ମାତିଉ 24
24
ମାପ୍ରୁନା ମନ୍ଦିର୍ବକ୍ ମାମା ଡେନ୍ତା ଡ'ସେକ୍ ଜିସୁଲା ସୁଁସୁଡେନ୍
(ମାର୍କ 13:1–2; ଲୁକ 21:5–6)
1ଜିସୁଲା ମନ୍ଦିର୍କୁରୁଂ ତୁର୍ସେକ୍ ଡୁଂଡୁଂବେଲା ମାଇନା ସିସ୍ୟଲେ ଗୁତୁନ୍ ମନ୍ଦିର୍ନା ଡିଂଅଁଲେ ଅ'ରଇଁୟ'କୁନୁଂ ଗୁଲାଇ ଆମାଇ ଅସୁଇ'ପୁଲେଇ ମାଇନ୍ବକ୍ ସା'ଗା' । 2ସା' ଜିସୁଲା ଆମା'ଏ ସୁନ', “କେନ୍ ଗୁଲାଇ ପେ ଜୁଲ'ତୁପେକି ଆରାକ୍? ପେ ଆ'ନା ଜୁଲ'କୁନୁଂ କେନ୍ ଗୁଲାଇ ମୁସିଂ ଟାଟେଉ ବିଲାୟ'ସୁଂତ । ସା' ଡିଂଅଁ ବଡ'କୁନୁଂ ବୁରେଲେ ଗୁଲାଇ ଲଗ୍ଉଇତା, ବୁରେଲେ ମୁଇସା ମାର୍ମୁଇ ବୁରେ ବାଗ୍ବକ୍ ଡୁକୁନୁଂ ପେ ମାରି ଜୁଜୁ ଆଗଂତୁପେ ଡ'ସେକ୍ ନିଂ ଆପେ ସତଇସା ସୁନ'ତିଂ” ଡ'ସେକ୍ ସୁନ' ।
ତିର୍ଗି'ସୁମଂ ମାମା ଡେନ୍ତା ଡ'ସେକ୍ ଜିସୁଲା ସୁଁସୁଡେନ୍
(ମାର୍କ 13:3–13; ଲୁକ 21:7–19)
3ମାରି ମାଇ ଜିତ କୁନ୍ଡା ବାଗ୍ବକ୍ ଲେଇ'କୁନୁଂବେଲା ଜାଏସା ପାଲ୍ ରେମଲେ ମଡୁକୁବେଲା ମାଇନା ସିସ୍ୟଲେ ମାଇନ୍ବକ୍ ସାକ୍ସେକ୍ ସୁନ' “କେନ୍ ଗୁଲାଇ ଇନ୍ଡ'ୟା ଡି'କେନା ଡେନ୍ତା? ନ ମାରି ଜୁଜର୍ନା ମାରି କେନ୍ ଦେସ୍ଦୁନିଆ ଗୁଲାଇ ବୁଡାଇବାର୍ନା ବେଲା ଡେଂଗା' ଡ'ସେକ୍ ମା ସିନ ଜୁଜୁ ଗଂତୁନେଇ? ନ ଆନେଇ ସୁଁ” ଡ'ସେକ୍ ସୁନ' ।
4ସା' ଜିସୁଲା ଆମା'ଏ ସୁନ', “ଜାଏସା ଆପେ ଆନାଡାଏଇ' ଡ'ସେକ୍ ପେ ସଇଗା ଡେଂସେକ୍ ଡୁକୁଲା । 5ମାସା'ଡ'ନା ନିଂଉ କିରିସ୍ଟଲା ଡ'ସେକ୍ ରେମଲେ ଅବୁଦିର ନିଂନା ଇମି ସୁନ'ସେକ୍ ପେନ୍ବକ୍ ସାପ୍ତା । ମା'ଏ ଡୁ'ତୁନା ଅବୁଦିରବକ୍ ନାଡାଇତ । 6ମାରି ଇନ୍ଡ୍ରିମ୍ ଡେଂକୁନୁଂ ପେ ଜୁତୁପେ ମାରି ପାଲ୍ ଆମ୍ବ' ଆମ୍ବ' ଇନ୍ଡ୍ରିମ୍ ଡେନ୍ତା ଡ'ସେକ୍ସା ପେ ଅଂତୁପେ । ମାତର୍ ଗୁତୁନ୍ ଗୁଲାଇ ଅଂଅଁ'ସେକ୍ସା ପେ ଆବୁତୁଂଗା' । ସତଇସା ଡି'କେନ୍ ଗୁଲାଇ ଡେଂନାଉ ଡେନ୍ତା ମାତର୍ ଆଇ'ତୁନ୍ବେଲା ରାଜି ବୁଡାଇବାର୍ନା ଆଇ'କୁ ଆଡେନ୍ତା ।” 7“ମୁଇ ଦେସ୍ନା ରେମଲେ ପାଲ୍ ଦେସ୍ନା ରେମଲେବୁରଂ ମାରି ମୁଇ ରାଜିନା ରେମଲେ ପାଲ୍ ରାଜିନା ରେମଲେବୁରଂ ରିମ୍ତ । ମାରି ଏନ୍ତୁକ୍ ଦେସ୍ବକ୍ ଆରେମଲେ ସୁସୁମ୍ଇ'ନା ଆବାମ୍ତା ଡେନ୍ତା ମାରି ଆମ୍ବ' ଆମ୍ବ' ଦର୍ତନି ଅବୁଦି ଲୁନ୍ଡୁର୍ତା । 8ମାତର୍ କେନ୍ ଗୁଲାଇ ଡେଂକୁନୁଂ ଜୁଲ'ନା ଆମୁଇନ୍ଡା ସେଲାନ୍ଲା ଜନମ୍ସି ମୁଲାଇବାର୍ବେଲା ମି ଡେନ୍ତା ଡୁ'ତୁନ୍ସୁଗଉ ଡୁତା ।”
9 #
ମାତିଉ 10:22
ଉନ୍ତା ରେମଲେ ଆପେ ଅବୁଦି କସ୍ଟ ବେଡ'ସେକ୍ ଅଗୁଇ'ପୁଲେଇ ଅସବ' ବେ'ତ । ମାରି ପେ ଆନିଂ ବିସ୍ବାସ୍ ଡେମ'ତୁପେସା' ଗୁଲାଇ ଜାତିନ୍ ରେମଲେ ଆପେ ଗୁମୁଇତ । 10ସା' ଆନିଂ ବିସ୍ବାସ୍ ଡେମ'କୁନୁଂ ରେମଲେ ଅବୁଦିର ଉନ୍ତା ଆନିଂ ଅନ୍ତୁର'ସେକ୍ ଡୁଂତା । ମା'ଏ ମା'ଏନ୍ ବିତ୍ରେଉ ଆଦାଇରେମେ ଅଅସୁଇ'ଆର୍ ବେ'ତ ମାରି ମା'ଏ ମା'ଏଉ ଅ'ଗୁମୁଇଆର୍ତା । 11ଉନ୍ତା ପଲୁ ସୁଁସୁବାଇ' ବାବବାଦିଲେ ଅବୁଦିର ତୁର୍ସେକ୍ ଅବୁଦିରବକ୍ ନାଡାଇତ । 12ମାରି ଅବୁଦି ଅବୁଦି ଅଲିରାକ୍ବାଇ' କାମ୍ ଡେମ'ସେକ୍ ରେମଲେ ଡୁତାସା' ଅବୁଦିର ଆଇ'ତୁନ୍ ଆଲାତ୍ ଆଡେମ୍ତ । 13#ମାତିଉ 10:22ମାତର୍ ଡି'କେନ୍ ଗୁଲାଇ ଡେଂନାସା ଗୁତୁନ୍ ଗୁଲାଇ କସ୍ଟ ଡୁନ୍ଡମ୍ପନ୍ତେକ୍ ଆଇଁଲ'ସେକ୍ ଜା ଡୁତା ଆମାଇ ମାପ୍ରୁ ରକ୍ୟା ଡେମ୍ତ । 14ମାରି ମାପ୍ରୁନ୍ ରାଜିନା କେନ୍ ବାନିକବର୍ ଗୁଲାଇ ଦେସ୍ଦୁନିଆବକ୍ ଉଇସେକ୍ ଗୁଲାଇର ଅଂପୁଲେଇ ସାକି ସୁନ୍ତ । ଗୁତୁନ୍ ତିର୍ଗି' ଡୁନନ୍ଡମ୍ ଦିନ୍ ସାପ୍ତା ।
ରେମଲେପୁଲେଇ ଅବୁଦି କସ୍ଟବାଇ' ମୁଇ ଦିନ୍ ସାପ୍ତା ଡ'ସେକ୍ ସୁଁସୁଡେନ୍
(ମାର୍କ 13:14–23; ଲୁକ 21:20–24)
15ଅବୁଦି ଅଲିରାକ୍ବାଇ' ମାରି ବୁତୁଂସୁପ୍ଡାକ୍ବାଇ'ନା ବିସୟ ଇନ୍ତେକନ୍ଡେକ୍ ଦାନିଏଲ୍ ଡ'କୁନୁଂ ମୁଇନ୍ଡା ବାବବାଦିଲା ସୁନ'କୁ । ସା' ମାଇ ସୁନ'କୁନୁଂ ଇମ୍ବ'ନା ଅବୁଦି ଅଲିରାକ୍ବାଇ' ଡୁତା ଗୁତୁନ୍ ସାକ୍ସେକ୍ ପବିତ୍ରବାଇ' ଜାଗାବକ୍ ତଂକୁନୁଂ ପେ ଜୁତୁପେ । (#24:15 (କେନ୍ ଲେକ୍ଲ'କୁନୁଂ ଜା ପଡ୍ତା ମାଇ କେନା ମା ଡ'ସେକ୍ ମାଗ' ଡୁକୁଡୁତା) ଡ'ସେକ୍ ଲେକ୍ଲ'କୁନୁଂ ମାତିଉଲା ନିଜେ ସୁନ'କୁନୁଂ ତୁମ' ମାଇ ଲେକ୍ଲ'ବୁଂଅଁ'ତା ।କେନ୍ ଲେକ୍ଲ'କୁନୁଂ ଜା ପଡ୍ତା ମାଇ କେନା ମା ଡ'ସେକ୍ ମାଗ' ଡୁକୁଡୁତା) । 16ଡି'କେନ୍ ଗୁଲାଇ ଡେଂକୁନୁଂ ପେ ଜୁଲ'କୁନୁଂବେଲା ମା ଡିନ୍ଡେମ୍ ଡୁତା ଡ'ନା, ଉନ୍ତା ଜିଉଦାବକ୍ ଡୁକୁନୁଂ ରେମଲେ କୁନ୍ଡାଲେବକ୍ ଉର' ଡାଏଇ' । 17#ଲୁକ 17:31#24:17 ଡିଂଅଁ ବାଗ୍ବକ୍ ଡୁକୁନୁଂ ରେମ ଡ'ସେକ୍ ଆକେ ସୁନ'କୁନୁଂ ମା ଡ'ନା, ଜିଉଦିରେମଲେ ଡିଂଅଁ ବାଗ୍ବକ୍ ଡାଇ'ସେକ୍ ଆତା ମାମା କାମ୍ ଡେମ'କୁ । ମାସା'ଡ'ନା ମା'ଏନ୍ ଡିଂଅଁଲେ ଡୁ'ତୁନ୍ଉ ସଲ୍ଦମ୍ ଅ'ରଇଁୟ'ବୁଂଅଁ'ତାସା' କାମ୍ ଡିନ୍ଡେମ୍ପୁଲେଇ ବଲ୍ ଡୁକୁ ।ଡିଂଅଁ ବାଗ୍ବକ୍ ଡୁକୁନୁଂ ରେମ ଜାଏସା ଜର୍ସେକ୍ ଡିଂଅଁ ବିତ୍ରେ ଡୁକୁନୁଂ ମାମା ଜୁଗ' ଅ'ତୁର୍ତିଂ ଡ'ସେକ୍ ଆଗାଏଇ' । 18ଜାଏସା ମୁଇନ୍ଡା ବୁରଂବକ୍ ଡୁକୁନା ନିଂ ଇକ୍ସେକ୍ ଇମ୍ପ' ଜୁଗ' ଅ'ତୁର୍ତିଂ ଡ'ସେକ୍ ଆଇଡେଇ' । 19ଆଇ'ତୁନ୍ବେଲା ଜାଜା ଅନ୍ତୁର'କୁନୁଂ ମାରି ଅଗ'କୁନୁଂବାଇ' ସେଲାନେ ଡୁତା ଡ'ନା ମା'ଏ ଅବୁଦି କସ୍ଟ ବାମ୍ତା । 20ମାତର୍ ପେ ଡୁ'ତୁନ୍ଉ ଉର' ଡୁଂଡୁଂନା ଦିନ୍ ଉନ୍ଡ୍ରଂବେଲା ଆରା'ଗେ ବିସ୍ରାମ୍ଦିନ୍ବକ୍ ମଡିନ୍ଡେମ୍ପୁଲେଇ ପେ ଆମାପ୍ରୁ ପାର୍ତନା ଡେମ୍ । 21#ଅସୁୟ'କୁନୁଂ 7:14ମାସା'ଡ'ନା କେନ୍ ଦେସ୍ଦୁନିଆ ଅ'ରଇଁବାଂସା' ଆ'ନ୍ପନ୍ତେକ୍ ମଡିନେମ୍ବାଇ' ମାରି ତିର୍ଗି'ସୁମଂ ଇନ୍ଡଇ'ଏସା ଡୁ'ତୁନ୍ବାଇ' ଆଡେନ୍ତା ଡୁ'ତୁନ୍ସୁଗବାଇ' ଅବୁଦି କସ୍ଟ ଉନ୍ତା ଡେନ୍ତା । 22ଡୁ'ତୁନ୍ ଡିନ୍ଡେମ୍ନା ଉନାଦିନ୍ ଡେଂନାଉ ଡେନ୍ତା ଆରାକ୍ନା ରେମଲେ ଜାଏସା ବୁରକ୍ସେକ୍ ଡୁକୁ ଆଗଂତା । ମାତର୍ ମାପ୍ରୁ ଆଜାଆଜା ସିରେଲ'ତା ଆମା'ଏ ଏତ୍ସେକ୍ ଡୁ'ତୁନ୍ ଡିନ୍ଡେମ୍ପୁଲେଇ ଅବୁଦି ଦିନ୍ ଆବୁଂତ । 23ଉନ୍ତା ଜାଏସା ଆପେ, “ଜୁ କିରିସ୍ଟଲା ଆକେ ଡୁତା” ଆରା'ଗେ “ଆତା ଡୁତା” ଡ'ସେକ୍ ସୁନ'ନା ପେ ବିସ୍ବାସ୍ ଆଡେମ' । 24ମାସା'ଡ'ନା ଉନ୍ତା ନିଂଉ କିରିସ୍ଟଲା ଡ'ସେକ୍ ମାରି ନିଂଉ ବାବବାଦିଲା ଡ'ସେକ୍ ଏନ୍ତୁକ୍ର ପଲୁ ସୁନ'ସେକ୍ ସାପ୍ତା ମାରି ଅବୁଦି ସିନଲେ ମାରି ଅବୁଦି କାବା ଡିନ୍ଡେମ୍ବାଇ' କାମ୍ ମା'ଏ ଡେମ' ଅସୁଇ'ତ । ଡୁ'ତୁନ୍ଉ ଅସୁୟ'ସେକ୍ ଆଜାଆଜା ମାପ୍ରୁ ନିଂନା ରେମ ଡ'ସେକ୍ ସିରେଲ' ବୁଂଅଁ'ତା ଆମା'ଏସା ନାଡାଇବାର୍ପୁଲେଇ ସେସ୍ଟା ଡେମ୍ତ । 25ଜୁ, ଡୁ'ତୁନ୍ଉ ଡିନ୍ଡେମ୍ ସିଁସେଇଁନୁକ୍ ନିଂ ଆପେ ଆ'ନା ସୁନ'ତିଂ, ସା' ପେ ବଲ୍ ଅଂଅଁ'କୁଲା ।
26 #
ଲୁକ 17:23,24 ଜାଏସା ଆପେ “ଜୁ, କିରିସ୍ଟଲା ଆତା ଟାଂରାବାଟାପାଦାବକ୍ ଡୁତା” ଡ'ସେକ୍ ଆପେ ସୁନ'ନା ପେ ଗୁତୁନ୍ ଅଂଅଁ'ସେକ୍ ଆତା ଆଉଇଗା'; ଆରା'ଗେ “ଜୁ, କିରିସ୍ଟଲା ଆକେ ବିତ୍ରେନ୍ ଡିଂଅଁବକ୍ ଡୁତା” ଡ'ସେକ୍ ସୁନ'ନା ଗୁତୁନ୍ ସତ୍ ଆଡିଗ' । 27ମାସା'ଡ'ନା ଅ'ତୁର୍ସିଂକୁରୁଂ ଉଂଲାଇ'ଡାଗ'କୁନୁଂ ଅଲୁକ୍ସିଂ ପନ୍ତେକ୍ ତାର୍କୁନୁଂ ଜୁଜୁ ଗଂକୁନୁଂସୁଗ, ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ଜୁଜର୍ବେଲା ଦର୍ତନିନ୍ ରେମଲେ ଗୁଲାଇର ଆମାଇ ଜୁଜୁ ଗଂତା । 28#ଲୁକ 17:37ମଟ୍ ଡୁକୁନୁଂବକ୍ ମଟ୍ ସୁସୁମ୍ନା ସାଗୁନା ଡ'କୁନୁଂ ପୁରି'ଡେ ରୁନ୍ତା ।
କିରିସ୍ଟଲା ଇନ୍ଡ'ୟା ଜର୍ତା
(ମାର୍କ 13:24–27; ଲୁକ 21:25–28)
29 #
ଅସୁୟ'କୁନୁଂ 6:12;
ଅସୁୟ'କୁନୁଂ 6:13
ଉନ୍ତା ମାମା କସ୍ଟ ଡେନ୍ତା ଗୁତୁନ୍ ଗୁଲାଇ ଡମ'ନା ତିର୍ଗି' ସିଂଇଁ କାଲ୍ୟାଲ' ଉଇତା । ଆର୍କେ ଆତାର୍ତା । ମୁମର୍ତ'ଗେ କି'ତୁଂକୁରୁଂ ଲକ୍ତା । ମାରି କି'ତୁଂବକ୍ ପାଲ୍ ମାମା ଡୁତା ଗୁତୁନ୍ ଗୁଲାଇ ଜୁଲ୍ତା । 30#ଅସୁୟ'କୁନୁଂ 1:7ଆଇ'ତୁନ୍ବେଲା, ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ସୁସାପ୍ଡେଂକୁନୁଂ ସିନ କି'ତୁଂବକ୍ ତୁନାତା । ଉନ୍ତା ଦର୍ତନିବକ୍ ଡୁକୁନୁଂ ଗୁଲାଇ କୁଲ୍ନା ରେମଲେ ଉକ୍ସେ'ତା, ମାରି ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ କି'ତୁଂନା ବାଦଲ୍ବୁରଂ ଅବୁଦି ବପୁବାଂସେକ୍ ଅବୁଦି #24:30 ତାର୍କିକ୍ସେକ୍ ଡ'ନା ମଇମା ବାଂସେକ୍ତାର୍କିକ୍ସେକ୍ ଜୁଜର୍ବକ୍ ମା'ଏ ଜୁତ । 31ମାରି ମାଇ ଆମାଇନା ଦୁତଲେ ଦର୍ତନିନା ଗୁଲାଇ କୁନ୍ଡା ବେନ୍ଟାଇତ । ସା' ମା'ଏ ପୁନେ' ଅବୁଦି ଡକ୍ତି'ତା ପେଡ'ସେକ୍ ଦେସ୍ଦୁନିଆନା ଗୁଲାଇ କୁନ୍ଡା ଉଇସେକ୍ ମାପ୍ରୁ ସିରେଲ' ବୁଂଅଁ'କୁନୁଂ ଆମାଇନା ରେମଲେ ମୁନ୍ଡକ୍ବକ୍ ରୁନ୍ଡାଇତ ।
ଆଲିଅଇ ସୁଲପ୍ ଜୁଲ'ନା ମାମା ମାଗ୍ମାକ୍ ଗଂତୁନେଇ'?
(ମାର୍କ 13:28–31; ଲୁକ 21:29–33)
32ଆଲିଅଇ ସୁଲପ୍ ଜୁଲ'ସେକ୍ ମାକ୍ । ମା ଡ'ନା ଗୁତୁନ୍ ସୁଲପ୍ନା କେନ୍ଡାଲେ ପୁ'ଡୁର୍ସେକ୍ ତିମେ ଉଲା'ଗେ ତୁର୍କୁନୁଂ ଜୁଲ'ନା ଞାଁ'ସିଂ ମୁଲାଇବାର୍ ଡେନ୍ତା ଡ'ସେକ୍ ପେ ମାକ୍ତୁପେ । 33ଡୁ'ତୁନ୍ସୁଗ କେନ୍ ଗୁଲାଇ ଡେଂକୁନୁଂ ଜୁଲ'ନା ଗୁତୁନ୍ ଇନ୍ତୁ ସା'ଗୁତା ମାରି ଅବୁଦି ଡେରି ଆଡେନ୍ତା ଡ'ସେକ୍ ପେ ମାକ୍ତୁପେ । 34କେନ୍ ଗୁଲାଇ ଡିନ୍ଡେମ୍ ପନ୍ତେକ୍ ଆ'ନା ଡୁକୁନୁଂ ଜୁଲିନା ରେମଲେ ଆଗୁଇ'ତା ଡ'ସେକ୍ ଆପେ ନିଂ ସତଇସା ସୁନ'ତିଂ । 35କି'ତୁଂ ମାରି ଦର୍ତନି ଗୁଲାଇ ବୁ'ଗ୍ ଉଇତା ମାତର୍ ନିଂ ସୁନ'କୁନୁଂ ତୁମ' ଇନ୍ଡଇ'ଏସା ଆବୁ'ତା ।
ଜିସୁଲା ସୁସାପ୍ନା ବେଲା ଜାଏସା ଆମାକ୍ତ
(ମାର୍କ 13:32–37; ଲୁକ 17:26–36)
36ଡୁ'ତୁନ୍ ଡିନ୍ଡେମ୍ନା ଦିନ୍ ମାରି ବେଲା ଇନ୍ଡ'ୟା ଡେନ୍ତା ଡ'ସେକ୍ ନିଂନା ବାଉ ମାଗ'ତା ମାରି ଜାଏସା ଆମାକ୍ତ, ସରଗ୍ନା ଦୁତଲେସା ମାରି ମାପ୍ରୁନା ଉଁ'ଉଁସା ଆମାକ୍ତ । 37ଇନ୍ତେକନ୍ଡେକ୍ ନଅଲା ଡୁକୁନୁଂବେଲା ମି ଡେଂଗା' ଡୁ'ତୁନ୍ସୁଗ ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ସୁସାପ୍ନା ବେଲାସା ଡେନ୍ତା । 38ମାସା'ଡ'ନା ଉନ୍ତା ଡାଗ୍ ବାଗ୍ବକ୍ ସୁସାପ୍ ସିଁସେଇଁ ରେମଲେ ଗୁଲାଇର ଅବୁଦି ସୁମ'ଇଡ'ସେକ୍ ମାରି ଇ'ପର୍ ୱାଇବୁଇ'ସେକ୍ ନଅଲା ଗୁତୁନ୍ ଡଂଗା ବିତ୍ରେ ଗୁଗାଇ ପନ୍ତେକ୍ ଡୁକୁଗା' । 39ଗୁତୁନ୍ ବୁଡାଲା ଡାଗ୍ ବାଗ୍ବକ୍ ଡାଇ'ସେକ୍ ଆମା'ଏ ଆଗୁଲାଇର ରିଂଅଁ' ଡୁଂଡୁଂ ପନ୍ତେକ୍ ମା ଡେନ୍ତା ଡ'ସେକ୍ ମା'ଏ ମମୁନାକ୍ ଡୁକୁ । ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ସୁସାପ୍ନା ବେଲାସା ଡୁ'ତୁନ୍ଉ ଡେନ୍ତା । 40ଉନ୍ତା ଇମ୍ବାୟ ଇଂଗେରେ ବୁରଂକାମ୍ ଡିନ୍ଡେମ୍ ଡେଂବୁଂତ । ଆମୁଇନ୍ଡା ରିଂଅଁ' ଉଇତା ଆମୁଇନ୍ଡା ଅଡକ୍ସୁଂଅଁ' ଡୁଂତା । 41ଇମ୍ବାୟ ସେଲାନ୍ପା ମୁନ୍ଡକ୍ବକ୍ ତଂତଂ ଡେଂବୁଂତ । ଆମୁଇନ୍ଡା ରିଂଅଁ' ଉଇତା, ଆମୁଇନ୍ଡା ଅଡକ୍ସୁଂଅଁ' ଡୁଂତା ।
42ଡୁ'ତୁନ୍ସା' ପେସା ସଇଗା ଡେଂସେକ୍ ଡୁକୁଲା! ମାସା'ଡ'ନା ପେନା ପ୍ରବୁଲା ଇମ୍ବ'ନ୍ ଦିନ୍ବକ୍ ସାପ୍ତା ଡ'ସେକ୍ ପେ ଆମାକ୍ତୁପେ । 43#ଲୁକ 12:39,40ଇନ୍ଡ'ୟା ଡୁଂଗା'ରେମ୍ ଡିଂଅଁବକ୍ ଗାଇତା ଡ'ସେକ୍ ଡିଂଅଁନା ସାକାର୍ ମାଗ'ନା ମାଇ ମଲେମ' ଜାଗ୍ଲ' ଲେଇ'ସେକ୍ ଆତୁନ୍ ଡୁଂଗା'ରେମ୍ ଡିଂଅଁ ବିତ୍ରେ ଗାଇସେକ୍ ଡୁଂଗାଲ' ଇନ୍ଡ୍ରିଂପୁଲେଇ ଆବେ'ତ ଡ'ସେକ୍ ପେ ମାଗ'ତୁପେ । 44ଡୁ'ତୁନ୍ଉ ପେ ମଏତ୍ବାର୍ ଡୁକୁନୁଂବେଲା ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁସା ସାପ୍ତାସା' ପେସା ସଇଗା ଡେଂସେକ୍ ଜାଗ୍ଲ'କୁଲା ।
ବଲ୍ବାଇ' ମାରି ଅଲିରାକ୍ବାଇ' ଗୁପାମ୍ରେମ୍
(ଲୁକ 12:41–48)
45ମୁଇନ୍ଡା ଅବୁଦି ବଲ୍ବାଇ' ମାରି ବୁଦିବାଇ' ଗୁପାମ୍ରେମ୍ ଜା ଡ'ନା, ସାକାର୍ ଆମୁଇନ୍ଡା ଗୁପାମ୍ରେମ୍ ଜୁଲ'ସେକ୍ “ଅଁ'ଅଁ, କୁନା ଆପାଲ୍ ଗୁପାମ୍ରେମ୍ ଆଗୁଲାଇର ବେଲା ଜୁଲ'ସେକ୍ ସୁସୁମ୍ନା ବିବେ'ପୁଲେଇ ଡେନ୍ତା” ଡ'ସେକ୍ ଆଜା ଗୁଲାଇନା ବାଗ୍ବକ୍ ମୁନା'ରେମ୍ ଡ'ସେକ୍ ସିରେଲ' ବୁଂତ, ମାଇଉ । 46ଗୁତୁନ୍ ସାକାର୍ ଇ'ଡେଂକୁନୁଂବେଲା ମାଇ ଡୁ'ତୁନ୍ଉ ବଲ୍କାମ୍ ଡେମ'ସେକ୍ ଡୁକୁନୁଂ ଜୁଲ'ନା ଗୁତୁନ୍ ଗୁପାମ୍ରେମ୍ପୁଲେଇ ଅବୁଦି ବଲ୍ । 47ଗୁତୁନ୍ ସାକାର୍ ଆମାଇ ମାଇନା ଗୁଲାଇନା ବାଗ୍ବକ୍ ମୁନା'ରେମ୍ସୁଗ ବୁଂତ ଡ'ସେକ୍ ନିଂ ଆପେ ସତଇସା ସୁନ'ତିଂ । 48ମାତର୍ ଗୁତୁନ୍ ଗୁପାମ୍ରେମ୍ ଅଲିରାକ୍ବାଇ' ରେମ ଡ'ନା, “ନିଂନା ସାକାର୍ ସୁରୁଇ' ଆଇ'ତାବେ” ଡ'ସେକ୍ ମାଇନା ଜିବନ୍ବକ୍ ଏତ୍ସେକ୍, 49ମାଇବୁରଂ ଡୁକୁନୁଂ ଆପାଲ୍ ଗୁପାମ୍ରେମେ ଆଗୁଲାଇର ବୁଗ'ତିଲ'ସେକ୍ ବିନିରେମ୍ବୁରଂ ସୁସୁମ୍ଇ' ମୁଲାୟ'ନା, 50ମାଇନା ସାକାର୍ ଇମ୍ବ'ନ୍ ଦିନ୍ ମାରି ଆ'ଇବେଲା ଇ'ତା ଡ'ସେକ୍ ଗୁତୁନ୍ ଗୁପାମ୍ରେମ୍ ମମୁନାକ୍ ଡୁକୁନୁଂବେଲା ଗୁତୁନ୍ ସାକାର୍ ଇ'ତା । 51ମାଇ ଇକ୍ସେକ୍ ଆମାଇ ଅବୁଦି #24:51 ଆମାଇ ସେବ'ସେକ୍ ଦୁଇବାଗ୍ ଡେମ୍ତ ଡ'ସେକ୍ ଗିରିକ୍ ସାମ୍ବକ୍ ଲେକ୍ଲ'ତା । କସ୍ଟ ବେଡ'ସେକ୍ ନାଡାଇବାର୍ବାଇ'ରେମଲେବୁରଂ ମିସାୟ'ବେ'ତ । ଆତା ଉକ୍ସେ' ୱାଇସେକ୍ସେକ୍ ଗେନ୍ଡ୍ରେଇ'ସି ଗେନ୍ଡ୍ରେଇ'ବକ୍ସେକ୍ ଇସାଉ ଡୁତା ।
Currently Selected:
ମାତିଉ 24: BFW
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
ମାତିଉ 24
24
ମାପ୍ରୁନା ମନ୍ଦିର୍ବକ୍ ମାମା ଡେନ୍ତା ଡ'ସେକ୍ ଜିସୁଲା ସୁଁସୁଡେନ୍
(ମାର୍କ 13:1–2; ଲୁକ 21:5–6)
1ଜିସୁଲା ମନ୍ଦିର୍କୁରୁଂ ତୁର୍ସେକ୍ ଡୁଂଡୁଂବେଲା ମାଇନା ସିସ୍ୟଲେ ଗୁତୁନ୍ ମନ୍ଦିର୍ନା ଡିଂଅଁଲେ ଅ'ରଇଁୟ'କୁନୁଂ ଗୁଲାଇ ଆମାଇ ଅସୁଇ'ପୁଲେଇ ମାଇନ୍ବକ୍ ସା'ଗା' । 2ସା' ଜିସୁଲା ଆମା'ଏ ସୁନ', “କେନ୍ ଗୁଲାଇ ପେ ଜୁଲ'ତୁପେକି ଆରାକ୍? ପେ ଆ'ନା ଜୁଲ'କୁନୁଂ କେନ୍ ଗୁଲାଇ ମୁସିଂ ଟାଟେଉ ବିଲାୟ'ସୁଂତ । ସା' ଡିଂଅଁ ବଡ'କୁନୁଂ ବୁରେଲେ ଗୁଲାଇ ଲଗ୍ଉଇତା, ବୁରେଲେ ମୁଇସା ମାର୍ମୁଇ ବୁରେ ବାଗ୍ବକ୍ ଡୁକୁନୁଂ ପେ ମାରି ଜୁଜୁ ଆଗଂତୁପେ ଡ'ସେକ୍ ନିଂ ଆପେ ସତଇସା ସୁନ'ତିଂ” ଡ'ସେକ୍ ସୁନ' ।
ତିର୍ଗି'ସୁମଂ ମାମା ଡେନ୍ତା ଡ'ସେକ୍ ଜିସୁଲା ସୁଁସୁଡେନ୍
(ମାର୍କ 13:3–13; ଲୁକ 21:7–19)
3ମାରି ମାଇ ଜିତ କୁନ୍ଡା ବାଗ୍ବକ୍ ଲେଇ'କୁନୁଂବେଲା ଜାଏସା ପାଲ୍ ରେମଲେ ମଡୁକୁବେଲା ମାଇନା ସିସ୍ୟଲେ ମାଇନ୍ବକ୍ ସାକ୍ସେକ୍ ସୁନ' “କେନ୍ ଗୁଲାଇ ଇନ୍ଡ'ୟା ଡି'କେନା ଡେନ୍ତା? ନ ମାରି ଜୁଜର୍ନା ମାରି କେନ୍ ଦେସ୍ଦୁନିଆ ଗୁଲାଇ ବୁଡାଇବାର୍ନା ବେଲା ଡେଂଗା' ଡ'ସେକ୍ ମା ସିନ ଜୁଜୁ ଗଂତୁନେଇ? ନ ଆନେଇ ସୁଁ” ଡ'ସେକ୍ ସୁନ' ।
4ସା' ଜିସୁଲା ଆମା'ଏ ସୁନ', “ଜାଏସା ଆପେ ଆନାଡାଏଇ' ଡ'ସେକ୍ ପେ ସଇଗା ଡେଂସେକ୍ ଡୁକୁଲା । 5ମାସା'ଡ'ନା ନିଂଉ କିରିସ୍ଟଲା ଡ'ସେକ୍ ରେମଲେ ଅବୁଦିର ନିଂନା ଇମି ସୁନ'ସେକ୍ ପେନ୍ବକ୍ ସାପ୍ତା । ମା'ଏ ଡୁ'ତୁନା ଅବୁଦିରବକ୍ ନାଡାଇତ । 6ମାରି ଇନ୍ଡ୍ରିମ୍ ଡେଂକୁନୁଂ ପେ ଜୁତୁପେ ମାରି ପାଲ୍ ଆମ୍ବ' ଆମ୍ବ' ଇନ୍ଡ୍ରିମ୍ ଡେନ୍ତା ଡ'ସେକ୍ସା ପେ ଅଂତୁପେ । ମାତର୍ ଗୁତୁନ୍ ଗୁଲାଇ ଅଂଅଁ'ସେକ୍ସା ପେ ଆବୁତୁଂଗା' । ସତଇସା ଡି'କେନ୍ ଗୁଲାଇ ଡେଂନାଉ ଡେନ୍ତା ମାତର୍ ଆଇ'ତୁନ୍ବେଲା ରାଜି ବୁଡାଇବାର୍ନା ଆଇ'କୁ ଆଡେନ୍ତା ।” 7“ମୁଇ ଦେସ୍ନା ରେମଲେ ପାଲ୍ ଦେସ୍ନା ରେମଲେବୁରଂ ମାରି ମୁଇ ରାଜିନା ରେମଲେ ପାଲ୍ ରାଜିନା ରେମଲେବୁରଂ ରିମ୍ତ । ମାରି ଏନ୍ତୁକ୍ ଦେସ୍ବକ୍ ଆରେମଲେ ସୁସୁମ୍ଇ'ନା ଆବାମ୍ତା ଡେନ୍ତା ମାରି ଆମ୍ବ' ଆମ୍ବ' ଦର୍ତନି ଅବୁଦି ଲୁନ୍ଡୁର୍ତା । 8ମାତର୍ କେନ୍ ଗୁଲାଇ ଡେଂକୁନୁଂ ଜୁଲ'ନା ଆମୁଇନ୍ଡା ସେଲାନ୍ଲା ଜନମ୍ସି ମୁଲାଇବାର୍ବେଲା ମି ଡେନ୍ତା ଡୁ'ତୁନ୍ସୁଗଉ ଡୁତା ।”
9 #
ମାତିଉ 10:22
ଉନ୍ତା ରେମଲେ ଆପେ ଅବୁଦି କସ୍ଟ ବେଡ'ସେକ୍ ଅଗୁଇ'ପୁଲେଇ ଅସବ' ବେ'ତ । ମାରି ପେ ଆନିଂ ବିସ୍ବାସ୍ ଡେମ'ତୁପେସା' ଗୁଲାଇ ଜାତିନ୍ ରେମଲେ ଆପେ ଗୁମୁଇତ । 10ସା' ଆନିଂ ବିସ୍ବାସ୍ ଡେମ'କୁନୁଂ ରେମଲେ ଅବୁଦିର ଉନ୍ତା ଆନିଂ ଅନ୍ତୁର'ସେକ୍ ଡୁଂତା । ମା'ଏ ମା'ଏନ୍ ବିତ୍ରେଉ ଆଦାଇରେମେ ଅଅସୁଇ'ଆର୍ ବେ'ତ ମାରି ମା'ଏ ମା'ଏଉ ଅ'ଗୁମୁଇଆର୍ତା । 11ଉନ୍ତା ପଲୁ ସୁଁସୁବାଇ' ବାବବାଦିଲେ ଅବୁଦିର ତୁର୍ସେକ୍ ଅବୁଦିରବକ୍ ନାଡାଇତ । 12ମାରି ଅବୁଦି ଅବୁଦି ଅଲିରାକ୍ବାଇ' କାମ୍ ଡେମ'ସେକ୍ ରେମଲେ ଡୁତାସା' ଅବୁଦିର ଆଇ'ତୁନ୍ ଆଲାତ୍ ଆଡେମ୍ତ । 13#ମାତିଉ 10:22ମାତର୍ ଡି'କେନ୍ ଗୁଲାଇ ଡେଂନାସା ଗୁତୁନ୍ ଗୁଲାଇ କସ୍ଟ ଡୁନ୍ଡମ୍ପନ୍ତେକ୍ ଆଇଁଲ'ସେକ୍ ଜା ଡୁତା ଆମାଇ ମାପ୍ରୁ ରକ୍ୟା ଡେମ୍ତ । 14ମାରି ମାପ୍ରୁନ୍ ରାଜିନା କେନ୍ ବାନିକବର୍ ଗୁଲାଇ ଦେସ୍ଦୁନିଆବକ୍ ଉଇସେକ୍ ଗୁଲାଇର ଅଂପୁଲେଇ ସାକି ସୁନ୍ତ । ଗୁତୁନ୍ ତିର୍ଗି' ଡୁନନ୍ଡମ୍ ଦିନ୍ ସାପ୍ତା ।
ରେମଲେପୁଲେଇ ଅବୁଦି କସ୍ଟବାଇ' ମୁଇ ଦିନ୍ ସାପ୍ତା ଡ'ସେକ୍ ସୁଁସୁଡେନ୍
(ମାର୍କ 13:14–23; ଲୁକ 21:20–24)
15ଅବୁଦି ଅଲିରାକ୍ବାଇ' ମାରି ବୁତୁଂସୁପ୍ଡାକ୍ବାଇ'ନା ବିସୟ ଇନ୍ତେକନ୍ଡେକ୍ ଦାନିଏଲ୍ ଡ'କୁନୁଂ ମୁଇନ୍ଡା ବାବବାଦିଲା ସୁନ'କୁ । ସା' ମାଇ ସୁନ'କୁନୁଂ ଇମ୍ବ'ନା ଅବୁଦି ଅଲିରାକ୍ବାଇ' ଡୁତା ଗୁତୁନ୍ ସାକ୍ସେକ୍ ପବିତ୍ରବାଇ' ଜାଗାବକ୍ ତଂକୁନୁଂ ପେ ଜୁତୁପେ । (#24:15 (କେନ୍ ଲେକ୍ଲ'କୁନୁଂ ଜା ପଡ୍ତା ମାଇ କେନା ମା ଡ'ସେକ୍ ମାଗ' ଡୁକୁଡୁତା) ଡ'ସେକ୍ ଲେକ୍ଲ'କୁନୁଂ ମାତିଉଲା ନିଜେ ସୁନ'କୁନୁଂ ତୁମ' ମାଇ ଲେକ୍ଲ'ବୁଂଅଁ'ତା ।କେନ୍ ଲେକ୍ଲ'କୁନୁଂ ଜା ପଡ୍ତା ମାଇ କେନା ମା ଡ'ସେକ୍ ମାଗ' ଡୁକୁଡୁତା) । 16ଡି'କେନ୍ ଗୁଲାଇ ଡେଂକୁନୁଂ ପେ ଜୁଲ'କୁନୁଂବେଲା ମା ଡିନ୍ଡେମ୍ ଡୁତା ଡ'ନା, ଉନ୍ତା ଜିଉଦାବକ୍ ଡୁକୁନୁଂ ରେମଲେ କୁନ୍ଡାଲେବକ୍ ଉର' ଡାଏଇ' । 17#ଲୁକ 17:31#24:17 ଡିଂଅଁ ବାଗ୍ବକ୍ ଡୁକୁନୁଂ ରେମ ଡ'ସେକ୍ ଆକେ ସୁନ'କୁନୁଂ ମା ଡ'ନା, ଜିଉଦିରେମଲେ ଡିଂଅଁ ବାଗ୍ବକ୍ ଡାଇ'ସେକ୍ ଆତା ମାମା କାମ୍ ଡେମ'କୁ । ମାସା'ଡ'ନା ମା'ଏନ୍ ଡିଂଅଁଲେ ଡୁ'ତୁନ୍ଉ ସଲ୍ଦମ୍ ଅ'ରଇଁୟ'ବୁଂଅଁ'ତାସା' କାମ୍ ଡିନ୍ଡେମ୍ପୁଲେଇ ବଲ୍ ଡୁକୁ ।ଡିଂଅଁ ବାଗ୍ବକ୍ ଡୁକୁନୁଂ ରେମ ଜାଏସା ଜର୍ସେକ୍ ଡିଂଅଁ ବିତ୍ରେ ଡୁକୁନୁଂ ମାମା ଜୁଗ' ଅ'ତୁର୍ତିଂ ଡ'ସେକ୍ ଆଗାଏଇ' । 18ଜାଏସା ମୁଇନ୍ଡା ବୁରଂବକ୍ ଡୁକୁନା ନିଂ ଇକ୍ସେକ୍ ଇମ୍ପ' ଜୁଗ' ଅ'ତୁର୍ତିଂ ଡ'ସେକ୍ ଆଇଡେଇ' । 19ଆଇ'ତୁନ୍ବେଲା ଜାଜା ଅନ୍ତୁର'କୁନୁଂ ମାରି ଅଗ'କୁନୁଂବାଇ' ସେଲାନେ ଡୁତା ଡ'ନା ମା'ଏ ଅବୁଦି କସ୍ଟ ବାମ୍ତା । 20ମାତର୍ ପେ ଡୁ'ତୁନ୍ଉ ଉର' ଡୁଂଡୁଂନା ଦିନ୍ ଉନ୍ଡ୍ରଂବେଲା ଆରା'ଗେ ବିସ୍ରାମ୍ଦିନ୍ବକ୍ ମଡିନ୍ଡେମ୍ପୁଲେଇ ପେ ଆମାପ୍ରୁ ପାର୍ତନା ଡେମ୍ । 21#ଅସୁୟ'କୁନୁଂ 7:14ମାସା'ଡ'ନା କେନ୍ ଦେସ୍ଦୁନିଆ ଅ'ରଇଁବାଂସା' ଆ'ନ୍ପନ୍ତେକ୍ ମଡିନେମ୍ବାଇ' ମାରି ତିର୍ଗି'ସୁମଂ ଇନ୍ଡଇ'ଏସା ଡୁ'ତୁନ୍ବାଇ' ଆଡେନ୍ତା ଡୁ'ତୁନ୍ସୁଗବାଇ' ଅବୁଦି କସ୍ଟ ଉନ୍ତା ଡେନ୍ତା । 22ଡୁ'ତୁନ୍ ଡିନ୍ଡେମ୍ନା ଉନାଦିନ୍ ଡେଂନାଉ ଡେନ୍ତା ଆରାକ୍ନା ରେମଲେ ଜାଏସା ବୁରକ୍ସେକ୍ ଡୁକୁ ଆଗଂତା । ମାତର୍ ମାପ୍ରୁ ଆଜାଆଜା ସିରେଲ'ତା ଆମା'ଏ ଏତ୍ସେକ୍ ଡୁ'ତୁନ୍ ଡିନ୍ଡେମ୍ପୁଲେଇ ଅବୁଦି ଦିନ୍ ଆବୁଂତ । 23ଉନ୍ତା ଜାଏସା ଆପେ, “ଜୁ କିରିସ୍ଟଲା ଆକେ ଡୁତା” ଆରା'ଗେ “ଆତା ଡୁତା” ଡ'ସେକ୍ ସୁନ'ନା ପେ ବିସ୍ବାସ୍ ଆଡେମ' । 24ମାସା'ଡ'ନା ଉନ୍ତା ନିଂଉ କିରିସ୍ଟଲା ଡ'ସେକ୍ ମାରି ନିଂଉ ବାବବାଦିଲା ଡ'ସେକ୍ ଏନ୍ତୁକ୍ର ପଲୁ ସୁନ'ସେକ୍ ସାପ୍ତା ମାରି ଅବୁଦି ସିନଲେ ମାରି ଅବୁଦି କାବା ଡିନ୍ଡେମ୍ବାଇ' କାମ୍ ମା'ଏ ଡେମ' ଅସୁଇ'ତ । ଡୁ'ତୁନ୍ଉ ଅସୁୟ'ସେକ୍ ଆଜାଆଜା ମାପ୍ରୁ ନିଂନା ରେମ ଡ'ସେକ୍ ସିରେଲ' ବୁଂଅଁ'ତା ଆମା'ଏସା ନାଡାଇବାର୍ପୁଲେଇ ସେସ୍ଟା ଡେମ୍ତ । 25ଜୁ, ଡୁ'ତୁନ୍ଉ ଡିନ୍ଡେମ୍ ସିଁସେଇଁନୁକ୍ ନିଂ ଆପେ ଆ'ନା ସୁନ'ତିଂ, ସା' ପେ ବଲ୍ ଅଂଅଁ'କୁଲା ।
26 #
ଲୁକ 17:23,24 ଜାଏସା ଆପେ “ଜୁ, କିରିସ୍ଟଲା ଆତା ଟାଂରାବାଟାପାଦାବକ୍ ଡୁତା” ଡ'ସେକ୍ ଆପେ ସୁନ'ନା ପେ ଗୁତୁନ୍ ଅଂଅଁ'ସେକ୍ ଆତା ଆଉଇଗା'; ଆରା'ଗେ “ଜୁ, କିରିସ୍ଟଲା ଆକେ ବିତ୍ରେନ୍ ଡିଂଅଁବକ୍ ଡୁତା” ଡ'ସେକ୍ ସୁନ'ନା ଗୁତୁନ୍ ସତ୍ ଆଡିଗ' । 27ମାସା'ଡ'ନା ଅ'ତୁର୍ସିଂକୁରୁଂ ଉଂଲାଇ'ଡାଗ'କୁନୁଂ ଅଲୁକ୍ସିଂ ପନ୍ତେକ୍ ତାର୍କୁନୁଂ ଜୁଜୁ ଗଂକୁନୁଂସୁଗ, ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ଜୁଜର୍ବେଲା ଦର୍ତନିନ୍ ରେମଲେ ଗୁଲାଇର ଆମାଇ ଜୁଜୁ ଗଂତା । 28#ଲୁକ 17:37ମଟ୍ ଡୁକୁନୁଂବକ୍ ମଟ୍ ସୁସୁମ୍ନା ସାଗୁନା ଡ'କୁନୁଂ ପୁରି'ଡେ ରୁନ୍ତା ।
କିରିସ୍ଟଲା ଇନ୍ଡ'ୟା ଜର୍ତା
(ମାର୍କ 13:24–27; ଲୁକ 21:25–28)
29 #
ଅସୁୟ'କୁନୁଂ 6:12;
ଅସୁୟ'କୁନୁଂ 6:13
ଉନ୍ତା ମାମା କସ୍ଟ ଡେନ୍ତା ଗୁତୁନ୍ ଗୁଲାଇ ଡମ'ନା ତିର୍ଗି' ସିଂଇଁ କାଲ୍ୟାଲ' ଉଇତା । ଆର୍କେ ଆତାର୍ତା । ମୁମର୍ତ'ଗେ କି'ତୁଂକୁରୁଂ ଲକ୍ତା । ମାରି କି'ତୁଂବକ୍ ପାଲ୍ ମାମା ଡୁତା ଗୁତୁନ୍ ଗୁଲାଇ ଜୁଲ୍ତା । 30#ଅସୁୟ'କୁନୁଂ 1:7ଆଇ'ତୁନ୍ବେଲା, ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ସୁସାପ୍ଡେଂକୁନୁଂ ସିନ କି'ତୁଂବକ୍ ତୁନାତା । ଉନ୍ତା ଦର୍ତନିବକ୍ ଡୁକୁନୁଂ ଗୁଲାଇ କୁଲ୍ନା ରେମଲେ ଉକ୍ସେ'ତା, ମାରି ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ କି'ତୁଂନା ବାଦଲ୍ବୁରଂ ଅବୁଦି ବପୁବାଂସେକ୍ ଅବୁଦି #24:30 ତାର୍କିକ୍ସେକ୍ ଡ'ନା ମଇମା ବାଂସେକ୍ତାର୍କିକ୍ସେକ୍ ଜୁଜର୍ବକ୍ ମା'ଏ ଜୁତ । 31ମାରି ମାଇ ଆମାଇନା ଦୁତଲେ ଦର୍ତନିନା ଗୁଲାଇ କୁନ୍ଡା ବେନ୍ଟାଇତ । ସା' ମା'ଏ ପୁନେ' ଅବୁଦି ଡକ୍ତି'ତା ପେଡ'ସେକ୍ ଦେସ୍ଦୁନିଆନା ଗୁଲାଇ କୁନ୍ଡା ଉଇସେକ୍ ମାପ୍ରୁ ସିରେଲ' ବୁଂଅଁ'କୁନୁଂ ଆମାଇନା ରେମଲେ ମୁନ୍ଡକ୍ବକ୍ ରୁନ୍ଡାଇତ ।
ଆଲିଅଇ ସୁଲପ୍ ଜୁଲ'ନା ମାମା ମାଗ୍ମାକ୍ ଗଂତୁନେଇ'?
(ମାର୍କ 13:28–31; ଲୁକ 21:29–33)
32ଆଲିଅଇ ସୁଲପ୍ ଜୁଲ'ସେକ୍ ମାକ୍ । ମା ଡ'ନା ଗୁତୁନ୍ ସୁଲପ୍ନା କେନ୍ଡାଲେ ପୁ'ଡୁର୍ସେକ୍ ତିମେ ଉଲା'ଗେ ତୁର୍କୁନୁଂ ଜୁଲ'ନା ଞାଁ'ସିଂ ମୁଲାଇବାର୍ ଡେନ୍ତା ଡ'ସେକ୍ ପେ ମାକ୍ତୁପେ । 33ଡୁ'ତୁନ୍ସୁଗ କେନ୍ ଗୁଲାଇ ଡେଂକୁନୁଂ ଜୁଲ'ନା ଗୁତୁନ୍ ଇନ୍ତୁ ସା'ଗୁତା ମାରି ଅବୁଦି ଡେରି ଆଡେନ୍ତା ଡ'ସେକ୍ ପେ ମାକ୍ତୁପେ । 34କେନ୍ ଗୁଲାଇ ଡିନ୍ଡେମ୍ ପନ୍ତେକ୍ ଆ'ନା ଡୁକୁନୁଂ ଜୁଲିନା ରେମଲେ ଆଗୁଇ'ତା ଡ'ସେକ୍ ଆପେ ନିଂ ସତଇସା ସୁନ'ତିଂ । 35କି'ତୁଂ ମାରି ଦର୍ତନି ଗୁଲାଇ ବୁ'ଗ୍ ଉଇତା ମାତର୍ ନିଂ ସୁନ'କୁନୁଂ ତୁମ' ଇନ୍ଡଇ'ଏସା ଆବୁ'ତା ।
ଜିସୁଲା ସୁସାପ୍ନା ବେଲା ଜାଏସା ଆମାକ୍ତ
(ମାର୍କ 13:32–37; ଲୁକ 17:26–36)
36ଡୁ'ତୁନ୍ ଡିନ୍ଡେମ୍ନା ଦିନ୍ ମାରି ବେଲା ଇନ୍ଡ'ୟା ଡେନ୍ତା ଡ'ସେକ୍ ନିଂନା ବାଉ ମାଗ'ତା ମାରି ଜାଏସା ଆମାକ୍ତ, ସରଗ୍ନା ଦୁତଲେସା ମାରି ମାପ୍ରୁନା ଉଁ'ଉଁସା ଆମାକ୍ତ । 37ଇନ୍ତେକନ୍ଡେକ୍ ନଅଲା ଡୁକୁନୁଂବେଲା ମି ଡେଂଗା' ଡୁ'ତୁନ୍ସୁଗ ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ସୁସାପ୍ନା ବେଲାସା ଡେନ୍ତା । 38ମାସା'ଡ'ନା ଉନ୍ତା ଡାଗ୍ ବାଗ୍ବକ୍ ସୁସାପ୍ ସିଁସେଇଁ ରେମଲେ ଗୁଲାଇର ଅବୁଦି ସୁମ'ଇଡ'ସେକ୍ ମାରି ଇ'ପର୍ ୱାଇବୁଇ'ସେକ୍ ନଅଲା ଗୁତୁନ୍ ଡଂଗା ବିତ୍ରେ ଗୁଗାଇ ପନ୍ତେକ୍ ଡୁକୁଗା' । 39ଗୁତୁନ୍ ବୁଡାଲା ଡାଗ୍ ବାଗ୍ବକ୍ ଡାଇ'ସେକ୍ ଆମା'ଏ ଆଗୁଲାଇର ରିଂଅଁ' ଡୁଂଡୁଂ ପନ୍ତେକ୍ ମା ଡେନ୍ତା ଡ'ସେକ୍ ମା'ଏ ମମୁନାକ୍ ଡୁକୁ । ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ସୁସାପ୍ନା ବେଲାସା ଡୁ'ତୁନ୍ଉ ଡେନ୍ତା । 40ଉନ୍ତା ଇମ୍ବାୟ ଇଂଗେରେ ବୁରଂକାମ୍ ଡିନ୍ଡେମ୍ ଡେଂବୁଂତ । ଆମୁଇନ୍ଡା ରିଂଅଁ' ଉଇତା ଆମୁଇନ୍ଡା ଅଡକ୍ସୁଂଅଁ' ଡୁଂତା । 41ଇମ୍ବାୟ ସେଲାନ୍ପା ମୁନ୍ଡକ୍ବକ୍ ତଂତଂ ଡେଂବୁଂତ । ଆମୁଇନ୍ଡା ରିଂଅଁ' ଉଇତା, ଆମୁଇନ୍ଡା ଅଡକ୍ସୁଂଅଁ' ଡୁଂତା ।
42ଡୁ'ତୁନ୍ସା' ପେସା ସଇଗା ଡେଂସେକ୍ ଡୁକୁଲା! ମାସା'ଡ'ନା ପେନା ପ୍ରବୁଲା ଇମ୍ବ'ନ୍ ଦିନ୍ବକ୍ ସାପ୍ତା ଡ'ସେକ୍ ପେ ଆମାକ୍ତୁପେ । 43#ଲୁକ 12:39,40ଇନ୍ଡ'ୟା ଡୁଂଗା'ରେମ୍ ଡିଂଅଁବକ୍ ଗାଇତା ଡ'ସେକ୍ ଡିଂଅଁନା ସାକାର୍ ମାଗ'ନା ମାଇ ମଲେମ' ଜାଗ୍ଲ' ଲେଇ'ସେକ୍ ଆତୁନ୍ ଡୁଂଗା'ରେମ୍ ଡିଂଅଁ ବିତ୍ରେ ଗାଇସେକ୍ ଡୁଂଗାଲ' ଇନ୍ଡ୍ରିଂପୁଲେଇ ଆବେ'ତ ଡ'ସେକ୍ ପେ ମାଗ'ତୁପେ । 44ଡୁ'ତୁନ୍ଉ ପେ ମଏତ୍ବାର୍ ଡୁକୁନୁଂବେଲା ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁସା ସାପ୍ତାସା' ପେସା ସଇଗା ଡେଂସେକ୍ ଜାଗ୍ଲ'କୁଲା ।
ବଲ୍ବାଇ' ମାରି ଅଲିରାକ୍ବାଇ' ଗୁପାମ୍ରେମ୍
(ଲୁକ 12:41–48)
45ମୁଇନ୍ଡା ଅବୁଦି ବଲ୍ବାଇ' ମାରି ବୁଦିବାଇ' ଗୁପାମ୍ରେମ୍ ଜା ଡ'ନା, ସାକାର୍ ଆମୁଇନ୍ଡା ଗୁପାମ୍ରେମ୍ ଜୁଲ'ସେକ୍ “ଅଁ'ଅଁ, କୁନା ଆପାଲ୍ ଗୁପାମ୍ରେମ୍ ଆଗୁଲାଇର ବେଲା ଜୁଲ'ସେକ୍ ସୁସୁମ୍ନା ବିବେ'ପୁଲେଇ ଡେନ୍ତା” ଡ'ସେକ୍ ଆଜା ଗୁଲାଇନା ବାଗ୍ବକ୍ ମୁନା'ରେମ୍ ଡ'ସେକ୍ ସିରେଲ' ବୁଂତ, ମାଇଉ । 46ଗୁତୁନ୍ ସାକାର୍ ଇ'ଡେଂକୁନୁଂବେଲା ମାଇ ଡୁ'ତୁନ୍ଉ ବଲ୍କାମ୍ ଡେମ'ସେକ୍ ଡୁକୁନୁଂ ଜୁଲ'ନା ଗୁତୁନ୍ ଗୁପାମ୍ରେମ୍ପୁଲେଇ ଅବୁଦି ବଲ୍ । 47ଗୁତୁନ୍ ସାକାର୍ ଆମାଇ ମାଇନା ଗୁଲାଇନା ବାଗ୍ବକ୍ ମୁନା'ରେମ୍ସୁଗ ବୁଂତ ଡ'ସେକ୍ ନିଂ ଆପେ ସତଇସା ସୁନ'ତିଂ । 48ମାତର୍ ଗୁତୁନ୍ ଗୁପାମ୍ରେମ୍ ଅଲିରାକ୍ବାଇ' ରେମ ଡ'ନା, “ନିଂନା ସାକାର୍ ସୁରୁଇ' ଆଇ'ତାବେ” ଡ'ସେକ୍ ମାଇନା ଜିବନ୍ବକ୍ ଏତ୍ସେକ୍, 49ମାଇବୁରଂ ଡୁକୁନୁଂ ଆପାଲ୍ ଗୁପାମ୍ରେମେ ଆଗୁଲାଇର ବୁଗ'ତିଲ'ସେକ୍ ବିନିରେମ୍ବୁରଂ ସୁସୁମ୍ଇ' ମୁଲାୟ'ନା, 50ମାଇନା ସାକାର୍ ଇମ୍ବ'ନ୍ ଦିନ୍ ମାରି ଆ'ଇବେଲା ଇ'ତା ଡ'ସେକ୍ ଗୁତୁନ୍ ଗୁପାମ୍ରେମ୍ ମମୁନାକ୍ ଡୁକୁନୁଂବେଲା ଗୁତୁନ୍ ସାକାର୍ ଇ'ତା । 51ମାଇ ଇକ୍ସେକ୍ ଆମାଇ ଅବୁଦି #24:51 ଆମାଇ ସେବ'ସେକ୍ ଦୁଇବାଗ୍ ଡେମ୍ତ ଡ'ସେକ୍ ଗିରିକ୍ ସାମ୍ବକ୍ ଲେକ୍ଲ'ତା । କସ୍ଟ ବେଡ'ସେକ୍ ନାଡାଇବାର୍ବାଇ'ରେମଲେବୁରଂ ମିସାୟ'ବେ'ତ । ଆତା ଉକ୍ସେ' ୱାଇସେକ୍ସେକ୍ ଗେନ୍ଡ୍ରେଇ'ସି ଗେନ୍ଡ୍ରେଇ'ବକ୍ସେକ୍ ଇସାଉ ଡୁତା ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0