YISEWE 14
14
1Mambo kwa ga tunga nounongo wovakadi, nye vagova vana ga haraganesa po.
2Kara mousili o moneke asi ove kulimburukwa kwaHompa, nye nsene to kara muhalimburukwi to moneka asi ove kapi o limburukwa.
3Elitumbo lyegova kumuninkisa a uyunge dononzi, nye nonkango domunongo kumugamena.
4Nohove nsene kapi tadi koko sipururu soge, sihete soge tasi kara mawoko‐woko, nye nsene ono kara nado, sihete soge tasi zura mahangu.
5Ndipo zokuhuguvara narunye kuuyunga usili, nye ezi ava dili kuhuguvara kapi azi uyunga yapeke, ya hasi yimpempa yelike.
6-7Vasensi kapi ava ninki vanongo nampili nakauke, nye vanandunge kulironga noureru.
8Muntu gonondunge yinke ga karera nounongo? Yeeyi asi age ga diva eyi ana kurugana. Muntu goupote yinke ga govarera? Yeeyi age kugazara yeeyi ga diva yelike.
9Vantu wovagova nombili si nampili awo vana zono, nye vantu wovawa, awo kuhara va di va dongwenene po.
10Ehafo lyaamoge, ano u kare udigu nawo waamoge. Nagumwe si ogu a vhuru kuukukwatesa ko.
11Embo lyomuntu gomuwa ngali sikama, nye lyogu gomudona ngava li haraganesa po.
12Ezi ono kugazara asi nzira zouhunga, kuvhura zi tware konomfa.
13Kuzora kuvhura ku horeke ruhodi. Ano ehafo nsene lina piti po, ruhodi makura taru patukire po.
14Vantu wovadona kugwana eyi ava liruganene. Ano ava wovawa ngava va futa payirugana yawo.
15Mugova kupura nkenye eyi, nye vanandunge kutakameesa nontambo dawo.
16Vantu wounongo kudimburura udona, tava u linapa, nye varengauki kutupu sinka, kurugana nkenye omu.
17Vantu ava ava handuka usimbu, kurugana yininke yougova, nye vanongo kumwena teete.
18Vantu wovahesi kugwana eyi ava rugana mougova wawo, nye vanandunge kuvafuta panondunge.
19Vantu wovadona yiwo kutongamena vahangumi, tava likwambere ehafo lyawo nelinunupiko.
20Kutupu gumwe, nampili mumaparambo gwendi ga hara muntu gohepere, nye ngawo kwa kara novakwawo wovanzi.
21Nsene ono hara o kare nehafo, kara nonkenda nonohepere. Kusensa nampili gumwe, nzo.
22Ove to limonene ehuguvaro nefumadeko lyovakweni, nsene o rugana uwa, nye nsene o rugana udona to rugana epuko.
23Nsene to rugana ngo paruka, nye nsene to hingire tupu nokuuyunga makura, ngo kara hepere.
24Vantu wovanongo kuvafuta nougawo, nye egova kulidivira kougova walyo.
25Ndipo kuparura mwenyo, nsene tazi uyunga usili, nye nsene tazi tanta yimpempa, tazi zonagura po vantu.
26EfumadekoHompa kuretera muntu nepata lyendi ehuguvaro negameno.
27Ono hara kuvanda nomfa ndi? EtjiroHompa yilyo runone romwenyo.
28Efumano lyahompa kutunda mounzi wovantu ava a pangere. Nye awo nsene patupu, age neisi.
29Nsene o mwena teete, ove to kara munongo, nye nsene asi kuhanduka usimbu, ove kulikida upikipiki woge.
30Mbili zomagazaro, kukangukisa rutu, nye esupa kwa fana ngwendi uvera wosiragura.
31Ove nsene o hepeka nohepere, to handukisa Karunga ogu ga di unga, nye ufenkenda konohepere ukerelikarunga.
32Vadinikarunga kuliretera vene ezonauko koyirugana yawo yoyidona, nye vantu wovawa kulipopera ponomfa dawo.
33Unongo kwa kara mwankenye egazaro lyomuntu gonondunge, nye magova nayimwe si ga diva yokuhamena unongo.
34Uhungami kufumadekesa muhoko, nye nonzo kuswawisa nkenye muhoko.
35Ohompa kuhafera vakareli wonondunge, nye ava ava va swawisa kuvahandukira.
Currently Selected:
YISEWE 14: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
YISEWE 14
14
1Mambo kwa ga tunga nounongo wovakadi, nye vagova vana ga haraganesa po.
2Kara mousili o moneke asi ove kulimburukwa kwaHompa, nye nsene to kara muhalimburukwi to moneka asi ove kapi o limburukwa.
3Elitumbo lyegova kumuninkisa a uyunge dononzi, nye nonkango domunongo kumugamena.
4Nohove nsene kapi tadi koko sipururu soge, sihete soge tasi kara mawoko‐woko, nye nsene ono kara nado, sihete soge tasi zura mahangu.
5Ndipo zokuhuguvara narunye kuuyunga usili, nye ezi ava dili kuhuguvara kapi azi uyunga yapeke, ya hasi yimpempa yelike.
6-7Vasensi kapi ava ninki vanongo nampili nakauke, nye vanandunge kulironga noureru.
8Muntu gonondunge yinke ga karera nounongo? Yeeyi asi age ga diva eyi ana kurugana. Muntu goupote yinke ga govarera? Yeeyi age kugazara yeeyi ga diva yelike.
9Vantu wovagova nombili si nampili awo vana zono, nye vantu wovawa, awo kuhara va di va dongwenene po.
10Ehafo lyaamoge, ano u kare udigu nawo waamoge. Nagumwe si ogu a vhuru kuukukwatesa ko.
11Embo lyomuntu gomuwa ngali sikama, nye lyogu gomudona ngava li haraganesa po.
12Ezi ono kugazara asi nzira zouhunga, kuvhura zi tware konomfa.
13Kuzora kuvhura ku horeke ruhodi. Ano ehafo nsene lina piti po, ruhodi makura taru patukire po.
14Vantu wovadona kugwana eyi ava liruganene. Ano ava wovawa ngava va futa payirugana yawo.
15Mugova kupura nkenye eyi, nye vanandunge kutakameesa nontambo dawo.
16Vantu wounongo kudimburura udona, tava u linapa, nye varengauki kutupu sinka, kurugana nkenye omu.
17Vantu ava ava handuka usimbu, kurugana yininke yougova, nye vanongo kumwena teete.
18Vantu wovahesi kugwana eyi ava rugana mougova wawo, nye vanandunge kuvafuta panondunge.
19Vantu wovadona yiwo kutongamena vahangumi, tava likwambere ehafo lyawo nelinunupiko.
20Kutupu gumwe, nampili mumaparambo gwendi ga hara muntu gohepere, nye ngawo kwa kara novakwawo wovanzi.
21Nsene ono hara o kare nehafo, kara nonkenda nonohepere. Kusensa nampili gumwe, nzo.
22Ove to limonene ehuguvaro nefumadeko lyovakweni, nsene o rugana uwa, nye nsene o rugana udona to rugana epuko.
23Nsene to rugana ngo paruka, nye nsene to hingire tupu nokuuyunga makura, ngo kara hepere.
24Vantu wovanongo kuvafuta nougawo, nye egova kulidivira kougova walyo.
25Ndipo kuparura mwenyo, nsene tazi uyunga usili, nye nsene tazi tanta yimpempa, tazi zonagura po vantu.
26EfumadekoHompa kuretera muntu nepata lyendi ehuguvaro negameno.
27Ono hara kuvanda nomfa ndi? EtjiroHompa yilyo runone romwenyo.
28Efumano lyahompa kutunda mounzi wovantu ava a pangere. Nye awo nsene patupu, age neisi.
29Nsene o mwena teete, ove to kara munongo, nye nsene asi kuhanduka usimbu, ove kulikida upikipiki woge.
30Mbili zomagazaro, kukangukisa rutu, nye esupa kwa fana ngwendi uvera wosiragura.
31Ove nsene o hepeka nohepere, to handukisa Karunga ogu ga di unga, nye ufenkenda konohepere ukerelikarunga.
32Vadinikarunga kuliretera vene ezonauko koyirugana yawo yoyidona, nye vantu wovawa kulipopera ponomfa dawo.
33Unongo kwa kara mwankenye egazaro lyomuntu gonondunge, nye magova nayimwe si ga diva yokuhamena unongo.
34Uhungami kufumadekesa muhoko, nye nonzo kuswawisa nkenye muhoko.
35Ohompa kuhafera vakareli wonondunge, nye ava ava va swawisa kuvahandukira.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003