Mateusa 22
22
Sipito sononkwara damunwahompa
1Jesus makura ta va uyungire hena moyifanekeso asi: 2“Untungi weguru kwa lifana nahompa, ogu ga ruganenene munwendi gomugara sipito sononkwara. 3Makura age ta tumu vakareli vendi, va ka tanta‐tantere vantu ava ga rekerere, asi va wize kosipito. Nye awo kapi va here kuwiza. 4Ta tumine ko hena vakareli vamwe, ta va tantere asi: ‘Ka tantereni varekerwa asi, Tareni, ame oku nina mana kuwapaika nondya dosipito. Nongombe noyimuna yokuneta yina pu kutoma, yininke nayinye yina zire mo. Wizeni kosipito sononkwara!’ 5Nye awo nombili si, tava zaaza kwayawo: gumwe kepya lyendi, ogu mukwawo koyininke yendi yondando. 6Ano ava vakwaavo tava kwata vakareli vahompa, tava va hepeke, ntani vana kuvadipaga. 7Eyi ana ya yi zuvhu hompa, ta handuka, ta tumu vakwayita vendi, va ka dipage varudipagi owo. Sitata sawo tava si swakerere. 8Makura ta tantere vakareli vendi asi: ‘Sipito sononkwara sene sina wapa, nye varekerwa yiwo vana dili kusiwapera. 9Yipo nye nomu zira ponompangwanzira, mu ka zigide nkenye ogu nomu vhura kukagwana, a wize kosipito sononkwara.’ 10Vakareli vendi tava ka za kononzira odo, va ka pongaike navenye ava va gwene ko, novadona novawa. Makura sinyanga tasi zura vagenda wosipito.
11“Makura hompa ta hwilire a ka tare vagenda. Ta ka mona po gumwe, ogu ga dilire kudwara sikoverero sosipito sononkwara. 12Age ta mu ninki asi: ‘Ove hewee, ee, ngapi omu ono gendi, o wize omu, ove wa hana sikoverero sosipito sononkwara?’ Gwina teete zendi. 13Hompa makura ta tantere vakareli asi: ‘Mu mangeni komawoko nokomaguru, mu mu zugumine ponze mendema. Kwina yiko naku ka kara siliro nomalikwetjo gomazego.’ 14Yeeyi ava va zigida vanzi, nye wovasesu tupu yiwo va horowora po.”
Yomutero
15Kutunda opo Vafalisayi tava zi, va ka liyonge asi ngapi omu nava vhura kukwata Jesus mononkango. 16Makura tava mu tumine varongwa vawo kumwe nava wonkwaHerodesa, va ka mu tantere asi: “Murongi, twa diva asi ove kwa hungama, makura yiyo o rongo nzira zaKarunga mouhunga. Yi kare yomuntu, ove nombili si, yeeyi ove kapi o tara yipa yovantu. 17Tu tantera nye asi ove nani ngapi omu o gazara: hompa gwaRoma kuvhura tupu kumufutira mutero ndi?” 18Jesus nare ana mono udona wawo, ta va limburura asi: “One nani vayilipaki, kuhetekera nge yisinke? 19Komu likida nge si sene simaliva somutero!” Makura vena tava mu retera simaliva sositenda. 20Jesus ta va pura asi: “Efano eli lyalye nani, nedina eli va tjanga po lyalye?” 21Awo tava limburura asi: “Lyahompa gwaRoma.” Makura age ta va tantere asi: “Nhi, omu futire hompa gwaRoma eyi ya mu hamena, ano Karunga nage yeeyi ya mu hamena.” 22Apa va yi zuvhire eyi, makura tava tetuka, tava mu sigi, tava ka za!
Yevhumbuko
23Ezuva lyoolyo yilyo va wizililire Jesus Vasadukayi, ava ngava tanta asi kutupu ko evhumbuko lyovafe. Makura tava mu pura asi: 24“Murongi, Mosesa kwa tente asi, ‘Muntu nsenesi a fa, nye age ga hana vana, mukurwendi ndi mumbyendi yige tupu kupinga mukadendi, a pindure ruvharo rwamunwazina.’ 25Ano nye pokatji ketu pwa kere muntu novamumbya vendi vatano‐navavali. Mbeli kwa kwere, makura ta fu, age ga hana vana. Ano mumbyendi ta pingi ogo mukadi. 26Gwauvali nage ngosikwawo, nogu gwautatu, dogoro noku kogu gwautano‐nauvali. 27Moruhura mukadi nage ta va sikura nye navenye. 28Pwava vatano‐navavali mukadalye nga ka kara pevhumbuko, yeeyi nkenye ogu yige ga kwere?”
29Jesus makura ta va limburura asi: “One eyi ayi mu pukisa, yeeyi mwa dira kudiva Matjangwa nononkango daKarunga. 30Yeeyi pevhumbuko lyovafe vantu kapi ngava likwara‐kwara. Awo ngava kara ngwendi vaengeli vaKarunga meguru. 31Yokuhamena evhumbuko, nani kapi mwa yi resa, omu ga mu tantera Karunga asi, 32‘Ame nyame Karunga gwaAbirahamu nogu gwaIsaka nogu gwaJakopo.’ Nye age kapisi Karunga govafe, age Karunga govanamwenyo.” 33Apa va yi zuvhire eyi vantu, makura tava li tetuka unene erongo lyendi.
Sipango sosinene po
34Apa va yi zuvhire Vafalisayi asi Vasadukayi kapi vana tanta po pwendi, makura navenye tava mu lipongaikire. 35Makura mukwaawo gumwe, mulirongi gomatjangwa, ta mu pura kasenzere asi: 36“Murongi, sipango esi sa pitakana po yikwawo moVeta zaKarunga nani sipi so po?” 37Jesus makura ta mu limburura asi: “O hare Hompa Karunga goge nomutjima goge nagunye nomwenyo goge nagunye nonondunge doge nadinye. 38Esi yiso sipango po sosinene sokuhova. 39Ano sikwawo sauvali, esi sa hura pwesi, yiso esi asi, ‘Ano a kare mukweni, o mu hare moomu wa lihara nyamoge.’ 40Moyipango eyi yivali yimo za korera Veta mudima zaMosesa nomatjangwa govaporofete.”
Yokuhamena Mesiyasa
41Vafalisayi eyi va ponga ngoso, makura Jesus ta va pura asi: 42“Ngapi omu omu gazara one Kristusa, asi munwalye?” Vena tava mu limburura asi: “MunwaNdafita sa.” 43Age ta va pura asi: “Ndafita ngapi nye za mu tumbwisisire Mpepo zaKarunga asi ‘Hompa’? Yeeyi Ndafita ga tente asi:
44‘Hompa kwa tanterere Hompa gwange asi:
Hingira korulyo rwange
dogoro noku ngani ninka nonkore doge,
di kare ulyatero wonompadi doge.’
45“Ano nye nsenesi Ndafita kumutumbura asi ‘Hompa’, ngapi nye omu na kara‐kara Mesiyasa hena munwendi?” 46Hawe, nagumwe si googu ga vhulire kumulimburura nampili nkango zimwe. Kutunda pezuvha olyo nagumwesi hena ga mu lipepekerere kumupura.
Currently Selected:
Mateusa 22: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Mateusa 22
22
Sipito sononkwara damunwahompa
1Jesus makura ta va uyungire hena moyifanekeso asi: 2“Untungi weguru kwa lifana nahompa, ogu ga ruganenene munwendi gomugara sipito sononkwara. 3Makura age ta tumu vakareli vendi, va ka tanta‐tantere vantu ava ga rekerere, asi va wize kosipito. Nye awo kapi va here kuwiza. 4Ta tumine ko hena vakareli vamwe, ta va tantere asi: ‘Ka tantereni varekerwa asi, Tareni, ame oku nina mana kuwapaika nondya dosipito. Nongombe noyimuna yokuneta yina pu kutoma, yininke nayinye yina zire mo. Wizeni kosipito sononkwara!’ 5Nye awo nombili si, tava zaaza kwayawo: gumwe kepya lyendi, ogu mukwawo koyininke yendi yondando. 6Ano ava vakwaavo tava kwata vakareli vahompa, tava va hepeke, ntani vana kuvadipaga. 7Eyi ana ya yi zuvhu hompa, ta handuka, ta tumu vakwayita vendi, va ka dipage varudipagi owo. Sitata sawo tava si swakerere. 8Makura ta tantere vakareli vendi asi: ‘Sipito sononkwara sene sina wapa, nye varekerwa yiwo vana dili kusiwapera. 9Yipo nye nomu zira ponompangwanzira, mu ka zigide nkenye ogu nomu vhura kukagwana, a wize kosipito sononkwara.’ 10Vakareli vendi tava ka za kononzira odo, va ka pongaike navenye ava va gwene ko, novadona novawa. Makura sinyanga tasi zura vagenda wosipito.
11“Makura hompa ta hwilire a ka tare vagenda. Ta ka mona po gumwe, ogu ga dilire kudwara sikoverero sosipito sononkwara. 12Age ta mu ninki asi: ‘Ove hewee, ee, ngapi omu ono gendi, o wize omu, ove wa hana sikoverero sosipito sononkwara?’ Gwina teete zendi. 13Hompa makura ta tantere vakareli asi: ‘Mu mangeni komawoko nokomaguru, mu mu zugumine ponze mendema. Kwina yiko naku ka kara siliro nomalikwetjo gomazego.’ 14Yeeyi ava va zigida vanzi, nye wovasesu tupu yiwo va horowora po.”
Yomutero
15Kutunda opo Vafalisayi tava zi, va ka liyonge asi ngapi omu nava vhura kukwata Jesus mononkango. 16Makura tava mu tumine varongwa vawo kumwe nava wonkwaHerodesa, va ka mu tantere asi: “Murongi, twa diva asi ove kwa hungama, makura yiyo o rongo nzira zaKarunga mouhunga. Yi kare yomuntu, ove nombili si, yeeyi ove kapi o tara yipa yovantu. 17Tu tantera nye asi ove nani ngapi omu o gazara: hompa gwaRoma kuvhura tupu kumufutira mutero ndi?” 18Jesus nare ana mono udona wawo, ta va limburura asi: “One nani vayilipaki, kuhetekera nge yisinke? 19Komu likida nge si sene simaliva somutero!” Makura vena tava mu retera simaliva sositenda. 20Jesus ta va pura asi: “Efano eli lyalye nani, nedina eli va tjanga po lyalye?” 21Awo tava limburura asi: “Lyahompa gwaRoma.” Makura age ta va tantere asi: “Nhi, omu futire hompa gwaRoma eyi ya mu hamena, ano Karunga nage yeeyi ya mu hamena.” 22Apa va yi zuvhire eyi, makura tava tetuka, tava mu sigi, tava ka za!
Yevhumbuko
23Ezuva lyoolyo yilyo va wizililire Jesus Vasadukayi, ava ngava tanta asi kutupu ko evhumbuko lyovafe. Makura tava mu pura asi: 24“Murongi, Mosesa kwa tente asi, ‘Muntu nsenesi a fa, nye age ga hana vana, mukurwendi ndi mumbyendi yige tupu kupinga mukadendi, a pindure ruvharo rwamunwazina.’ 25Ano nye pokatji ketu pwa kere muntu novamumbya vendi vatano‐navavali. Mbeli kwa kwere, makura ta fu, age ga hana vana. Ano mumbyendi ta pingi ogo mukadi. 26Gwauvali nage ngosikwawo, nogu gwautatu, dogoro noku kogu gwautano‐nauvali. 27Moruhura mukadi nage ta va sikura nye navenye. 28Pwava vatano‐navavali mukadalye nga ka kara pevhumbuko, yeeyi nkenye ogu yige ga kwere?”
29Jesus makura ta va limburura asi: “One eyi ayi mu pukisa, yeeyi mwa dira kudiva Matjangwa nononkango daKarunga. 30Yeeyi pevhumbuko lyovafe vantu kapi ngava likwara‐kwara. Awo ngava kara ngwendi vaengeli vaKarunga meguru. 31Yokuhamena evhumbuko, nani kapi mwa yi resa, omu ga mu tantera Karunga asi, 32‘Ame nyame Karunga gwaAbirahamu nogu gwaIsaka nogu gwaJakopo.’ Nye age kapisi Karunga govafe, age Karunga govanamwenyo.” 33Apa va yi zuvhire eyi vantu, makura tava li tetuka unene erongo lyendi.
Sipango sosinene po
34Apa va yi zuvhire Vafalisayi asi Vasadukayi kapi vana tanta po pwendi, makura navenye tava mu lipongaikire. 35Makura mukwaawo gumwe, mulirongi gomatjangwa, ta mu pura kasenzere asi: 36“Murongi, sipango esi sa pitakana po yikwawo moVeta zaKarunga nani sipi so po?” 37Jesus makura ta mu limburura asi: “O hare Hompa Karunga goge nomutjima goge nagunye nomwenyo goge nagunye nonondunge doge nadinye. 38Esi yiso sipango po sosinene sokuhova. 39Ano sikwawo sauvali, esi sa hura pwesi, yiso esi asi, ‘Ano a kare mukweni, o mu hare moomu wa lihara nyamoge.’ 40Moyipango eyi yivali yimo za korera Veta mudima zaMosesa nomatjangwa govaporofete.”
Yokuhamena Mesiyasa
41Vafalisayi eyi va ponga ngoso, makura Jesus ta va pura asi: 42“Ngapi omu omu gazara one Kristusa, asi munwalye?” Vena tava mu limburura asi: “MunwaNdafita sa.” 43Age ta va pura asi: “Ndafita ngapi nye za mu tumbwisisire Mpepo zaKarunga asi ‘Hompa’? Yeeyi Ndafita ga tente asi:
44‘Hompa kwa tanterere Hompa gwange asi:
Hingira korulyo rwange
dogoro noku ngani ninka nonkore doge,
di kare ulyatero wonompadi doge.’
45“Ano nye nsenesi Ndafita kumutumbura asi ‘Hompa’, ngapi nye omu na kara‐kara Mesiyasa hena munwendi?” 46Hawe, nagumwe si googu ga vhulire kumulimburura nampili nkango zimwe. Kutunda pezuvha olyo nagumwesi hena ga mu lipepekerere kumupura.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003