JESAYA 5
5
Rusumo rosikunino sovhinyu
1Purakena, siruwo esi nina
kukudimbira rusumo oru,
rusumo rwamukwawo gwange
nosipata sendi sovhinyu.
Mukwawo gwange kwa kara
nosipata sovhinyu
pondundu zevhu lyondombe unene.
2Age kwa simine nawa evhu, ta li
kombo mamanya;
makura ta tapeke mo
yindjembere yene‐yene.
Age kwa tungilire ko ruhungu,
ta simi po ekero lyoruwombora
lyokukamena mandjembere govhinyu;
ta ndindire mandjembere ga gehe,
nye nkenye endjembere kwa rurupire.
3“One mwa tunga moJerusarema nomoJuda, ntaantani pangureni nye pokatji ketu nosikunino sange soyindjembere nanyaamwange. 4Poyili mpamwe eyi na dira kusiruganena ndi? Ee, yinke nye yokuyimina mandjembere goururu, sa hana kuyima mandjembere gomawa, moomu na ndindira.
5Ano nye sipata sange soyindjembere tani si rugana ngesi: tani zungurura ko ngumbu ezi za si kundurukida nekuma eli ali si gamene, makura ni ka ture mo yikasama, yi ka si lye nokusilyatagura po nuunu. 6Ame hena ngani sigilira wayi u mene mo. Kapi ngani si wapeka ndi asi ni ka lime mo. Ano ngani si siga di si kudumike nonhondo nomega. Ame ngani ka silika hena maremo ngaga dire kugava mvhura zi rokere mo.”
7Israeli yige sikunino sovhinyu saHompa goMunankondo; ano vantu womoJuda yiwo yindjembere eyi ga tapeka. Age kwa va ndindira asi va sikise mo yoyiwa, nye mevango lyayo madipago gelike ava sikisa mo. Age kwa ndindilire va rugane eyi yina wapa, nye efundo lyawo kuna kukugaganena uhungami.
Udona ou a rugana muntu
8One kwa mu finga! One kuranda mambo nomapya mu gwederere kwaga mwa kara nago. Ako kapi ngaku kara hena evango lyokutunga muntu gwapeke. Ano nye nyonelike ngomu tunga mo mosirongo. 9Ame nina zuvhu Hompa Munankondo ana kuuyunga asi: “Ano mambo nagenye aga gomawa ngaga kara mapuku. 10Mandjembere aga ngaga yima mosirwa sonohekitara murongo ngamu yima tupu mandjembere gonolita ntano‐nantatu. Ano nombuto donolita efere nonomurongo ntano‐nantatu ngadi yima tupu mahangu gonolita murongo nantano‐nantatu.”
11One ava omu menekere ngurangura kounkorwe, kwa mu finga, one kutokwerera makura tomu korwa! 12Pokulya kweni yimburumbumba nonongomagona nononsiva novhinyu ayi kara po. Nye one kapi omu kwata egano yirugana yaHompa. 13Ano yimo ngava mu twara ngweni vanadorongo. Vagendesi vawo ngava fa nzara, ano vantu vapeke ngava fa enota. 14Sirongo sovafe kuna va fu nzara, tasi zahameke kana kaso unene. Makura tamu wundumukire vanamakuto womoJerusarema kumwe nemumbunga lyokutjopotera lyovantu vapeke.
15Nkenye gumwe ngava mu goromona, ano valitumbi nawo ngava va sundura. 16Nye Hompa Munankondo nga likida unene wendi mweyi a rugana ya hungama, nga horora upongoki mokupangura mbunga zendi. 17Nonzwigona ngadi lya wayi pomarunda goyitata. Ano yikombogona nayo ngayi gwana mauliro gayo.
18One ava omu dili kuvhura kulimangurura kononzo deni, 19one kuuyunga asi: “Hompa a yi rugane usimbu, eyi ga uyunga asi ta yi ninki ose tu yi mone! Karunga, Mupongoki gwaIsraeli a sikise mo nompangera dendi, makura ose tu dive matedo gendi.”
20One ava omu tumbura udona asi uwa nouwa asi udona, kwa mu finga! One kupilika nomundema di kare uzera, nouzera u kare nomundema. One hena kuninka youruru yi tovare, ano yoyitovara yi rurupe.
21One ava omu gazara asi mu vanongo novanandunge unene, kwa mu finga!
22One ava mwa kara mapenda gokuliguka makende govhinyu, kwa mu finga! One kutupu ko woma, nsene tomu dungu yikorwesa! 23One kutokwera munzoni uhungami, morwa‐kumufuta, nye ogu ana pili nzo, tomu mu tokwere nzo. 24Ano nye moomu tupu aru dumuka rwenge nowayi woukukutu momundiro, nondandani dawo ngadi wora, nonombya deni ngadi kukuta tadi zi nompepo, yeeyi muna zumbu eyi ga tu ronga Hompa Munankondo, Karunga Mupongoki gwaIsraeli. 25Hompa yiyo nye ga handukilire mbunga zendi, makura ta zerura kuwoko kwendi a di va gwane. Nondundu kuna kumenga dina kumenga, ano yimpu yawo kuna dunda‐dunda mononzira ngwendi nondambo dohando. Nayinye oyo ngoso kapi ya litulisire ehandu lyaHompa, nye kuwoko kwendi hakwa gonokera ngorooro.
26 Hompa nga gava sidiviso a zigide muhoko ogu gwa kara koure. Age nga gu sivira gu wize gu tundilire kouhura youzuni. Awo ngava genderera va wize usimbu! 27Kapi ngapa kara ogu ana roroka nogu ana punduka mokatji kawo. Awo kapi ngava kumauka ndi asi va ponyoke. Maliva gomonombunda dawo kapi ngaga dituka, ano tuliva toyicamakaku yawo kapi ngatu ndembuka. 28Yikutji yawo kwa twepa, ano mauta gawo nagenye kwa ga runda. Makondo gononkambe dawo kwa fana ngwendi mamanya gomakukutu, ano makoso gotukara toyita kwa fana ngwendi mpepo zakakunguru. 29Sindundumo sovakwayita kwa fana ngwendi sovanyime, ava vana dipaga sikorama, tava koko va tware oku ta dili kusivahokona nampili gumwe.
30Ezuva olyo nsene ngali sika mo, awo ngava ndundumina Israeli unene ngwendi efuta, tava tara sirongo esi! Nomundema delike noruhodi yina kara! Uzera dina u mini po nomundema.
Currently Selected:
JESAYA 5: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
JESAYA 5
5
Rusumo rosikunino sovhinyu
1Purakena, siruwo esi nina
kukudimbira rusumo oru,
rusumo rwamukwawo gwange
nosipata sendi sovhinyu.
Mukwawo gwange kwa kara
nosipata sovhinyu
pondundu zevhu lyondombe unene.
2Age kwa simine nawa evhu, ta li
kombo mamanya;
makura ta tapeke mo
yindjembere yene‐yene.
Age kwa tungilire ko ruhungu,
ta simi po ekero lyoruwombora
lyokukamena mandjembere govhinyu;
ta ndindire mandjembere ga gehe,
nye nkenye endjembere kwa rurupire.
3“One mwa tunga moJerusarema nomoJuda, ntaantani pangureni nye pokatji ketu nosikunino sange soyindjembere nanyaamwange. 4Poyili mpamwe eyi na dira kusiruganena ndi? Ee, yinke nye yokuyimina mandjembere goururu, sa hana kuyima mandjembere gomawa, moomu na ndindira.
5Ano nye sipata sange soyindjembere tani si rugana ngesi: tani zungurura ko ngumbu ezi za si kundurukida nekuma eli ali si gamene, makura ni ka ture mo yikasama, yi ka si lye nokusilyatagura po nuunu. 6Ame hena ngani sigilira wayi u mene mo. Kapi ngani si wapeka ndi asi ni ka lime mo. Ano ngani si siga di si kudumike nonhondo nomega. Ame ngani ka silika hena maremo ngaga dire kugava mvhura zi rokere mo.”
7Israeli yige sikunino sovhinyu saHompa goMunankondo; ano vantu womoJuda yiwo yindjembere eyi ga tapeka. Age kwa va ndindira asi va sikise mo yoyiwa, nye mevango lyayo madipago gelike ava sikisa mo. Age kwa ndindilire va rugane eyi yina wapa, nye efundo lyawo kuna kukugaganena uhungami.
Udona ou a rugana muntu
8One kwa mu finga! One kuranda mambo nomapya mu gwederere kwaga mwa kara nago. Ako kapi ngaku kara hena evango lyokutunga muntu gwapeke. Ano nye nyonelike ngomu tunga mo mosirongo. 9Ame nina zuvhu Hompa Munankondo ana kuuyunga asi: “Ano mambo nagenye aga gomawa ngaga kara mapuku. 10Mandjembere aga ngaga yima mosirwa sonohekitara murongo ngamu yima tupu mandjembere gonolita ntano‐nantatu. Ano nombuto donolita efere nonomurongo ntano‐nantatu ngadi yima tupu mahangu gonolita murongo nantano‐nantatu.”
11One ava omu menekere ngurangura kounkorwe, kwa mu finga, one kutokwerera makura tomu korwa! 12Pokulya kweni yimburumbumba nonongomagona nononsiva novhinyu ayi kara po. Nye one kapi omu kwata egano yirugana yaHompa. 13Ano yimo ngava mu twara ngweni vanadorongo. Vagendesi vawo ngava fa nzara, ano vantu vapeke ngava fa enota. 14Sirongo sovafe kuna va fu nzara, tasi zahameke kana kaso unene. Makura tamu wundumukire vanamakuto womoJerusarema kumwe nemumbunga lyokutjopotera lyovantu vapeke.
15Nkenye gumwe ngava mu goromona, ano valitumbi nawo ngava va sundura. 16Nye Hompa Munankondo nga likida unene wendi mweyi a rugana ya hungama, nga horora upongoki mokupangura mbunga zendi. 17Nonzwigona ngadi lya wayi pomarunda goyitata. Ano yikombogona nayo ngayi gwana mauliro gayo.
18One ava omu dili kuvhura kulimangurura kononzo deni, 19one kuuyunga asi: “Hompa a yi rugane usimbu, eyi ga uyunga asi ta yi ninki ose tu yi mone! Karunga, Mupongoki gwaIsraeli a sikise mo nompangera dendi, makura ose tu dive matedo gendi.”
20One ava omu tumbura udona asi uwa nouwa asi udona, kwa mu finga! One kupilika nomundema di kare uzera, nouzera u kare nomundema. One hena kuninka youruru yi tovare, ano yoyitovara yi rurupe.
21One ava omu gazara asi mu vanongo novanandunge unene, kwa mu finga!
22One ava mwa kara mapenda gokuliguka makende govhinyu, kwa mu finga! One kutupu ko woma, nsene tomu dungu yikorwesa! 23One kutokwera munzoni uhungami, morwa‐kumufuta, nye ogu ana pili nzo, tomu mu tokwere nzo. 24Ano nye moomu tupu aru dumuka rwenge nowayi woukukutu momundiro, nondandani dawo ngadi wora, nonombya deni ngadi kukuta tadi zi nompepo, yeeyi muna zumbu eyi ga tu ronga Hompa Munankondo, Karunga Mupongoki gwaIsraeli. 25Hompa yiyo nye ga handukilire mbunga zendi, makura ta zerura kuwoko kwendi a di va gwane. Nondundu kuna kumenga dina kumenga, ano yimpu yawo kuna dunda‐dunda mononzira ngwendi nondambo dohando. Nayinye oyo ngoso kapi ya litulisire ehandu lyaHompa, nye kuwoko kwendi hakwa gonokera ngorooro.
26 Hompa nga gava sidiviso a zigide muhoko ogu gwa kara koure. Age nga gu sivira gu wize gu tundilire kouhura youzuni. Awo ngava genderera va wize usimbu! 27Kapi ngapa kara ogu ana roroka nogu ana punduka mokatji kawo. Awo kapi ngava kumauka ndi asi va ponyoke. Maliva gomonombunda dawo kapi ngaga dituka, ano tuliva toyicamakaku yawo kapi ngatu ndembuka. 28Yikutji yawo kwa twepa, ano mauta gawo nagenye kwa ga runda. Makondo gononkambe dawo kwa fana ngwendi mamanya gomakukutu, ano makoso gotukara toyita kwa fana ngwendi mpepo zakakunguru. 29Sindundumo sovakwayita kwa fana ngwendi sovanyime, ava vana dipaga sikorama, tava koko va tware oku ta dili kusivahokona nampili gumwe.
30Ezuva olyo nsene ngali sika mo, awo ngava ndundumina Israeli unene ngwendi efuta, tava tara sirongo esi! Nomundema delike noruhodi yina kara! Uzera dina u mini po nomundema.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003