NAHUMU 1
1
1Ezi yizo mbudi zokuhamena Ninivhe, morwa emoneko eli ga mwene Nahumu ogu ga tundire koElikosi.
Hompa ta handukire Ninivhe
2 Hompa Karunga kapi a tarerere varumbasani;
age kupangura ava ava mu rwisa.
Age kuvatengwida kuwoko
nehandu lyendi.
3 Hompa kapi a handuka noureru,
nye age munankondo
kapi a tarerere unzoni u kare
va hana kuupangura.
Nkenye apa a gendi Hompa,
mpepo zokakundungu
kupinduka po.
Maremo mbundu ezi azi tundu
konompadi dendi!
4Age kutantera efuta, makura tali pwire!
Nonomukuro kudininka di pwire.
Mawiza gaBasani taga kukuta,
ndundu zaKarumeli tazi gehe
nonombya daLibanoni
tadi rembuka.
5Nondundu tadi kankama
moyitarameho yaHompa
noyindundu kuna kuhemuka
kosipara sendi.
Evhu tali linyunganga
apa ga horoka Hompa;
uzuni novantu vamo navenye
kuna kumenga.
6Age nsene ana handuka, yilye
gokuvhura kuparuka?
Yilye gokuvhura kuparuka
kehandu lyendi lyenene?
Age ta pimpi ehandu lyendi lyokuhwama,
mamanya kuna kuragumukira
pevhu kosipara sendi.
7 Hompa muwa,
age kupopera vantu vendi
pomaruveze gomaudigu,
ta fire sinka ava ava tengwire kwendi.
8Age ta haraganesa po nonkore
dendi nuunu ngwendi
moomu aru pupire ruhanzo rorunene.
Age ta tumu ava ava mu rwisa
konomfa dawo.
9Yisinke muna kukondjesera Hompa?
Age nga mu haraganesa po.
Nogusi hena nga mu rwisa
a pitakane pwarumwe.
10One ngava mu swakerera
ngwendi mega gokulidingira
noyirwenge yokukukuta!
11Moge ove Ninivhe yimo ngamu
tunda mugara ga zura
yigazo youdinikarunga, ogu
nga kondjesa Hompa.
12Eyi yiyo ana kutantera Hompa mbunga zendi Israeliasi: “Vaasiliya nampili va kare nononkondo va vhuke, ngava va haraganesa po, tava dongonoka po. Vantu vange, ame kuna mu ninki mu hepe, nye kapi ngani yi rugana hena. 13Ame ngani hagesa po nonkondo doVaasiliya kweni, tani ndembura malyenge aga va mu manga.”
14 Hompa yimo nye ngesi ga tokora yokuhamena Vaasiliya asi: “Awo kapi ngava paka nontekuru dokutwara komeho madina gawo. Ame ngani haraganesa po vakarunga woyimpempa ava va kara montembeli zovakarunga vawo. Ame tani wapaikire Vaasiliya ntoko — awo kapi ngava vhura kutunda mo!”
15Tara, ntumi kuna kuwiza, zi pite konondundu nombudi zongwa! Age monzira ana kara a ya divise efundo! Mbunga ove zaJuda, daneni sipito seni, one mu gave kwaKarunga eyi mwa mu tumbwidira nomugano. Vantu wovadona kapi ngava homona hena nampili nakauke sirongo seni. Awo vana va haraganesa po nuunu!
Currently Selected:
NAHUMU 1: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
NAHUMU 1
1
1Ezi yizo mbudi zokuhamena Ninivhe, morwa emoneko eli ga mwene Nahumu ogu ga tundire koElikosi.
Hompa ta handukire Ninivhe
2 Hompa Karunga kapi a tarerere varumbasani;
age kupangura ava ava mu rwisa.
Age kuvatengwida kuwoko
nehandu lyendi.
3 Hompa kapi a handuka noureru,
nye age munankondo
kapi a tarerere unzoni u kare
va hana kuupangura.
Nkenye apa a gendi Hompa,
mpepo zokakundungu
kupinduka po.
Maremo mbundu ezi azi tundu
konompadi dendi!
4Age kutantera efuta, makura tali pwire!
Nonomukuro kudininka di pwire.
Mawiza gaBasani taga kukuta,
ndundu zaKarumeli tazi gehe
nonombya daLibanoni
tadi rembuka.
5Nondundu tadi kankama
moyitarameho yaHompa
noyindundu kuna kuhemuka
kosipara sendi.
Evhu tali linyunganga
apa ga horoka Hompa;
uzuni novantu vamo navenye
kuna kumenga.
6Age nsene ana handuka, yilye
gokuvhura kuparuka?
Yilye gokuvhura kuparuka
kehandu lyendi lyenene?
Age ta pimpi ehandu lyendi lyokuhwama,
mamanya kuna kuragumukira
pevhu kosipara sendi.
7 Hompa muwa,
age kupopera vantu vendi
pomaruveze gomaudigu,
ta fire sinka ava ava tengwire kwendi.
8Age ta haraganesa po nonkore
dendi nuunu ngwendi
moomu aru pupire ruhanzo rorunene.
Age ta tumu ava ava mu rwisa
konomfa dawo.
9Yisinke muna kukondjesera Hompa?
Age nga mu haraganesa po.
Nogusi hena nga mu rwisa
a pitakane pwarumwe.
10One ngava mu swakerera
ngwendi mega gokulidingira
noyirwenge yokukukuta!
11Moge ove Ninivhe yimo ngamu
tunda mugara ga zura
yigazo youdinikarunga, ogu
nga kondjesa Hompa.
12Eyi yiyo ana kutantera Hompa mbunga zendi Israeliasi: “Vaasiliya nampili va kare nononkondo va vhuke, ngava va haraganesa po, tava dongonoka po. Vantu vange, ame kuna mu ninki mu hepe, nye kapi ngani yi rugana hena. 13Ame ngani hagesa po nonkondo doVaasiliya kweni, tani ndembura malyenge aga va mu manga.”
14 Hompa yimo nye ngesi ga tokora yokuhamena Vaasiliya asi: “Awo kapi ngava paka nontekuru dokutwara komeho madina gawo. Ame ngani haraganesa po vakarunga woyimpempa ava va kara montembeli zovakarunga vawo. Ame tani wapaikire Vaasiliya ntoko — awo kapi ngava vhura kutunda mo!”
15Tara, ntumi kuna kuwiza, zi pite konondundu nombudi zongwa! Age monzira ana kara a ya divise efundo! Mbunga ove zaJuda, daneni sipito seni, one mu gave kwaKarunga eyi mwa mu tumbwidira nomugano. Vantu wovadona kapi ngava homona hena nampili nakauke sirongo seni. Awo vana va haraganesa po nuunu!
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003