Exodus 9
9
Kufa koyimuna
1 Hompa kwa twikilire ko hena kuuyunga naMosesa asi: “Zende kwaFarawo, o ka mu tantere asi: ‘Hompa Karunga goVahebeli ta tanta asi: Siga mbunga zange zi ze, zi ka kerere nge. 2Yeeyi nsene o nyoka kuvasiga va ze, o va kwaterekede hena, 3tara, kuwoko kwaHompa ngaku toona yimuna yoge eyi yina kara komaliro. Nonkambe noyindongili nonongameru nononzwi noyikombo ngali yi gwana ehamba lyedigu. 4Nye nga tura po malisigo pokatji koyimuna yoVaegipite, kuninka asi nayinye eyi va weka Vaisraeli, nasimwe si ngasi fa po. 5Ano Hompa ga paka po siruwo esi ga pangere pokutanta asi: Mungura nga yi rugana mosirongo.’ ”
6Ezuva lyokukwama ko makura Hompa ta yi rugana. Yimuna yoVaegipite nayinye kwa fire. Nye koyimuna yoVaisraeli nasimwe si sa fire ko. 7Farawo makura ta tumu ko, hawe, koyimuna yoVaisraeli nasimwe si sa fire ko. Nye mutjima gwaFarawo kwa gu kukutikire, kapi ga sigire mbunga zi ze.
Masina
8 Hompa ta tantere hena oMosesa naArona asi: “Guseni rudirangungu rwemesuga mu zwide mawoko geni gavali, Mosesa makura a ru mwagere meguru moyitarameho yaFarawo, 9ano mbundu zaro ngazi kara mosirongo nasinye saEgipite, azo ngazi retere vantu noyimuna masina gourwa moEgipite nazinye.” 10Awo makura tava ka gusa rudirangungu mesuga, tava ka sikama kosipara saFarawo, makura Mosesa ta ru mwagere meguru. Vantu noyimuna taga va tumbauka masina gourwa. 11Ano nompure nokuvhura si hena kulirumbasana naMosesa morwamasina. Yeeyi masina kwa kere nokonompure, moomu ga kere koVaegipite vapeke navenye. 12Nye Hompa ta kukutike mutjima gwaFarawo asi a dire kuvapurakena, moomu ga tanterere Hompa Mosesa.
Kamanya
13 Hompa kwa twikilire ko hena kutantera Mosesa asi: “Ngurangura to meneka o ka moneke kwaFarawo, o ka mu tantere asi: ‘Hompa Karunga goVahebeli ta tanta asi: Siga mbunga zange zi ze, zi ka kerere nge. 14Yeeyi oru ngesi oru, mahepeko gange nagenye tani ga tumu momutjima goge nomovakareli woge nombunga zoge asi o dive asi mutupu hena gumwe mouzuni naunye, ogu ga sika pwange. 15Yeeyi apa ngesi nkare ni gonone kuwoko kwange koge, ni ku toone novantu woge ni mu zone po nehamba, ove ngano kuna ku kombo ko kontunda zevhu. 16Nye eyi nina ku sigire po yeeyi asi, ni ku likide nonkondo dange asi edina lyange ngava li zuvhise mouzuni mudima. 17Simpe ha wa nyokera kusiga vantu va ze ndi? 18Tara, mungura siruwo ngaseesi ngani rokesa kamanya kokadigu ka dira kuroka mo rumwe moEgipite kutunda kezuva eli va zi tura po dogoro nantaantani. 19Tuma ko, va ka rete yimuna neyi nayinye mowiza, va ya yi ture momugombeli. Ano vantu navenye noyimuna nayinye eyi ngaka gwana mowiza, nye kapi yina hwilire, kamanya ngaka yi rokera, tayi fu.’ ” 20Vakareli vaFarawo vamwe ava va tjilire nkango zaHompa, kwa dukisilire yimuna yawo novapika vawo mononzugo, 21nye ava va dilire kupakera mbili nkango zaHompa, kwa sigire vapika vawo noyimuna yawo komaliro.
22 Hompa makura ta tantere Mosesa asi: “Zerura kuwoko koge keguru, kamanya ka roke moEgipite nazinye, ka rokere vantu noyimuna noyimeno nayinye yomosanzara eyi ya kara mosirongo saEgipite.” 23Ano Mosesa makura ta zerura mpango zendi meguru. Hompa makura ta gava nombadi nakamanya, mundiro kuna kuliroya pevhu. Hompa ta rokesere sirongo saEgipite kamanya. 24Kamanya kwa rokere nomundiro gokutwarerekeda kutwera gwa kere mo mwakamanya. Kamanya mudigu ga kere, mosirongo saEgipite nasinye kapi ga kara mo rumwe hava tamekera kutunga mo vantu. 25Kamanya kwa rasekere mosirongo saEgipite nayinye eyi ya kere mosanzara, va kare vantu ndi yimuna, kwa rasekere hena yimeno nayinye yepevhu, noyitji nayinye yomosanzara kwa yi tezagwire. 26MoGoseni mwelike omu va kere Vaisraeli, yimo mwa pilire kamanya.
27Ano Farawo ta zigida oMosesa naArona, makura ta va tantere asi: “Oru ngesi na tura nzo. Hompa monzira ana kara, nye ame nombunga zange tu vasima. 28Kanderereni kwaHompa, yeeyi nombadi nakamanya gwaKarunga yina pitakanene nye. Ngani mu siga mu ze, one nokuhepa si kukara hena omu.”
29Mosesa makura ta tanta asi: “Tupu nani tunda mo omu mositata, nakamanya kapi na kara ko hena; yipo no divira asi uzuni waHompa. 30Nye ove novakareli woge na diva asi one simpe kapi mwa tjira Hompa Karunga.”
31Ano yimeno youfumpo wolina noyilya kwa rasukire, yeeyi yilya ayo yina vhara, ano yimeno youfumpo wolina ayo kuna dumata. 32Nye rukokotwa kapi rwa zonaukire, yeeyi aro kwa hulililire kumena.
33Mosesa makura ta tundu mo mositata kosipara saFarawo, makura ta zerura mawoko gendi kwaHompa. Makura nombadi nakamanya tayi mwena, ano mvhura nazo kapi za tuwurukilire hena pevhu. 34Farawo ana kumona asi mvhura nonombadi nakamanya yina mwena, makura ta tura hena nzo, a kukutike mutjima gwendi kumwe novakareli vendi. 35Hawe, mutjima gwaFarawo kwa kukutire, yiyo ga dilire kusiga Vaisraeli va ze, moomu ga uyungilire Hompa mwaMosesa.
Currently Selected:
Exodus 9: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Exodus 9
9
Kufa koyimuna
1 Hompa kwa twikilire ko hena kuuyunga naMosesa asi: “Zende kwaFarawo, o ka mu tantere asi: ‘Hompa Karunga goVahebeli ta tanta asi: Siga mbunga zange zi ze, zi ka kerere nge. 2Yeeyi nsene o nyoka kuvasiga va ze, o va kwaterekede hena, 3tara, kuwoko kwaHompa ngaku toona yimuna yoge eyi yina kara komaliro. Nonkambe noyindongili nonongameru nononzwi noyikombo ngali yi gwana ehamba lyedigu. 4Nye nga tura po malisigo pokatji koyimuna yoVaegipite, kuninka asi nayinye eyi va weka Vaisraeli, nasimwe si ngasi fa po. 5Ano Hompa ga paka po siruwo esi ga pangere pokutanta asi: Mungura nga yi rugana mosirongo.’ ”
6Ezuva lyokukwama ko makura Hompa ta yi rugana. Yimuna yoVaegipite nayinye kwa fire. Nye koyimuna yoVaisraeli nasimwe si sa fire ko. 7Farawo makura ta tumu ko, hawe, koyimuna yoVaisraeli nasimwe si sa fire ko. Nye mutjima gwaFarawo kwa gu kukutikire, kapi ga sigire mbunga zi ze.
Masina
8 Hompa ta tantere hena oMosesa naArona asi: “Guseni rudirangungu rwemesuga mu zwide mawoko geni gavali, Mosesa makura a ru mwagere meguru moyitarameho yaFarawo, 9ano mbundu zaro ngazi kara mosirongo nasinye saEgipite, azo ngazi retere vantu noyimuna masina gourwa moEgipite nazinye.” 10Awo makura tava ka gusa rudirangungu mesuga, tava ka sikama kosipara saFarawo, makura Mosesa ta ru mwagere meguru. Vantu noyimuna taga va tumbauka masina gourwa. 11Ano nompure nokuvhura si hena kulirumbasana naMosesa morwamasina. Yeeyi masina kwa kere nokonompure, moomu ga kere koVaegipite vapeke navenye. 12Nye Hompa ta kukutike mutjima gwaFarawo asi a dire kuvapurakena, moomu ga tanterere Hompa Mosesa.
Kamanya
13 Hompa kwa twikilire ko hena kutantera Mosesa asi: “Ngurangura to meneka o ka moneke kwaFarawo, o ka mu tantere asi: ‘Hompa Karunga goVahebeli ta tanta asi: Siga mbunga zange zi ze, zi ka kerere nge. 14Yeeyi oru ngesi oru, mahepeko gange nagenye tani ga tumu momutjima goge nomovakareli woge nombunga zoge asi o dive asi mutupu hena gumwe mouzuni naunye, ogu ga sika pwange. 15Yeeyi apa ngesi nkare ni gonone kuwoko kwange koge, ni ku toone novantu woge ni mu zone po nehamba, ove ngano kuna ku kombo ko kontunda zevhu. 16Nye eyi nina ku sigire po yeeyi asi, ni ku likide nonkondo dange asi edina lyange ngava li zuvhise mouzuni mudima. 17Simpe ha wa nyokera kusiga vantu va ze ndi? 18Tara, mungura siruwo ngaseesi ngani rokesa kamanya kokadigu ka dira kuroka mo rumwe moEgipite kutunda kezuva eli va zi tura po dogoro nantaantani. 19Tuma ko, va ka rete yimuna neyi nayinye mowiza, va ya yi ture momugombeli. Ano vantu navenye noyimuna nayinye eyi ngaka gwana mowiza, nye kapi yina hwilire, kamanya ngaka yi rokera, tayi fu.’ ” 20Vakareli vaFarawo vamwe ava va tjilire nkango zaHompa, kwa dukisilire yimuna yawo novapika vawo mononzugo, 21nye ava va dilire kupakera mbili nkango zaHompa, kwa sigire vapika vawo noyimuna yawo komaliro.
22 Hompa makura ta tantere Mosesa asi: “Zerura kuwoko koge keguru, kamanya ka roke moEgipite nazinye, ka rokere vantu noyimuna noyimeno nayinye yomosanzara eyi ya kara mosirongo saEgipite.” 23Ano Mosesa makura ta zerura mpango zendi meguru. Hompa makura ta gava nombadi nakamanya, mundiro kuna kuliroya pevhu. Hompa ta rokesere sirongo saEgipite kamanya. 24Kamanya kwa rokere nomundiro gokutwarerekeda kutwera gwa kere mo mwakamanya. Kamanya mudigu ga kere, mosirongo saEgipite nasinye kapi ga kara mo rumwe hava tamekera kutunga mo vantu. 25Kamanya kwa rasekere mosirongo saEgipite nayinye eyi ya kere mosanzara, va kare vantu ndi yimuna, kwa rasekere hena yimeno nayinye yepevhu, noyitji nayinye yomosanzara kwa yi tezagwire. 26MoGoseni mwelike omu va kere Vaisraeli, yimo mwa pilire kamanya.
27Ano Farawo ta zigida oMosesa naArona, makura ta va tantere asi: “Oru ngesi na tura nzo. Hompa monzira ana kara, nye ame nombunga zange tu vasima. 28Kanderereni kwaHompa, yeeyi nombadi nakamanya gwaKarunga yina pitakanene nye. Ngani mu siga mu ze, one nokuhepa si kukara hena omu.”
29Mosesa makura ta tanta asi: “Tupu nani tunda mo omu mositata, nakamanya kapi na kara ko hena; yipo no divira asi uzuni waHompa. 30Nye ove novakareli woge na diva asi one simpe kapi mwa tjira Hompa Karunga.”
31Ano yimeno youfumpo wolina noyilya kwa rasukire, yeeyi yilya ayo yina vhara, ano yimeno youfumpo wolina ayo kuna dumata. 32Nye rukokotwa kapi rwa zonaukire, yeeyi aro kwa hulililire kumena.
33Mosesa makura ta tundu mo mositata kosipara saFarawo, makura ta zerura mawoko gendi kwaHompa. Makura nombadi nakamanya tayi mwena, ano mvhura nazo kapi za tuwurukilire hena pevhu. 34Farawo ana kumona asi mvhura nonombadi nakamanya yina mwena, makura ta tura hena nzo, a kukutike mutjima gwendi kumwe novakareli vendi. 35Hawe, mutjima gwaFarawo kwa kukutire, yiyo ga dilire kusiga Vaisraeli va ze, moomu ga uyungilire Hompa mwaMosesa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003