An Galatiya U'Gabte
U'Gabte
I Bulus k'comta̱v Ye̱so a̱n ge̱nin taka̱llaka̱ ha̱n a̱n le̱in Antiyo̱k a̱n we̱e̱un 49 a̱n wa̱a̱'a Ye̱so. I an na taastin damran kargad c'comtne a̱n le̱in Urisalima. Bulus na Barnabas kaak kargac a s'gab hwe̱di daava̱n baala̱m na̱ ma̱n ba̱sda̱n kasi lalk u m'e̱t a̱n ke̱e̱ca̱n Galatiya a̱nmin copun Roma (Go̱t YCCo 13:14–14:23). An Bulus na Barnabas a̱n to̱o̱tine, Yahude̱n a s'gab haka baa kargad a s'gab an Galatiya. A zeka an zain Yahude̱n da, az i ke̱ng na ema na̱ s'geda, a gab ta̱m giiras Yahude̱n a kumt d'gwa̱a̱ma̱. La̱a̱s uha̱n vodk a rina̱n Bulus na Barnabas la̱a̱sa̱in na̱.
Bulus kwesaka ha̱lca̱n la̱a̱s sa̱n Yahude̱n a s'gab la̱a̱sa̱in An Galatiya. U zeka az kumma̱ d'gwa̱a̱ma̱ za rem s'ged alla gabma̱n giiras Yahude̱n da. I rema̱n bata̱m d'ba̱t baa Ye̱so Ka̱risti c'taa. Ka̱risti u'na̱n wa̱in rem cinna, u hwe̱le̱ ta̱m na hwinsa̱d Na'Sil a venuna̱n ge̱be̱se̱in be̱ Sila ven na. U zek az Sila le̱g-le̱g Ibrahi rema̱n bata̱m d'ba̱t baa na̱ s'we̱e̱ s'za̱ngu s'naas an Sila nesta Mosa giiras Yahude̱n, sa̱n an la̱a̱s rein na̱m'ze az an Galatiya gaba. I rema̱n ye̱ kaa a̱n noc tu zeta az ke̱ng noc gab giiras Yahude̱n rema̱n Sila le̱gt o? U vatk na̱m'we̱se̱ az i rema̱n pusu Na'Sil a̱n nan kumt d'gwa̱a̱ma̱, a rema̱n bata̱m d'ba̱ta̱n baa Ye̱so c'taa. Na em ta̱m c'nocurimu a̱n gabtu Hora̱mda̱n zattin ri d'reb da. Az la̱a̱s hyan kwe̱, i c'ko̱lo̱.
Currently Selected:
An Galatiya U'Gabte: driNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2019