Mateusa 10
10
Vapostoli murongo navavali
1Makura Jesus ta zigida varongwa vendi murongo navavali, ta va pe nonkondo dokutjida nompepo donondona nokuverura nkenye uvera nokuyova nakunye. 2Madina goVapostoli yigo nye aga: gokuhoverera Simoni, ogu va ruka asi Peturusa, namumbyendi Andiliyasa, naJakopo zaSebede namumbyendi Johanesa, 3naFilipusa naBaratoromeusa, naTomasa, naMateusa, mufutisi gomutero, naJakopo zaArufeusa naTadeusa, 4naSimoni gomupampi, naJudasa Isikalyoto, ogu ga horwere Jesus.
Etumo lyoVapostoli
5Jesus kwa tumine ava murongo navavali, ta va pamperekeda asi: “Mwa ha ka za kovapagani ndi mu ka hwilire moyitata yoVasamaliya. 6Yoyiwa po yokuza kononzwi edi da zumbana domomuhoko gwaIsraeli. 7Zendeni mu ka udise asi, ‘Untungi waKarunga pepi una kara.’ 8Ka verureni vaveli, mu ka pindure vafe, mu ka kuhure vanayingondwe, hena mu ka tjide nompepo donondona. Mawoko‐woko muna yi gwana, none ka yi gaveni mawoko‐woko. 9Mwa ha lisimbira yimaliva yongorodo ndi yosisiliveli nankenye tupu yimaliva monongama deni, 10nondjato si zeezi zomorugendo ndi yikoverero yivali, ndi nonkaku ndi mpango, yeeyi murugani kuparukira moyirugana yendi.
11“Mwankenye sitata ndi mukunda ogu ngomu za, pulideni mo muntu gomuwa, mu kare nendi dogoro noku ngomu ka tunda mo. 12Muna kuza ponzugo, tanko tomu gava mbili. 13Nsenesi nzugo ozo ngwa, mpora zeni tazi zi wizire. Ano nsenesi kapi za kara yoyiwa, mpora zeni tazi mu tengwire nyamweni. 14Oku nava ka nyoka kumutambura, va dire kupurakena kononkango deni, tomu ka tunda po ponzugo ozo ndi mositata oso, oku tomu likukumuna mbundu ezi zina mu kara konompadi deni. 15Yosili nina kumutantera asi, yosirongo saSodoma naGomora ngayi kara hasa mEzuva lyoMpanguro, nye yositata oso ngayi rura!
Eyi ngayi horokera varongwa
16“Tareni, ame kuna kumutuma ngwendi nonzwi mokatji komambungu. Yipo nomu rungamena ngwendi mazoka, tomu kuruka ngwendi nonkutji. 17Nye omu nomene vantu, morwa awo ngava mu gava konombangwiliro, ngava ka mu toonene monosinagoge dawo. 18Nye hena ngava mu twara komeho zovapangeli nohompa mwarwange, ngomu gave umbangi wokuhamena nge komeho zawo novapagani. 19Nye nsenesi ngava mu kwata, mwa ha lipakera sinka asi ngapi ndi yinke nomu ka uyunga, yeeyi moruveze rooro ngomu gwana eyi ngomu ka uyunga. 20Kapisi nyone ngomu ka uyunga, Mpepo zaGuhyeni yizo ngazi mu uyungisisa.
21“Mukurwamuntu nga tokwera mumbyendi konomfa, ano guhyamuntu nga kandwisisa munwendi konomfa. Vana ngava pirukira vakurona vawo, va va dipage. 22Makura ngava mu nyengere nye navenye morwedina lyange. Nye ogu nga didimika dogoro nokouhura, yige nga yoworoka. 23Nye nsenesi ngava mu hepekera mositata simwe, tjwayukireni kosikwawo. Yeeyi yosili nina kumutantera asi, kapi ngomu yi tjiura yitata yaIsraeli, MunwaMuntu age ga hana kumyauka.
24“Murongwa kapi ga pita murongi gwendi, ano a kare mukareli, nage ngosikwawo kapi a piti hekurwendi. 25Murongwa a lize nomurongi gwendi, ano mukareli ta lizi nahekurwendi. Nsene va tumbura nturagumbo asi Belisebubu, kovarongwa vendi kapi ngayi rura?
Ogu nava tjira po yilye?
26“Walye omu va tjira, yeeyi nasimwe si sa vanda, esi ngasi dira kunongonokwa, ndi si kare esi sa divama, ngasi dire kudivikwa. 27Eyi nina kumutantera momundema, ka yi tanteni komeho zovantu navenye. Ano eyi muna kuzuvha moyingungutura, ka yi diviseni peguru lyonzugo. 28Walye omu tjira ava ava vhuru kudipaga rutu rwelike, nye va hana kuvhura kudipaga mwenyo. Nye omu tjire po unene Karunga, ogu a vhuru kuzonagura mwenyo norutu moMundiro gwanarunye. 29Nani manzunge gavali kapi ava ga randa senda zimwe? Nye nalimwe si ali gwire pevhu, alyo lya hana kudivikwa kwaGuhyeni. 30Ngone, nonohuki nadinye dokonomutwe deni da pwa kuvara. 31Yipo nye nomu dilira kutjira, yeeyi one kwa pitakana manzunge gomanzi momulyo!
Kutongonona nokupatana Kristusa
32“Nkenye ogu a tongonona nge komeho zovantu, name ngani ka mu tongonona komeho zOtate vemeguru. 33Ano nkenyogu a patana nge komeho zovantu, name ngani ka mu patana komeho zOtate vemeguru.
Jesus kwa reta yita, kapisi mpora
34“Mwa ha gazara asi ame kwa wizira ni rete mpora pevhu, ame kureta rufuro na wizira. 35Morwa ame kwa wizira, ni ya pake po malinyengo pokatji komuna gomugara naguhwe, nopokatji komuna gomukadi nazina, nopokatji komuntu nangumweyi zendi. 36Ano ava ga tunga nawo muntu, yiwo ngava kara wonkore zendi woowo.
37“Ogu ga hara po unene guhwe ndi zina kupitakana omu ga harera nge, kapi ga wapera kukara gwange. Ano ogu ga hara po unene munwendi gomugara ndi gomukadi, kupitakana omu ga harera nge, kapi ga wapera kukara gwange. 38Hena, ogu a dili kudamuna silivindakano sendi a kwame nge, kapi ga wapera kukara gwange. 39Ogu a ruwu mwenyo gwendi, nga gu zumbanesa, ano ogu a zumbanesere mwenyo gwendi mwarwange, yige nga gu gwana.
Yomfeto
40“Ogu a mu tambura, nyame a tambura. Ano ogu a tambura nge, googu ga tuma nge, yige a tambura. 41Ogu a tambwire muporofete morwauporofete wendi, nga gwana mfeto zomuporofete; a kare ogu a tambwire muhungami morwauhungami wendi, nga gwana mfeto zomuhungami. 42Ano ogu a pere nkinda zelike zomema gomatenda mumbyangegona gumwe yeeyi asi age murongwa gwange, yosili nina kumutantera asi, kapi nga pumbwa mfeto zendi.”
Currently Selected:
Mateusa 10: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Mateusa 10
10
Vapostoli murongo navavali
1Makura Jesus ta zigida varongwa vendi murongo navavali, ta va pe nonkondo dokutjida nompepo donondona nokuverura nkenye uvera nokuyova nakunye. 2Madina goVapostoli yigo nye aga: gokuhoverera Simoni, ogu va ruka asi Peturusa, namumbyendi Andiliyasa, naJakopo zaSebede namumbyendi Johanesa, 3naFilipusa naBaratoromeusa, naTomasa, naMateusa, mufutisi gomutero, naJakopo zaArufeusa naTadeusa, 4naSimoni gomupampi, naJudasa Isikalyoto, ogu ga horwere Jesus.
Etumo lyoVapostoli
5Jesus kwa tumine ava murongo navavali, ta va pamperekeda asi: “Mwa ha ka za kovapagani ndi mu ka hwilire moyitata yoVasamaliya. 6Yoyiwa po yokuza kononzwi edi da zumbana domomuhoko gwaIsraeli. 7Zendeni mu ka udise asi, ‘Untungi waKarunga pepi una kara.’ 8Ka verureni vaveli, mu ka pindure vafe, mu ka kuhure vanayingondwe, hena mu ka tjide nompepo donondona. Mawoko‐woko muna yi gwana, none ka yi gaveni mawoko‐woko. 9Mwa ha lisimbira yimaliva yongorodo ndi yosisiliveli nankenye tupu yimaliva monongama deni, 10nondjato si zeezi zomorugendo ndi yikoverero yivali, ndi nonkaku ndi mpango, yeeyi murugani kuparukira moyirugana yendi.
11“Mwankenye sitata ndi mukunda ogu ngomu za, pulideni mo muntu gomuwa, mu kare nendi dogoro noku ngomu ka tunda mo. 12Muna kuza ponzugo, tanko tomu gava mbili. 13Nsenesi nzugo ozo ngwa, mpora zeni tazi zi wizire. Ano nsenesi kapi za kara yoyiwa, mpora zeni tazi mu tengwire nyamweni. 14Oku nava ka nyoka kumutambura, va dire kupurakena kononkango deni, tomu ka tunda po ponzugo ozo ndi mositata oso, oku tomu likukumuna mbundu ezi zina mu kara konompadi deni. 15Yosili nina kumutantera asi, yosirongo saSodoma naGomora ngayi kara hasa mEzuva lyoMpanguro, nye yositata oso ngayi rura!
Eyi ngayi horokera varongwa
16“Tareni, ame kuna kumutuma ngwendi nonzwi mokatji komambungu. Yipo nomu rungamena ngwendi mazoka, tomu kuruka ngwendi nonkutji. 17Nye omu nomene vantu, morwa awo ngava mu gava konombangwiliro, ngava ka mu toonene monosinagoge dawo. 18Nye hena ngava mu twara komeho zovapangeli nohompa mwarwange, ngomu gave umbangi wokuhamena nge komeho zawo novapagani. 19Nye nsenesi ngava mu kwata, mwa ha lipakera sinka asi ngapi ndi yinke nomu ka uyunga, yeeyi moruveze rooro ngomu gwana eyi ngomu ka uyunga. 20Kapisi nyone ngomu ka uyunga, Mpepo zaGuhyeni yizo ngazi mu uyungisisa.
21“Mukurwamuntu nga tokwera mumbyendi konomfa, ano guhyamuntu nga kandwisisa munwendi konomfa. Vana ngava pirukira vakurona vawo, va va dipage. 22Makura ngava mu nyengere nye navenye morwedina lyange. Nye ogu nga didimika dogoro nokouhura, yige nga yoworoka. 23Nye nsenesi ngava mu hepekera mositata simwe, tjwayukireni kosikwawo. Yeeyi yosili nina kumutantera asi, kapi ngomu yi tjiura yitata yaIsraeli, MunwaMuntu age ga hana kumyauka.
24“Murongwa kapi ga pita murongi gwendi, ano a kare mukareli, nage ngosikwawo kapi a piti hekurwendi. 25Murongwa a lize nomurongi gwendi, ano mukareli ta lizi nahekurwendi. Nsene va tumbura nturagumbo asi Belisebubu, kovarongwa vendi kapi ngayi rura?
Ogu nava tjira po yilye?
26“Walye omu va tjira, yeeyi nasimwe si sa vanda, esi ngasi dira kunongonokwa, ndi si kare esi sa divama, ngasi dire kudivikwa. 27Eyi nina kumutantera momundema, ka yi tanteni komeho zovantu navenye. Ano eyi muna kuzuvha moyingungutura, ka yi diviseni peguru lyonzugo. 28Walye omu tjira ava ava vhuru kudipaga rutu rwelike, nye va hana kuvhura kudipaga mwenyo. Nye omu tjire po unene Karunga, ogu a vhuru kuzonagura mwenyo norutu moMundiro gwanarunye. 29Nani manzunge gavali kapi ava ga randa senda zimwe? Nye nalimwe si ali gwire pevhu, alyo lya hana kudivikwa kwaGuhyeni. 30Ngone, nonohuki nadinye dokonomutwe deni da pwa kuvara. 31Yipo nye nomu dilira kutjira, yeeyi one kwa pitakana manzunge gomanzi momulyo!
Kutongonona nokupatana Kristusa
32“Nkenye ogu a tongonona nge komeho zovantu, name ngani ka mu tongonona komeho zOtate vemeguru. 33Ano nkenyogu a patana nge komeho zovantu, name ngani ka mu patana komeho zOtate vemeguru.
Jesus kwa reta yita, kapisi mpora
34“Mwa ha gazara asi ame kwa wizira ni rete mpora pevhu, ame kureta rufuro na wizira. 35Morwa ame kwa wizira, ni ya pake po malinyengo pokatji komuna gomugara naguhwe, nopokatji komuna gomukadi nazina, nopokatji komuntu nangumweyi zendi. 36Ano ava ga tunga nawo muntu, yiwo ngava kara wonkore zendi woowo.
37“Ogu ga hara po unene guhwe ndi zina kupitakana omu ga harera nge, kapi ga wapera kukara gwange. Ano ogu ga hara po unene munwendi gomugara ndi gomukadi, kupitakana omu ga harera nge, kapi ga wapera kukara gwange. 38Hena, ogu a dili kudamuna silivindakano sendi a kwame nge, kapi ga wapera kukara gwange. 39Ogu a ruwu mwenyo gwendi, nga gu zumbanesa, ano ogu a zumbanesere mwenyo gwendi mwarwange, yige nga gu gwana.
Yomfeto
40“Ogu a mu tambura, nyame a tambura. Ano ogu a tambura nge, googu ga tuma nge, yige a tambura. 41Ogu a tambwire muporofete morwauporofete wendi, nga gwana mfeto zomuporofete; a kare ogu a tambwire muhungami morwauhungami wendi, nga gwana mfeto zomuhungami. 42Ano ogu a pere nkinda zelike zomema gomatenda mumbyangegona gumwe yeeyi asi age murongwa gwange, yosili nina kumutantera asi, kapi nga pumbwa mfeto zendi.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003