Sakaliya 14
14
Jerusarema nonomuhoko
1Ezuva eli nga hingira Hompa a pangure, pepi lina kara. Makura Jerusarema ngava mu tuve, ano eyi ngava hakana ngava yi ligavera, one kuna kutara. 2Hompa nga pongaika nomuhoko nadinye kumwe, di rwise Jerusarema. Sitata ngava si kwata, mambo tava ga tuwu, ano vakadi tava va rara sinkwatere. Harufa zovantu ngazi za koupika, nye ezi harufa nkwawo ngazi kara moomo mositata. 3Makura Hompa ntani nye nga katuka a rwise nomuhoko odo, moomu nga ru nare. 4Posiruwo oso age nga sikama poNdundu zoMauzwe, koUpumezuva waJerusarema. Makura Ndundu zoMauzwe tazi gu gaununa muramba gomunene kutundilira koUpumezuva dogoro koUtokero. Harufa zimwe zondundu ngazi henyena koMuzogo, ano ezi nkwawo korwaMbindakano. 5Momuramba ogu ngagu gaununa ndundu pavali, yimo ngomu yomborokera nye. Ngomu duka ngwendi ozinyakurweni, apa lya kere ko ekankamo lyevhu pouye wahompa Usiya gwaJuda. Hompa Karunga gwange nga wiza kumwe novaengeli navenye.
6Siruwo oso nsene ngasi wiza, kapi ngapa kara hena mufu ndi ndau, 7nomundema nago si. Ngapa kara uzera welike nomasiku gaaga. Siruwo esi ngayi horoka eyi, Hompa gelike yige ana si diva.
8Ezuva olyo apa ngali sika mo, mema gomawa ngaga pupa ga tunde moJerusarema. Harufa zago zimwe ngazi za kEfuta lyoKufa, ano ezi zimwe kEfuta lyoPokatji. Ngaga pupa mvhura mudima, posiruwo soukukutu nesi sounengeni. 9Makura Hompa ta kara nye mupangeli gevhu nalinye; nkenye ogu nga mu tongamena ngaKarunga, ta mu diva hena kedina lyoolyo.
10Mukunda nagunye, kutundilira koGeba koMuzogo dogoro koLimoni koMbindakano, ngagu lyalyakana. Jerusarema nga litumba mo momavega aga ga mu kundurukida; sitata ngasi ka sika kErungavero lyemEkovhu kutundilira kErungavero lyaMbenyameni, oku kwa kere erungavero lyanare, ntani kutunda koruhungu rwaHananeli dogoro kosikameno sohompa sovhinyu. 11Vantu ngava kara mo katjakara kawo, kapi hena ngali va kungamena ehanauko.
12 Hompa nga reta ehamba lyedona konomuhoko nadinye edi da rwisa Jerusarema. Ngava wora awo simpe kuna kuhesera; meho nomaraka gawo ngaga wora.
13Posiruwo oso Hompa nga va piyaganeka unene, tava kara nowoma, makura tava lipirukire vene navene va lirwanese. 14Vagara womoJuda ngava rwa va popere Jerusarema. Yokukwata ngava gusa emona lyonomuhoko nadinye — ngorodo nosisiliveli noyikoverero yoyinzi‐yoyinzi.
15Ehamba lyedona ngali gwana hena nonkambe nononsino nonongameru noyindongili — yinamwenyo nayinye yomonokamba dononkore.
16Makura wokuhupa po navenye wonomuhoko edi da rwisire Jerusarema, ngava za ko nkenye mvhura va ka tongamene Hompa Munankondo nadinye oku tava ka dana Sipito soYikorogo. 17Nsene pa kara muhoko ogu, guna kunyoka kutongamena Hompa Munankondo nadinye, makura mvhura kapi tazi roko mo mosirongo sawo. 18Vaegipite nsene ngava nyoka kukadana Sipito soYikorogo, nawo ngano ngava va toona nehamba lyeeli nga tuma Hompa kwankenye muhoko ogu ngagu nyoka kuza ko. 19Eli yilyo efutiso eli ngali gwana Egipite nonomuhoko nadinye edi ngadi nyoka kudana Sipito soYikorogo.
20Posiruwo oso nokonongenzo dononkambe kooku ngava tjanga ko nonkango edi asi: “Kwa yi pongwera Hompa.” Tuyiga tokutereka montembeli ngatu pongoka ngwendi yiyaha yokosizambero. 21Nkenye kayiga kokutereka moJerusarema nomoJuda nazinye, ngava ka lipakera kokuruganesa mokutongamena Hompa Munankondo nadinye. Vantu wokuzamba nonzambo ngava tu ruganesa mokutereka mo nyama zononzambo. Siruwo oso apa ngasi wiza, montembeli zaHompa Munankondo nadinye kapi ngamu kara hena murandesi.
Currently Selected:
Sakaliya 14: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Sakaliya 14
14
Jerusarema nonomuhoko
1Ezuva eli nga hingira Hompa a pangure, pepi lina kara. Makura Jerusarema ngava mu tuve, ano eyi ngava hakana ngava yi ligavera, one kuna kutara. 2Hompa nga pongaika nomuhoko nadinye kumwe, di rwise Jerusarema. Sitata ngava si kwata, mambo tava ga tuwu, ano vakadi tava va rara sinkwatere. Harufa zovantu ngazi za koupika, nye ezi harufa nkwawo ngazi kara moomo mositata. 3Makura Hompa ntani nye nga katuka a rwise nomuhoko odo, moomu nga ru nare. 4Posiruwo oso age nga sikama poNdundu zoMauzwe, koUpumezuva waJerusarema. Makura Ndundu zoMauzwe tazi gu gaununa muramba gomunene kutundilira koUpumezuva dogoro koUtokero. Harufa zimwe zondundu ngazi henyena koMuzogo, ano ezi nkwawo korwaMbindakano. 5Momuramba ogu ngagu gaununa ndundu pavali, yimo ngomu yomborokera nye. Ngomu duka ngwendi ozinyakurweni, apa lya kere ko ekankamo lyevhu pouye wahompa Usiya gwaJuda. Hompa Karunga gwange nga wiza kumwe novaengeli navenye.
6Siruwo oso nsene ngasi wiza, kapi ngapa kara hena mufu ndi ndau, 7nomundema nago si. Ngapa kara uzera welike nomasiku gaaga. Siruwo esi ngayi horoka eyi, Hompa gelike yige ana si diva.
8Ezuva olyo apa ngali sika mo, mema gomawa ngaga pupa ga tunde moJerusarema. Harufa zago zimwe ngazi za kEfuta lyoKufa, ano ezi zimwe kEfuta lyoPokatji. Ngaga pupa mvhura mudima, posiruwo soukukutu nesi sounengeni. 9Makura Hompa ta kara nye mupangeli gevhu nalinye; nkenye ogu nga mu tongamena ngaKarunga, ta mu diva hena kedina lyoolyo.
10Mukunda nagunye, kutundilira koGeba koMuzogo dogoro koLimoni koMbindakano, ngagu lyalyakana. Jerusarema nga litumba mo momavega aga ga mu kundurukida; sitata ngasi ka sika kErungavero lyemEkovhu kutundilira kErungavero lyaMbenyameni, oku kwa kere erungavero lyanare, ntani kutunda koruhungu rwaHananeli dogoro kosikameno sohompa sovhinyu. 11Vantu ngava kara mo katjakara kawo, kapi hena ngali va kungamena ehanauko.
12 Hompa nga reta ehamba lyedona konomuhoko nadinye edi da rwisa Jerusarema. Ngava wora awo simpe kuna kuhesera; meho nomaraka gawo ngaga wora.
13Posiruwo oso Hompa nga va piyaganeka unene, tava kara nowoma, makura tava lipirukire vene navene va lirwanese. 14Vagara womoJuda ngava rwa va popere Jerusarema. Yokukwata ngava gusa emona lyonomuhoko nadinye — ngorodo nosisiliveli noyikoverero yoyinzi‐yoyinzi.
15Ehamba lyedona ngali gwana hena nonkambe nononsino nonongameru noyindongili — yinamwenyo nayinye yomonokamba dononkore.
16Makura wokuhupa po navenye wonomuhoko edi da rwisire Jerusarema, ngava za ko nkenye mvhura va ka tongamene Hompa Munankondo nadinye oku tava ka dana Sipito soYikorogo. 17Nsene pa kara muhoko ogu, guna kunyoka kutongamena Hompa Munankondo nadinye, makura mvhura kapi tazi roko mo mosirongo sawo. 18Vaegipite nsene ngava nyoka kukadana Sipito soYikorogo, nawo ngano ngava va toona nehamba lyeeli nga tuma Hompa kwankenye muhoko ogu ngagu nyoka kuza ko. 19Eli yilyo efutiso eli ngali gwana Egipite nonomuhoko nadinye edi ngadi nyoka kudana Sipito soYikorogo.
20Posiruwo oso nokonongenzo dononkambe kooku ngava tjanga ko nonkango edi asi: “Kwa yi pongwera Hompa.” Tuyiga tokutereka montembeli ngatu pongoka ngwendi yiyaha yokosizambero. 21Nkenye kayiga kokutereka moJerusarema nomoJuda nazinye, ngava ka lipakera kokuruganesa mokutongamena Hompa Munankondo nadinye. Vantu wokuzamba nonzambo ngava tu ruganesa mokutereka mo nyama zononzambo. Siruwo oso apa ngasi wiza, montembeli zaHompa Munankondo nadinye kapi ngamu kara hena murandesi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003