MUUDISI 8
8
1Mugara gomunongo gelike yige ga diva asi yininke yinke ayi tanta nawa‐nawa. Unongo kumuninkisa a menya‐menye, awo kuninkisa nonsige dendi di dongonoke.
O limburukwe kwahompa
2O rugane eyi ana kukutantera hompa, ove hena walye o tumbwidire Karunga eyi ya hana kuzira mo. 3Hompa kuvhura a rugane nkenye eyi ana hara, ano tunda ko nye kosipara sendi wa ha kara pevega lyosimpagwa ngoso. 4Nonkango dahompa kwa kara nononkondo, nagumwe si gokuvhura kukandana eyi ana kurugana. 5Nsene o limburukwa konompangera dendi, to yoworoka, munongo nga diva asi ngapi nosiruwo esi na yi rugana. 6Pa kara siruwo sosiwa nonzira zongwa zokurugana nkenye eyi, nye ose kanunu tupu twa diva ko! 7Nagumwe si ga diva eyi ngayi horoka, nogu gokututantera kutupu. 8Nagumwe si gokulikerera konomfa ndi asi a kandane ezuva lyonomfa dendi. Eyi yiyo yita eyi ngatu dira kuvhura kuyoworoka; kutupu kugwana po hena nzira peke.
Mudinikarunga nomuhungami
9Ame kwa yi mona eyi apa na gazara yokuhamena koyininke eyi ava rugana mouzuni ou, mouzuni omu mwa kara vanankondo ava ava hepekere mo vakwaawo. 10Ame kwa mona vadinikarunga tava va vhumbike monontoko dawo, ano pokukatunda vantu komayendo, vantu tava va tangaukire mositata seesi va ruganena udona.
11Morwasinke ava zonene vantu noureru? Yeeyi unzoni kapi ava u pangura usimbu‐simbu. 12Munanzo kuvhura a zone rwefere, nye ta kara nomwenyo. Nhi, ame na diva eyi ava tanta asi: “Nsene o limburukwa kwaKarunga, nayinye tayi ku gendi monaruwa, 13nye mudinikarunga, nokumugenda si nawa. Ukaro wawo kwa fana ngwendi mundundumba, awo kufa nounona‐nona, morwa awo kapi ava limburukwa kwaKarunga.” 14Nye eyi yimpempa yomawoko‐woko. Tara eyi ayi horauka mouzuni eyi: pamwe vahungami kugwana mpanguro zovadinikarunga, ano vadinikarunga tava gwana mfeto zovahungami. Ame tani tanta asi kutupu sikwafa.
15Makura yiyo na sika po asi, muntu ga hepa kulihafesa mwene, morwa ruhafo rumwe tupu oru ga kara naro moukaro ou rokulya oku ta nu a lihafese mwene. Eyi kuvhura a yi rugane noyirugana yendi yoyidigu moukaro wendi naunye ou ga mu pa Karunga mouzuni ou.
16Sinene tani kambadara asi ni kare munongo ni lironge eyi ayi gendi mouzuni, tani yi nongonona asi, to kara ono pahuka masiku nomutenya, 17nye narumwe si kuyikwata egano eyi ana kurugana Karunga. Nampili o kondje ngapi, nokuyigwana si. Vanongo kuvhura va tante asi va yi diva, nye ndangawo.
Currently Selected:
MUUDISI 8: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
MUUDISI 8
8
1Mugara gomunongo gelike yige ga diva asi yininke yinke ayi tanta nawa‐nawa. Unongo kumuninkisa a menya‐menye, awo kuninkisa nonsige dendi di dongonoke.
O limburukwe kwahompa
2O rugane eyi ana kukutantera hompa, ove hena walye o tumbwidire Karunga eyi ya hana kuzira mo. 3Hompa kuvhura a rugane nkenye eyi ana hara, ano tunda ko nye kosipara sendi wa ha kara pevega lyosimpagwa ngoso. 4Nonkango dahompa kwa kara nononkondo, nagumwe si gokuvhura kukandana eyi ana kurugana. 5Nsene o limburukwa konompangera dendi, to yoworoka, munongo nga diva asi ngapi nosiruwo esi na yi rugana. 6Pa kara siruwo sosiwa nonzira zongwa zokurugana nkenye eyi, nye ose kanunu tupu twa diva ko! 7Nagumwe si ga diva eyi ngayi horoka, nogu gokututantera kutupu. 8Nagumwe si gokulikerera konomfa ndi asi a kandane ezuva lyonomfa dendi. Eyi yiyo yita eyi ngatu dira kuvhura kuyoworoka; kutupu kugwana po hena nzira peke.
Mudinikarunga nomuhungami
9Ame kwa yi mona eyi apa na gazara yokuhamena koyininke eyi ava rugana mouzuni ou, mouzuni omu mwa kara vanankondo ava ava hepekere mo vakwaawo. 10Ame kwa mona vadinikarunga tava va vhumbike monontoko dawo, ano pokukatunda vantu komayendo, vantu tava va tangaukire mositata seesi va ruganena udona.
11Morwasinke ava zonene vantu noureru? Yeeyi unzoni kapi ava u pangura usimbu‐simbu. 12Munanzo kuvhura a zone rwefere, nye ta kara nomwenyo. Nhi, ame na diva eyi ava tanta asi: “Nsene o limburukwa kwaKarunga, nayinye tayi ku gendi monaruwa, 13nye mudinikarunga, nokumugenda si nawa. Ukaro wawo kwa fana ngwendi mundundumba, awo kufa nounona‐nona, morwa awo kapi ava limburukwa kwaKarunga.” 14Nye eyi yimpempa yomawoko‐woko. Tara eyi ayi horauka mouzuni eyi: pamwe vahungami kugwana mpanguro zovadinikarunga, ano vadinikarunga tava gwana mfeto zovahungami. Ame tani tanta asi kutupu sikwafa.
15Makura yiyo na sika po asi, muntu ga hepa kulihafesa mwene, morwa ruhafo rumwe tupu oru ga kara naro moukaro ou rokulya oku ta nu a lihafese mwene. Eyi kuvhura a yi rugane noyirugana yendi yoyidigu moukaro wendi naunye ou ga mu pa Karunga mouzuni ou.
16Sinene tani kambadara asi ni kare munongo ni lironge eyi ayi gendi mouzuni, tani yi nongonona asi, to kara ono pahuka masiku nomutenya, 17nye narumwe si kuyikwata egano eyi ana kurugana Karunga. Nampili o kondje ngapi, nokuyigwana si. Vanongo kuvhura va tante asi va yi diva, nye ndangawo.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003