JEREMIYA 3
3
Uhalimburukwi waIsraeli
1 Hompa kuna kutanta asi: “Mugara nsene a zumba mukadendi, makura ogo mukadi ta zi a ka mu kware mugara peke, gwina ga mu hovere kapi nga mu tengwida hena. Eyi kuvhura yi nyateke nawa‐nawa sirongo. Nye ove Israeli, ove kwa kara noyihora yoyinzi, yiyo nye ono hara asi o tengwire kwange! 2Tareni konondungu donondundu. Nye sili polili evega eli mwa dira kuruganena youhondedi ndi? One kundindira yihora yeni kononzira, moomu a ndindire muArabiya marambo momburundu. Muna nyatekesa sirongo korukehe rweni. 3Ano mvhura yiyo nye va zi silikira, nomudumbi kapi da moneka. Ove kumoneka ngwendi hondedi; kapi wa paka nomuga.
4“Ano ntaantani yiyo ono kutanta asi: ‘Ove nyove tate, ove kwa hara nge, hana tundira unona wange. 5Kapi wa hara kuhandukira nge nkenye apa; kapi wa hara o lilimbe name narunye.’ Israeli, oyo yiyo o tanta, nye ove kurugana udona paapa wa hulira.”
Israeli naJuda va litezurure ntani
6Apa ga kere Josiya hompa, yipo ga tanterere nge Hompa asi: “To yi mono eyi ana kurugana Israeli, mukadi ga hana kulimburukwa? Ga tunda ko kwange, makura yiyo ana kurugana ngwendi hondedi kwankenye ndundu namwankenye sitji sokuhoka. 7Ame kwa gazara asi, apa nga mana nayinye eyi, nampo nga tengwira kwange. Nye kapi ga tengura, ano mukwawo Juda gokudira kulimburukwa, age kuna kuyitara nayinye eyi. 8Juda ga yi mwene asi Israeli na mu zumbu, yiyo na mu ninka a ze, morwa ga tunda ko kwange yiyo ana kara hondedi. Nye Juda ga hana kulimburukwa, mukwawo zaIsraeli, kapi gwa mu pwagere. Nage ta kara hondedi 9nokufa si nomuga. Age kwa nyatekere sirongo, ta hondere pokutongamena mamanya noyitji. 10Ano konyima zeyi nayinye, ogu ga hana kulimburukwa, mukwawo zaIsraeli, ta hara asi a tengwire kwange; nye kapi ga tokwere. Ame Hompa nyame na yi uyunga.”
11Makura Hompa ta tantere nge asi, nampili ngomu ga tunda ko kwange, ana lihorora asi age hasa ko kupitakana muhalimburukwi Juda. 12Age kwa tantera nge ni ka tantere Israeli asi: “Ove muhalimburukwi Israeli, tengura kwange. Ame mufenkenda, kapi ngani handuka; kapi ngani ku handukilira po dogoro narunye. 13Simwe po pura tupu asi o munzoni hena asi wa vyuka Hompa, Karunga goge. Tongonona asi mwankenye sitji sositarara yimo wa gavera eharo lyoge kovakarunga wovanayirongo hena kapi wa limburukwa konompangera dange. Ame Hompa, nyame na yi uyunga.
14“One vahalimburukwi, tengureni; one vange. Mwankenye sitata ngani gusa mo gumwe, ano mwankenye ezimogona vavali, ni mu tengwide kondundu zaSiyoni. 15Ngani mu pa vapangeli ava ava limburukwa nge, ano awo ngava mu pangera nounongo nonondunge. 16Apa nye ngomu ka vhuka mosirongo oso, vantu kapi hena ngava uyunga yokuhamena Sikesa sange sEgwanekero. Kapi ngava si gazara hena ndi va si diworoke; nokuhepa kapi ngava si hepa, awo kapi ngava honga ko hena sapeke. 17Siruwo oso apa ngasi sika mo, Jerusarema ngava mu tumbura ‘Sipundi souhompa saHompa,’ ano nomuhoko nadinye yimo ngadi ya ponga di tongamene nge. Awo kapi ngava rugana hena eyi adi va tantere nomutjima dawo dononkukutu donondona. 18Israeli naJuda ngava lipakerera, makura ngava tunde kumwe moupika kosirongo sokoMuzogo va tengure kosirongo esi na pa ozinyakurwawo si kare sawo sanarunye.”
Vakarunga woyimpempa wombunga zaKarunga
19 Hompa ta tanta asi:
“Israeli, ame kuna hara
ni ku tambure
ngwendi munwange gomugara
ni ku pe sirongo somulyo,
sirongo sosiwa po unene
kwanayinye mouzuni.
Ame kuna ku harere o tumbure
nge asi tate,
ngo dire kuzumba nge nampili kanunu.
20Moomu tupu ga kara mukadi
gokudira kulimburukwa,
none yimo mwa dira
kulimburkwa kwange.
Ame Hompa, nyame na yi uyunga.”
21Ezwi kuna kuzuvhika kondungu zonondundu:
azo mbunga zaIsraeli
zina kukuga oku tazi likwambere,
morwa awo kwa kara moukaro wononzo,
yiyo va divara Hompa Karunga gwawo.
22Tengureni, namuvenye ava
mwa tunda ko kwaHompa;
age nga mu verura
ta mu limburukwisa.
One kutanta asi: “Nhi, tatu wiza kwaHompa, yeeyi yige Karunga gwetu. 23Ukereli wetu wosipagani kondungu zonondundu nayimwe si wa tu kwafa. Ekwafo lyaIsraeli kutunda kwaHompa Karunga gwetu kwelike. 24Nye kukerera Bara, karunga gonomuga, kuna mana yiunda yetu yononzwi neyi yonongombe, novana vetu wovagara nava wovakadi — nayinye eyi va ruganena ozinyakurwetu kutunda kwanare. 25Twa fira kurara monomuga, eswau lyetu li tu kudumike. Ose nozinyakurwetu kuzona nkenye apa kwaHompa Karunga gwetu; kapi twa limburukwa rumwe konompangera dendi.”
Currently Selected:
JEREMIYA 3: KWN
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
JEREMIYA 3
3
Uhalimburukwi waIsraeli
1 Hompa kuna kutanta asi: “Mugara nsene a zumba mukadendi, makura ogo mukadi ta zi a ka mu kware mugara peke, gwina ga mu hovere kapi nga mu tengwida hena. Eyi kuvhura yi nyateke nawa‐nawa sirongo. Nye ove Israeli, ove kwa kara noyihora yoyinzi, yiyo nye ono hara asi o tengwire kwange! 2Tareni konondungu donondundu. Nye sili polili evega eli mwa dira kuruganena youhondedi ndi? One kundindira yihora yeni kononzira, moomu a ndindire muArabiya marambo momburundu. Muna nyatekesa sirongo korukehe rweni. 3Ano mvhura yiyo nye va zi silikira, nomudumbi kapi da moneka. Ove kumoneka ngwendi hondedi; kapi wa paka nomuga.
4“Ano ntaantani yiyo ono kutanta asi: ‘Ove nyove tate, ove kwa hara nge, hana tundira unona wange. 5Kapi wa hara kuhandukira nge nkenye apa; kapi wa hara o lilimbe name narunye.’ Israeli, oyo yiyo o tanta, nye ove kurugana udona paapa wa hulira.”
Israeli naJuda va litezurure ntani
6Apa ga kere Josiya hompa, yipo ga tanterere nge Hompa asi: “To yi mono eyi ana kurugana Israeli, mukadi ga hana kulimburukwa? Ga tunda ko kwange, makura yiyo ana kurugana ngwendi hondedi kwankenye ndundu namwankenye sitji sokuhoka. 7Ame kwa gazara asi, apa nga mana nayinye eyi, nampo nga tengwira kwange. Nye kapi ga tengura, ano mukwawo Juda gokudira kulimburukwa, age kuna kuyitara nayinye eyi. 8Juda ga yi mwene asi Israeli na mu zumbu, yiyo na mu ninka a ze, morwa ga tunda ko kwange yiyo ana kara hondedi. Nye Juda ga hana kulimburukwa, mukwawo zaIsraeli, kapi gwa mu pwagere. Nage ta kara hondedi 9nokufa si nomuga. Age kwa nyatekere sirongo, ta hondere pokutongamena mamanya noyitji. 10Ano konyima zeyi nayinye, ogu ga hana kulimburukwa, mukwawo zaIsraeli, ta hara asi a tengwire kwange; nye kapi ga tokwere. Ame Hompa nyame na yi uyunga.”
11Makura Hompa ta tantere nge asi, nampili ngomu ga tunda ko kwange, ana lihorora asi age hasa ko kupitakana muhalimburukwi Juda. 12Age kwa tantera nge ni ka tantere Israeli asi: “Ove muhalimburukwi Israeli, tengura kwange. Ame mufenkenda, kapi ngani handuka; kapi ngani ku handukilira po dogoro narunye. 13Simwe po pura tupu asi o munzoni hena asi wa vyuka Hompa, Karunga goge. Tongonona asi mwankenye sitji sositarara yimo wa gavera eharo lyoge kovakarunga wovanayirongo hena kapi wa limburukwa konompangera dange. Ame Hompa, nyame na yi uyunga.
14“One vahalimburukwi, tengureni; one vange. Mwankenye sitata ngani gusa mo gumwe, ano mwankenye ezimogona vavali, ni mu tengwide kondundu zaSiyoni. 15Ngani mu pa vapangeli ava ava limburukwa nge, ano awo ngava mu pangera nounongo nonondunge. 16Apa nye ngomu ka vhuka mosirongo oso, vantu kapi hena ngava uyunga yokuhamena Sikesa sange sEgwanekero. Kapi ngava si gazara hena ndi va si diworoke; nokuhepa kapi ngava si hepa, awo kapi ngava honga ko hena sapeke. 17Siruwo oso apa ngasi sika mo, Jerusarema ngava mu tumbura ‘Sipundi souhompa saHompa,’ ano nomuhoko nadinye yimo ngadi ya ponga di tongamene nge. Awo kapi ngava rugana hena eyi adi va tantere nomutjima dawo dononkukutu donondona. 18Israeli naJuda ngava lipakerera, makura ngava tunde kumwe moupika kosirongo sokoMuzogo va tengure kosirongo esi na pa ozinyakurwawo si kare sawo sanarunye.”
Vakarunga woyimpempa wombunga zaKarunga
19 Hompa ta tanta asi:
“Israeli, ame kuna hara
ni ku tambure
ngwendi munwange gomugara
ni ku pe sirongo somulyo,
sirongo sosiwa po unene
kwanayinye mouzuni.
Ame kuna ku harere o tumbure
nge asi tate,
ngo dire kuzumba nge nampili kanunu.
20Moomu tupu ga kara mukadi
gokudira kulimburukwa,
none yimo mwa dira
kulimburkwa kwange.
Ame Hompa, nyame na yi uyunga.”
21Ezwi kuna kuzuvhika kondungu zonondundu:
azo mbunga zaIsraeli
zina kukuga oku tazi likwambere,
morwa awo kwa kara moukaro wononzo,
yiyo va divara Hompa Karunga gwawo.
22Tengureni, namuvenye ava
mwa tunda ko kwaHompa;
age nga mu verura
ta mu limburukwisa.
One kutanta asi: “Nhi, tatu wiza kwaHompa, yeeyi yige Karunga gwetu. 23Ukereli wetu wosipagani kondungu zonondundu nayimwe si wa tu kwafa. Ekwafo lyaIsraeli kutunda kwaHompa Karunga gwetu kwelike. 24Nye kukerera Bara, karunga gonomuga, kuna mana yiunda yetu yononzwi neyi yonongombe, novana vetu wovagara nava wovakadi — nayinye eyi va ruganena ozinyakurwetu kutunda kwanare. 25Twa fira kurara monomuga, eswau lyetu li tu kudumike. Ose nozinyakurwetu kuzona nkenye apa kwaHompa Karunga gwetu; kapi twa limburukwa rumwe konompangera dendi.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003