JESAYA 60
60
Eyererepo lyaJerusarema lyokomeho
1Katuka, Jerusarema,
minikira ngwendi ezuva;
uyerere waHompa
kuna kukuminikira!
2Nomuhoko dapeke ngagu di
kudumika mundema,
Nye ove ko, uzera waHompa
ngau ku minikira;
uyerere wekaropo lyaHompa
ngau kara noge.
3Nomuhoko ngadi wongorokera
kouzera woge,
Ano ohompa kokupuma
kwezuva lyoge lyepe.
4Tara mbinga nambinga o mone
eyi yina kuhoroka;
vantu woge kuna kulipongaika
va wize kwawo!
Vamati woge ngava tunda ure;
vana woge wovakadi ngava va
simba ngwendi vanona.
5Ngo yi mona eyi, makura
to zura ruhafo;
ngo nkankama oku guna ku buruka.
Emona lyonomuhoko ngava li
reta koge;
komafuta oko emona lyawo
ngali wiza koge.
6Yigendo yoyinene yonongameru
ngayi wiza,
yi tunde koMidiyani naEfa.
Ngayi tunda koSeba, yi rete
ngorodo nomanganganga gokututumikidisa.
Vantu ngava sanseka mbudi zongwa
zeyi ga rugana Hompa!
7Nonzwi nadinye daKedara
naNebayoto ngava di reta koge,
di kare nonzambo
va ya di zambere posizambero
di hafese Hompa.
Hompa nga ninka ntembeli zendi
zi yererepe kupitakana pwanare.
8Eyi yina kuwawagana yina kutuka,
ngwendi maremo
ndi nomputukuwa dina kutengura
hena yinke?
9Yikepa yina kutunda koyirongo yaure,
yi rete vantu vaHompa kwawo.
Ayo kuna kureta kumwe nawo
sisiliveli nongorodo
zokufumadekesa edina lyaHompa,
Karunga gokupongoka gwaIsraeli,
ogu ga ninka nomuhoko nadinye
di fumadeke mbunga zendi.
10 Hompa ta tantere Jerusarema asi:
“Vanayirongo yiwo ngava
tungurura makuma goge,
ano ohompa vawo
ngava ku ruganena.
Ame kwa ku futisilire mehandu lyange,
nye ntaantani tani ku zaverere
ni ku fire nkenda.
11Mutenya nomasiku marungavero
goge ngaga zeguruka,
ohompa wonomuhoko va wape
kukuretera maugawo gawo.
12Nye nomuhoko edi ngadi dira kukuruganena
ngava di hanagura po nuunu.
13“Yitji yomaunyandi
neyi yojunipere nosiperesi
ngava yi reta koge
yokutungwilisa Jerusarema,
yi ya fuure ntembeli,
yi ya yererepeke sitata sange.
14Vana wovagara vava
ngava ku hepeke ngava wiza
tava linyongamene va ku fumadeke.
Navenye ava ngava ku swaura
ngava twa nongoro
konompadi doge.
Ngava ku tumbura asi:
‘Sitata saHompa’,
‘Siyoni, Sitata saKarunga
gokupongoka gwaIsraeli.’
15“Sitata ove kapi ngava ku
zumba hena
o kare mburundu zomawoko‐woko.
Ngani ku zerura tani ku fuura,
ngo kara evega lyoruhafo narunye‐narunye.
16Nomuhoko nohompa
ngava ku takamesa
moomu a rere zinya munwendi.
Ngo divire po asi ame Hompa
nyame na ku parura,
hena asi Karunga gononkondo
gwaIsraeli ga ku mangurura.
17“Ngani ku retera ngorodo
pevega lyongoporo,
sisiliveli nongoporo
pevega lyosivera nositji,
ano sivera pevega lyemanya.
Vapangeli woge kapi hena
ngava ku hepeka;
ngani va ninka va pangere
mouhunga nomombili.
18Mapiyagano kapi ngaga zuvhika
mo hena;
ehanaguro kapi hena
ngali zonagura sirongo soge.
Ngani ku popera tani ku gamene
ngwendi ekuma;
ove ngo panda nge
morwa na ku parura.
19“Ezuva kapi ngali kara hena
uzera woge mutenya
ndi kwedi uzera woge masiku;
ame Hompa nyame ngani kara
uzera woge wanarunye;
uzera wouyerere wange
ngau ku minikira.
20Mazuva goge geguwo ngaga haga.
Ame Hompa nyame ngani kara
uzera woge wanarunye,
au tema unene kupitakana ezuva nokwedi.
21Vantu woge navenye
ngava rugana youhunga,
sirongo tasi kara sawo narunye.
Nyame na va tapeka,
nyame na va unga,
va horore unene wange kwanavenye.
22Nepata lyeeli lyenunu lyesupi
ngali nenepa tali nkondopa
ngwendi muhoko.
Apa ngasi sika mo siruwo,
ngani yi ninka yi horoke usimbu eyi.
Ame nyame Hompa! ”
Currently Selected:
JESAYA 60: KWN
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
JESAYA 60
60
Eyererepo lyaJerusarema lyokomeho
1Katuka, Jerusarema,
minikira ngwendi ezuva;
uyerere waHompa
kuna kukuminikira!
2Nomuhoko dapeke ngagu di
kudumika mundema,
Nye ove ko, uzera waHompa
ngau ku minikira;
uyerere wekaropo lyaHompa
ngau kara noge.
3Nomuhoko ngadi wongorokera
kouzera woge,
Ano ohompa kokupuma
kwezuva lyoge lyepe.
4Tara mbinga nambinga o mone
eyi yina kuhoroka;
vantu woge kuna kulipongaika
va wize kwawo!
Vamati woge ngava tunda ure;
vana woge wovakadi ngava va
simba ngwendi vanona.
5Ngo yi mona eyi, makura
to zura ruhafo;
ngo nkankama oku guna ku buruka.
Emona lyonomuhoko ngava li
reta koge;
komafuta oko emona lyawo
ngali wiza koge.
6Yigendo yoyinene yonongameru
ngayi wiza,
yi tunde koMidiyani naEfa.
Ngayi tunda koSeba, yi rete
ngorodo nomanganganga gokututumikidisa.
Vantu ngava sanseka mbudi zongwa
zeyi ga rugana Hompa!
7Nonzwi nadinye daKedara
naNebayoto ngava di reta koge,
di kare nonzambo
va ya di zambere posizambero
di hafese Hompa.
Hompa nga ninka ntembeli zendi
zi yererepe kupitakana pwanare.
8Eyi yina kuwawagana yina kutuka,
ngwendi maremo
ndi nomputukuwa dina kutengura
hena yinke?
9Yikepa yina kutunda koyirongo yaure,
yi rete vantu vaHompa kwawo.
Ayo kuna kureta kumwe nawo
sisiliveli nongorodo
zokufumadekesa edina lyaHompa,
Karunga gokupongoka gwaIsraeli,
ogu ga ninka nomuhoko nadinye
di fumadeke mbunga zendi.
10 Hompa ta tantere Jerusarema asi:
“Vanayirongo yiwo ngava
tungurura makuma goge,
ano ohompa vawo
ngava ku ruganena.
Ame kwa ku futisilire mehandu lyange,
nye ntaantani tani ku zaverere
ni ku fire nkenda.
11Mutenya nomasiku marungavero
goge ngaga zeguruka,
ohompa wonomuhoko va wape
kukuretera maugawo gawo.
12Nye nomuhoko edi ngadi dira kukuruganena
ngava di hanagura po nuunu.
13“Yitji yomaunyandi
neyi yojunipere nosiperesi
ngava yi reta koge
yokutungwilisa Jerusarema,
yi ya fuure ntembeli,
yi ya yererepeke sitata sange.
14Vana wovagara vava
ngava ku hepeke ngava wiza
tava linyongamene va ku fumadeke.
Navenye ava ngava ku swaura
ngava twa nongoro
konompadi doge.
Ngava ku tumbura asi:
‘Sitata saHompa’,
‘Siyoni, Sitata saKarunga
gokupongoka gwaIsraeli.’
15“Sitata ove kapi ngava ku
zumba hena
o kare mburundu zomawoko‐woko.
Ngani ku zerura tani ku fuura,
ngo kara evega lyoruhafo narunye‐narunye.
16Nomuhoko nohompa
ngava ku takamesa
moomu a rere zinya munwendi.
Ngo divire po asi ame Hompa
nyame na ku parura,
hena asi Karunga gononkondo
gwaIsraeli ga ku mangurura.
17“Ngani ku retera ngorodo
pevega lyongoporo,
sisiliveli nongoporo
pevega lyosivera nositji,
ano sivera pevega lyemanya.
Vapangeli woge kapi hena
ngava ku hepeka;
ngani va ninka va pangere
mouhunga nomombili.
18Mapiyagano kapi ngaga zuvhika
mo hena;
ehanaguro kapi hena
ngali zonagura sirongo soge.
Ngani ku popera tani ku gamene
ngwendi ekuma;
ove ngo panda nge
morwa na ku parura.
19“Ezuva kapi ngali kara hena
uzera woge mutenya
ndi kwedi uzera woge masiku;
ame Hompa nyame ngani kara
uzera woge wanarunye;
uzera wouyerere wange
ngau ku minikira.
20Mazuva goge geguwo ngaga haga.
Ame Hompa nyame ngani kara
uzera woge wanarunye,
au tema unene kupitakana ezuva nokwedi.
21Vantu woge navenye
ngava rugana youhunga,
sirongo tasi kara sawo narunye.
Nyame na va tapeka,
nyame na va unga,
va horore unene wange kwanavenye.
22Nepata lyeeli lyenunu lyesupi
ngali nenepa tali nkondopa
ngwendi muhoko.
Apa ngasi sika mo siruwo,
ngani yi ninka yi horoke usimbu eyi.
Ame nyame Hompa! ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003