JESAYA 14
14
Etenguro lyokoupika
1 Hompa nga fira hena nkenda vantu vendi Vaisraeli, ta va horowora va kare vamwene. Nga va ninka hena va tunge mosirongo savene, ano vanayirongo ngava wiza va ya tunge kumwe nawo. 2Nomuhoko dononzi ngadi kwafa Vaisraeli mokutengura kosirongo sawo esi ga va pa Hompa, ano nomuhoko ngadi kara vapika woVaisraeli di va ruganene. Ava va kwete Israeli, Israeli nga va kwata, ano Vaisraeli ngava pangera ava ngava va hepeke.
Hompa gwaBabironi mosirongo sovafe
3 Hompa nga pwizumukisa Vaisraeli kokukora nokoruhepo nokoyirugana yoyidigu, eyi ngava va sininike asi va yi rugane. 4Apa nga yi rugana eyi, awo ngava swaura hompa gwaBabironi, tava tanta asi:
“Hompa gomudona ana gu! Narumwe si hena asi nga hepeke muntu! 5Hompa ana hagesa po nonkondo dovapangeli wovadona 6ava ngava hepeke vantu nonyanya, awo va hana kuhageka kutjida‐tjida nomuhoko edi va kwata. 7Ntaantani uzuni mudima kuna kara mepwizumuko nomompora, navenye kuna kudimba yoruhafo. 8Yitji yosiperesi nonosedeli daLibanoni kuna kuhafera hompa ogu ana rotomene, morwa kutupu hena ogu nga yi komangera, moomu ana tundu po!
9“Sirongo sovafe sina liwapaikire kutambura hompa gwaBabironi. Nompepo dava va kere vanankondo pevhu, kuna kundundana. Nompepo dohompa kuna kudikatura koyipundi yado youhompa. 10Ado kuna kumuzigira asi: ‘Ntaantani nove o murupirankondo ngwendi nyose! Ove o mukwetetu! 11Ove kwa yikire kukufumadeka nomarudimbo goyiumba, nye ntaantani nyove ogu mosirongo sovafe. Uro woge nonguwo zoge zokulikudumika maginyo.’ ”
12Ove hompa gwaBabironi, mbungururu zongurangura zonzera, ono gu ko keguru! Nare ngo kwata nomuhoko, nye ntaantani vana ku gandere pevhu. 13Ove kwa tokwere kuronda keguru o ka ture sipundi soge souhompa keguru lyonombungururu dekeguru‐guru. Ove kwa gazarere asi ngo ka hingira ngahompa kondundu zokoMuzogo oku ava pongo vakarunga. 14Ngo tanta asi ngo ronda keguru lyomaremo, ngo lifane noMunankondo nadinye. 15Nye pevega lyoyo yiyo va ku hegumwina pevhu mosirongo sovafe.
16Vafe ngava ku tara matongorora oku vana zahama. Awo ngava pura asi: “Ogu yige mugara ogu nga gumagwisa evhu ta kankamesa yirongo? 17Ogu yige mugara ogu ga hanagura yitata, yiyo ga yi ninka yi kare mburundu ndi? Ogu yige mugara ogu nga dili kumangurura nampili nakauke vanadorongo vendi, va ze kembo?”
18Ohompa navenye vepevhu kuna rara monontoko dawo dokufumana, 19nye ove kutupu ntoko, ano simpu soge kwa si zuguma si wore. Aso kuna kara konhi zoyimpu yovakwayita ava va dipaga moyita, yiyo va ku zugumina kumwe nawo mekero lyomamanya, va ku myonene mo. 20Morwa wa paka sirongo soge mapuku yiyo wa dipaga vantu vaamoge, yiyo ngava dilira kukuvhumbika ngwendi ohompa vakweni. Nagumwe si gemepata lyoge lyedona ogu nga hupa po. 21Edipago li tameke! Vana wovagara wogu hompa ngava fira nonzo dozinyakurwawo. Nagumwe po si ogu nga pangera uzuni ndi asi a u zwide yitata.
Karunga nga haraganesa po Babironi
22 Hompa gombunga zovakwayita kuna kutanta si: “Ame ngani rwisa Babironi, tani mu ninki mapuku. Ame kapi ngani hupisa po yuma — va kare vanona ndi vantu vamwe ava ngava kara nomwenyo. Ame nyame Hompa nina kuyiuyunga. 23Babironi ngani mu ninka a kare evega lyeswau omu ngava tunga vakakuru. Babironi ngani mu komba norukwateko oru aru vhuru kukomba nkenye aka. Nyame Hompa gombunga zovakwayita na yi uyunga.”
Karunga nga haraganesa po Vaasiliya
24 Hompa gombunga zovakwayita kuna gana mugano asi: “Eyi na panga yiyo tupu kuhoroka po. Eyi na seya yi kare po, ngava yi sikisa mo. 25Vaasiliya ngani va tjida mo mosirongo sange Israeli tani ka va sambangera konondundu dange. Vantu vange, ngani va mangurura kondjoko zoVaasiliya nokomaudigu aga ngano tava simbi. 26Eli yilyo egazaro lyange kouzuni. Kuwoko kwange kuna ku gonona ni pangure nomuhoko.” 27Hompa gombunga zovakwayita kuna tokora eyi. Age ana gonona kuwoko kwendi a pangure, nye nagumwe si gokuvhura kumukandana.
Karunga nga haraganesa po Vafilisiti
28Ezi yizo mbudi va divisire elima eli ga fire hompa Ahasi.
29Vantu one womoFilisitiya, ngora ezi ngazi mu hepeke zina zupauka po. Nye neisi eyi nomu hafera. Ezoka lyedona nsene lina fu po, kupatukira po ekwawo lyedona unene. Meuta lyezoka kutunda mo emukongoro lyomavava. 30Hompa nga kara musita govantu vendi wonohepwe. Age nga va ninka va tunge mompora. Nye age nga tuma erumbu lyedigu kweni one Vafilisiti. Ano alyo kapi ngali tupura nampili gumwe.
31Yitata one nayinye yoVafilisiti, kugeni mu zigire ekwafo! Kareni muna tjira unene! Eremo lyombundu kuna kutundilira koMuzogo‐zogo, ano mombunga zovakwayita, mutupu mo varadi melikwamo lyawo.
32Omu natu limburura nontumi edi dina kutunda koFilisitiya ngapi nye? Ose tatu va tantere asi, Hompa ana dike Siyoni, ano vantu vendi ava vana kuhepa, yimo ngava yoworokera.
Currently Selected:
JESAYA 14: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
JESAYA 14
14
Etenguro lyokoupika
1 Hompa nga fira hena nkenda vantu vendi Vaisraeli, ta va horowora va kare vamwene. Nga va ninka hena va tunge mosirongo savene, ano vanayirongo ngava wiza va ya tunge kumwe nawo. 2Nomuhoko dononzi ngadi kwafa Vaisraeli mokutengura kosirongo sawo esi ga va pa Hompa, ano nomuhoko ngadi kara vapika woVaisraeli di va ruganene. Ava va kwete Israeli, Israeli nga va kwata, ano Vaisraeli ngava pangera ava ngava va hepeke.
Hompa gwaBabironi mosirongo sovafe
3 Hompa nga pwizumukisa Vaisraeli kokukora nokoruhepo nokoyirugana yoyidigu, eyi ngava va sininike asi va yi rugane. 4Apa nga yi rugana eyi, awo ngava swaura hompa gwaBabironi, tava tanta asi:
“Hompa gomudona ana gu! Narumwe si hena asi nga hepeke muntu! 5Hompa ana hagesa po nonkondo dovapangeli wovadona 6ava ngava hepeke vantu nonyanya, awo va hana kuhageka kutjida‐tjida nomuhoko edi va kwata. 7Ntaantani uzuni mudima kuna kara mepwizumuko nomompora, navenye kuna kudimba yoruhafo. 8Yitji yosiperesi nonosedeli daLibanoni kuna kuhafera hompa ogu ana rotomene, morwa kutupu hena ogu nga yi komangera, moomu ana tundu po!
9“Sirongo sovafe sina liwapaikire kutambura hompa gwaBabironi. Nompepo dava va kere vanankondo pevhu, kuna kundundana. Nompepo dohompa kuna kudikatura koyipundi yado youhompa. 10Ado kuna kumuzigira asi: ‘Ntaantani nove o murupirankondo ngwendi nyose! Ove o mukwetetu! 11Ove kwa yikire kukufumadeka nomarudimbo goyiumba, nye ntaantani nyove ogu mosirongo sovafe. Uro woge nonguwo zoge zokulikudumika maginyo.’ ”
12Ove hompa gwaBabironi, mbungururu zongurangura zonzera, ono gu ko keguru! Nare ngo kwata nomuhoko, nye ntaantani vana ku gandere pevhu. 13Ove kwa tokwere kuronda keguru o ka ture sipundi soge souhompa keguru lyonombungururu dekeguru‐guru. Ove kwa gazarere asi ngo ka hingira ngahompa kondundu zokoMuzogo oku ava pongo vakarunga. 14Ngo tanta asi ngo ronda keguru lyomaremo, ngo lifane noMunankondo nadinye. 15Nye pevega lyoyo yiyo va ku hegumwina pevhu mosirongo sovafe.
16Vafe ngava ku tara matongorora oku vana zahama. Awo ngava pura asi: “Ogu yige mugara ogu nga gumagwisa evhu ta kankamesa yirongo? 17Ogu yige mugara ogu ga hanagura yitata, yiyo ga yi ninka yi kare mburundu ndi? Ogu yige mugara ogu nga dili kumangurura nampili nakauke vanadorongo vendi, va ze kembo?”
18Ohompa navenye vepevhu kuna rara monontoko dawo dokufumana, 19nye ove kutupu ntoko, ano simpu soge kwa si zuguma si wore. Aso kuna kara konhi zoyimpu yovakwayita ava va dipaga moyita, yiyo va ku zugumina kumwe nawo mekero lyomamanya, va ku myonene mo. 20Morwa wa paka sirongo soge mapuku yiyo wa dipaga vantu vaamoge, yiyo ngava dilira kukuvhumbika ngwendi ohompa vakweni. Nagumwe si gemepata lyoge lyedona ogu nga hupa po. 21Edipago li tameke! Vana wovagara wogu hompa ngava fira nonzo dozinyakurwawo. Nagumwe po si ogu nga pangera uzuni ndi asi a u zwide yitata.
Karunga nga haraganesa po Babironi
22 Hompa gombunga zovakwayita kuna kutanta si: “Ame ngani rwisa Babironi, tani mu ninki mapuku. Ame kapi ngani hupisa po yuma — va kare vanona ndi vantu vamwe ava ngava kara nomwenyo. Ame nyame Hompa nina kuyiuyunga. 23Babironi ngani mu ninka a kare evega lyeswau omu ngava tunga vakakuru. Babironi ngani mu komba norukwateko oru aru vhuru kukomba nkenye aka. Nyame Hompa gombunga zovakwayita na yi uyunga.”
Karunga nga haraganesa po Vaasiliya
24 Hompa gombunga zovakwayita kuna gana mugano asi: “Eyi na panga yiyo tupu kuhoroka po. Eyi na seya yi kare po, ngava yi sikisa mo. 25Vaasiliya ngani va tjida mo mosirongo sange Israeli tani ka va sambangera konondundu dange. Vantu vange, ngani va mangurura kondjoko zoVaasiliya nokomaudigu aga ngano tava simbi. 26Eli yilyo egazaro lyange kouzuni. Kuwoko kwange kuna ku gonona ni pangure nomuhoko.” 27Hompa gombunga zovakwayita kuna tokora eyi. Age ana gonona kuwoko kwendi a pangure, nye nagumwe si gokuvhura kumukandana.
Karunga nga haraganesa po Vafilisiti
28Ezi yizo mbudi va divisire elima eli ga fire hompa Ahasi.
29Vantu one womoFilisitiya, ngora ezi ngazi mu hepeke zina zupauka po. Nye neisi eyi nomu hafera. Ezoka lyedona nsene lina fu po, kupatukira po ekwawo lyedona unene. Meuta lyezoka kutunda mo emukongoro lyomavava. 30Hompa nga kara musita govantu vendi wonohepwe. Age nga va ninka va tunge mompora. Nye age nga tuma erumbu lyedigu kweni one Vafilisiti. Ano alyo kapi ngali tupura nampili gumwe.
31Yitata one nayinye yoVafilisiti, kugeni mu zigire ekwafo! Kareni muna tjira unene! Eremo lyombundu kuna kutundilira koMuzogo‐zogo, ano mombunga zovakwayita, mutupu mo varadi melikwamo lyawo.
32Omu natu limburura nontumi edi dina kutunda koFilisitiya ngapi nye? Ose tatu va tantere asi, Hompa ana dike Siyoni, ano vantu vendi ava vana kuhepa, yimo ngava yoworokera.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003