Sakaliya 3
3
Muporofete ta mono emoneko lyomupristeli gomunene
1Memoneko limwe Hompa kwa likidire nge mupristeli gomunene Josuwa, age kuna sikama komeho zomuengeli gwaHompa. Koruveki rwaJosuwa Satana ga sikamene ko asi a mu pe usima. 2Makura muengeli gwaHompa ta tantere Satana asi: “Hompa ngano ta ku pangura, Satana! Hompa ogu ga hara Jerusarema ngano ta ku pangura. Mugara ogu kwa fana sisindi va zokora momundiro.”
3Josuwa yipo ga sikamene, age kuna dwara yikoverero yokunyata. 4Muengeli makura ta tantere ava va sikamene pwendi asi: “Hutureni mugara ogu yikoverero yendi yokunyata eyi ana dwara.” Age ta tantere Josuwa asi: “Nonzo doge na di gusa po, tani ku pe yikoverero yoyipe o dware.”
5Age ta tantere ava va sikamene pwendi, va dwareke Josuwa sinsumbere sosizera komutwe gwendi. Awo makura tava yi rugana, tava mu dwareke yikoverero yoyipe, age muengeli gwaHompa kuna sikama.
6Muengeli makura ta tantere Josuwa 7eyi ga mu tanterere Hompa Munankondo nadinye, asi: “Ove nsene to limburukwa koyipango yange o sikise mo yirugana eyi na ku pangera, ngo twikira kukara nosinka nontembeli zange norugumbo rwazo. Ame ngani zuvha makanderero goge, moomu nina kuzuvha makanderero govaengeli ava vana kara kosipara sange. 8Purakena Josuwa, ove ogu mupristeli goMunene. None, vapristeli vakwawo, purakeneni one ava omu pumbu yokomeho: Ame ngani horora mukereli gwange gedina eli ‘Mutayi’. 9Ame tani tura emanya komeho zaJosuwa lyomafano goyipara yitano‐nayivali. Ame ngani tjokwera mo etjangwa. Ano nonzo dosirongo esi, ngani di gusa po ezuva lyangongo. 10Ezuva olyo apa ngali sika mo, nkenye ogu nga zigida munamaparambo gwendi a wize a ya zuvhe mbili negameno, eli lina kundurukida yikunino yeni yovhinyu neyi yoyitji yomaukuzu.”
Currently Selected:
Sakaliya 3: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Sakaliya 3
3
Muporofete ta mono emoneko lyomupristeli gomunene
1Memoneko limwe Hompa kwa likidire nge mupristeli gomunene Josuwa, age kuna sikama komeho zomuengeli gwaHompa. Koruveki rwaJosuwa Satana ga sikamene ko asi a mu pe usima. 2Makura muengeli gwaHompa ta tantere Satana asi: “Hompa ngano ta ku pangura, Satana! Hompa ogu ga hara Jerusarema ngano ta ku pangura. Mugara ogu kwa fana sisindi va zokora momundiro.”
3Josuwa yipo ga sikamene, age kuna dwara yikoverero yokunyata. 4Muengeli makura ta tantere ava va sikamene pwendi asi: “Hutureni mugara ogu yikoverero yendi yokunyata eyi ana dwara.” Age ta tantere Josuwa asi: “Nonzo doge na di gusa po, tani ku pe yikoverero yoyipe o dware.”
5Age ta tantere ava va sikamene pwendi, va dwareke Josuwa sinsumbere sosizera komutwe gwendi. Awo makura tava yi rugana, tava mu dwareke yikoverero yoyipe, age muengeli gwaHompa kuna sikama.
6Muengeli makura ta tantere Josuwa 7eyi ga mu tanterere Hompa Munankondo nadinye, asi: “Ove nsene to limburukwa koyipango yange o sikise mo yirugana eyi na ku pangera, ngo twikira kukara nosinka nontembeli zange norugumbo rwazo. Ame ngani zuvha makanderero goge, moomu nina kuzuvha makanderero govaengeli ava vana kara kosipara sange. 8Purakena Josuwa, ove ogu mupristeli goMunene. None, vapristeli vakwawo, purakeneni one ava omu pumbu yokomeho: Ame ngani horora mukereli gwange gedina eli ‘Mutayi’. 9Ame tani tura emanya komeho zaJosuwa lyomafano goyipara yitano‐nayivali. Ame ngani tjokwera mo etjangwa. Ano nonzo dosirongo esi, ngani di gusa po ezuva lyangongo. 10Ezuva olyo apa ngali sika mo, nkenye ogu nga zigida munamaparambo gwendi a wize a ya zuvhe mbili negameno, eli lina kundurukida yikunino yeni yovhinyu neyi yoyitji yomaukuzu.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003