JESAYA 19
19
Karunga nga futisa Egipite
1Mbudi zakwaEgipite zezi.
Hompa kuna kuwiza kwaEgipite, age meremo lyokugenderera unene. Vakarunga vaEgipite woyimpempa kuna kukankama komeho zendi, ano Vaegipite vana dombo nomutjima. 2Hompa ta tanta asi: “Ngani katura yita yavene navene moEgipite. Vantu nomumbya ngava rwana, ano mumaparambo nomumaparambo mukwawo. Sitata tasi rwisa sitata sikwawo, ano hompa nahompa mukwawo. 3Ame ngani govapeka nompangera doVaegipite, ano yigazo yawo ngani yi haraganesa po. Awo ngava ka hama kovakarunga woyimpempa asi va va kwafe, ngava za va ka pure nompure nonompepo dovafe, asi di va vyukise. 4Ame ngani gava Egipite momawoko gahompa gomukenya age mudona a va pangere. Ame Hompa Munankondo nadinye nyame na yi tanta.”
5Mema ngaga sesupa moNili, ano mukuro ngagu kukuta nywe. 6Tumuporombomba tomukuro ngatu nuka mokupwira mema kanunu‐kanunu. Nombu nomarenge ngayi kukuta, 7ano nombuto nadinye edi va kuna konontere daNili, ngadi kukuta tadi rerauka kompepo. 8Navenye ava va paruka mokukwata nomfi moNili ngava kema oku tava takuma; marowo gawo nomakwe gawo kapi ngaga kara hena nosirugana. 9Ava ava rugana yikoverero yolina ngava va fisa nomuga; 10vatungi womakehe nononkurungu ngava pokomana.
11Vagendesi wositata saSowana magova! Vanongo wovanene moEgipite kuna kugava epukururo lyougova! Ngapi omu nava vhura kutantera hompa asi awo vakwami wovanandunge nohompa vanare? 12Ove hompa gwaEgipite, vena vapukuruli woge wonondunge kupi ko? Mpamwe awo kuvhura va ku tantere magazaro aga ana kara nago Hompa Munankondo nadinye gokuhamena Egipite. 13Vagendesi womoSowana naMemufisi magova. Awo kwa va huguvarere va gendese muhoko, nye yiyo va gu pukisa. 14Hompa kwa va ninka va gave epukururo lyokupiyaganeka. Makura yiyo ana kurugana Egipite yokupuka yelike. Awo kuna kupundauka moomu azi ligarumuna nkorwe poyirusi yazo. 15Mutupu nampili gumwe moEgipite, a kare ngawo ndi muhepwe, gekuto ndi gokudira kudivikwa, gokuvhura kureta po ekwafo.
Egipite nga tongamena Hompa
16Siruwo tasi wiza apa ngava kara Vaegipite nowoma ngwendi vakadi. Ngava mengeserera kowoma apa ngava mona asi Hompa Munakondo nadinye ana gonona kuwoko kwendi a va futise. 17Vaegipite ngava va tjilisa Vajuda nkenye apa ngava va diworokesa sigwana esi ga va wapaikira Hompa Munankondo nadinye.
18Apa ngasi sika mo siruwo oso, Ruhebeli ngava ru uyunga moyitata yitano yoVaegipite. Vantu vamo ngava gana nomugano medina lyaHompa Munankondo nadinye. Sitata simwe po ngava si tumbura asi: “Sitata sEzuva.”
19Apa ngasi sika mo siruwo oso, mosirongo saEgipite ngamu kara sizambero saHompa nongundi zemanya ezi va mu pongwera komururani gwaEgipite. 20Ayo ngayi kara yidiviso yekaropo lyaHompa Munankondo nadinye moEgipite. Vantu vamo nsene tava va hepeke, nye va kuge ekwafo kwaHompa, age ta tumu gumwe a va yoworore. 21Hompa nga lihorora mwene koVaegipite, makura awo ngava mu dive, tava mu tongamene oku tava mu retere nonzambo deswakerero ndi donondya. 22Hompa nga futisa Vaegipite, nye ta va verura hena. Awo ngava tengwira kwendi, makura age ta zuvhu makanderero gawo, ta va verura.
23Apa ngasi sika mo siruwo oso, pokatji kaEgipite naAsiliya ngapa kara nzira zonene. Vantu owo woyirongo oyo yivali ngava ligendera, ano nomuhoko odo mbali ngadi tongamena kumwe Hompa. 24Apa ngasi sika mo siruwo oso, Israeli nga lipakerera naEgipite naAsiliya, makura nomuhoko edi ntatu ngadi kare etungiko lyouzuni mudima. 25Hompa Munakondo nadinye nga di tungika, ta tanta asi: “Ngani ku tungika, ove Egipite, mbunga zange, nove Asiliya, ogu na unga; nove Israeli mbunga zange ezi na horowora.”
Currently Selected:
JESAYA 19: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
JESAYA 19
19
Karunga nga futisa Egipite
1Mbudi zakwaEgipite zezi.
Hompa kuna kuwiza kwaEgipite, age meremo lyokugenderera unene. Vakarunga vaEgipite woyimpempa kuna kukankama komeho zendi, ano Vaegipite vana dombo nomutjima. 2Hompa ta tanta asi: “Ngani katura yita yavene navene moEgipite. Vantu nomumbya ngava rwana, ano mumaparambo nomumaparambo mukwawo. Sitata tasi rwisa sitata sikwawo, ano hompa nahompa mukwawo. 3Ame ngani govapeka nompangera doVaegipite, ano yigazo yawo ngani yi haraganesa po. Awo ngava ka hama kovakarunga woyimpempa asi va va kwafe, ngava za va ka pure nompure nonompepo dovafe, asi di va vyukise. 4Ame ngani gava Egipite momawoko gahompa gomukenya age mudona a va pangere. Ame Hompa Munankondo nadinye nyame na yi tanta.”
5Mema ngaga sesupa moNili, ano mukuro ngagu kukuta nywe. 6Tumuporombomba tomukuro ngatu nuka mokupwira mema kanunu‐kanunu. Nombu nomarenge ngayi kukuta, 7ano nombuto nadinye edi va kuna konontere daNili, ngadi kukuta tadi rerauka kompepo. 8Navenye ava va paruka mokukwata nomfi moNili ngava kema oku tava takuma; marowo gawo nomakwe gawo kapi ngaga kara hena nosirugana. 9Ava ava rugana yikoverero yolina ngava va fisa nomuga; 10vatungi womakehe nononkurungu ngava pokomana.
11Vagendesi wositata saSowana magova! Vanongo wovanene moEgipite kuna kugava epukururo lyougova! Ngapi omu nava vhura kutantera hompa asi awo vakwami wovanandunge nohompa vanare? 12Ove hompa gwaEgipite, vena vapukuruli woge wonondunge kupi ko? Mpamwe awo kuvhura va ku tantere magazaro aga ana kara nago Hompa Munankondo nadinye gokuhamena Egipite. 13Vagendesi womoSowana naMemufisi magova. Awo kwa va huguvarere va gendese muhoko, nye yiyo va gu pukisa. 14Hompa kwa va ninka va gave epukururo lyokupiyaganeka. Makura yiyo ana kurugana Egipite yokupuka yelike. Awo kuna kupundauka moomu azi ligarumuna nkorwe poyirusi yazo. 15Mutupu nampili gumwe moEgipite, a kare ngawo ndi muhepwe, gekuto ndi gokudira kudivikwa, gokuvhura kureta po ekwafo.
Egipite nga tongamena Hompa
16Siruwo tasi wiza apa ngava kara Vaegipite nowoma ngwendi vakadi. Ngava mengeserera kowoma apa ngava mona asi Hompa Munakondo nadinye ana gonona kuwoko kwendi a va futise. 17Vaegipite ngava va tjilisa Vajuda nkenye apa ngava va diworokesa sigwana esi ga va wapaikira Hompa Munankondo nadinye.
18Apa ngasi sika mo siruwo oso, Ruhebeli ngava ru uyunga moyitata yitano yoVaegipite. Vantu vamo ngava gana nomugano medina lyaHompa Munankondo nadinye. Sitata simwe po ngava si tumbura asi: “Sitata sEzuva.”
19Apa ngasi sika mo siruwo oso, mosirongo saEgipite ngamu kara sizambero saHompa nongundi zemanya ezi va mu pongwera komururani gwaEgipite. 20Ayo ngayi kara yidiviso yekaropo lyaHompa Munankondo nadinye moEgipite. Vantu vamo nsene tava va hepeke, nye va kuge ekwafo kwaHompa, age ta tumu gumwe a va yoworore. 21Hompa nga lihorora mwene koVaegipite, makura awo ngava mu dive, tava mu tongamene oku tava mu retere nonzambo deswakerero ndi donondya. 22Hompa nga futisa Vaegipite, nye ta va verura hena. Awo ngava tengwira kwendi, makura age ta zuvhu makanderero gawo, ta va verura.
23Apa ngasi sika mo siruwo oso, pokatji kaEgipite naAsiliya ngapa kara nzira zonene. Vantu owo woyirongo oyo yivali ngava ligendera, ano nomuhoko odo mbali ngadi tongamena kumwe Hompa. 24Apa ngasi sika mo siruwo oso, Israeli nga lipakerera naEgipite naAsiliya, makura nomuhoko edi ntatu ngadi kare etungiko lyouzuni mudima. 25Hompa Munakondo nadinye nga di tungika, ta tanta asi: “Ngani ku tungika, ove Egipite, mbunga zange, nove Asiliya, ogu na unga; nove Israeli mbunga zange ezi na horowora.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003