HOSEYA 4
4
Hompa ta gava usima kwaIsraeli
1 Hompa kuna kara negawousima lyokuretera vantu ava va kara mosirongo esi. Israeli, purakena eyi ana kutanta asi: “Mosirongo mutupu ulimburukwi neharo, ano vantu kapi vana diva nge asi nyame Karunga. 2Awo kugava matumbwidiro nye tava ga teza; kukumbagera, kudipaga, kuvaka oku tava hondere. Yirugana yoyidona kuna kuvhuka, madipago kuna kulikwama?-?kwama. 3Ano sirongo ngasi kukuta, nayinye eyi ya kara mo ngayi fa. Yikorama nayinye noyidira, nonomfi deedi ngadi fa.”
Hompa ta pe usima vapristeli
4 Hompa ta tanta asi: “Pa ha kara ogu ana kupa vantu usima ndi asi a va kumangede — mutangu gwange ame vapristeli na vyuka. 5Masiku nomutenya one kupuka, vaporofete nawo si kapi va mu pita. Ngesi ame tani hanagura po Israeli, zinyeni. 6Vantu vange vana pu kupangura, morwa kapi va diva nge. Vapristeli mwa nyoka kudiva nge, yiyo mwa yokeka erago lyange, name yipo na mu nyokere, kapi ngani mu diva asi one vana wovapristeli.
7“Mokuvhuka kweni one vapristeli, yimo hena mokuvhuka kuzona one kwange, ano efumano lyeni ngani li sinta li kare eswau. 8One kuna kungawopera mononzo dovantu vange, makura yipo muna va harere asi va zone ko nye unene. 9Efutiso lyeni limwe tupu novantu! Ngani di mu sara, tomu futire udona ou muna kurugana. 10Ngomu lya eyi ya mu tumbukira yononzambo, nye nzara yizo tupu. Ngomu tongamena vakarunga woruvharo, nye kapi ngomu reta vana, morwa mwa tunda ko kwange, yiyo muna kukwama vakarunga peke.
Hompa ta pangura etongameno lyosipagani
11“Vhinyu zi kare zonkuru‐nkuru ndi zompe, kuna kuhakana vantu vange nondunge dawo! 12Awo kupura mahororo kesindi lyere! Sitokora si va tantere eyi vana hara kudiva asi! Awo kwa zumba nge. Moomu ga kara mukadi ana kara hondedi, nawo yimo vana ligava vene kovakarunga peke. 13Pomavega gokupongoka kondungu zondundu kuzambera ko awo nonzambo, ano koyindundu kuswakererera ko manganganga gokututumikidisa monda zoyitji yoyire ya yunda, morwa mundwire muwa!
“Makura vana veni yiyo nye ava rugana ngwendi nohondedi, ano vakadi wovana veni kuna kuhondera. 14Nye ame kapi ngani va futisa morweyi, yeeyi nyamweni kumwe omu kara nonohondedi dontembeli, ano kumwe nawo yiyo omu zamba nonzambo dosipagani. Moomu sa tanta sisewe asi: ‘Rudi oru rwa pira nondunge, ngaru hanauka po.’
15“Nampili ngomu muna kara one Vaisraeli vahalimburukwi kwange, Juda ngano ga ha kara nounzoni wangoso. Nokutongamenena si poGiligali ndi poBeteli, ndi mu gave matumbwidiro medina lyaHompa gomwenyo. 16Vantu vaIsraeli kwa runda muntwe ngwendi yindongili. Ngapi nye omu nani va parura ngwendi nonzwi mevega lyenene lyomaliro? 17Vaisraeli kwa dowokera vakarunga woyimpempa. Va sigeni va lizira‐zire nonzira zawo. 18Nsene vana zi lidameke vhinyu, tava hafere nye mouhondedi wawo, makura pefumano neswau tava horowora po eswau. 19Ngava va rerura po moomu azi rerura mpepo, makura nonzambo dawo dosipagani ngadi va fise nomuga.
Currently Selected:
HOSEYA 4: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
HOSEYA 4
4
Hompa ta gava usima kwaIsraeli
1 Hompa kuna kara negawousima lyokuretera vantu ava va kara mosirongo esi. Israeli, purakena eyi ana kutanta asi: “Mosirongo mutupu ulimburukwi neharo, ano vantu kapi vana diva nge asi nyame Karunga. 2Awo kugava matumbwidiro nye tava ga teza; kukumbagera, kudipaga, kuvaka oku tava hondere. Yirugana yoyidona kuna kuvhuka, madipago kuna kulikwama?-?kwama. 3Ano sirongo ngasi kukuta, nayinye eyi ya kara mo ngayi fa. Yikorama nayinye noyidira, nonomfi deedi ngadi fa.”
Hompa ta pe usima vapristeli
4 Hompa ta tanta asi: “Pa ha kara ogu ana kupa vantu usima ndi asi a va kumangede — mutangu gwange ame vapristeli na vyuka. 5Masiku nomutenya one kupuka, vaporofete nawo si kapi va mu pita. Ngesi ame tani hanagura po Israeli, zinyeni. 6Vantu vange vana pu kupangura, morwa kapi va diva nge. Vapristeli mwa nyoka kudiva nge, yiyo mwa yokeka erago lyange, name yipo na mu nyokere, kapi ngani mu diva asi one vana wovapristeli.
7“Mokuvhuka kweni one vapristeli, yimo hena mokuvhuka kuzona one kwange, ano efumano lyeni ngani li sinta li kare eswau. 8One kuna kungawopera mononzo dovantu vange, makura yipo muna va harere asi va zone ko nye unene. 9Efutiso lyeni limwe tupu novantu! Ngani di mu sara, tomu futire udona ou muna kurugana. 10Ngomu lya eyi ya mu tumbukira yononzambo, nye nzara yizo tupu. Ngomu tongamena vakarunga woruvharo, nye kapi ngomu reta vana, morwa mwa tunda ko kwange, yiyo muna kukwama vakarunga peke.
Hompa ta pangura etongameno lyosipagani
11“Vhinyu zi kare zonkuru‐nkuru ndi zompe, kuna kuhakana vantu vange nondunge dawo! 12Awo kupura mahororo kesindi lyere! Sitokora si va tantere eyi vana hara kudiva asi! Awo kwa zumba nge. Moomu ga kara mukadi ana kara hondedi, nawo yimo vana ligava vene kovakarunga peke. 13Pomavega gokupongoka kondungu zondundu kuzambera ko awo nonzambo, ano koyindundu kuswakererera ko manganganga gokututumikidisa monda zoyitji yoyire ya yunda, morwa mundwire muwa!
“Makura vana veni yiyo nye ava rugana ngwendi nohondedi, ano vakadi wovana veni kuna kuhondera. 14Nye ame kapi ngani va futisa morweyi, yeeyi nyamweni kumwe omu kara nonohondedi dontembeli, ano kumwe nawo yiyo omu zamba nonzambo dosipagani. Moomu sa tanta sisewe asi: ‘Rudi oru rwa pira nondunge, ngaru hanauka po.’
15“Nampili ngomu muna kara one Vaisraeli vahalimburukwi kwange, Juda ngano ga ha kara nounzoni wangoso. Nokutongamenena si poGiligali ndi poBeteli, ndi mu gave matumbwidiro medina lyaHompa gomwenyo. 16Vantu vaIsraeli kwa runda muntwe ngwendi yindongili. Ngapi nye omu nani va parura ngwendi nonzwi mevega lyenene lyomaliro? 17Vaisraeli kwa dowokera vakarunga woyimpempa. Va sigeni va lizira‐zire nonzira zawo. 18Nsene vana zi lidameke vhinyu, tava hafere nye mouhondedi wawo, makura pefumano neswau tava horowora po eswau. 19Ngava va rerura po moomu azi rerura mpepo, makura nonzambo dawo dosipagani ngadi va fise nomuga.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003