱n nokain kwe̱. D'Cigi alla mero. U'Kumu alla d'robama. 13Ta̱'m hweks a̱n em kooye̱ a̱n we̱sma̱n Ka̱risti ne̱in me.
14I emk la d'ke̱m an se̱e̱tte̱in me daava̱n m retina̱n ryaak d'koba. 15Nwaa netnan Filipi, bakasa na daava̱ m taktain bisim no kasi lalko. Am lagtain copun Makidoniya, kargad a s'gab za da̱n emain m d'se̱e̱te̱ da, a za nwaa da. 16Am latin ta̱m a̱n le̱in Tasalonika, za a'da̱n a̱n comtvoin ma̱ d'se̱e̱te̱ am to̱ntin rihi da.#4:16 Go̱t ta̱m: YCCo 17:1. 17Za az a̱m laa a̱n hob m'ho̱s baa no da. A̱m laa a̱n hoba̱n rina̱n Sila ta ge̱ne̱ no az a̱n emka.
18A̱m kabk ho̱sma̱n a̱n comtain kwe̱. I hatk rina̱n ta̱'m to̱no̱. A̱nta̱ma̱, a̱m ci rina̱n ta̱'m to̱n kwe̱ yaga, am kabtin ho̱sma̱n a̱n comtain baa Eparoditus. Ho̱sma̱n lo el ho̱da̱n sakun ri d'ha̱ng in ke̱be̱in ta̱m i pusa̱ska̱ A'Sil c'de̱be̱. 19Sila ri, ta ne̱e̱ no rina̱n ta̱n to̱n kwe̱ lanma̱n kumu na̱ u rorke, un ciin damran k'gwin rem Ka̱risti Ye̱so. 20Na bo̱m A'Sil Ceta cinna ka k'gwin d'kal-d'kala. A̱nha̱a̱n.
Po̱o̱so̱da̱ d'be̱se̱
21Po̱o̱so̱ na an reina̱n gabs Ka̱risti Ye̱so kwe̱. Hyaare nanan rein baa ri, a el a̱n po̱o̱so̱m no. 22A s'gab kwe̱, a el a̱n po̱o̱so̱m no. An buu Kaisar hatuz kaa kwe̱.
23Pusuu kan buu cinna Ye̱so Ka̱risti boro a̱n de̱bc no kwe̱. A̱nha̱a̱n.
Currently Selected:
An Filipi 4: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019
An Filipi 4
4
Kaag u d'be̱se̱
1Hyaaren a baran ri am rein ta̱'m to̱n hwe̱di. A̱m to̱nk ta̱m a̱m he̱n no hwe̱di d'kala. Nwaa an rein ta de̱l m a̱n c'za̱ngkta̱. An rein ta̱m ho̱d d'zemna da̱n ta̱'m kab baa Na'Sila̱. A̱m konk no a̱n es s'naa s'il a̱n gabs Kan Go̱mca̱n Kooye̱.
2A̱m konk netana hna, Yodiya a̱n'a Sintiki, az a swe̱e̱ hid na̱ d'baa d'da̱n a̱n gabs Kan Go̱mca̱n Kooye̱. 3Vo ta̱m hyaare kanayomk na̱m'ga̱u, a̱m konk vo, se̱e̱te̱ netana hna. C ba̱sk kasi lalk Ye̱so d'kut a na̱nna na. C Kle̱me̱nt ne, a neta̱n hyan kwe̱ an dinc na̱ rein a'ge̱n a̱nmin taka̱llaka̱n na ge̱ntin dinc an ta po̱t d'kala.
4Em na c'za̱ngkta̱ kooye̱ daava rem Kan Go̱mca̱n Kooye̱. A̱m sudk a̱n ze no, em na c'za̱ngkta̱.
5Lag na neta̱n kwe̱ a nap no a̱n d'kau, rema̱n Kan Go̱mca̱n Kooye̱ bo̱pk a̱n dooga. 6An lag la wasska̱d c'rihi naas no c'de̱b da. A̱n kooye̱, cepk na a̱n vat kons no baa Na'Sil a c'bo̱m no̱. 7I taanl a̱n Sila ta ne̱e̱t no la̱tma̱n de̱bca̱n hatin naps nocurimu. Ca̱ gadg de̱bc no a keka̱bs non baan gabs Ye̱so Ka̱risti.
8A̱n d'be̱se̱ hyaarene, kooye̱ a̱n rein m'ga̱u. Kooye̱ a̱n ciin k'gwin. Kooye̱ a̱n rein honhono. Kooye̱ a̱n zattin ri d'reb da. Kooye̱ a̱n rein i kasi. Kooye̱ a̱n nan he̱n ke̱mda̱n inya. Awaz rihi ci taaca̱ d'ke̱me̱ alla nan bo̱m e hwe̱di, sav na c'de̱b a̱n goon rihica̱n lo. 9Kooye̱ a̱n la̱a̱sine alla a̱n kabka alla a̱n hongk baa ri alla a̱n he̱nk a̱m nu'emo, gab na rihica̱n lo kwe̱, a̱n em ca̱. Sila nan ta la̱ta̱sa̱ na c'de̱be̱, ta boro baa no.
C'Bo̱m rem m'ho̱so̱
10A̱m emk c'za̱ngkta̱ hwe̱di a̱n gabs Kan Go̱mca̱n Kooye̱. Rema̱n a̱n d'be̱se̱, a̱n pa̱la̱ska̱ to̱nca̱n gosin a̱n el a̱n to̱nc ri. Ke̱ng a̱n wassk a mi ni. I ke̱e̱dan ta lain a̱n kumk a̱n kwesata taanl da. 11Za robamadan de̱lin a̱m vatt taanl da. Rema̱n a̱m baask a̱m vetaska gaga̱m c'de̱b a̱n kooye̱ a̱n kumin me. 12A̱m napk ho̱d d'robama. A̱m nap ta̱m ho̱d nu'kumu. A̱m la̱a̱sk gaga̱m c'de̱b a̱n rina̱n nokain kwe̱. D'Cigi alla mero. U'Kumu alla d'robama. 13Ta̱'m hweks a̱n em kooye̱ a̱n we̱sma̱n Ka̱risti ne̱in me.
14I emk la d'ke̱m an se̱e̱tte̱in me daava̱n m retina̱n ryaak d'koba. 15Nwaa netnan Filipi, bakasa na daava̱ m taktain bisim no kasi lalko. Am lagtain copun Makidoniya, kargad a s'gab za da̱n emain m d'se̱e̱te̱ da, a za nwaa da. 16Am latin ta̱m a̱n le̱in Tasalonika, za a'da̱n a̱n comtvoin ma̱ d'se̱e̱te̱ am to̱ntin rihi da.#4:16 Go̱t ta̱m: YCCo 17:1. 17Za az a̱m laa a̱n hob m'ho̱s baa no da. A̱m laa a̱n hoba̱n rina̱n Sila ta ge̱ne̱ no az a̱n emka.
18A̱m kabk ho̱sma̱n a̱n comtain kwe̱. I hatk rina̱n ta̱'m to̱no̱. A̱nta̱ma̱, a̱m ci rina̱n ta̱'m to̱n kwe̱ yaga, am kabtin ho̱sma̱n a̱n comtain baa Eparoditus. Ho̱sma̱n lo el ho̱da̱n sakun ri d'ha̱ng in ke̱be̱in ta̱m i pusa̱ska̱ A'Sil c'de̱be̱. 19Sila ri, ta ne̱e̱ no rina̱n ta̱n to̱n kwe̱ lanma̱n kumu na̱ u rorke, un ciin damran k'gwin rem Ka̱risti Ye̱so. 20Na bo̱m A'Sil Ceta cinna ka k'gwin d'kal-d'kala. A̱nha̱a̱n.
Po̱o̱so̱da̱ d'be̱se̱
21Po̱o̱so̱ na an reina̱n gabs Ka̱risti Ye̱so kwe̱. Hyaare nanan rein baa ri, a el a̱n po̱o̱so̱m no. 22A s'gab kwe̱, a el a̱n po̱o̱so̱m no. An buu Kaisar hatuz kaa kwe̱.
23Pusuu kan buu cinna Ye̱so Ka̱risti boro a̱n de̱bc no kwe̱. A̱nha̱a̱n.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019