YISEWE 31
31
Epukururo lyakwahompa Remuweli
1Edi yido nonkango depukururo kwaRemuweli edi va mu tanterere ozina:
2“Ove o munwange gwanyamwange gokuhara gelimbururo lyomakanderero gange. Yinke ngano nani ku tantera? 3Wa ha gava nonkondo doge nadinye noyimaliva yoge nayinye kovakadi. Awo va zonagura po ohompa.
4Remuweli, purakena, ohompa nokuhepa si kunwa vhinyu ndi asi va diworoke yikorwesa. 5Nsene tava nu, awo kudivara noveta, kapi ava pakere mbili vanaruhepo. 6Yikorwesa yovantu ava vana kufa, vana kara moyihuna yoyinene. 7Va siga va nwe, divara ruhepo rwawo noruhodi rwawo.
8Popera vantu ava ava dili kuvhuma kulipopera vene. Gamena untu wanavenye ava vana kara va hana sirugana. 9Va uyungira mo, ove o kare mupanguli gouhunga. Gamena untu wonohepwe nava vana hepa yuma.”
Mutango gomukadi gomuwa
10Ee, udigugona mokugwana mukadi‐kadi! Yeeyi efumano lyendi lya pitakana tumanya tondiro.
11Mutjima gwayendi gwa mu huguvara, age kapi nga kara hepere nampili rumwe.
12Age kuruganena yendi uwa kapisi udona, moukaro wendi naunye.
13Age kupapara nohuki dononzwi nonondogi dolina, ta viyauka nomawoko gendi neharo.
14Age kukahara nondya dendi koure, ngwendi yikepa yomurandesi.
15Age kupinduka ako hakwa sovagenena, a pe vepata lyendi nondya, ta tantere vakareli vendi eyi nava rugana.
16Age kupapara sirwa, makura ta si randa, noyimaliva yomawoko gendi ta tapeke yindjembere.
17Age murugani gomudameki, a koreke mawoko gendi.
18Age ga diva mulyo gwankenye esi ana kurugana. Age kurugana dogoro kangurovedi.
19Age kupoha nongodi damwene, ta tungu yidwara yendi.
20Yikandeko yendi kugonwena vatokere nomawoko gendi kovanaruhepo.
21Age kutupu sinka sava vepata lyendi kombinga zoyiterengenze, morwa vetapa lyendi navenye kudwara yonohuki dononzwi donongeha.
22Age kulitungira mwene yokulikudumika, kudwara hema zolina zokurerema.
23Yendi kwa divikwa unene, age esimbi limwe lyosirongo.
24Age kurugana yikoverero yolina nomaliva, makura ta yi randesa kovarandesi.
25Age munankondo nomunekuto, kapi a tjira yokomeho.
26Kana kendi kukazahwira nonkango donondunge.
27Age kuviyauka narunye, ta fire sinka epata lyendi eyi lina hepa.
28Vana vendi wovamati kukatuka, tava mu tanga asi munerago. Nayendi nage kumufumadeka asi:
29“Sinzi sovakadi vawa, nye ove wa va pita navenye.”
30Meho gomanene kukumbagera, ano ewapo lyorutu kozonauka po. Nye mukadi ogu a tjira Hompa yige va fira kutanga!
31Mu peni ko eyi ga rugana, age kwa liruganena efumadeko kwankenye muntu.
Currently Selected:
YISEWE 31: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
YISEWE 31
31
Epukururo lyakwahompa Remuweli
1Edi yido nonkango depukururo kwaRemuweli edi va mu tanterere ozina:
2“Ove o munwange gwanyamwange gokuhara gelimbururo lyomakanderero gange. Yinke ngano nani ku tantera? 3Wa ha gava nonkondo doge nadinye noyimaliva yoge nayinye kovakadi. Awo va zonagura po ohompa.
4Remuweli, purakena, ohompa nokuhepa si kunwa vhinyu ndi asi va diworoke yikorwesa. 5Nsene tava nu, awo kudivara noveta, kapi ava pakere mbili vanaruhepo. 6Yikorwesa yovantu ava vana kufa, vana kara moyihuna yoyinene. 7Va siga va nwe, divara ruhepo rwawo noruhodi rwawo.
8Popera vantu ava ava dili kuvhuma kulipopera vene. Gamena untu wanavenye ava vana kara va hana sirugana. 9Va uyungira mo, ove o kare mupanguli gouhunga. Gamena untu wonohepwe nava vana hepa yuma.”
Mutango gomukadi gomuwa
10Ee, udigugona mokugwana mukadi‐kadi! Yeeyi efumano lyendi lya pitakana tumanya tondiro.
11Mutjima gwayendi gwa mu huguvara, age kapi nga kara hepere nampili rumwe.
12Age kuruganena yendi uwa kapisi udona, moukaro wendi naunye.
13Age kupapara nohuki dononzwi nonondogi dolina, ta viyauka nomawoko gendi neharo.
14Age kukahara nondya dendi koure, ngwendi yikepa yomurandesi.
15Age kupinduka ako hakwa sovagenena, a pe vepata lyendi nondya, ta tantere vakareli vendi eyi nava rugana.
16Age kupapara sirwa, makura ta si randa, noyimaliva yomawoko gendi ta tapeke yindjembere.
17Age murugani gomudameki, a koreke mawoko gendi.
18Age ga diva mulyo gwankenye esi ana kurugana. Age kurugana dogoro kangurovedi.
19Age kupoha nongodi damwene, ta tungu yidwara yendi.
20Yikandeko yendi kugonwena vatokere nomawoko gendi kovanaruhepo.
21Age kutupu sinka sava vepata lyendi kombinga zoyiterengenze, morwa vetapa lyendi navenye kudwara yonohuki dononzwi donongeha.
22Age kulitungira mwene yokulikudumika, kudwara hema zolina zokurerema.
23Yendi kwa divikwa unene, age esimbi limwe lyosirongo.
24Age kurugana yikoverero yolina nomaliva, makura ta yi randesa kovarandesi.
25Age munankondo nomunekuto, kapi a tjira yokomeho.
26Kana kendi kukazahwira nonkango donondunge.
27Age kuviyauka narunye, ta fire sinka epata lyendi eyi lina hepa.
28Vana vendi wovamati kukatuka, tava mu tanga asi munerago. Nayendi nage kumufumadeka asi:
29“Sinzi sovakadi vawa, nye ove wa va pita navenye.”
30Meho gomanene kukumbagera, ano ewapo lyorutu kozonauka po. Nye mukadi ogu a tjira Hompa yige va fira kutanga!
31Mu peni ko eyi ga rugana, age kwa liruganena efumadeko kwankenye muntu.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003