Marukusa 1
1
Eudiso lyaJohanesa Mukuhwi
1Eli etameko lyoMbudi zoNgwa zokuhamena Jesus Kristusa, MunwaKarunga. 2Moomu ga tjanga muporofete Jesaya asi:
“Tara, ame tani tumu ntumi zange komeho zoge,
ezi ngazi ka ku wapaikira nzira.
3Polili ezwi lyagumwe
lina kuzigira momburundu asi:
‘Wapaikireni Hompa sitaura,
mu ninkireni nonzira dendi di vyuke,
nga gende mo.’ ”
4Johanesa Mukuhwi kwa wizire momburundu, ta udisire vantu mbudi asi: “Litezurureni, va mu kuhwe, nonzo deni a di mu dongwenene po Karunga.” 5Makura vantu womosirongo mudima saJudaya nava va tunga moJerusarema ngava zi kwendi, va ka mu purakene. Awo ngava tongonona nonzo dawo, age makura ta va kuhwire momukuro gwaJorodana.
6Johanesa nga dwara sikoverero sonohuki dongameru noliva rongama mombunda zendi. Age nga lisuku simbonde nousi womowiza. 7Age yiyo nga tantere vantu asi: “Ngaku wiza muntu konyima zange, ogu ga pita nge unene mononkondo. Ame kapi na wapera kunyongama, ni diture nonkaku dendi. 8Ame kwa mu kuhwisa tupu komema, nye age nga ya mu kuhwisa koMpepo zoKupongoka.”
Ekuhwo neheteko lyaJesus
9Kapi pwa pitire siruwo, makura Jesus ta tundu moNasareta, mosirongo saGalireya. Johanesa makura ta mu kuhwire momukuro gwaJorodana. 10Ano apa ga zaukire Jesus momema, naruvali si ta mono eguru tali zeguruka. Mpepo tazi mu hegumukire ngwendi nkutji. 11Meguru tamu tundu ezwi lina kutanta asi: “Ove nyove Munwange ogu na hara, wa za nge komutjima.”
12Makura naruvali si Mpepo tazi mu twaresa komburundu. 13Age kwa ka kere momburundu mazuva nomurongo ne, makura Satana ta ka mu heteka. Age kwa kere mokatji koyikasama, nye vaengeli tava mu kerere.
Jesus ta horowora varongwa vendi vane wokuhova
14Eyi va mana kutura Johanesa modorongo, yipo ga wizire Jesus moGalireya, a ya udise Mbudi zoNgwa, ezi za tunda kwaKarunga, 15pokutanta asi: “Ruveze rwene‐rwene runa sikilire mo nye, untungi waKarunga una tu hedere. Litezurureni, mu pure Mbudi zoNgwa.”
16Makura Jesus haga za mokugenda konontere dekurudiva lyaGalireya, ta mono vantu namumbyendi, oSimoni naAndiliyasa, awo tava tege ekwe mediva, yeeyi awo kwa kere vakwati wonomfi. 17Makura Jesus ta va tantere asi: “Wizeni, tu ya zeni, ni ka mu ninke vakwati wovantu.” 18Naruvali si tava zumbu makwe gawo, tava ka za nendi.
19Jesus eyi ga tunda opo, kwa zira?-?zire ko tupu kanunu, ta mono vantu namumbyendi, oJakopo naJohanesa, vana vaSebede, awo tava wapaike makwe gawo mowato. 20Jesus kwa va mwene tupu, ta va zigida. Makura vena tava sigi guhyawo Sebede novantu ava va kutilire moyirugana, tava ka za naJesus.
Mugara ogu za kwete mpepo zondona
21Kutunda opo tava zi mositata Kaperenaumu. Makura mEsabata eli lya kweme ko, Jesus yipo ga zire mosinagoge, ta tameke kuronga. 22Vantu ava va mu purakenene, kwa tetukire ndongeseso zendi, yeeyi age kwa va rongere nononkondo dokupita valirongi womatjangwa.
23Kutunda opo naruvali si tamu wiza mosinagoge mugara, ogu za kwete mpepo zondona, oku ta zigire asi: 24“Ose noge hena pwasinke, ove Jesus Munasareta? Nani ove kuna wizire o ya tu zonagure? Ame na ku diva asi nyove yilye. Ove o Mupongoki gwaKarunga.” 25Makura Jesus ta tugumukire mpepo zondona asi: “Liguminina, tunda mo momuntu ogo!” 26Makura mpepo zondona tazi mu nyunganga ogo mugara unene oku tazi zigire nezwi lyenene, tazi mu tundu. 27Navenye kwa va tetwire unene oku tava lipuragere asi: “Yikwasinke yene eyi? Ndongeseso zompe ndi? Muntu ogu kwa kara nononkondo dokupangera nompepo donondona, di mu pure!” 28Kutunda opo mukukumo gokuhamena Jesus tagu lihanene mwaza nomukunda daGalireya mudima.
Jesus ta verura vantu wovanzi
29Pokupwaga mosinagoge tava vyukilire membo lyaSimoni naAndiliyasa. OJakopo naJohanesa nendi va zire. 30Ngumweyi zaSimoni kwa kere moyikunkira. Apa va ka sikire, tava mu mu tantere Jesus. 31Makura ta mu zire, ta mu kwata kokuwoko, upyu makura tau mu sigi. Ta katuka, ta va ruganene ezumbu.
32Eyi lya gombokere li ka toke ezuva, vantu tava retere Jesus navenye wokuyova nava va kere nonompepo donondona. 33Vantu navenye wositata kwa wizire, va ya ngandere pevero lyonzugo. 34Age makura ta verura vayovi wovanzi womauvera gokulisiga‐siga oku ta pwagesa mo nompepo donondona oku ta di tombaukida kutanta yuma, morwa da mu divire.
Jesus ta udisa moGalireya
35Momasasiku gezuva lyokukwama ko, alyo lya hana kusa, Jesus ta pinduka ta pwaga monzugo, a ze kevango lya hana vantu, ta ka kanderera. 36Nye Simoni novakwawo tava zi, va ka mu papare. 37Apa va ka mu gwene, tava mu tantere asi: “Vantu navenye nyove vana kupapara.” 38Jesus ta va limburura asi: “Tokweni tu zeni konomukunda dapa. Ame nyame kukavaudisira tupu nawo, yeeyi yiyo na wizira.” 39Makura ta ka udisira monosinagoge nadinye daGalireya oku ta pwagesa mo nompepo donondona.
Jesus ta verura munayingondwe
40Tapa wiza munayingondwe kwaJesus, ta mu twire nongoro oku ta mu lihenge ekwafo asi: “Sinene o yi panga, kuvhura kuverura nge.” 41Makura Jesus tazi mu gwire nkenda, ta mu gumu, ta mu tantere asi: “Nina yi panga, veruka.” 42Naruvali si yingondwe tayi mu kukumuka, ta veruka. 43Kutunda opo Jesus ta mu hanyene, a tunde po usimbu. 44Ta mu tantere asi: “Tara, nokanunu si asi o yi tantere muntu. Nye vyukilira o ze komupristeli, a ka ku kona‐kone. Ntani no ka zamba nzambo, ezi ga tura po Mosesa, zi ka kare umbangi wokulikida vantu asi ono veruka.” 45Nye age kwa zire tupu, ta hanesa ezi mbudi napenye. Yosili age kwa sansekere momunene, dogoro yi limbire mo Jesus kuza moyipafi moyitata. Ta ka lipengeda momavega ga hana vantu, makura vantu tava tundu nakunye, va wize kwendi.
Currently Selected:
Marukusa 1: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Marukusa 1
1
Eudiso lyaJohanesa Mukuhwi
1Eli etameko lyoMbudi zoNgwa zokuhamena Jesus Kristusa, MunwaKarunga. 2Moomu ga tjanga muporofete Jesaya asi:
“Tara, ame tani tumu ntumi zange komeho zoge,
ezi ngazi ka ku wapaikira nzira.
3Polili ezwi lyagumwe
lina kuzigira momburundu asi:
‘Wapaikireni Hompa sitaura,
mu ninkireni nonzira dendi di vyuke,
nga gende mo.’ ”
4Johanesa Mukuhwi kwa wizire momburundu, ta udisire vantu mbudi asi: “Litezurureni, va mu kuhwe, nonzo deni a di mu dongwenene po Karunga.” 5Makura vantu womosirongo mudima saJudaya nava va tunga moJerusarema ngava zi kwendi, va ka mu purakene. Awo ngava tongonona nonzo dawo, age makura ta va kuhwire momukuro gwaJorodana.
6Johanesa nga dwara sikoverero sonohuki dongameru noliva rongama mombunda zendi. Age nga lisuku simbonde nousi womowiza. 7Age yiyo nga tantere vantu asi: “Ngaku wiza muntu konyima zange, ogu ga pita nge unene mononkondo. Ame kapi na wapera kunyongama, ni diture nonkaku dendi. 8Ame kwa mu kuhwisa tupu komema, nye age nga ya mu kuhwisa koMpepo zoKupongoka.”
Ekuhwo neheteko lyaJesus
9Kapi pwa pitire siruwo, makura Jesus ta tundu moNasareta, mosirongo saGalireya. Johanesa makura ta mu kuhwire momukuro gwaJorodana. 10Ano apa ga zaukire Jesus momema, naruvali si ta mono eguru tali zeguruka. Mpepo tazi mu hegumukire ngwendi nkutji. 11Meguru tamu tundu ezwi lina kutanta asi: “Ove nyove Munwange ogu na hara, wa za nge komutjima.”
12Makura naruvali si Mpepo tazi mu twaresa komburundu. 13Age kwa ka kere momburundu mazuva nomurongo ne, makura Satana ta ka mu heteka. Age kwa kere mokatji koyikasama, nye vaengeli tava mu kerere.
Jesus ta horowora varongwa vendi vane wokuhova
14Eyi va mana kutura Johanesa modorongo, yipo ga wizire Jesus moGalireya, a ya udise Mbudi zoNgwa, ezi za tunda kwaKarunga, 15pokutanta asi: “Ruveze rwene‐rwene runa sikilire mo nye, untungi waKarunga una tu hedere. Litezurureni, mu pure Mbudi zoNgwa.”
16Makura Jesus haga za mokugenda konontere dekurudiva lyaGalireya, ta mono vantu namumbyendi, oSimoni naAndiliyasa, awo tava tege ekwe mediva, yeeyi awo kwa kere vakwati wonomfi. 17Makura Jesus ta va tantere asi: “Wizeni, tu ya zeni, ni ka mu ninke vakwati wovantu.” 18Naruvali si tava zumbu makwe gawo, tava ka za nendi.
19Jesus eyi ga tunda opo, kwa zira?-?zire ko tupu kanunu, ta mono vantu namumbyendi, oJakopo naJohanesa, vana vaSebede, awo tava wapaike makwe gawo mowato. 20Jesus kwa va mwene tupu, ta va zigida. Makura vena tava sigi guhyawo Sebede novantu ava va kutilire moyirugana, tava ka za naJesus.
Mugara ogu za kwete mpepo zondona
21Kutunda opo tava zi mositata Kaperenaumu. Makura mEsabata eli lya kweme ko, Jesus yipo ga zire mosinagoge, ta tameke kuronga. 22Vantu ava va mu purakenene, kwa tetukire ndongeseso zendi, yeeyi age kwa va rongere nononkondo dokupita valirongi womatjangwa.
23Kutunda opo naruvali si tamu wiza mosinagoge mugara, ogu za kwete mpepo zondona, oku ta zigire asi: 24“Ose noge hena pwasinke, ove Jesus Munasareta? Nani ove kuna wizire o ya tu zonagure? Ame na ku diva asi nyove yilye. Ove o Mupongoki gwaKarunga.” 25Makura Jesus ta tugumukire mpepo zondona asi: “Liguminina, tunda mo momuntu ogo!” 26Makura mpepo zondona tazi mu nyunganga ogo mugara unene oku tazi zigire nezwi lyenene, tazi mu tundu. 27Navenye kwa va tetwire unene oku tava lipuragere asi: “Yikwasinke yene eyi? Ndongeseso zompe ndi? Muntu ogu kwa kara nononkondo dokupangera nompepo donondona, di mu pure!” 28Kutunda opo mukukumo gokuhamena Jesus tagu lihanene mwaza nomukunda daGalireya mudima.
Jesus ta verura vantu wovanzi
29Pokupwaga mosinagoge tava vyukilire membo lyaSimoni naAndiliyasa. OJakopo naJohanesa nendi va zire. 30Ngumweyi zaSimoni kwa kere moyikunkira. Apa va ka sikire, tava mu mu tantere Jesus. 31Makura ta mu zire, ta mu kwata kokuwoko, upyu makura tau mu sigi. Ta katuka, ta va ruganene ezumbu.
32Eyi lya gombokere li ka toke ezuva, vantu tava retere Jesus navenye wokuyova nava va kere nonompepo donondona. 33Vantu navenye wositata kwa wizire, va ya ngandere pevero lyonzugo. 34Age makura ta verura vayovi wovanzi womauvera gokulisiga‐siga oku ta pwagesa mo nompepo donondona oku ta di tombaukida kutanta yuma, morwa da mu divire.
Jesus ta udisa moGalireya
35Momasasiku gezuva lyokukwama ko, alyo lya hana kusa, Jesus ta pinduka ta pwaga monzugo, a ze kevango lya hana vantu, ta ka kanderera. 36Nye Simoni novakwawo tava zi, va ka mu papare. 37Apa va ka mu gwene, tava mu tantere asi: “Vantu navenye nyove vana kupapara.” 38Jesus ta va limburura asi: “Tokweni tu zeni konomukunda dapa. Ame nyame kukavaudisira tupu nawo, yeeyi yiyo na wizira.” 39Makura ta ka udisira monosinagoge nadinye daGalireya oku ta pwagesa mo nompepo donondona.
Jesus ta verura munayingondwe
40Tapa wiza munayingondwe kwaJesus, ta mu twire nongoro oku ta mu lihenge ekwafo asi: “Sinene o yi panga, kuvhura kuverura nge.” 41Makura Jesus tazi mu gwire nkenda, ta mu gumu, ta mu tantere asi: “Nina yi panga, veruka.” 42Naruvali si yingondwe tayi mu kukumuka, ta veruka. 43Kutunda opo Jesus ta mu hanyene, a tunde po usimbu. 44Ta mu tantere asi: “Tara, nokanunu si asi o yi tantere muntu. Nye vyukilira o ze komupristeli, a ka ku kona‐kone. Ntani no ka zamba nzambo, ezi ga tura po Mosesa, zi ka kare umbangi wokulikida vantu asi ono veruka.” 45Nye age kwa zire tupu, ta hanesa ezi mbudi napenye. Yosili age kwa sansekere momunene, dogoro yi limbire mo Jesus kuza moyipafi moyitata. Ta ka lipengeda momavega ga hana vantu, makura vantu tava tundu nakunye, va wize kwendi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003