Mateusa 16
16
Yidiviso yeyi yeguru
1Vafalisayi noVasadukayi kwa wizilire Jesus, va ya mu heteke pokumuhundira asi, a va likide sidiviso seyi yeguru. 2Nye age ta va tantere asi: “One ngurova kutanta asi, ‘Mungura ngaku wapa, yeeyi kuna gehe keguru.’ 3Ano ngurangura tomu tanta asi, ‘Naku kara ekundungu, morwa kuninka asi keguru kuna kara oku ugeha oku usovagani.’ One kwa diva nawa‐nawa kufwaturura yimoneka yeguru, nye yidiviso yomaruveze kapi mwa yi konekesa. 4Vantu wovadona wokudira kulimburukwa yiwo ava puragere yidiviso. Nye sidiviso kutupu esi ngava mu pa, ntudi somuporofete Jona no.” Makura ta va sigi, ta ka za.
Hingo zoVafalisayi noVasadukayi
5Eyi va ka sika mesinya mwina, varongwa nani vana divara kusimba mboroto. 6Makura Jesus ta va tantere asi: “Omu takamese nerungi hingo zoVafalisayi noVasadukayi.” 7Nye awo kuna kukerera kuliyonga asi: “Mboroto tuna divara.” 8Eyi ana yi zuvhu Jesus, makura ta va tantere asi: “Ani one vanepurogona, yinke muna kuliyonga ngoso? Morwa kudira kusimba mboroto ndi? 9Simpe nani kapi muna yi kwata egano? Kapi nani omu diworoka nomboroto ntano, edi da kutikire mayovi gatano? Yikumba yingapi nani ya zulire koruhupwa oru mwa pongaikire? 10Ntani nomboroto ntano‐nambali, edi da kutikire mayovi gane? Yikumba yingapi ya zulire pokupongaika ruhupwa nani? 11Eyi muna dilire kuyikwata egano asi kapisi mboroto nina tamba pokumutantera asi, ‘Omu takamese hingo zoVafalisayi noVasadukayi’?” 12Kutunda opo tava yi kwata egano asi, nani kapi ana tamba asi ava likunge kohingo zomboroto, nani kuna hamene erongo lyoVafalisayi noVasadukayi.
Etongonono lyaPeturusa netateko lyepemanya
13Apa ga sikire Jesus mosirongo saKesareya Filipi, ta pura varongwa vendi asi: “Ngapi omu ava gazara vantu MunwaMuntu, asi yigelye?” 14Awo tava limburura asi: “Vamwe asi yige Johanesa Mukuhwi, ava vamwe asi Eliya, ano ava vamwe mo hena asi Jeremiya ndi asi muporofete gumwe ngoso.” 15Makura age ta va pura asi: “One nye no, omu omu gazara nge asi nyamelye?” 16Simoni Peturusa ta limburura asi: “Nyove sa Mesiyasa, MunwaKarunga goMunamwenyo.” 17Makura Jesus ta mu limburura asi: “Munerago ove, Simoni zaJona. Yeeyi asi kapisi muntu ana yi ku mahwire, Otate vemeguru vana yi ku mahwire. 18Nye ame tani ku tantere asi, ove nyove Peturusa (kuninka asi Emanya), ano pemanya eli ngani tunga po ngereka zange. Ano nonkondo dosirongo sovafe narumwe si ngadi zi dina. 19Ame ngani ku pa nonsapi doUntungi weguru. Nkenye eyi ngo manga pevhu, nemeguru namo ngava yi manga; ano nkenye eyi tupu ngo mangurura pevhu, nemeguru namo ngava yi mangurura.” 20Kutunda opo ta ngongomekeda varongwa vendi, asi va ha mu zigauka kovantu asi yige Mesiyasa.
Jesus ta divisa runyando nonomfa dendi
21Kutunda opo makura Jesus ta vareke kudivisa varongwa vendi asi age yige tupu kuza koJerusarema, a ka nyande unene komasimbi goVajuda nokovapristeli wovanene nokovalirongi womatjangwa, ngava ka mu dipage, hena asi nga ka vhumbuka koufe mezuva lyautatu. 22Makura Peturusa ta mu gusa po, ta mu twara pompengi, ta ka mu kava asi: “Karunga ngano ta kwafa tupu yi ka fire mo Hompa, ya ha ku horekera ngano!” 23Makura age ta setuka, ta tara Peturusa, ta mu tantere asi: “Tunda po pwange, Satana. Kwange ove o muzapukisi, yeeyi ove kapi wa kara nomagazaro gaKarunga, gosintu ntani wa kara nago.”
24Makura ntani ana tantere Jesus varongwa vendi asi: “Muntu ogu ga hara kukwama nge, a lidine ntani, ta damuna silivindakano sendi, ta kwama nge. 25Yeeyi ogu ga hara kuparura mwenyo gwendi, nga gu zumbanesa; ano ogu a zumbanesere mwenyo gwendi mwarwange, yige nye nga gu gwana. 26Ndi yinke ayi kwafa muntu yokuweka uzuni mudima, nye mwenyo goge to gu zumbanesa? Ndi yinke a vhuru kugava muntu, a zowese ko mwenyo gwendi? 27Yeeyi MunwaMuntu novaengeli vendi nga wiza mouyerere waGuhwe, makura nye nga ya tengwide kuwoko nkenye ogu mokuliza noyirugana yendi. 28Yosili nina kumutantera asi, poveli vamwe paapa tuna sikama ngesi, ava ngava dira kumakera nomfa, awo va hana kumona MunwaMuntu ta wiza mouhompa wendi.”
Currently Selected:
Mateusa 16: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Mateusa 16
16
Yidiviso yeyi yeguru
1Vafalisayi noVasadukayi kwa wizilire Jesus, va ya mu heteke pokumuhundira asi, a va likide sidiviso seyi yeguru. 2Nye age ta va tantere asi: “One ngurova kutanta asi, ‘Mungura ngaku wapa, yeeyi kuna gehe keguru.’ 3Ano ngurangura tomu tanta asi, ‘Naku kara ekundungu, morwa kuninka asi keguru kuna kara oku ugeha oku usovagani.’ One kwa diva nawa‐nawa kufwaturura yimoneka yeguru, nye yidiviso yomaruveze kapi mwa yi konekesa. 4Vantu wovadona wokudira kulimburukwa yiwo ava puragere yidiviso. Nye sidiviso kutupu esi ngava mu pa, ntudi somuporofete Jona no.” Makura ta va sigi, ta ka za.
Hingo zoVafalisayi noVasadukayi
5Eyi va ka sika mesinya mwina, varongwa nani vana divara kusimba mboroto. 6Makura Jesus ta va tantere asi: “Omu takamese nerungi hingo zoVafalisayi noVasadukayi.” 7Nye awo kuna kukerera kuliyonga asi: “Mboroto tuna divara.” 8Eyi ana yi zuvhu Jesus, makura ta va tantere asi: “Ani one vanepurogona, yinke muna kuliyonga ngoso? Morwa kudira kusimba mboroto ndi? 9Simpe nani kapi muna yi kwata egano? Kapi nani omu diworoka nomboroto ntano, edi da kutikire mayovi gatano? Yikumba yingapi nani ya zulire koruhupwa oru mwa pongaikire? 10Ntani nomboroto ntano‐nambali, edi da kutikire mayovi gane? Yikumba yingapi ya zulire pokupongaika ruhupwa nani? 11Eyi muna dilire kuyikwata egano asi kapisi mboroto nina tamba pokumutantera asi, ‘Omu takamese hingo zoVafalisayi noVasadukayi’?” 12Kutunda opo tava yi kwata egano asi, nani kapi ana tamba asi ava likunge kohingo zomboroto, nani kuna hamene erongo lyoVafalisayi noVasadukayi.
Etongonono lyaPeturusa netateko lyepemanya
13Apa ga sikire Jesus mosirongo saKesareya Filipi, ta pura varongwa vendi asi: “Ngapi omu ava gazara vantu MunwaMuntu, asi yigelye?” 14Awo tava limburura asi: “Vamwe asi yige Johanesa Mukuhwi, ava vamwe asi Eliya, ano ava vamwe mo hena asi Jeremiya ndi asi muporofete gumwe ngoso.” 15Makura age ta va pura asi: “One nye no, omu omu gazara nge asi nyamelye?” 16Simoni Peturusa ta limburura asi: “Nyove sa Mesiyasa, MunwaKarunga goMunamwenyo.” 17Makura Jesus ta mu limburura asi: “Munerago ove, Simoni zaJona. Yeeyi asi kapisi muntu ana yi ku mahwire, Otate vemeguru vana yi ku mahwire. 18Nye ame tani ku tantere asi, ove nyove Peturusa (kuninka asi Emanya), ano pemanya eli ngani tunga po ngereka zange. Ano nonkondo dosirongo sovafe narumwe si ngadi zi dina. 19Ame ngani ku pa nonsapi doUntungi weguru. Nkenye eyi ngo manga pevhu, nemeguru namo ngava yi manga; ano nkenye eyi tupu ngo mangurura pevhu, nemeguru namo ngava yi mangurura.” 20Kutunda opo ta ngongomekeda varongwa vendi, asi va ha mu zigauka kovantu asi yige Mesiyasa.
Jesus ta divisa runyando nonomfa dendi
21Kutunda opo makura Jesus ta vareke kudivisa varongwa vendi asi age yige tupu kuza koJerusarema, a ka nyande unene komasimbi goVajuda nokovapristeli wovanene nokovalirongi womatjangwa, ngava ka mu dipage, hena asi nga ka vhumbuka koufe mezuva lyautatu. 22Makura Peturusa ta mu gusa po, ta mu twara pompengi, ta ka mu kava asi: “Karunga ngano ta kwafa tupu yi ka fire mo Hompa, ya ha ku horekera ngano!” 23Makura age ta setuka, ta tara Peturusa, ta mu tantere asi: “Tunda po pwange, Satana. Kwange ove o muzapukisi, yeeyi ove kapi wa kara nomagazaro gaKarunga, gosintu ntani wa kara nago.”
24Makura ntani ana tantere Jesus varongwa vendi asi: “Muntu ogu ga hara kukwama nge, a lidine ntani, ta damuna silivindakano sendi, ta kwama nge. 25Yeeyi ogu ga hara kuparura mwenyo gwendi, nga gu zumbanesa; ano ogu a zumbanesere mwenyo gwendi mwarwange, yige nye nga gu gwana. 26Ndi yinke ayi kwafa muntu yokuweka uzuni mudima, nye mwenyo goge to gu zumbanesa? Ndi yinke a vhuru kugava muntu, a zowese ko mwenyo gwendi? 27Yeeyi MunwaMuntu novaengeli vendi nga wiza mouyerere waGuhwe, makura nye nga ya tengwide kuwoko nkenye ogu mokuliza noyirugana yendi. 28Yosili nina kumutantera asi, poveli vamwe paapa tuna sikama ngesi, ava ngava dira kumakera nomfa, awo va hana kumona MunwaMuntu ta wiza mouhompa wendi.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003