Marakiya 3
3
1 Hompa Munankondo nadinye ta limburura asi: “Ngani tuma ntumi zange, zi wapekere nge nzira. Makura ngomu liharuka Hompa ogu omu papara ta wiza kontembeli zendi. Ntumi ezi muna diworoka kumona, tazi wiza zi ya udise egwanekero lyange.”
2Nye yilye ogu nga vhura kulididimikira ezuva eli nga wiza? Ogu nga vhura kuparuka ezuva eli nga horoka yilye? Age nga kara ngwendi mfewa zononkondo, ngwendi mundiro ogu agu kuhura sivera. 3Nga wiza a ya pangure ngwendi gogu a zeresa ta kuhura sisiliveli. Moomu a zeresa murugani goyivera sisiliveli nongorodo, nontumi zaHompa nazo yimo ngazi kuhura vapristeli, makura ngava retere Hompa nonzambo edi da hungama. 4Nonzambo edi ngava reta vantu womoJuda naJerusarema kwaHompa ngadi mu hafesa, moomu ya kere nare.
5 Hompa Munankondo nadinye ta tanta asi: “Ngani horoka pokatji keni ni pangure, tani gava undipo kwava ava rugana youmpure, konohondedi, kwava ava gava undipo woyimpempa, ava va nyokoma varugani nomfuto dawo, nava ava gusa eyi ya tumbukira vafisavaya nononsigwe novanayirongo — kwanavenye ava ava dili kufumadeka nge.
Mfuto zoyiumurongo
6“Ame Hompa kapi ani runduruka. Ano one ko nontekuru daJakopo kapi muna zumbanenene nuunu. 7One, moomu mozinyakurweni ava va hova kweni, mwa zumba noveta dange, kapi omu di sikisa mo. Tengureni kwange, makura name ngani tengwire kweni. Nye one kuna kupura asi: ‘Yinke eyi natu vhura kurugana, tu tengwire koge?’ 8Tani mu pura asi, enye sili muntu ya mu wapera yokunyeka Karunga ndi? Kapi ya zira mo, nye one kuna kunyokoma nge. ‘Nani ngapi?’ yimo muna kupura Mombinga zoyiumurongo nononzambo. 9Efingiliro polili pwanamuvenye morwa tomu nyokoma nge. 10Omu rete sivaro sokuzura soyiumurongo kontembeli, ngaku kare nondya dononzi. Hetekeni nge, ngomu mone tani zegurura makende geguru ni mu tjukumwine yoyinzi yoyiwa yomarudi nagenye. 11Kapi ngani siga yimbumburu yi zonagura po nomuzangu deni, ano yindjembere yeni ngayi dwara mandjembere. 12Makura vantu wonomuhoko nadinye ngava mu tumbura asi vanerago, morwa sirongo seni ngasi kara evega lyewa lyokutunga.”
Etumbwidiro lyaKarunga lyonkenda
13 Hompa ta tanta asi: “One kwa uyunga nge yininke yoyidona unene. Nye one kupura asi: ‘Yinke twa kuuyunga?’ 14One kutanta asi: ‘Kukerera Karunga nayimwe si. Sikwafa musinke sokurugana eyi a tanta ndi kulikida Hompa Munankondo nadinye asi, tatu livere kweyi twa rugana? 15Omu tuna kuyimona ose, wokulinenepeka yiwo po va ragopa. Vantu wovadona kapisi kuragopa kwelike ava ragopa, nye awo kuhetekesa edidimiko lyaKarunga koyirugana yawo yoyidona, makura tava litundire po va hana yuma.’ ”
16Vantu ava ava tjira Hompa kulitantera vene navene, makura Hompa ta purakene a zuvhe eyi ava tanta. Komeho zendi yiko va tjangerere mobuke elikwamo lyava ava tjira Hompa oku tava mu fumadeke. 17Hompa Munankondo nadinye ta tanta asi: “Awo ngava kara vantu vange. Mezuva eli ngani rugana, ngava kara vaamwange. Ngani va fira nkenda, moomu a fire nkenda guhya muna gomugara ogu a mu ruganene. 18Vantu vange ngava mona hena malisigo pokatji keyi ngayi horokera vahungami novadinikarunga, pokatji kogu a kerere nge nogu a dili kukerera nge.”
Currently Selected:
Marakiya 3: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Marakiya 3
3
1 Hompa Munankondo nadinye ta limburura asi: “Ngani tuma ntumi zange, zi wapekere nge nzira. Makura ngomu liharuka Hompa ogu omu papara ta wiza kontembeli zendi. Ntumi ezi muna diworoka kumona, tazi wiza zi ya udise egwanekero lyange.”
2Nye yilye ogu nga vhura kulididimikira ezuva eli nga wiza? Ogu nga vhura kuparuka ezuva eli nga horoka yilye? Age nga kara ngwendi mfewa zononkondo, ngwendi mundiro ogu agu kuhura sivera. 3Nga wiza a ya pangure ngwendi gogu a zeresa ta kuhura sisiliveli. Moomu a zeresa murugani goyivera sisiliveli nongorodo, nontumi zaHompa nazo yimo ngazi kuhura vapristeli, makura ngava retere Hompa nonzambo edi da hungama. 4Nonzambo edi ngava reta vantu womoJuda naJerusarema kwaHompa ngadi mu hafesa, moomu ya kere nare.
5 Hompa Munankondo nadinye ta tanta asi: “Ngani horoka pokatji keni ni pangure, tani gava undipo kwava ava rugana youmpure, konohondedi, kwava ava gava undipo woyimpempa, ava va nyokoma varugani nomfuto dawo, nava ava gusa eyi ya tumbukira vafisavaya nononsigwe novanayirongo — kwanavenye ava ava dili kufumadeka nge.
Mfuto zoyiumurongo
6“Ame Hompa kapi ani runduruka. Ano one ko nontekuru daJakopo kapi muna zumbanenene nuunu. 7One, moomu mozinyakurweni ava va hova kweni, mwa zumba noveta dange, kapi omu di sikisa mo. Tengureni kwange, makura name ngani tengwire kweni. Nye one kuna kupura asi: ‘Yinke eyi natu vhura kurugana, tu tengwire koge?’ 8Tani mu pura asi, enye sili muntu ya mu wapera yokunyeka Karunga ndi? Kapi ya zira mo, nye one kuna kunyokoma nge. ‘Nani ngapi?’ yimo muna kupura Mombinga zoyiumurongo nononzambo. 9Efingiliro polili pwanamuvenye morwa tomu nyokoma nge. 10Omu rete sivaro sokuzura soyiumurongo kontembeli, ngaku kare nondya dononzi. Hetekeni nge, ngomu mone tani zegurura makende geguru ni mu tjukumwine yoyinzi yoyiwa yomarudi nagenye. 11Kapi ngani siga yimbumburu yi zonagura po nomuzangu deni, ano yindjembere yeni ngayi dwara mandjembere. 12Makura vantu wonomuhoko nadinye ngava mu tumbura asi vanerago, morwa sirongo seni ngasi kara evega lyewa lyokutunga.”
Etumbwidiro lyaKarunga lyonkenda
13 Hompa ta tanta asi: “One kwa uyunga nge yininke yoyidona unene. Nye one kupura asi: ‘Yinke twa kuuyunga?’ 14One kutanta asi: ‘Kukerera Karunga nayimwe si. Sikwafa musinke sokurugana eyi a tanta ndi kulikida Hompa Munankondo nadinye asi, tatu livere kweyi twa rugana? 15Omu tuna kuyimona ose, wokulinenepeka yiwo po va ragopa. Vantu wovadona kapisi kuragopa kwelike ava ragopa, nye awo kuhetekesa edidimiko lyaKarunga koyirugana yawo yoyidona, makura tava litundire po va hana yuma.’ ”
16Vantu ava ava tjira Hompa kulitantera vene navene, makura Hompa ta purakene a zuvhe eyi ava tanta. Komeho zendi yiko va tjangerere mobuke elikwamo lyava ava tjira Hompa oku tava mu fumadeke. 17Hompa Munankondo nadinye ta tanta asi: “Awo ngava kara vantu vange. Mezuva eli ngani rugana, ngava kara vaamwange. Ngani va fira nkenda, moomu a fire nkenda guhya muna gomugara ogu a mu ruganene. 18Vantu vange ngava mona hena malisigo pokatji keyi ngayi horokera vahungami novadinikarunga, pokatji kogu a kerere nge nogu a dili kukerera nge.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003