JESAYA 49
49
Israeli uzera wonomuhoko
1“Zuvheni nge,
one nomuhoko dokoure,
none vantu ava mwa kara ure, purakeneni!
Ame simpe nokuhampuruka
nge si, yipo ga horowora nge
Hompa, yiyo ga tumba nge
ni kare mukereli gwendi.
2Nonkango dange age kwa di
rugana ngwendi rufuro routwe.
Age kupopera nge nokuwoko kwamwene.
Age kwa rugana nge
ngwendi sikutji soutwe,
yiyo ga zweka nge monkafa
zoyikutji yendi.
3Ta tantere nge asi:
“Israeli, ove mukereli gwange;
moge yimo ngava yererepekera
nge vantu.”
4Ame makura tani tanta asi:
“Ame kwa lihepeka mawoko‐woko,
nonkondo dange kwa pwira
mwangoso pwa hana yuma.”
Mpili ngoso, ehungameko lyange
ngani li gwana pwaHompa,
mfuto zange pwaKarunga gwange.
5Ame simpe nokuhampuruka nge si,
Hompa yiyo ga tumba nge;
age kwa ninka nge ni kare
mukereli gwendi, ni tengwide
mbunga zendi,
ni tengwide mbunga ezi
za lihana zaIsraeli.
Hompa kufumadeka nge;
age yige ntundiliro
zononkondo dange.
6 Hompa ta tantere nge asi:
“Ame kuna kara nosirugana
sosinene koge, ove mukereli gwange.
Kapisi yeeyi yokuwapukurura unene woVaisraeli
ava va hupa po yelike,
nye ngani ku ninka hena o kare
uzera wonomuhoko —
asi uzuni mudima ngau paruke.”
7 Hompa, Muzowoli gwaIsraeli,
Mupongoki gwendi,
kuna kutantera ogu va dina unene,
nogu za nyenga mbunga,
mukereli govapangeli asi:
“Ohompa ngava ku mona
tava ku sigi,
makura tava katuka va horore
efumadeko lyawo;
ohompagona nawo ngava yi mona,
makura tava tongeke nongoro
va ku fumadeke.”
Eyi ngayi horoka, morwa Hompa
kwa horowora mukereli gwendi;
Karunga Mupongoki gwaIsraeli
kusikisa mo matumbwidiro gendi.
Ewapukururo lyaJerusarema
8 Hompa ta tantere mbunga zendi asi:
“Apa ngasi sika mo siruwo
sokukuparura, ngani ku
fira nkenda, tani limburura
nonkango doge dekwafo.
Ngani ku gamena tani ku popere,
ano moge yimo ngani pakera
egwanekero novantu navenye.
Ngani ku ninka hena o tunge
mosirongo soge
esi sina kara mapuku.
9Ngani tantera nonkwate asi:
‘Mangurukeni mo.’
Ano ava va kara momundema asi:
‘Pwageni mo, mu wize kouzera!’
Awo ngava kara ngwendi nonzwi
edi dina kulya konondundu;
10awo narumwe si kufa nzara
ndi enota.
Ezuva ndi upyu womburundu
kapi ngau va hwika,
yeeyi ogu nga va pitisira
googu ga va hara.
11“Ame ngani rugana nkungwasirongo
konondundu, tani wapaikire
mbunga zange nzira zokugenda.
12Vantu vange ngava tunda koure,
koMuzogo nokoUtokero,
koAswani sokoMbindakano.”
13Pembura, ove eguru,
hafa, ove evhu!
Nondundu di zogomoke kudimba!
Hompa nga hengagwida mbunga zendi;
ta fire nkenda mbunga zendi zoruhepo.
14Nye vaJerusarema asi:
“Hompa ana tu zumbu
ana tu divara.”
15Makura Hompa ta limburura asi:
“Mukadi kuvhura kudivara mukeke
gwamwene, ndi a dire kuhara
muna ogu ga reta ndi?
Nampili pa kare nye ngano
zinya gokudivara munwendi,
ame narumwe si kukudivara.
16Jerusarema, ame nokuvhura si
kukudivara nampili rumwe!
Ame kwa tjangera edina lyoge
poyikandeko yange.
17Ava ngava ya ku tungurura
ntaantani va wize,
ano ava ava ku hanagura
ngava tunda mo.
18Tara‐tara o mone eyi yina kuhoroka!
Vantu woge kuna kulipongaika —
kuna kuwiza kwawo!
Yosili na kugana ame Karunga gomwenyo,
ove ngo litumbadekera vantu
woge, moomu a litumbadekere
mufuko maurenga gendi.
19“Sirongo soge kwa si hanagwire,
tasi kara mburundu
nye apa ngesi ngasi kara sinunu
kwava ngava wiza va ya tunge mo.
Ano ava va mu hanagwire,
ngava va kandwira ure noge.
20Vantu woge ava va ka vharera
koupika, ngava tanta asi:
‘Sirongo esi sinunu unene —
kuna hara nonzugo hena dimwe
tu tunge mo!’
21Ove ngo lipura nyaamoge asi:
‘Ogu ga hampurukira nge
vanona navenye ava hena yilye?
Ame na zumbanesa vanona vange,
kapi ngani vhura kugwana vamwe.
Ame kwa kere moupika
yimo va twere nge —
ogu ga rera ava vanona hena yilye?
Ame kwa siga nge navenye nyamelike —
ava vanona oku va tunda hena kupi?’ ”
22 Hompa Mupangeli ta tantere
vantu vendi asi:
“Ame ngani tura sidiviso
nokuwoko kwange konomuhoko,
ano awo ngava tengwida
vana veni kembo.
23Ohompa ngava kara
ngwendi oguhyeni,
ano ohompa wovakadi
ngava kara nawo ngwendi ozinyeni.
Awo ngava linyongamena kweni
tava mu fumadeke;
awo ngava linunupika, va likide
efumadeko lyawo kweni.
One ngomu diva nye asi ame
nyame Hompa;
nkenye ogu nga ndindira
ekwafo lyange,
kapi ngaru mu gwana ruhodi.”
24Ove kuvhura tupu kuhakana eyi
ga kwata mukwayita ndi?
Ndi ove kuvhura tupu o popere
vanadorongo komunankondo?
25 Hompa ta limburura asi:
“Oyo yiyo nye ngayi ka horoka nawa‐nawa.
Vanadorongo wovakwayita ngava va
gusa mo eyi va kwata vanankondo,
moyita ngava yi va hakana.
Ame ngani rwisa nkenye tupu ogu a mu rwisa,
tani parura vana veni.
26Vahepeki woge ngani va ninka
va lidipage‐dipage vene;
awo ngava korwa kohonde zavene
ngwendi kovhinyu zontovara.
Ano vantu navenye yipo ngava
divira nge asi ame nyame Hompa,
ogu na mu parura
yiyo na mu mangurura.
Awo ngava diva asi, ame nyame
Karunga gwaIsraeli goMunankondo.”
Currently Selected:
JESAYA 49: KWN
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
JESAYA 49
49
Israeli uzera wonomuhoko
1“Zuvheni nge,
one nomuhoko dokoure,
none vantu ava mwa kara ure, purakeneni!
Ame simpe nokuhampuruka
nge si, yipo ga horowora nge
Hompa, yiyo ga tumba nge
ni kare mukereli gwendi.
2Nonkango dange age kwa di
rugana ngwendi rufuro routwe.
Age kupopera nge nokuwoko kwamwene.
Age kwa rugana nge
ngwendi sikutji soutwe,
yiyo ga zweka nge monkafa
zoyikutji yendi.
3Ta tantere nge asi:
“Israeli, ove mukereli gwange;
moge yimo ngava yererepekera
nge vantu.”
4Ame makura tani tanta asi:
“Ame kwa lihepeka mawoko‐woko,
nonkondo dange kwa pwira
mwangoso pwa hana yuma.”
Mpili ngoso, ehungameko lyange
ngani li gwana pwaHompa,
mfuto zange pwaKarunga gwange.
5Ame simpe nokuhampuruka nge si,
Hompa yiyo ga tumba nge;
age kwa ninka nge ni kare
mukereli gwendi, ni tengwide
mbunga zendi,
ni tengwide mbunga ezi
za lihana zaIsraeli.
Hompa kufumadeka nge;
age yige ntundiliro
zononkondo dange.
6 Hompa ta tantere nge asi:
“Ame kuna kara nosirugana
sosinene koge, ove mukereli gwange.
Kapisi yeeyi yokuwapukurura unene woVaisraeli
ava va hupa po yelike,
nye ngani ku ninka hena o kare
uzera wonomuhoko —
asi uzuni mudima ngau paruke.”
7 Hompa, Muzowoli gwaIsraeli,
Mupongoki gwendi,
kuna kutantera ogu va dina unene,
nogu za nyenga mbunga,
mukereli govapangeli asi:
“Ohompa ngava ku mona
tava ku sigi,
makura tava katuka va horore
efumadeko lyawo;
ohompagona nawo ngava yi mona,
makura tava tongeke nongoro
va ku fumadeke.”
Eyi ngayi horoka, morwa Hompa
kwa horowora mukereli gwendi;
Karunga Mupongoki gwaIsraeli
kusikisa mo matumbwidiro gendi.
Ewapukururo lyaJerusarema
8 Hompa ta tantere mbunga zendi asi:
“Apa ngasi sika mo siruwo
sokukuparura, ngani ku
fira nkenda, tani limburura
nonkango doge dekwafo.
Ngani ku gamena tani ku popere,
ano moge yimo ngani pakera
egwanekero novantu navenye.
Ngani ku ninka hena o tunge
mosirongo soge
esi sina kara mapuku.
9Ngani tantera nonkwate asi:
‘Mangurukeni mo.’
Ano ava va kara momundema asi:
‘Pwageni mo, mu wize kouzera!’
Awo ngava kara ngwendi nonzwi
edi dina kulya konondundu;
10awo narumwe si kufa nzara
ndi enota.
Ezuva ndi upyu womburundu
kapi ngau va hwika,
yeeyi ogu nga va pitisira
googu ga va hara.
11“Ame ngani rugana nkungwasirongo
konondundu, tani wapaikire
mbunga zange nzira zokugenda.
12Vantu vange ngava tunda koure,
koMuzogo nokoUtokero,
koAswani sokoMbindakano.”
13Pembura, ove eguru,
hafa, ove evhu!
Nondundu di zogomoke kudimba!
Hompa nga hengagwida mbunga zendi;
ta fire nkenda mbunga zendi zoruhepo.
14Nye vaJerusarema asi:
“Hompa ana tu zumbu
ana tu divara.”
15Makura Hompa ta limburura asi:
“Mukadi kuvhura kudivara mukeke
gwamwene, ndi a dire kuhara
muna ogu ga reta ndi?
Nampili pa kare nye ngano
zinya gokudivara munwendi,
ame narumwe si kukudivara.
16Jerusarema, ame nokuvhura si
kukudivara nampili rumwe!
Ame kwa tjangera edina lyoge
poyikandeko yange.
17Ava ngava ya ku tungurura
ntaantani va wize,
ano ava ava ku hanagura
ngava tunda mo.
18Tara‐tara o mone eyi yina kuhoroka!
Vantu woge kuna kulipongaika —
kuna kuwiza kwawo!
Yosili na kugana ame Karunga gomwenyo,
ove ngo litumbadekera vantu
woge, moomu a litumbadekere
mufuko maurenga gendi.
19“Sirongo soge kwa si hanagwire,
tasi kara mburundu
nye apa ngesi ngasi kara sinunu
kwava ngava wiza va ya tunge mo.
Ano ava va mu hanagwire,
ngava va kandwira ure noge.
20Vantu woge ava va ka vharera
koupika, ngava tanta asi:
‘Sirongo esi sinunu unene —
kuna hara nonzugo hena dimwe
tu tunge mo!’
21Ove ngo lipura nyaamoge asi:
‘Ogu ga hampurukira nge
vanona navenye ava hena yilye?
Ame na zumbanesa vanona vange,
kapi ngani vhura kugwana vamwe.
Ame kwa kere moupika
yimo va twere nge —
ogu ga rera ava vanona hena yilye?
Ame kwa siga nge navenye nyamelike —
ava vanona oku va tunda hena kupi?’ ”
22 Hompa Mupangeli ta tantere
vantu vendi asi:
“Ame ngani tura sidiviso
nokuwoko kwange konomuhoko,
ano awo ngava tengwida
vana veni kembo.
23Ohompa ngava kara
ngwendi oguhyeni,
ano ohompa wovakadi
ngava kara nawo ngwendi ozinyeni.
Awo ngava linyongamena kweni
tava mu fumadeke;
awo ngava linunupika, va likide
efumadeko lyawo kweni.
One ngomu diva nye asi ame
nyame Hompa;
nkenye ogu nga ndindira
ekwafo lyange,
kapi ngaru mu gwana ruhodi.”
24Ove kuvhura tupu kuhakana eyi
ga kwata mukwayita ndi?
Ndi ove kuvhura tupu o popere
vanadorongo komunankondo?
25 Hompa ta limburura asi:
“Oyo yiyo nye ngayi ka horoka nawa‐nawa.
Vanadorongo wovakwayita ngava va
gusa mo eyi va kwata vanankondo,
moyita ngava yi va hakana.
Ame ngani rwisa nkenye tupu ogu a mu rwisa,
tani parura vana veni.
26Vahepeki woge ngani va ninka
va lidipage‐dipage vene;
awo ngava korwa kohonde zavene
ngwendi kovhinyu zontovara.
Ano vantu navenye yipo ngava
divira nge asi ame nyame Hompa,
ogu na mu parura
yiyo na mu mangurura.
Awo ngava diva asi, ame nyame
Karunga gwaIsraeli goMunankondo.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003