Vagaratiya 6
6
Omu lizakagure nomudigo
1Vakwetu, nsene pa kara ogu ana kupuka, one ko ava mwa kara noMpepo, tomu mu pukurura, nye kuyirugana ponkedi zongwa. Kulitakamesa hena nyamweni, neisi ga mu gwana maheteko hena none. 2Omu lizakagure nomudigo deni, mu sikise mo Veta zaKristusa. 3Yeeyi ogu a gazara asi age yige po nye, age nye ga hana mutompo, ogo mwene tupu a likumbagere. 4Nye nkenye ogu a kona‐kone yirugana yamwene, ntani nye a lifumadeke mwamwene, kapisi a liyereke namukwawo. 5Yeeyi nkenye ogu kusimba mudigo gwamwene.
6Ogu ava rongo nonkango daKarunga, a pe ko murongi gwendi koyininke nayinye yoyiwa eyi ga kara nayo.
7Walye omu likumbagere! Karunga kapi a litarere asi va mu sense. Yeeyi nkenye eyi a kunu muntu, yiyo nga zangura yooyo. 8Ogu a kunu mepya lyomadowo gendi, nga zangura ezonauko, nye ogu a kunu mepya lyoMpepo, nga zangura moMpepo mwenyo gwanarunye. 9Walye atu rorokeni kurugana uwa, yeeyi nsene tu dira kudwapa, ngano ngatu ka sika ko komuzangu. 10Ano paapa tuna kareni nosiruwo, atu ruganeneni navenye uwa, unene po vapuli vakwetetu.
Makorangedo nomakundo gokuhulilira
11Tareni mamundanda gomamunene aga ngomu ya resa, nokuwoko kwanyamwange na ga tjanga. 12Ava va hara efumano lyapa pevhu, yiwo vana kumusininika asi va mu rugane yovamba. Egano lyawo lyeli asi va dire kuvahepekera silivindakano saKristusa. 13Yeeyi vene owo asi yiwo va rugana yovamba, kapi ava sikisa mo Veta. Awo kwa hara tupu asi va mu rugane yovamba one, makura awo ngava gwanene mo efumano mweni. 14Kombinga zange ko ame, yokulifumadekera ntudi yosilivindakano saHompa gwetu Jesus Kristusa, esi sa ninkisa uzuni u fe kombinga zange, name ni fe kombinga zouzuni. 15Muntu nampili kuna mu rugana yovamba ndi va dire kumurugana yovamba, kutupu mbudi. Sosinene po sokumusiturura a kare muungwa gomupe. 16Ava ava kwama mpangera ezi, mbili nonkenda ngazi kare nawo, nomuhoko mudima gwaKarunga.
17Kutunda apa pa ha kara hena ogu ana kugwederera koudigu wange, yeeyi yivadi eyi yina kara nge, yiyo ayi gava undipo asi ame ni mupika gwaHompa Jesus.
18Hompa gwetu Jesus Kristusa a mu fire nkenda, vakwetu! Amen.
Currently Selected:
Vagaratiya 6: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Vagaratiya 6
6
Omu lizakagure nomudigo
1Vakwetu, nsene pa kara ogu ana kupuka, one ko ava mwa kara noMpepo, tomu mu pukurura, nye kuyirugana ponkedi zongwa. Kulitakamesa hena nyamweni, neisi ga mu gwana maheteko hena none. 2Omu lizakagure nomudigo deni, mu sikise mo Veta zaKristusa. 3Yeeyi ogu a gazara asi age yige po nye, age nye ga hana mutompo, ogo mwene tupu a likumbagere. 4Nye nkenye ogu a kona‐kone yirugana yamwene, ntani nye a lifumadeke mwamwene, kapisi a liyereke namukwawo. 5Yeeyi nkenye ogu kusimba mudigo gwamwene.
6Ogu ava rongo nonkango daKarunga, a pe ko murongi gwendi koyininke nayinye yoyiwa eyi ga kara nayo.
7Walye omu likumbagere! Karunga kapi a litarere asi va mu sense. Yeeyi nkenye eyi a kunu muntu, yiyo nga zangura yooyo. 8Ogu a kunu mepya lyomadowo gendi, nga zangura ezonauko, nye ogu a kunu mepya lyoMpepo, nga zangura moMpepo mwenyo gwanarunye. 9Walye atu rorokeni kurugana uwa, yeeyi nsene tu dira kudwapa, ngano ngatu ka sika ko komuzangu. 10Ano paapa tuna kareni nosiruwo, atu ruganeneni navenye uwa, unene po vapuli vakwetetu.
Makorangedo nomakundo gokuhulilira
11Tareni mamundanda gomamunene aga ngomu ya resa, nokuwoko kwanyamwange na ga tjanga. 12Ava va hara efumano lyapa pevhu, yiwo vana kumusininika asi va mu rugane yovamba. Egano lyawo lyeli asi va dire kuvahepekera silivindakano saKristusa. 13Yeeyi vene owo asi yiwo va rugana yovamba, kapi ava sikisa mo Veta. Awo kwa hara tupu asi va mu rugane yovamba one, makura awo ngava gwanene mo efumano mweni. 14Kombinga zange ko ame, yokulifumadekera ntudi yosilivindakano saHompa gwetu Jesus Kristusa, esi sa ninkisa uzuni u fe kombinga zange, name ni fe kombinga zouzuni. 15Muntu nampili kuna mu rugana yovamba ndi va dire kumurugana yovamba, kutupu mbudi. Sosinene po sokumusiturura a kare muungwa gomupe. 16Ava ava kwama mpangera ezi, mbili nonkenda ngazi kare nawo, nomuhoko mudima gwaKarunga.
17Kutunda apa pa ha kara hena ogu ana kugwederera koudigu wange, yeeyi yivadi eyi yina kara nge, yiyo ayi gava undipo asi ame ni mupika gwaHompa Jesus.
18Hompa gwetu Jesus Kristusa a mu fire nkenda, vakwetu! Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003