YISEWE 8
8
Etango lyounongo
1Purakeneni! Unongo kuna kuzigida.
Nondunge kuna kulizuvhikisa dene.
2Awo kuna sikama pondungu
zonondundu pepi nonzira noponompangwanzira.
3Pevero lyositata,
kesinya oku lyomarungavero,
kuna kuzigira asi:
4“Ame kuna kumulihorwera,
one vantu;
kuna kuzigira nkenye ogu
ga kara konauzuni.
5One vasima ndi? Lirongeni mayere.
One magova ndi? Lirongeni elizuvho.
6Purakeneni kononkango dange
donongwa unene;
nayinye eyi nina kumutantera youhunga.
7Eyi nina kutanta yosili;
yimpempa kapi na yi hara.
8Nayinye eyi ani tanta yosili;
patupu ya hana mulyo
ndi yokupukisa.
9Kogu gonondunge, nayinye
ya zera;
kwava vediwo nayinye kwa nyuka.
10Horoworeni mpangera zange
pevega lyosisiliveli;
horoworeni ediwo kupitakana
ngorodo zene‐zene.
11“Ame nyame unongo, ame na
pitakana mamanya gondiro;
kutupu eyi wa hara yokuheteka pwange.
12Ame nyame unongo, ano ame
kwa kara nomayere;
ame kwa kara nediwo nepanguro
lya hungama.
13Kufumadeka Hompa
yiko kunyenga udona;
ame kwa nyenga elinenepeko nelitumbo,
nonzira donondona
nononkango doyimpempa.
14Ame kukara nomagazaro
tani ga sikisa mo.
Ame kwa kara nonondunge,
ame hena nonkondo.
15Ame nyame ani kwafa ohompa
mokupangera novapangeli
mokurugana noveta donongwa.
16Nkenye mupangeli konauzuni
kupangera nekwafo lyange
vanaVeta novanamadina ngosikwawo.
17Ame kwa hara ava va hara nge;
nkenye ogu a papara nge
ta gwana nge.
18Ame kwa kara noungawo
nefumano lyokugava,
noruyiga nerago.
19Yokugwana kwange ya pitakana
ngorodo zene‐zene,
ya pitakana sisiliveli sene‐sene.
20Ame kugenda monzira zouhungami;
kukwama nonzira douhunga,
21tani pe ugawo ava va hara nge,
tani zwida mambo gawo emona.
22“Hompa nyame ga hoverera
kusita kwanayinye,
gomuhoverera koyirugana
yendi, pwanare‐nare.
23Ame kwa rugene nge petameko?-?tameko,
pomuhoverera, awo uzuni
simpe patupu.
24Ame kwa hampuruka nge
ago mafuta patupu,
ago marunone gomema
simpe patupu.
25Ame nyame va hova kuhampuruka konondundu,
ayo yindundu simpe
nokuyitura si pomavega,
26age Karunga simpe nokurugana
si evhu nomapya galyo
ndi nampili kavhu kokuzura
kuwoko komuhowo.
27Ame yipo na kere apa ga tulire
po eguru pevega lyalyo,
apa ga sundire nomusunda kefuta,
28apa ga tulire ko maremo keguru,
apa ga patwilire marunone gefuta
29a pangere mema gefuta asi
ga ha pitakana po apa ga tanta.
Yipo na kere apa ga tulire po
matateko gevhu.
30Ame ponyonga na kere ngonkurungu,
ame kwa kere ntundiliro zankenye
ezuva, zoruhafo rwendi,
tani pembura nkenye apa
komeho zendi —
31tani pembura kumwe nouzuni,
tani hafa kumwe norudi rovantu.
32“Ano vadinkantu, purakeneni nge.
Omu rugane moomu nina kutanta,
makura ngomu ragope.
33Omu purakene kweyi ava mu rongo.
Gwaneni unongo; mwa ha u zumba.
34Mugara ogu a purakene nge
nga kara nerago —
mugara ogu a kara nkenye ezuva
pevero lyonzugo zange,
a ndindire pevero lyembo lyange.
35Mugara ogu a gwana nge
kugwana mwenyo,
ano Hompa nage nga mu hafera.
36Ano ogu ana kudira kugwana
nge, mwene ana kulizonagwira
ukaro wendi;
nkenye ogu ga nyenga nge
nomfa ga hara.”
Currently Selected:
YISEWE 8: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
YISEWE 8
8
Etango lyounongo
1Purakeneni! Unongo kuna kuzigida.
Nondunge kuna kulizuvhikisa dene.
2Awo kuna sikama pondungu
zonondundu pepi nonzira noponompangwanzira.
3Pevero lyositata,
kesinya oku lyomarungavero,
kuna kuzigira asi:
4“Ame kuna kumulihorwera,
one vantu;
kuna kuzigira nkenye ogu
ga kara konauzuni.
5One vasima ndi? Lirongeni mayere.
One magova ndi? Lirongeni elizuvho.
6Purakeneni kononkango dange
donongwa unene;
nayinye eyi nina kumutantera youhunga.
7Eyi nina kutanta yosili;
yimpempa kapi na yi hara.
8Nayinye eyi ani tanta yosili;
patupu ya hana mulyo
ndi yokupukisa.
9Kogu gonondunge, nayinye
ya zera;
kwava vediwo nayinye kwa nyuka.
10Horoworeni mpangera zange
pevega lyosisiliveli;
horoworeni ediwo kupitakana
ngorodo zene‐zene.
11“Ame nyame unongo, ame na
pitakana mamanya gondiro;
kutupu eyi wa hara yokuheteka pwange.
12Ame nyame unongo, ano ame
kwa kara nomayere;
ame kwa kara nediwo nepanguro
lya hungama.
13Kufumadeka Hompa
yiko kunyenga udona;
ame kwa nyenga elinenepeko nelitumbo,
nonzira donondona
nononkango doyimpempa.
14Ame kukara nomagazaro
tani ga sikisa mo.
Ame kwa kara nonondunge,
ame hena nonkondo.
15Ame nyame ani kwafa ohompa
mokupangera novapangeli
mokurugana noveta donongwa.
16Nkenye mupangeli konauzuni
kupangera nekwafo lyange
vanaVeta novanamadina ngosikwawo.
17Ame kwa hara ava va hara nge;
nkenye ogu a papara nge
ta gwana nge.
18Ame kwa kara noungawo
nefumano lyokugava,
noruyiga nerago.
19Yokugwana kwange ya pitakana
ngorodo zene‐zene,
ya pitakana sisiliveli sene‐sene.
20Ame kugenda monzira zouhungami;
kukwama nonzira douhunga,
21tani pe ugawo ava va hara nge,
tani zwida mambo gawo emona.
22“Hompa nyame ga hoverera
kusita kwanayinye,
gomuhoverera koyirugana
yendi, pwanare‐nare.
23Ame kwa rugene nge petameko?-?tameko,
pomuhoverera, awo uzuni
simpe patupu.
24Ame kwa hampuruka nge
ago mafuta patupu,
ago marunone gomema
simpe patupu.
25Ame nyame va hova kuhampuruka konondundu,
ayo yindundu simpe
nokuyitura si pomavega,
26age Karunga simpe nokurugana
si evhu nomapya galyo
ndi nampili kavhu kokuzura
kuwoko komuhowo.
27Ame yipo na kere apa ga tulire
po eguru pevega lyalyo,
apa ga sundire nomusunda kefuta,
28apa ga tulire ko maremo keguru,
apa ga patwilire marunone gefuta
29a pangere mema gefuta asi
ga ha pitakana po apa ga tanta.
Yipo na kere apa ga tulire po
matateko gevhu.
30Ame ponyonga na kere ngonkurungu,
ame kwa kere ntundiliro zankenye
ezuva, zoruhafo rwendi,
tani pembura nkenye apa
komeho zendi —
31tani pembura kumwe nouzuni,
tani hafa kumwe norudi rovantu.
32“Ano vadinkantu, purakeneni nge.
Omu rugane moomu nina kutanta,
makura ngomu ragope.
33Omu purakene kweyi ava mu rongo.
Gwaneni unongo; mwa ha u zumba.
34Mugara ogu a purakene nge
nga kara nerago —
mugara ogu a kara nkenye ezuva
pevero lyonzugo zange,
a ndindire pevero lyembo lyange.
35Mugara ogu a gwana nge
kugwana mwenyo,
ano Hompa nage nga mu hafera.
36Ano ogu ana kudira kugwana
nge, mwene ana kulizonagwira
ukaro wendi;
nkenye ogu ga nyenga nge
nomfa ga hara.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003