JOWERA 3
3
Karunga nga pangura nomuhoko
1 Hompa ta tanta asi:
“Posiruwo oso ngani wapukurura
erago lyaJuda naJerusarema.
2Ngani pongaika nomuhoko nadinye
tani di reta momuramba gwEpanguro.
Oko yiko ngani ka va pangwira
mwanayinye eyi va ruganena
vantu vange.
Awo kwa haraganesera Vaisraeli
moyirongo yapeke
yiyo va tavagura Israeli,
sirongo sange.
3Awo kwa zanekedere va kwateke
asi yilye na gwana nonkwate.
Vamati novakadona kwa va
randesa koupika
tava va sinti nohondedi novhinyu.
4“Yinke muna kukambadara kurugana nge, one oTirusi naSidoni nonomukunda nadinye daFilisitiya? Kuna kukambadara nye mu futire nge mo yuma ndi?
“Nsene asi yimo, ame ntaantani ni mu tengwide kuwoko! 5One kwa gusa sisiliveli nongorodo zange, yiyo mwa twara emona lyange lyenene monontembeli deni. 6One kwa twara vantu womoJuda naJerusarema ure nosirongo sawo, yiyo mwa ka va randesa koVagereka. 7Ano ngesi ame tani va gusa ko komavega oku mwa va randesa. Ngani mu rugana moomu mwa va rugana. 8Ngani ninka vana veni wovagara nava wovakadi va va randese koVajuda; vena makura ngava va randese koVasabiya ava va kara ure. Ame Hompa, nyame na yi uyunga.
9“Twareni monomuhoko nzigo
ezi asi:
‘Liwapaikireni yita;
zigideni vanayita veni;
pongaikeni vakwayita veni
navenye va lyate!
10Mazego goyipururu ga hambureni
nomfuro, ano makatana geni
hambureni magonga.
Nomurupirankondo googu
nage a rwe.
11Genderereni mu wize,
one nomuhoko dokonombinga nadinye,
pongeni momuramba.’ ”
Tuma Hompa, mbunga
zovakwayita zi va rwise.
12“Nomuhoko di liwapaike
di wize momuramba gwEpanguro.
Omo yimo ngani hingira ame
Hompa ni pangure nomuhoko
dokonombinga nadinye.
13Udinikarunga wawo unene;
va tezeni moomu ava teza
mahangu pokuteza‐teza;
va kameni moomu ava kama
mandjembere mosikunino
dogoro vhinyu tazi zura mo.”
14Mayovhi nomayovhi mogeli
momuramba gwEpanguro.
Ezuva lyaHompa pepi lina kara
momuramba gwEpanguro.
15Ezuva nokwedi kuna kusovagana,
ano nombungururu kapi dina
kutema hena.
Karunga nga tungika mbunga zendi
16 Hompa kuna kuura pondundu zaSiyoni;
ezwi lyendi kuna kundunduma moJerusarema;
evhu neguru kuna kukankama.
Nye nga popera vantu vendi:
17“Makura Israeli ngo divire po asi
ame nyame Hompa,
Karunga goge.
Ame kwa kara koSiyoni,
ndundu zange zokupongoka.
Jerusarema nga kara sitata sokupongoka;
vanayirongo kapi ngava si kwata hena.
18“Posiruwo oso nondundu ngayi
di kudumika yindjembere,
nongombe ngadi kara
kwankenye sindundu;
mema ngaga zura motumukuro
natunye twaJuda.
Mukuro ngagu tunda montembeli
zaHompa, tagu nengedeke
muramba gwaAkasiya.
19“Egipite nga kara mburundu,
ano Edomu nga kara mapuku,
morwa va rwisire sirongo saJuda
tava dipaga vantu va hana nzo.
20-21Ngani tondora ava va dipaga;
ngani va dongwenene po.
Nye Juda naJerusarema
ngayi kara po dogoro narunye,
ano ame Hompa, ngani kara
pondundu zaSiyoni.”
Currently Selected:
JOWERA 3: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
JOWERA 3
3
Karunga nga pangura nomuhoko
1 Hompa ta tanta asi:
“Posiruwo oso ngani wapukurura
erago lyaJuda naJerusarema.
2Ngani pongaika nomuhoko nadinye
tani di reta momuramba gwEpanguro.
Oko yiko ngani ka va pangwira
mwanayinye eyi va ruganena
vantu vange.
Awo kwa haraganesera Vaisraeli
moyirongo yapeke
yiyo va tavagura Israeli,
sirongo sange.
3Awo kwa zanekedere va kwateke
asi yilye na gwana nonkwate.
Vamati novakadona kwa va
randesa koupika
tava va sinti nohondedi novhinyu.
4“Yinke muna kukambadara kurugana nge, one oTirusi naSidoni nonomukunda nadinye daFilisitiya? Kuna kukambadara nye mu futire nge mo yuma ndi?
“Nsene asi yimo, ame ntaantani ni mu tengwide kuwoko! 5One kwa gusa sisiliveli nongorodo zange, yiyo mwa twara emona lyange lyenene monontembeli deni. 6One kwa twara vantu womoJuda naJerusarema ure nosirongo sawo, yiyo mwa ka va randesa koVagereka. 7Ano ngesi ame tani va gusa ko komavega oku mwa va randesa. Ngani mu rugana moomu mwa va rugana. 8Ngani ninka vana veni wovagara nava wovakadi va va randese koVajuda; vena makura ngava va randese koVasabiya ava va kara ure. Ame Hompa, nyame na yi uyunga.
9“Twareni monomuhoko nzigo
ezi asi:
‘Liwapaikireni yita;
zigideni vanayita veni;
pongaikeni vakwayita veni
navenye va lyate!
10Mazego goyipururu ga hambureni
nomfuro, ano makatana geni
hambureni magonga.
Nomurupirankondo googu
nage a rwe.
11Genderereni mu wize,
one nomuhoko dokonombinga nadinye,
pongeni momuramba.’ ”
Tuma Hompa, mbunga
zovakwayita zi va rwise.
12“Nomuhoko di liwapaike
di wize momuramba gwEpanguro.
Omo yimo ngani hingira ame
Hompa ni pangure nomuhoko
dokonombinga nadinye.
13Udinikarunga wawo unene;
va tezeni moomu ava teza
mahangu pokuteza‐teza;
va kameni moomu ava kama
mandjembere mosikunino
dogoro vhinyu tazi zura mo.”
14Mayovhi nomayovhi mogeli
momuramba gwEpanguro.
Ezuva lyaHompa pepi lina kara
momuramba gwEpanguro.
15Ezuva nokwedi kuna kusovagana,
ano nombungururu kapi dina
kutema hena.
Karunga nga tungika mbunga zendi
16 Hompa kuna kuura pondundu zaSiyoni;
ezwi lyendi kuna kundunduma moJerusarema;
evhu neguru kuna kukankama.
Nye nga popera vantu vendi:
17“Makura Israeli ngo divire po asi
ame nyame Hompa,
Karunga goge.
Ame kwa kara koSiyoni,
ndundu zange zokupongoka.
Jerusarema nga kara sitata sokupongoka;
vanayirongo kapi ngava si kwata hena.
18“Posiruwo oso nondundu ngayi
di kudumika yindjembere,
nongombe ngadi kara
kwankenye sindundu;
mema ngaga zura motumukuro
natunye twaJuda.
Mukuro ngagu tunda montembeli
zaHompa, tagu nengedeke
muramba gwaAkasiya.
19“Egipite nga kara mburundu,
ano Edomu nga kara mapuku,
morwa va rwisire sirongo saJuda
tava dipaga vantu va hana nzo.
20-21Ngani tondora ava va dipaga;
ngani va dongwenene po.
Nye Juda naJerusarema
ngayi kara po dogoro narunye,
ano ame Hompa, ngani kara
pondundu zaSiyoni.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003