Marukusa 4
4
Sifanekeso somukuni
1Jesus ga ninka ta ka rongera hena vantu kekurudiva. Emukurumbunga makura tali ya mu pongere, yipo nye ga peramene mowato, a ka kare porwehanza lyekurudiva. Ano mbunga nazinye azo konontere dekurudiva. 2Age ta va rongo yininke yoyinzi moyifanekeso. Pokuvaronga ta va tantere asi:
3“Purakeneni! Mukuni gumwe kwa zire a ka kune. 4Haga za mokukuna, mbuto zimwe tazi gwire ponzira, makura yidira tayi wiza yi ya zi lye. 5Ano ezi nkwawo tazi gwire poyingurumanya, zi dire kugwana evhu lyezuni. Naruvali si nare zina mene morwausesu wevhu. 6Apa lya hanzurukire ezuva tazi suwu morwakupira nondandani, tazi kukuta. 7Ano zimwe hena tazi gwire momega, makura ogo mega taga hoko, tazi fu musine, makura kapi za yimine. 8Ezi mbuto zimwe tazi gwire pevhu lyewa, tazi mene, tazi kuru, tazi reta nondanda nomurongo ntatu nonomurongo ntano‐nazimwe nefere.” 9Makura Jesus ta tanta asi: “Ogu ga kara nomatwi gokuzuvha, a zuvhe.”
Eyi yina kutanta yifanekeso
10Jesus apa ga kere gelike, tava mu pura ava va kere nendi nava murongo navavali, yokuhamena sifanekeso. 11Age makura ta va tantere asi: “One va mu pa nondunge dokukwata egano yihoramo yoUntungi waKarunga, ano vapeke ava va dira kuuhamena, nayinye kuyivafanaikira ntani.
12‘Komeho ngava taresa, nye kapi ngava yi mona,
komatwi ngava zuvhisa, nye kapi ngava yi kwata egano,
va ha litezurura, va dire kuvagusira po nonzo dawo.’ ”
Esingonono lyosifanekeso somukuni
13Jesus ta va tantere asi: “Nani kapi muna siki po pwesi sifanekeso esi? Ee, ngapi nye omu ngomu kwata egano yifanekeso no? 14Mukuni ta kunu nkango. 15Wopoyiha yonzira apa va kunine nkango, vava ava zi zuvhu. Naruvali si Satana ta wiza, ta ya gusa mo nkango ezi va kuna monomutjima dawo. 16Va kare ava ava kunine pounzi woyingurumanya, nawo ngosikwawo. Awo kuninka nsene si vana zuvhu nkango, nare vana zi tambura nehafo. 17Nye mwavene mutupu nondandani. Awo wokaruwogona tupu, kutunda opo nsene si pa wiza udigu ndi ehepeko lina tamba ezi nkango, nare vana guwu. 18Nye ava va kunine momega, vaava ava zuvhu nkango, 19makura yinka youzuni nekumbagero lyemona nomadowo goyininke nayinye peke tayi wiza mo, tayi sini nkango, makura zi dire kureta mbuto. 20Ano nye ava ava kunine pevhu lyewa, vaava ava zuvhu nkango, tava zi tambura, tazi reta nondanda nomurongo ntatu nonomurongo ntazimwe nefere.
Sifanekeso soramba
21“Muntu nsene va mu retera ramba, nani ta zi swike sihemere, ndi a zi ture monda zouro, nani kapisi pontunda? 22Yeeyi kutupu esi sa horama ngasi dira kuhoroka, hena kutupu esi sa vanda si dire kuwiza poruzera. 23Ogu ga kara nomatwi gokuzuvha a zuvhe.”
24Yiyo hena Jesus ga va tanterere asi: “Takameseni kweyi muna kuzuvha. Heteko ezi omu hetekesa, none yizo ngava mu hetekera, makura ngava mu gwederera ko hena. 25Yeeyi ogu ga weka, ngava mu gwederera ko, ano ogu ga dira kuweka, ngava mu gusa neyi ga weka.”
Sifanekeso sombuto zokulikulira
26Jesus kwa uyungire hena asi: “Untungi waKarunga ngesi wa kara, moomu tupu a kunu muntu mbuto mepya. 27Makura ta rara, na ninka ta pinduka, masiku nomutenya, azo mbuto kuna kumena tazi kuru, a dive ko nye omu ayi gendi, mpaga. 28Eyi ayi ninkisa mbuto zi yime, evhu lyene: pomuhowo ruhatji, ntani mutwe, ntani nye momutwe nondanda dene‐dene. 29Nsene mbuto zina pi, ta tameke kuteza, yeeyi muzangu guna siki mo.”
Sifanekeso sombuto zomostareta
30Jesus makura ta tanta asi: “Kosinke natu fanekesa Untungi waKarunga? Ndi sifanekeso musinke natu gusa, tu u tantese ko? 31Awo kwa lifana nombuto zomostareta ezi za nunupilira po konombuto nadinye depevhu. 32Apa ava zi kunu, kumena tazi kuru kupita marudi goyihaperera nayinye, makura tazi paka nomutayi dononene, dogoro yidira yekeguru tayi ya tungu yikorogo momundwire gwazo.”
33Noyifanekeso yoyinzi yangesi Jesus nga va udisire nonkango daKarunga, moomu va vhulire kuyikwata egano. 34Nye kupira yifanekeso kapi nga va udisire, nye pompengi, nga singwenene varongwa vendi nayinye.
Jesus ta mwenekeda ekundungu
35Ngurova zezuva olyo Jesus ta tantere varongwa vendi asi: “Ninkeni tu ruteni mesinya mwina.” 36Makura tava sigi mbunga zi ze, nye age tava mu pitura mowato ou ga peramene. Nomawato gapeke nago kwa zire. 37Makura emukurukundungu tali pinduka, mankumpi kuna kuhompyaukira mowato, dogoro tau hara kuzura. 38Nye age kwa kere korwekadi lyowato, age ana ponyoka, kuna satere pomusato. Makura tava mu nyungu a pinduke, tava mu pura asi: “Murongi, nani ove nombili si tu lifire sa tupu?” 39Makura age ta pinduka ta popi mpepo, ta kava efuta asi: “Mwena, mwena tee‐te.” Ano mpepo tazi litura, tazi mwena tee?-?tee‐tee. 40Makura ta va pura asi: “Eyi guna mu pwagere ngoso yisinke? Nani simpe hamwa pilira epuro?” 41Makura ukurutjirwe tau va kwata, tava lipuragere vene navene asi: “Yilye mwene ogu no, ogu ayi limburukwa nompepo nefuta lyeeli?”
Currently Selected:
Marukusa 4: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Marukusa 4
4
Sifanekeso somukuni
1Jesus ga ninka ta ka rongera hena vantu kekurudiva. Emukurumbunga makura tali ya mu pongere, yipo nye ga peramene mowato, a ka kare porwehanza lyekurudiva. Ano mbunga nazinye azo konontere dekurudiva. 2Age ta va rongo yininke yoyinzi moyifanekeso. Pokuvaronga ta va tantere asi:
3“Purakeneni! Mukuni gumwe kwa zire a ka kune. 4Haga za mokukuna, mbuto zimwe tazi gwire ponzira, makura yidira tayi wiza yi ya zi lye. 5Ano ezi nkwawo tazi gwire poyingurumanya, zi dire kugwana evhu lyezuni. Naruvali si nare zina mene morwausesu wevhu. 6Apa lya hanzurukire ezuva tazi suwu morwakupira nondandani, tazi kukuta. 7Ano zimwe hena tazi gwire momega, makura ogo mega taga hoko, tazi fu musine, makura kapi za yimine. 8Ezi mbuto zimwe tazi gwire pevhu lyewa, tazi mene, tazi kuru, tazi reta nondanda nomurongo ntatu nonomurongo ntano‐nazimwe nefere.” 9Makura Jesus ta tanta asi: “Ogu ga kara nomatwi gokuzuvha, a zuvhe.”
Eyi yina kutanta yifanekeso
10Jesus apa ga kere gelike, tava mu pura ava va kere nendi nava murongo navavali, yokuhamena sifanekeso. 11Age makura ta va tantere asi: “One va mu pa nondunge dokukwata egano yihoramo yoUntungi waKarunga, ano vapeke ava va dira kuuhamena, nayinye kuyivafanaikira ntani.
12‘Komeho ngava taresa, nye kapi ngava yi mona,
komatwi ngava zuvhisa, nye kapi ngava yi kwata egano,
va ha litezurura, va dire kuvagusira po nonzo dawo.’ ”
Esingonono lyosifanekeso somukuni
13Jesus ta va tantere asi: “Nani kapi muna siki po pwesi sifanekeso esi? Ee, ngapi nye omu ngomu kwata egano yifanekeso no? 14Mukuni ta kunu nkango. 15Wopoyiha yonzira apa va kunine nkango, vava ava zi zuvhu. Naruvali si Satana ta wiza, ta ya gusa mo nkango ezi va kuna monomutjima dawo. 16Va kare ava ava kunine pounzi woyingurumanya, nawo ngosikwawo. Awo kuninka nsene si vana zuvhu nkango, nare vana zi tambura nehafo. 17Nye mwavene mutupu nondandani. Awo wokaruwogona tupu, kutunda opo nsene si pa wiza udigu ndi ehepeko lina tamba ezi nkango, nare vana guwu. 18Nye ava va kunine momega, vaava ava zuvhu nkango, 19makura yinka youzuni nekumbagero lyemona nomadowo goyininke nayinye peke tayi wiza mo, tayi sini nkango, makura zi dire kureta mbuto. 20Ano nye ava ava kunine pevhu lyewa, vaava ava zuvhu nkango, tava zi tambura, tazi reta nondanda nomurongo ntatu nonomurongo ntazimwe nefere.
Sifanekeso soramba
21“Muntu nsene va mu retera ramba, nani ta zi swike sihemere, ndi a zi ture monda zouro, nani kapisi pontunda? 22Yeeyi kutupu esi sa horama ngasi dira kuhoroka, hena kutupu esi sa vanda si dire kuwiza poruzera. 23Ogu ga kara nomatwi gokuzuvha a zuvhe.”
24Yiyo hena Jesus ga va tanterere asi: “Takameseni kweyi muna kuzuvha. Heteko ezi omu hetekesa, none yizo ngava mu hetekera, makura ngava mu gwederera ko hena. 25Yeeyi ogu ga weka, ngava mu gwederera ko, ano ogu ga dira kuweka, ngava mu gusa neyi ga weka.”
Sifanekeso sombuto zokulikulira
26Jesus kwa uyungire hena asi: “Untungi waKarunga ngesi wa kara, moomu tupu a kunu muntu mbuto mepya. 27Makura ta rara, na ninka ta pinduka, masiku nomutenya, azo mbuto kuna kumena tazi kuru, a dive ko nye omu ayi gendi, mpaga. 28Eyi ayi ninkisa mbuto zi yime, evhu lyene: pomuhowo ruhatji, ntani mutwe, ntani nye momutwe nondanda dene‐dene. 29Nsene mbuto zina pi, ta tameke kuteza, yeeyi muzangu guna siki mo.”
Sifanekeso sombuto zomostareta
30Jesus makura ta tanta asi: “Kosinke natu fanekesa Untungi waKarunga? Ndi sifanekeso musinke natu gusa, tu u tantese ko? 31Awo kwa lifana nombuto zomostareta ezi za nunupilira po konombuto nadinye depevhu. 32Apa ava zi kunu, kumena tazi kuru kupita marudi goyihaperera nayinye, makura tazi paka nomutayi dononene, dogoro yidira yekeguru tayi ya tungu yikorogo momundwire gwazo.”
33Noyifanekeso yoyinzi yangesi Jesus nga va udisire nonkango daKarunga, moomu va vhulire kuyikwata egano. 34Nye kupira yifanekeso kapi nga va udisire, nye pompengi, nga singwenene varongwa vendi nayinye.
Jesus ta mwenekeda ekundungu
35Ngurova zezuva olyo Jesus ta tantere varongwa vendi asi: “Ninkeni tu ruteni mesinya mwina.” 36Makura tava sigi mbunga zi ze, nye age tava mu pitura mowato ou ga peramene. Nomawato gapeke nago kwa zire. 37Makura emukurukundungu tali pinduka, mankumpi kuna kuhompyaukira mowato, dogoro tau hara kuzura. 38Nye age kwa kere korwekadi lyowato, age ana ponyoka, kuna satere pomusato. Makura tava mu nyungu a pinduke, tava mu pura asi: “Murongi, nani ove nombili si tu lifire sa tupu?” 39Makura age ta pinduka ta popi mpepo, ta kava efuta asi: “Mwena, mwena tee‐te.” Ano mpepo tazi litura, tazi mwena tee?-?tee‐tee. 40Makura ta va pura asi: “Eyi guna mu pwagere ngoso yisinke? Nani simpe hamwa pilira epuro?” 41Makura ukurutjirwe tau va kwata, tava lipuragere vene navene asi: “Yilye mwene ogu no, ogu ayi limburukwa nompepo nefuta lyeeli?”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003