RUSUMO 2
2
1Ame mbya zomowiza tupu
waSaroni, karugotogoto
momuramba gomomburundu.
Mugara:
2Moomu azi fana mbya
zakarugotogoto mokatji komega,
yimo ga kara muholi zange
mokatji kovakadi.
Mukadi:
3Moomu asi kara sitji senyango
mokatji koyikwawo mowiza,
yimo ngorooro ga fana
ogu na hara unene
mokumuheteka novagara vapeke.
Ame kwa hara kuhingira
momundwire gwaso,
ano enyango lyaso kwa tovarera nge.
4Age kutwara nge konzugo zendi zosipito,
makura ta zerura erembe lyendi
lyeharo kontunda zange.
5Koreka nge nomandjembere gomakukutu
ove o tendeke nge noyiapere!
Yeeyi ame kuna kuvera morwa‐eharo.
6Kuwoko kwendi korumoho
kuna kara konhi zomutwe gwange
ano oku kokorulyo
taku firura nge.
7Tumbwidireni nge, one vakadi vaJerusarema;
ganeni komenye ezi azi genderere
nokovampunza womowiza
asi kapi ngomu tanganesa eharo lyetu.
Rusumo rwauvali
Mukadi:
8Ame kuna kuzuvha ezwi lyogu
na hara.
Age kuna kuwiza ta duka
konondundu, a vindakane
nondundugona a vyuke kwange.
9Ogu na hara kwa fana ngwendi mpunza
ngwendi horongo zondinkantu.
Age kuna sikama poyiha yekuma.
Age kuzunzira mekende
ta monene mevero.
10Ogu na hara kuuyungisa nge.
Mugara:
Ogu na hara wiza oku,
muharwa gwange, ya tu ya ze name.
11Kufu kuna piti, ano mvhura zina seka;
12nombya dina horoka mosanzara.
Esi yiso siruwo sokudimba,
rusumo rononkutji
kuna kuzuvhika momapya.
13Ekuzu kuna kutameka kupya;
yindjembere yokutemuna kuna
kugava edumba lyewa mompepo.
Ogu na hara, wiza oku;
muholi zange, ya tu ya ze name.
14Ove kwa fana nkutji ezi
azi vanda mekombombo lyemanya.
Siga nge ni tare sipara soge sosiwa
ni zuvhe ezwi lyoge lyokunzengena.
15Tu kwatera vambanze novambanzegona,
siruwo esi vana dili kuzonagura
sikunino setu
soyindjembere esi sina kutemuna.
Mukadi:
16Ogu na hara gwange,
ame hena gwendi.
Age kuparwira siunda sendi
monombya dakarugotogoto,
17dogoro nongura tadi taura,
ano nodovera tazi dongonoka po.
Ogu na hara, tengura
ngwendi mpunza nohorongo
konondundu daBetere.
Currently Selected:
RUSUMO 2: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
RUSUMO 2
2
1Ame mbya zomowiza tupu
waSaroni, karugotogoto
momuramba gomomburundu.
Mugara:
2Moomu azi fana mbya
zakarugotogoto mokatji komega,
yimo ga kara muholi zange
mokatji kovakadi.
Mukadi:
3Moomu asi kara sitji senyango
mokatji koyikwawo mowiza,
yimo ngorooro ga fana
ogu na hara unene
mokumuheteka novagara vapeke.
Ame kwa hara kuhingira
momundwire gwaso,
ano enyango lyaso kwa tovarera nge.
4Age kutwara nge konzugo zendi zosipito,
makura ta zerura erembe lyendi
lyeharo kontunda zange.
5Koreka nge nomandjembere gomakukutu
ove o tendeke nge noyiapere!
Yeeyi ame kuna kuvera morwa‐eharo.
6Kuwoko kwendi korumoho
kuna kara konhi zomutwe gwange
ano oku kokorulyo
taku firura nge.
7Tumbwidireni nge, one vakadi vaJerusarema;
ganeni komenye ezi azi genderere
nokovampunza womowiza
asi kapi ngomu tanganesa eharo lyetu.
Rusumo rwauvali
Mukadi:
8Ame kuna kuzuvha ezwi lyogu
na hara.
Age kuna kuwiza ta duka
konondundu, a vindakane
nondundugona a vyuke kwange.
9Ogu na hara kwa fana ngwendi mpunza
ngwendi horongo zondinkantu.
Age kuna sikama poyiha yekuma.
Age kuzunzira mekende
ta monene mevero.
10Ogu na hara kuuyungisa nge.
Mugara:
Ogu na hara wiza oku,
muharwa gwange, ya tu ya ze name.
11Kufu kuna piti, ano mvhura zina seka;
12nombya dina horoka mosanzara.
Esi yiso siruwo sokudimba,
rusumo rononkutji
kuna kuzuvhika momapya.
13Ekuzu kuna kutameka kupya;
yindjembere yokutemuna kuna
kugava edumba lyewa mompepo.
Ogu na hara, wiza oku;
muholi zange, ya tu ya ze name.
14Ove kwa fana nkutji ezi
azi vanda mekombombo lyemanya.
Siga nge ni tare sipara soge sosiwa
ni zuvhe ezwi lyoge lyokunzengena.
15Tu kwatera vambanze novambanzegona,
siruwo esi vana dili kuzonagura
sikunino setu
soyindjembere esi sina kutemuna.
Mukadi:
16Ogu na hara gwange,
ame hena gwendi.
Age kuparwira siunda sendi
monombya dakarugotogoto,
17dogoro nongura tadi taura,
ano nodovera tazi dongonoka po.
Ogu na hara, tengura
ngwendi mpunza nohorongo
konondundu daBetere.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003