JOWERA 1
1
1Ezi yizo mbudi zaHompa kwaJowera zaPetuweli.
Vantu tava lilire ezonauko lyonombuto
2Zuvheni one vakurona;
nkenye ogu moJuda, a purakene.
Eyi ngesi nye sili ya horoka
rumwe posiruwo seni
ndi soguhyeni ndi?
3Yi tantereni vana veni;
nawo ngava yi tantere vana vawo,
vena nawo ngava ka yi tantere
ava ngava ka reta ko.
4Madugi gasimbonde
kuna kumamena koyiyimwa;
eyi lina kusiga po edugi eli,
ekwawo alyo tali ya manesa.
5Pindukeni mu lire one nonkorwe;
kugeni, one varunwavhinyu;
mandjembere gokudunga vhinyu
zompe gana pu.
6Mbunga zovakwayita zasimbonde
kuna kurwisa sirongo setu;
azo nonkondo, azo hena nzi
unene mokuvarura;
mazego gendi matwe ngwendi nyime.
7Ana hanagura yindjembere yetu
yiyo ana kweya po nu maukuzu getu.
Ana kumbagura ko yizura,
dogoro nomutayi dato.
8Kugeni one mbunga, ngwendi
mukadona ogu
ana kulira nomfa domugara
ogu nkare a mu kware.
9Kutupu rukokotwa ndi vhinyu
zokuzamba montembeli;
vapristeli kuna kulira, morwa
kutupu nonzambo dakwaHompa.
10Mapya mawoko‐woko gana kara;
evhu kuna kulira
morwa rukokotwa runa hanauka po,
ano mandjembere gana kukuta,
nomauzwe gana kukuta.
11Guvarareni, one nondimi;
kugeni, one omu takamesa
yikunino yoyindjembere
morwamahangu noyilya,
hawe, muzangu tupu nagunye
guna hanauka po.
12Yindjembere nomaukuzu yina kukuta;
yitji yenyango nayinye yina
kukuta yina fu.
Ehafo lyovantu lina pu po.
13Dwareni nonsako mu kwenauke,
one vapristeli ava omu rugana kosizambero!
Zendeni montembeli mu lire
masiku mudima!
Kutupu rukokotwa ndi vhinyu
zokuzambera Karunga gweni.
14Gaveni mpangera zediliro;
zigideni sigongi!
Pongaikeni vagendesi novantu
navenye vaJuda mu ze montembeli
zaHompa Karunga gweni, mu lire.
15Ezuva lyaHompa pepi;
ezuva eli nga reta Munankondo
nadinye ehanauko.
Ee, udigu wosi ngali reta ezuva olyo!
16Ezonauko lyomuzangu gwetu
meho gelike twa tara ko.
Montembeli zaKarunga gwetu
mutupu mo ehafo.
17Mbuto kuna kufira mevhu lyekukutu.
Mahangu gokuzangura kutupu,
yihete yomawoko‐woko
yina zunguruka.
18Nongombe kuna kukumbagana
ado kuna kuyarara
morwa kutupu maliro gado;
yiunda yononzwi nayo
kuna kuhepa.
19Tani kugu koge, Hompa,
morwamaliro noyitji yina kukuta,
ngwendi moomu mwa genda mpire.
20Noyikorama yomowiza yeeyi
nayo kuna kukuga koge,
morwa nomukuro dina pwire.
Currently Selected:
JOWERA 1: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
JOWERA 1
1
1Ezi yizo mbudi zaHompa kwaJowera zaPetuweli.
Vantu tava lilire ezonauko lyonombuto
2Zuvheni one vakurona;
nkenye ogu moJuda, a purakene.
Eyi ngesi nye sili ya horoka
rumwe posiruwo seni
ndi soguhyeni ndi?
3Yi tantereni vana veni;
nawo ngava yi tantere vana vawo,
vena nawo ngava ka yi tantere
ava ngava ka reta ko.
4Madugi gasimbonde
kuna kumamena koyiyimwa;
eyi lina kusiga po edugi eli,
ekwawo alyo tali ya manesa.
5Pindukeni mu lire one nonkorwe;
kugeni, one varunwavhinyu;
mandjembere gokudunga vhinyu
zompe gana pu.
6Mbunga zovakwayita zasimbonde
kuna kurwisa sirongo setu;
azo nonkondo, azo hena nzi
unene mokuvarura;
mazego gendi matwe ngwendi nyime.
7Ana hanagura yindjembere yetu
yiyo ana kweya po nu maukuzu getu.
Ana kumbagura ko yizura,
dogoro nomutayi dato.
8Kugeni one mbunga, ngwendi
mukadona ogu
ana kulira nomfa domugara
ogu nkare a mu kware.
9Kutupu rukokotwa ndi vhinyu
zokuzamba montembeli;
vapristeli kuna kulira, morwa
kutupu nonzambo dakwaHompa.
10Mapya mawoko‐woko gana kara;
evhu kuna kulira
morwa rukokotwa runa hanauka po,
ano mandjembere gana kukuta,
nomauzwe gana kukuta.
11Guvarareni, one nondimi;
kugeni, one omu takamesa
yikunino yoyindjembere
morwamahangu noyilya,
hawe, muzangu tupu nagunye
guna hanauka po.
12Yindjembere nomaukuzu yina kukuta;
yitji yenyango nayinye yina
kukuta yina fu.
Ehafo lyovantu lina pu po.
13Dwareni nonsako mu kwenauke,
one vapristeli ava omu rugana kosizambero!
Zendeni montembeli mu lire
masiku mudima!
Kutupu rukokotwa ndi vhinyu
zokuzambera Karunga gweni.
14Gaveni mpangera zediliro;
zigideni sigongi!
Pongaikeni vagendesi novantu
navenye vaJuda mu ze montembeli
zaHompa Karunga gweni, mu lire.
15Ezuva lyaHompa pepi;
ezuva eli nga reta Munankondo
nadinye ehanauko.
Ee, udigu wosi ngali reta ezuva olyo!
16Ezonauko lyomuzangu gwetu
meho gelike twa tara ko.
Montembeli zaKarunga gwetu
mutupu mo ehafo.
17Mbuto kuna kufira mevhu lyekukutu.
Mahangu gokuzangura kutupu,
yihete yomawoko‐woko
yina zunguruka.
18Nongombe kuna kukumbagana
ado kuna kuyarara
morwa kutupu maliro gado;
yiunda yononzwi nayo
kuna kuhepa.
19Tani kugu koge, Hompa,
morwamaliro noyitji yina kukuta,
ngwendi moomu mwa genda mpire.
20Noyikorama yomowiza yeeyi
nayo kuna kukuga koge,
morwa nomukuro dina pwire.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003