JESAYA 44
44
Hompa yige gelike Karunga
1 Hompa kuna kutanta asi:
“Purakena ntaantani,
ove Israeli, mukereli gwange,
vantu vange ava na horowora,
nontekuru daJakopo.
2Ame nyame Hompa ogu na mu sita;
ame kwa mu kwafa
one nokumuhampuruka si.
Wa ha tjira; ove o mukereli gwange,
mbunga ezi na horowora na hara.
3“Ngani gava mema mosirongo senota,
nomukuro ngadi pupa mevhu lyekukutu.
Nonkondo dange ngani di
poomwena vana veni, ano
etungiko lyange nontekuru deni.
4Awo ngava hoka ngwendi wayi
ou ava tekere nawa,
ngwendi yikulikuli eyi ya kara
konontere domema.
5“Vantu ngava tanta gumwe
nagumwe asi: Ame gwaHompa.
Awo ngava wiza va lipakerere
nombunga zaIsraeli.
Nkenye ogu nga tjangera edina
lyaHompa pokuwoko kwendi
ta litumbura asi age mbunga zaKarunga.”
6 Hompa ogu a pangere
oku ta popere Israeli, kuna
kutanta asi: “Ame nyame
muhoverera nogu gouhura,
nyamelike Karunga;
kutupu hena Karunga
gwapeke, nyame makura.
7Pweli gumwe gokuvhura
kurugana eyi na rugana ndi?
Yilye gokuvhura kudivisa
nayinye eyi ngayi horauka
kutundilira petameko —
tameko dogoro nokouhura?
8Wa ha tjira, ove mbunga zange!
Wa yi diva asi kutunda
kwanare‐nare dogoro ntaantani
ame kwa divisa nayinye eyi
ngayi horauka,
ano one nyone nondipo dange.
Pweli hena karunga gumwe ndi?
Pweli karunga gumwe
gononkondo ogu na dira
kuzuvha rumwe ndi?”
Eswauko lyovakarunga woyimpempa
9Navenye ava ava rugana vakarunga woyimpempa womawoko‐woko, ano vakarunga ava ava fumadeke ngoso unene, kutupu sikwafa. Ava ava tongamene vakarunga ava kwa twika awo kwa limbandera — awo ngava swauka. 10Kapi ya wapa yokurugana efano lyosivera o li tongamene asi yige Karunga! 11Nkenye ogu a li tongamene, ngava mu nunupika. Vantu ava ava rugana vakarunga woyimpempa vantuuntu tupu kapisi asi yinke. Va ninkeni va wize kompanguro — ngagu va pwaga, tava fu nomuga.
12Muhambuli goyivera kurugana nosikwateso momundiro. Kuwoko kwendi kononkondo kuzerura hamara, ta daya sivera si kare sinhwi. Ano mokurugana kwendi ta fu nzara nenota, ta roroka hena.
13Muhongi goyikungu kuheteka yitji. Ta faneke po efano nompezo, ta tjokora noyiruganeso yendi, makura ta si rugana sinhwi somugara, efano lyewa lyomuntu, ta li tura monzugo zendi. 14Kuvhura a komangere nomusedeli a ruganese ko, ndi ta hororwowa musati ndi nomusiperesi mowiza. Ndi kuvhura a tapeke musedeli, ta ndindire mvhura zi gu kulike. 15Muntu kuhwamekesa ruha rumwe rositji, ano oru ruha rumwe ta rugana karunga goyimpempa. Ruha rumwe ta hwameke mundiro a lidurure ndi ta dosa po mungome; ano oru ruha rumwe ta rugana karunga a mu tongamene. 16Yitji yimwe ta hwamekesa ko mundiro; ta dosa po nyama, ta li, ta kuta. Pokulidurura ta tanta asi: “Ee, ugenyagona! Ee mundiro kouwa!” 17Eyi yina kuhupa po, age ta rugana karunga goyimpempa a mu tongamene. Age kumukanderera ta tanta asi: “Ove nyove karunga gwange — parura nge!”
18Vantu vangoso vagova unene mokudiva eyi ava rugana. Awo vapofu, magazaro gawo ga limbandera kombinga zeyi yousili. 19Ava ava rugana vakarunga woyimpepa kapi va kara nonondunge ndi egano lyokutanta asi: “Yitji yimwe yiyo ani hwamekesa mundiro. Ame kudosa nomboroto pomakara, tani vava po nyama ni lye. Ano esi sina kuhupa po, tani rugana karunga goyimpempa. Naina nye nyame ogu nina kutongamena kemusindi lyositji, vakwetu!”
20Kapi ya lisiga nogu ana kulya enoto. Magazaro gendi gougova ga mu pempura yiyo ga linapuka nekwafo. Kapi a lisimonona mwene asi karunga goyimpempa ogu a kwaterere mokuwoko, kapisi karunga.
Hompa Musiti noMuparuli
21 Hompa ta tanta asi:
“Israeli, diworoka eyi;
diworoka asi ove o mukereli gwange.
Ame kwa ku sita o kare
mukereli gwange,
ame kapi ngani ku divara.
22Ame kwa komba po nonzo doge
ngwendi eremo.
Tengura kwange; ame nyame
ani ku parura.”
23Hafa ove eguru!
Lilikideni one mavega gokonhi zevhu!
Hafeni one nondundu nankenye
sitji somowiza!
Hompa ana likida unene wendi
pokuparura mbunga zendi zaIsraeli.
24“Ame nyame Hompa,
muparuli goge;
Ame nyame na ku sita,
Ame nyame Hompa,
Musiti gwanayinye.
Nyamelike na zanzumuna eguru;
apa na sitire uzuni nagumwe si
ogu ga kwafere nge ko.
25Ame kugovapeka vapumbi
tani yipike mayoworo gonompure.
Nonkango dovanongo
tani di limbike,
ano unongo wawo tani u pirura
u kare ugova.
26Nye mukereli gwange nsene a
yowora, nye na tumu ntumi
zi ka horore magazaro gange,
makura magazaro ogo
nomayoworo ogo
tani ga ninki ga sike mo.
Ame kuna kutantera Jerusarema
asi vantu ngava tunga mo hena,
ano yitata asi ngava yi tungurura hena.
Yitata oyo ngayi pwaga mo monondambo.
27Ame kwa pwilika efuta norufuro rompangera.
28Makura tani tantere Koresi asi:
‘Ove nyove ngo pangerera nge mo,
ngo rugana eyi nina ku harere
asi yiyo ngo rugana;
ngo panga asi Jerusarema va mu
tungurure ano etateko lyontembeli
va li ture po.’ ”
Currently Selected:
JESAYA 44: KWN
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
JESAYA 44
44
Hompa yige gelike Karunga
1 Hompa kuna kutanta asi:
“Purakena ntaantani,
ove Israeli, mukereli gwange,
vantu vange ava na horowora,
nontekuru daJakopo.
2Ame nyame Hompa ogu na mu sita;
ame kwa mu kwafa
one nokumuhampuruka si.
Wa ha tjira; ove o mukereli gwange,
mbunga ezi na horowora na hara.
3“Ngani gava mema mosirongo senota,
nomukuro ngadi pupa mevhu lyekukutu.
Nonkondo dange ngani di
poomwena vana veni, ano
etungiko lyange nontekuru deni.
4Awo ngava hoka ngwendi wayi
ou ava tekere nawa,
ngwendi yikulikuli eyi ya kara
konontere domema.
5“Vantu ngava tanta gumwe
nagumwe asi: Ame gwaHompa.
Awo ngava wiza va lipakerere
nombunga zaIsraeli.
Nkenye ogu nga tjangera edina
lyaHompa pokuwoko kwendi
ta litumbura asi age mbunga zaKarunga.”
6 Hompa ogu a pangere
oku ta popere Israeli, kuna
kutanta asi: “Ame nyame
muhoverera nogu gouhura,
nyamelike Karunga;
kutupu hena Karunga
gwapeke, nyame makura.
7Pweli gumwe gokuvhura
kurugana eyi na rugana ndi?
Yilye gokuvhura kudivisa
nayinye eyi ngayi horauka
kutundilira petameko —
tameko dogoro nokouhura?
8Wa ha tjira, ove mbunga zange!
Wa yi diva asi kutunda
kwanare‐nare dogoro ntaantani
ame kwa divisa nayinye eyi
ngayi horauka,
ano one nyone nondipo dange.
Pweli hena karunga gumwe ndi?
Pweli karunga gumwe
gononkondo ogu na dira
kuzuvha rumwe ndi?”
Eswauko lyovakarunga woyimpempa
9Navenye ava ava rugana vakarunga woyimpempa womawoko‐woko, ano vakarunga ava ava fumadeke ngoso unene, kutupu sikwafa. Ava ava tongamene vakarunga ava kwa twika awo kwa limbandera — awo ngava swauka. 10Kapi ya wapa yokurugana efano lyosivera o li tongamene asi yige Karunga! 11Nkenye ogu a li tongamene, ngava mu nunupika. Vantu ava ava rugana vakarunga woyimpempa vantuuntu tupu kapisi asi yinke. Va ninkeni va wize kompanguro — ngagu va pwaga, tava fu nomuga.
12Muhambuli goyivera kurugana nosikwateso momundiro. Kuwoko kwendi kononkondo kuzerura hamara, ta daya sivera si kare sinhwi. Ano mokurugana kwendi ta fu nzara nenota, ta roroka hena.
13Muhongi goyikungu kuheteka yitji. Ta faneke po efano nompezo, ta tjokora noyiruganeso yendi, makura ta si rugana sinhwi somugara, efano lyewa lyomuntu, ta li tura monzugo zendi. 14Kuvhura a komangere nomusedeli a ruganese ko, ndi ta hororwowa musati ndi nomusiperesi mowiza. Ndi kuvhura a tapeke musedeli, ta ndindire mvhura zi gu kulike. 15Muntu kuhwamekesa ruha rumwe rositji, ano oru ruha rumwe ta rugana karunga goyimpempa. Ruha rumwe ta hwameke mundiro a lidurure ndi ta dosa po mungome; ano oru ruha rumwe ta rugana karunga a mu tongamene. 16Yitji yimwe ta hwamekesa ko mundiro; ta dosa po nyama, ta li, ta kuta. Pokulidurura ta tanta asi: “Ee, ugenyagona! Ee mundiro kouwa!” 17Eyi yina kuhupa po, age ta rugana karunga goyimpempa a mu tongamene. Age kumukanderera ta tanta asi: “Ove nyove karunga gwange — parura nge!”
18Vantu vangoso vagova unene mokudiva eyi ava rugana. Awo vapofu, magazaro gawo ga limbandera kombinga zeyi yousili. 19Ava ava rugana vakarunga woyimpepa kapi va kara nonondunge ndi egano lyokutanta asi: “Yitji yimwe yiyo ani hwamekesa mundiro. Ame kudosa nomboroto pomakara, tani vava po nyama ni lye. Ano esi sina kuhupa po, tani rugana karunga goyimpempa. Naina nye nyame ogu nina kutongamena kemusindi lyositji, vakwetu!”
20Kapi ya lisiga nogu ana kulya enoto. Magazaro gendi gougova ga mu pempura yiyo ga linapuka nekwafo. Kapi a lisimonona mwene asi karunga goyimpempa ogu a kwaterere mokuwoko, kapisi karunga.
Hompa Musiti noMuparuli
21 Hompa ta tanta asi:
“Israeli, diworoka eyi;
diworoka asi ove o mukereli gwange.
Ame kwa ku sita o kare
mukereli gwange,
ame kapi ngani ku divara.
22Ame kwa komba po nonzo doge
ngwendi eremo.
Tengura kwange; ame nyame
ani ku parura.”
23Hafa ove eguru!
Lilikideni one mavega gokonhi zevhu!
Hafeni one nondundu nankenye
sitji somowiza!
Hompa ana likida unene wendi
pokuparura mbunga zendi zaIsraeli.
24“Ame nyame Hompa,
muparuli goge;
Ame nyame na ku sita,
Ame nyame Hompa,
Musiti gwanayinye.
Nyamelike na zanzumuna eguru;
apa na sitire uzuni nagumwe si
ogu ga kwafere nge ko.
25Ame kugovapeka vapumbi
tani yipike mayoworo gonompure.
Nonkango dovanongo
tani di limbike,
ano unongo wawo tani u pirura
u kare ugova.
26Nye mukereli gwange nsene a
yowora, nye na tumu ntumi
zi ka horore magazaro gange,
makura magazaro ogo
nomayoworo ogo
tani ga ninki ga sike mo.
Ame kuna kutantera Jerusarema
asi vantu ngava tunga mo hena,
ano yitata asi ngava yi tungurura hena.
Yitata oyo ngayi pwaga mo monondambo.
27Ame kwa pwilika efuta norufuro rompangera.
28Makura tani tantere Koresi asi:
‘Ove nyove ngo pangerera nge mo,
ngo rugana eyi nina ku harere
asi yiyo ngo rugana;
ngo panga asi Jerusarema va mu
tungurure ano etateko lyontembeli
va li ture po.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003