JESAYA 3
3
Ndjorongani moJerusarema
1Ano nye Hompa, Hompa Munankondo nadinye nga gusa mo moJerusarema nomoJuda nkenye aka va huguvara vantu. Age nga gusa mo nondya dawo nomema gawo, 2nomapenda gawo, novakwayita vawo novapangeli vawo novaporofete vawo, novapumbi vawo nomasimbi gawo 3novakurona vawo woyita novagendesi vawo novagavindunge vawo nankenye ogu a ruganesa umpure a pangere yihoroka. 4Hompa nga ninka vamatigona va pangere mbunga. 5Vantu ngava lihepaika‐hepaika. Vadinkantu kapi ngava fumadeka vakurona vawo. Vantu womawoko‐woko, nawo kapi ngava fumadeka vanamakuto vawo.
6Siruwo apa ngasi sika mo, vezimo limwe ngava horowora gumwe gomumwawo, tava mu tantere asi: “Ove ono kara simpe nomudwaro, kara nye mupangeli gwetu posiruwo esi soudigu.”
7Nye age nga limburura asi: “Nyame sa! Ame kapi tani vhuru kumukwafa. Ame hena kapi na kara nonondya nomudwaro. Mwa ha ninka nge ni kare mupangeli gweni!”
8Jerusarema tava si zungurura po! Ano Juda ta teka po! Nkenye eyi vana kuuyunga nokurugana kuna kukondjesa Hompa. Awo kuna kuhandukisa Karunga moyitarameho yovantu. 9Yihoroka yokoyipara yawo yiyo yina kugava undipo. Ano nonzo dawo kudihorora ngwendi moomu ngava rugana Vasodoma. Awo kuna va fingi. Nda vene vana likokere udona.
10Vantu wovahungami, ngava hafa, nayinye ngayi va wapa, yeeyi asi awo ngava lya yiyimwa yomoyirugana yawo. 11Vantu wovandona va va finga. Ano eyi va ruganena vakwaawo, ngava yi va tengwida kuwoko.
12Vaheheli woyimaliva kuna kuhepeka mbunga zange. Womakongo gawo kuna kuvakumbagera.
Mbunga zange, vapitisili woge kuna kukupukisa asi o dire kudiva oku no vyuka.
Hompa ta pangura mbunga zendi
13 Hompa kuna sikama a tokore, age kuna katuka a pangure mbunga zendi. 14Hompa ana twara mombangwiliro masimbi novapangeli wombunga zendi. Age ana va pe usima ou asi: “One kwa porora yindjembere eyi mwa hakana konohwepwe. Muna yi zwida momambo geni. 15Ame Hompa Mupangeli Munankondo nadinye kuna kuuyunga asi: One kutupu ko epulisiro lyokunyikida mbunga zange nokuhepeka vahepwe.”
Erondoro kovakadi vaJerusarema
16 Hompa kuna kutanta asi: “Tareni, vakadi vaJerusarema kuna litumbu. Eyi vana kugenda, nonsingo kuna taganana, ano meho gawo kuna kuvema‐vema. Tava gendi tava lyata nongondo dawo di hagare. 17Ame ngani va pangura — nomutwe dawo ngani di mbarumuna ni va sige makorongongo‐korongongo.”
18Ezuva apa ngali sika mo, Hompa nga gusa vakadi vaJerusarema nkenye eyi yina va tangareke — nongondo edi ava dwara konomupindi dawo neyi ava dwara konomutwe dawo neyi ava dwara mononsingo dawo, 19neyi ava dwara komawoko gawo, 20nomambare gawo nomalyenge aga ava dwara komawoko gawo nomonombunda dawo 21notulinga otu ava dwara kononyara dawo nomomazuru gawo; 22nomarwakani gawo nagenye aga ga mana mpata, nonondjafa nonomwaye notundjato toyimaliva; 23nomakende nonohema dokonhi dolina noyikayiwa yokulidingira konomutwe nonohanduke dolina nomawiwili gokosipara.
24Pevega lyokuruganesa murora ngava nuka. Pevega lyokudwara maliva gomawa, rugodi. Pevega lyonohuki donongwa, ngava kara makorongongo‐korongongo. Pevega lyoyidwara youfuuli, yikoverero yononkali. Uwa wawo ngau lisinta nonomuga!
25Vagara womositata nonontoni ngadi fira moyita. 26Marungavero gaso ngaga lira nonkali nokutakuma. Ano sitata sene ko ngasi fana ngwendi mukadi ana hingire pevhu age kuna lihutura yidwara yendi.
Currently Selected:
JESAYA 3: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
JESAYA 3
3
Ndjorongani moJerusarema
1Ano nye Hompa, Hompa Munankondo nadinye nga gusa mo moJerusarema nomoJuda nkenye aka va huguvara vantu. Age nga gusa mo nondya dawo nomema gawo, 2nomapenda gawo, novakwayita vawo novapangeli vawo novaporofete vawo, novapumbi vawo nomasimbi gawo 3novakurona vawo woyita novagendesi vawo novagavindunge vawo nankenye ogu a ruganesa umpure a pangere yihoroka. 4Hompa nga ninka vamatigona va pangere mbunga. 5Vantu ngava lihepaika‐hepaika. Vadinkantu kapi ngava fumadeka vakurona vawo. Vantu womawoko‐woko, nawo kapi ngava fumadeka vanamakuto vawo.
6Siruwo apa ngasi sika mo, vezimo limwe ngava horowora gumwe gomumwawo, tava mu tantere asi: “Ove ono kara simpe nomudwaro, kara nye mupangeli gwetu posiruwo esi soudigu.”
7Nye age nga limburura asi: “Nyame sa! Ame kapi tani vhuru kumukwafa. Ame hena kapi na kara nonondya nomudwaro. Mwa ha ninka nge ni kare mupangeli gweni!”
8Jerusarema tava si zungurura po! Ano Juda ta teka po! Nkenye eyi vana kuuyunga nokurugana kuna kukondjesa Hompa. Awo kuna kuhandukisa Karunga moyitarameho yovantu. 9Yihoroka yokoyipara yawo yiyo yina kugava undipo. Ano nonzo dawo kudihorora ngwendi moomu ngava rugana Vasodoma. Awo kuna va fingi. Nda vene vana likokere udona.
10Vantu wovahungami, ngava hafa, nayinye ngayi va wapa, yeeyi asi awo ngava lya yiyimwa yomoyirugana yawo. 11Vantu wovandona va va finga. Ano eyi va ruganena vakwaawo, ngava yi va tengwida kuwoko.
12Vaheheli woyimaliva kuna kuhepeka mbunga zange. Womakongo gawo kuna kuvakumbagera.
Mbunga zange, vapitisili woge kuna kukupukisa asi o dire kudiva oku no vyuka.
Hompa ta pangura mbunga zendi
13 Hompa kuna sikama a tokore, age kuna katuka a pangure mbunga zendi. 14Hompa ana twara mombangwiliro masimbi novapangeli wombunga zendi. Age ana va pe usima ou asi: “One kwa porora yindjembere eyi mwa hakana konohwepwe. Muna yi zwida momambo geni. 15Ame Hompa Mupangeli Munankondo nadinye kuna kuuyunga asi: One kutupu ko epulisiro lyokunyikida mbunga zange nokuhepeka vahepwe.”
Erondoro kovakadi vaJerusarema
16 Hompa kuna kutanta asi: “Tareni, vakadi vaJerusarema kuna litumbu. Eyi vana kugenda, nonsingo kuna taganana, ano meho gawo kuna kuvema‐vema. Tava gendi tava lyata nongondo dawo di hagare. 17Ame ngani va pangura — nomutwe dawo ngani di mbarumuna ni va sige makorongongo‐korongongo.”
18Ezuva apa ngali sika mo, Hompa nga gusa vakadi vaJerusarema nkenye eyi yina va tangareke — nongondo edi ava dwara konomupindi dawo neyi ava dwara konomutwe dawo neyi ava dwara mononsingo dawo, 19neyi ava dwara komawoko gawo, 20nomambare gawo nomalyenge aga ava dwara komawoko gawo nomonombunda dawo 21notulinga otu ava dwara kononyara dawo nomomazuru gawo; 22nomarwakani gawo nagenye aga ga mana mpata, nonondjafa nonomwaye notundjato toyimaliva; 23nomakende nonohema dokonhi dolina noyikayiwa yokulidingira konomutwe nonohanduke dolina nomawiwili gokosipara.
24Pevega lyokuruganesa murora ngava nuka. Pevega lyokudwara maliva gomawa, rugodi. Pevega lyonohuki donongwa, ngava kara makorongongo‐korongongo. Pevega lyoyidwara youfuuli, yikoverero yononkali. Uwa wawo ngau lisinta nonomuga!
25Vagara womositata nonontoni ngadi fira moyita. 26Marungavero gaso ngaga lira nonkali nokutakuma. Ano sitata sene ko ngasi fana ngwendi mukadi ana hingire pevhu age kuna lihutura yidwara yendi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003