Mateusa 19
19
Jesus ta rongo yokuhamena nonkwara
1Apa ga mene Jesus kuuyunga nonkango edi, makura ta tundu moGalireya, ta zi mosirongo saJudaya, mesinya mwina lyaJorodana. 2Nombunga nonombunga dononene da mu sikwire, yiko ga ka va verwilire kooko.
3Makura Vafalisayi vamwe tava mu wizire va ya mu rave. Tava mu pura asi: “Mugara kuvhura kuzumbira mukadendi mokonda nkenye ezi ndi?” 4Age ta va limburura asi: “Kapi mwa resa asi, ‘Ogu ga ungire muntu petameko, kwa va rugene va kare mugara nomukadi,’ 5yiyo ga tente asi, ‘Yipo nye na sigira mugara oguhwe nozina, a hamene mukadendi, ano mouvali wawo makura va kare nye rutu rumwe tupu.’ 6Awo kapisi vavali hena, hawe, awo rutu rumwe tupu. Eyi ga gwanekedesa Karunga, muntu walye a yi gaununa.” 7Vafalisayi tava mu pura asi: “Morwasinke ga pangerere Mosesa kupa mukadi mbapira zomaligaunuko, va mu zumbe?” 8Age ta va limburura asi: “Morwaukukutu wonomutjima deni ga yi sigilire Mosesa yokuzumba vakadi veni, nye petameko kapisi yimo ngoso ya kere. 9Nye ame tani mu tantere asi, ogu a zumbu mukadendi, nye pwa hana konda zehondero, a ka kware nagepeke, nonkwara a teza.”
10Varongwa vendi tava mu tantere asi: “Nsenesi yimo va likara vantu namukadendi ngozo, yoyiwa po nani yokudira kukwara.” 11Nye Jesus ta va tantere asi: “Eyi kapisi yokukwata egano nkenye ogu, vaava va yi pa ntani. 12Yeeyi poveli ava va dira kuwapera nonkwara kutunda momazimo gozinyawo; poveli hena ava va rugana va dire kuwapera nonkwara, poveli hena vamwe ava va dira kukwara morwaUntungi weguru. Ogu a vhuru kuyikwata egano, a yi kwate.”
Jesus novanona
13Makura tava retere nye Jesus vanona, a ya va kambeke mawoko, a ya va kanderere. Varongwa makura tava va tugumukire. 14Nye Jesus ta tanta asi: “Sigeni vanona va wize kwange, mwa ha va kava, morwa vangoso yiwo wa hamena Untungi weguru.” 15Makura age ta va kambaike mawoko gendi, makura ta tundu po, ta ka za.
Mumati gongawo
16Mugara gumwe kwa wizilire Jesus, makura ta mu pura asi: “Murongi, yisinke yoyiwa nani rugana asi ngani ka gwane mwenyo gwanarunye?” 17Age ta mu limburura asi: “Yisinke ono kupulira nge yombinga zouwa? Ogu ga wapa po Karunga a huru. Ano nsenesi wa hara kuza momwenyo gwanarunye, o sikise mo yipango.” 18Gwina ta mu pura asi: “Yipi yo?” Jesus ta mu limburura asi: “Walye o dipaga; walye o hondere; walye o vaka; walye o tanta yimpempa. 19O fumadeke guho nanyoko, ove hena o hare mukweni moomu wa lihara nyamoge.” 20Mumati makura ta mu tantere asi: “Nayinye oyo ame kwa gusa kuyisikisa mo kutunda kounona wange. Yisinke hena ya hupa nge ko?” 21Jesus ta mu limburura asi: “Ano nye nsenesi wa hara kusikilira mo, zende nye o ka randese emona lyoge mudima, o ka yi gavere vahepwe, ngo ka gwanene po emonazuni meguru. Makura ntani nye no ka wiza, o ya kwame nge.” 22Nonkango edi apa ga di zuvhire mumati ogo, makura ta tundu po ana guvarara, morwa age kwa kere nemona lyenzi.
23Jesus makura ta tantere varongwa vendi asi: “Yosili nina kumutantera asi, komuntu gongawo udigu unene kuza moUntungi weguru. 24Tani rugwire mo hena kumutantera asi, yokupita ngameru mezuru lyonsonga hasa ureru, ya livhura neyi yokuza ngawo moUntungi waKarunga.” 25Apa va yi zuvhire eyi varongwa, nomutjima dawo tadi dombo, tava tanta asi: “Nsene yimo ngoso, yilye nye ogu nga vhura kuparuka?” 26Jesus ta va tarurura, makura ta va tantere asi: “Kovantu eyi edigu, nye kwaKarunga nayinye ureru.”
27Peturusa yipo ga mu tanterere asi: “Ko tara si, ose amesi nayinye twa siga, yiyo atu ku kwama. Yinke eyi ngatu ka gwanena po?” 28Jesus makura ta va limburura asi: “Yosili nina kumutantera asi, one ava mwa kwama nge, none ngomu ka hingira poyipundi murongo nayivali, ngomu pangure mazimo murongo nagavali gaIsraeli, apa nga hingira MunwaMuntu posipundi souyerere wendi pesitururo lyouzuni. 29Hena, nkenye ogu a sigi embo lyawo ndi vakuru vendi ndi mumbyendi ndi mpanzendi ndi oguhwe nozina ndi vana vendi nepya lyendi morwedina lyange, age nga gwanena po yokuvhura porwefere, hena nga ka gwanena po mwenyo gwanarunye. 30Nye sinzi sava va hova ngava hulilira, ano nye sinzi sava va hulilira yiwo ngava hova.
Currently Selected:
Mateusa 19: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Mateusa 19
19
Jesus ta rongo yokuhamena nonkwara
1Apa ga mene Jesus kuuyunga nonkango edi, makura ta tundu moGalireya, ta zi mosirongo saJudaya, mesinya mwina lyaJorodana. 2Nombunga nonombunga dononene da mu sikwire, yiko ga ka va verwilire kooko.
3Makura Vafalisayi vamwe tava mu wizire va ya mu rave. Tava mu pura asi: “Mugara kuvhura kuzumbira mukadendi mokonda nkenye ezi ndi?” 4Age ta va limburura asi: “Kapi mwa resa asi, ‘Ogu ga ungire muntu petameko, kwa va rugene va kare mugara nomukadi,’ 5yiyo ga tente asi, ‘Yipo nye na sigira mugara oguhwe nozina, a hamene mukadendi, ano mouvali wawo makura va kare nye rutu rumwe tupu.’ 6Awo kapisi vavali hena, hawe, awo rutu rumwe tupu. Eyi ga gwanekedesa Karunga, muntu walye a yi gaununa.” 7Vafalisayi tava mu pura asi: “Morwasinke ga pangerere Mosesa kupa mukadi mbapira zomaligaunuko, va mu zumbe?” 8Age ta va limburura asi: “Morwaukukutu wonomutjima deni ga yi sigilire Mosesa yokuzumba vakadi veni, nye petameko kapisi yimo ngoso ya kere. 9Nye ame tani mu tantere asi, ogu a zumbu mukadendi, nye pwa hana konda zehondero, a ka kware nagepeke, nonkwara a teza.”
10Varongwa vendi tava mu tantere asi: “Nsenesi yimo va likara vantu namukadendi ngozo, yoyiwa po nani yokudira kukwara.” 11Nye Jesus ta va tantere asi: “Eyi kapisi yokukwata egano nkenye ogu, vaava va yi pa ntani. 12Yeeyi poveli ava va dira kuwapera nonkwara kutunda momazimo gozinyawo; poveli hena ava va rugana va dire kuwapera nonkwara, poveli hena vamwe ava va dira kukwara morwaUntungi weguru. Ogu a vhuru kuyikwata egano, a yi kwate.”
Jesus novanona
13Makura tava retere nye Jesus vanona, a ya va kambeke mawoko, a ya va kanderere. Varongwa makura tava va tugumukire. 14Nye Jesus ta tanta asi: “Sigeni vanona va wize kwange, mwa ha va kava, morwa vangoso yiwo wa hamena Untungi weguru.” 15Makura age ta va kambaike mawoko gendi, makura ta tundu po, ta ka za.
Mumati gongawo
16Mugara gumwe kwa wizilire Jesus, makura ta mu pura asi: “Murongi, yisinke yoyiwa nani rugana asi ngani ka gwane mwenyo gwanarunye?” 17Age ta mu limburura asi: “Yisinke ono kupulira nge yombinga zouwa? Ogu ga wapa po Karunga a huru. Ano nsenesi wa hara kuza momwenyo gwanarunye, o sikise mo yipango.” 18Gwina ta mu pura asi: “Yipi yo?” Jesus ta mu limburura asi: “Walye o dipaga; walye o hondere; walye o vaka; walye o tanta yimpempa. 19O fumadeke guho nanyoko, ove hena o hare mukweni moomu wa lihara nyamoge.” 20Mumati makura ta mu tantere asi: “Nayinye oyo ame kwa gusa kuyisikisa mo kutunda kounona wange. Yisinke hena ya hupa nge ko?” 21Jesus ta mu limburura asi: “Ano nye nsenesi wa hara kusikilira mo, zende nye o ka randese emona lyoge mudima, o ka yi gavere vahepwe, ngo ka gwanene po emonazuni meguru. Makura ntani nye no ka wiza, o ya kwame nge.” 22Nonkango edi apa ga di zuvhire mumati ogo, makura ta tundu po ana guvarara, morwa age kwa kere nemona lyenzi.
23Jesus makura ta tantere varongwa vendi asi: “Yosili nina kumutantera asi, komuntu gongawo udigu unene kuza moUntungi weguru. 24Tani rugwire mo hena kumutantera asi, yokupita ngameru mezuru lyonsonga hasa ureru, ya livhura neyi yokuza ngawo moUntungi waKarunga.” 25Apa va yi zuvhire eyi varongwa, nomutjima dawo tadi dombo, tava tanta asi: “Nsene yimo ngoso, yilye nye ogu nga vhura kuparuka?” 26Jesus ta va tarurura, makura ta va tantere asi: “Kovantu eyi edigu, nye kwaKarunga nayinye ureru.”
27Peturusa yipo ga mu tanterere asi: “Ko tara si, ose amesi nayinye twa siga, yiyo atu ku kwama. Yinke eyi ngatu ka gwanena po?” 28Jesus makura ta va limburura asi: “Yosili nina kumutantera asi, one ava mwa kwama nge, none ngomu ka hingira poyipundi murongo nayivali, ngomu pangure mazimo murongo nagavali gaIsraeli, apa nga hingira MunwaMuntu posipundi souyerere wendi pesitururo lyouzuni. 29Hena, nkenye ogu a sigi embo lyawo ndi vakuru vendi ndi mumbyendi ndi mpanzendi ndi oguhwe nozina ndi vana vendi nepya lyendi morwedina lyange, age nga gwanena po yokuvhura porwefere, hena nga ka gwanena po mwenyo gwanarunye. 30Nye sinzi sava va hova ngava hulilira, ano nye sinzi sava va hulilira yiwo ngava hova.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003