Sefaniya 3
3
Nzo nemangururo lyaJerusarema
1Jerusarema ana pu kumutokora, sitata esi sa zonauka sosihezuvhu asi hepeke vantu vaamwaso. 2Kapi asi purakene kwaHompa ndi asi si tambure nomukaro dendi. Kapi asi huguvara mwaHompa ndi asi si hundire ekwafo lyendi. 3Marenga gendi ngwendi vanyime vana kuura; vapanguli vendi ngwendi mambungu gonzara, gana fuku unene ga hana kusiga po nampili sisupa sokomungura. 4Vaporofete vaso wokudira kuvhura kuhugavara, awo yimpempa; vapristeli kunyateka yokupongoka, tava pengesa Veta zaKarunga morwauwa wavene. 5Nye Hompa simpe mweli mositata; age kurugana eyi ya hungama, narumwe si a rugana yepuko. Nkenye ngurangura age kuretera vantu vendi youhunga, kapi a dumwa. Nye vahahungami ava va kara mo, tava rugana ngorooro yoyidona va hana kufa nomuga.
6 Hompa ta tanta asi: “Nomuhoko nadinye na di komba mo; kwa hanagura yitata, yiyo na zungurura makuma nomaruhungu gawo. Yitata nomburundu dina kara; nonzira mawoko‐woko dina kara — nagumwe si ga hupa po. 7Ame kwa gazarere asi vantu vange ntani va fa nge ekuto va tambure nonkedi dange, hena asi ngava dire kudivara sirongwa esi na va ronga. Nye naruvali si, nare vana yipa moomu mwanare.”
8 Hompa ta tanta asi: “Ndindireni, ndindireni ezuva eli ngani zahuka ni pe usima nomuhoko. Na tokora kupongaika nomuhoko nomauntungi, asi ngava limonene udigu wehandu lyange. Evhu mudima ngali hanauka po komundiro gwehandu lyange lyenene.
9“Makura ntani nye ngani pirura vantu wonomuhoko, makura ngava kanderere nge nyamelike, kapisi vakarunga peke. Navenye ngava limburukwa kwange. 10Vantu vange ava va liharagana, ngava tunda nokoSudani kooku koure, va retere nge nonzambo. 11Posiruwo oso, one vantu vange kapi hena ngomu kara nonomuga asi mwa vyuka nge. Nkenye ogu a linenepeke ga litumba ngani mu gusa po, ano one kapi ngomu vyuka nge hena kondundugona zange zokupongoka. 12Ngani siga po vantu ava va linunupika wovasupi, ava ngava wiza kwange kekwafo. 13Vaisraeli ava ngava hupa po kapi ngava ruganena hena muntu udona, kapi ngava tanta yimpempa, ndi asi va heteke kukumbagera. Ngava ragopa tava wapa, va hana kutjira muntu.”
Rusumo rwehafo
14Dimbeni oku tomu zigire,
one mbunga zaIsraeli!
Hafa nomutjima nagunye,
ove Jerusarema!
15 Hompa ana hagesa po efutiso lyoge;
ana tundisa po nonkore doge nadinye.
Hompa, Mupangeli gwaIsraeli,
noge ana kara;
nayimwe si hena eyi no tjilira.
16Siruwo tasi wiza apa ngava
tantera Jerusarema asi:
“Wa ha tjira, ove sitata saSiyoni!
Mawoko goge wa ha ga tarerera
ga mye!
17 Hompa Karunga goge
noge ana kara;
nonkondo dendi tadi ku pe efundo.
Hompa nga ku hafera,
ano meharo lyendi age nga ku pa
ukaro woupe.
Age nga dimba ta ku hafere
18ruhafo ngwendi rovantu posipito.”
Hompa ta tanta asi:
“Na hageke malipiko gepanguro
nomuga doge na di gusa po.
19Siruwo tasi wiza!
Ame ngani futisa vahepeki veni;
ngani yoworora yirema,
ano nonkwate ngani di tengwida kwawo.
Nomuga dawo ngani di sinta
di kare efumano,
ano uzuni mudima ngau va tangauka.
20Siruwo tasi wiza!
Ame ngani tengwida vantu woge
ava va haragana kwawo;
ngani ku ninka o fumane
mwa za uzuni
makura ngani ku ragopeke hena.”
Hompa yige ana yi uyunga.
Currently Selected:
Sefaniya 3: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Sefaniya 3
3
Nzo nemangururo lyaJerusarema
1Jerusarema ana pu kumutokora, sitata esi sa zonauka sosihezuvhu asi hepeke vantu vaamwaso. 2Kapi asi purakene kwaHompa ndi asi si tambure nomukaro dendi. Kapi asi huguvara mwaHompa ndi asi si hundire ekwafo lyendi. 3Marenga gendi ngwendi vanyime vana kuura; vapanguli vendi ngwendi mambungu gonzara, gana fuku unene ga hana kusiga po nampili sisupa sokomungura. 4Vaporofete vaso wokudira kuvhura kuhugavara, awo yimpempa; vapristeli kunyateka yokupongoka, tava pengesa Veta zaKarunga morwauwa wavene. 5Nye Hompa simpe mweli mositata; age kurugana eyi ya hungama, narumwe si a rugana yepuko. Nkenye ngurangura age kuretera vantu vendi youhunga, kapi a dumwa. Nye vahahungami ava va kara mo, tava rugana ngorooro yoyidona va hana kufa nomuga.
6 Hompa ta tanta asi: “Nomuhoko nadinye na di komba mo; kwa hanagura yitata, yiyo na zungurura makuma nomaruhungu gawo. Yitata nomburundu dina kara; nonzira mawoko‐woko dina kara — nagumwe si ga hupa po. 7Ame kwa gazarere asi vantu vange ntani va fa nge ekuto va tambure nonkedi dange, hena asi ngava dire kudivara sirongwa esi na va ronga. Nye naruvali si, nare vana yipa moomu mwanare.”
8 Hompa ta tanta asi: “Ndindireni, ndindireni ezuva eli ngani zahuka ni pe usima nomuhoko. Na tokora kupongaika nomuhoko nomauntungi, asi ngava limonene udigu wehandu lyange. Evhu mudima ngali hanauka po komundiro gwehandu lyange lyenene.
9“Makura ntani nye ngani pirura vantu wonomuhoko, makura ngava kanderere nge nyamelike, kapisi vakarunga peke. Navenye ngava limburukwa kwange. 10Vantu vange ava va liharagana, ngava tunda nokoSudani kooku koure, va retere nge nonzambo. 11Posiruwo oso, one vantu vange kapi hena ngomu kara nonomuga asi mwa vyuka nge. Nkenye ogu a linenepeke ga litumba ngani mu gusa po, ano one kapi ngomu vyuka nge hena kondundugona zange zokupongoka. 12Ngani siga po vantu ava va linunupika wovasupi, ava ngava wiza kwange kekwafo. 13Vaisraeli ava ngava hupa po kapi ngava ruganena hena muntu udona, kapi ngava tanta yimpempa, ndi asi va heteke kukumbagera. Ngava ragopa tava wapa, va hana kutjira muntu.”
Rusumo rwehafo
14Dimbeni oku tomu zigire,
one mbunga zaIsraeli!
Hafa nomutjima nagunye,
ove Jerusarema!
15 Hompa ana hagesa po efutiso lyoge;
ana tundisa po nonkore doge nadinye.
Hompa, Mupangeli gwaIsraeli,
noge ana kara;
nayimwe si hena eyi no tjilira.
16Siruwo tasi wiza apa ngava
tantera Jerusarema asi:
“Wa ha tjira, ove sitata saSiyoni!
Mawoko goge wa ha ga tarerera
ga mye!
17 Hompa Karunga goge
noge ana kara;
nonkondo dendi tadi ku pe efundo.
Hompa nga ku hafera,
ano meharo lyendi age nga ku pa
ukaro woupe.
Age nga dimba ta ku hafere
18ruhafo ngwendi rovantu posipito.”
Hompa ta tanta asi:
“Na hageke malipiko gepanguro
nomuga doge na di gusa po.
19Siruwo tasi wiza!
Ame ngani futisa vahepeki veni;
ngani yoworora yirema,
ano nonkwate ngani di tengwida kwawo.
Nomuga dawo ngani di sinta
di kare efumano,
ano uzuni mudima ngau va tangauka.
20Siruwo tasi wiza!
Ame ngani tengwida vantu woge
ava va haragana kwawo;
ngani ku ninka o fumane
mwa za uzuni
makura ngani ku ragopeke hena.”
Hompa yige ana yi uyunga.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003