MUUDISI 5
5
Wa ha ninka matumbwidiro ga hana kuzira mo
1O takamese nawa yokuhamena kuza kontembeli. Nawa nsene o zira ko kukalironga yi pitakane yokukazamba nonzambo moomu ava rugana vagova, vantu ava va dira kudiva kuhangura uwa koudona. 2O hove tanko kugazara, ntani ono kuuyunga, wa ha ninka etumbwidiro lya hana kuzira mo kwaKarunga. Age meguru ga kara, ano ove pevhu, ano wa ha uyunga yoyinzi eyi ya pitakana. 3Mokusivana koge kokunzi, yimo hena mokuvhuka nonzodi donondona, ano mokuuyunga koge kokunzi, yimo hena mokuvhuka kuuyunga yougova. 4Ano nsene to gava etumbwidiro kwaKarunga, li sikisa mo usimbu. Age nayimwe si negova. Rugana eyi ono tumbwidire kurugana. 5Hasa kudira kutumbwidira, kapisi kumwe neyi yokutumbwidira nye o dire kuyisikisa mo. 6Wa ha tarerera nonkango doge di ku twaredese konzo, makura ngo tantere mupristeli gwaKarunga asi, kapi wa yi gazara. Yinke nye yokuninkira Karunga a ku handukire? Yinke yokumuninkira a ku hanagwire eyi wa rugana? 7Kutupu mbudi nampili ngapi omu o roto, ndi ngapi omu o rugana ya hana yikwafo, ndi nampili ngapi omu o uyunga, wa hepa kutjira Karunga.
Ukaro kutupu sikwafa
8Ya ha ku tetura nsene o mona epangero tali hepeke vahepwe, li va hakane usili nouhungami. Nkenye erenga gogu ga li pitakana yige a li popere, ano navenye mouvali wawo marenga aga ga va pitakana yigo aga va popere.
9Nahompa si googu nage kwa huguvara momuzangu.
10Nsene yimaliva wa hara, kapi ngo yi kuta; nsene kwa hara asi o kare ngawo, kapi ngo gwana nayinye eyi wa hara. Kutupu sikwafa. 11Mokungawopa koge unenene, yimo mokurera koge hena wovanzi. Eyi o pongaike lyoolyo ediwo asi ove ngawo. 12Mugara gokurugana kuvhura a gwane mo ndi a dire kugwana mo yokumugwanena mokulya, nye age kurara pokoso. Ano mugara gongawo gemona lyenzi kumulimba kuponyoka.
13Sininke sosidona esi na mona mouzuni ou sesi: vantu kupungura yimaliva yawo, pokaruwo aka vana kuyihepa, 14makura tava yi zumbanesere nayinye moyininke ya hana mutompo, ano moruhura kwato yuma yokusigira vana vawo. 15Mouzuni ou ose kutunda mo moomu tupu twa wizire mo — twa hana yuma. Nayinye eyi ya tunda moyirugana yetu, nakamwe si aka ngatu za nako. 16Ndi yimo sa! Ngatu za moomu twa wizire. Ose kurugana, tu heteke kukwata mpepo, nye yinke nye eyi ngatu gwana po? 17Ukaro wetu kwa u kara momundema nemeguwo nemesivano nemehandu nomouvera.
18Eyi na nongonona po yeyi asi: sosiwa po esi ga hepa kurugana nkenye ogu sokulya oku to nu eyi wa ruganena moukarogona ou ga mu pa Karunga; eyi yiyo ya tumbukira muntu. 19Karunga nsene ana pe muntu ugawo nemona, kuna mu pe a li bodjane, a pandure a bodjane eyi ga ruganena. Ayo uhwi wokutunda kwaKarunga. 20Siruwo esi ga mu pulisira Karunga a hafe, ga ha sivana unene yokuhamena koukaro wousupi.
Currently Selected:
MUUDISI 5: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
MUUDISI 5
5
Wa ha ninka matumbwidiro ga hana kuzira mo
1O takamese nawa yokuhamena kuza kontembeli. Nawa nsene o zira ko kukalironga yi pitakane yokukazamba nonzambo moomu ava rugana vagova, vantu ava va dira kudiva kuhangura uwa koudona. 2O hove tanko kugazara, ntani ono kuuyunga, wa ha ninka etumbwidiro lya hana kuzira mo kwaKarunga. Age meguru ga kara, ano ove pevhu, ano wa ha uyunga yoyinzi eyi ya pitakana. 3Mokusivana koge kokunzi, yimo hena mokuvhuka nonzodi donondona, ano mokuuyunga koge kokunzi, yimo hena mokuvhuka kuuyunga yougova. 4Ano nsene to gava etumbwidiro kwaKarunga, li sikisa mo usimbu. Age nayimwe si negova. Rugana eyi ono tumbwidire kurugana. 5Hasa kudira kutumbwidira, kapisi kumwe neyi yokutumbwidira nye o dire kuyisikisa mo. 6Wa ha tarerera nonkango doge di ku twaredese konzo, makura ngo tantere mupristeli gwaKarunga asi, kapi wa yi gazara. Yinke nye yokuninkira Karunga a ku handukire? Yinke yokumuninkira a ku hanagwire eyi wa rugana? 7Kutupu mbudi nampili ngapi omu o roto, ndi ngapi omu o rugana ya hana yikwafo, ndi nampili ngapi omu o uyunga, wa hepa kutjira Karunga.
Ukaro kutupu sikwafa
8Ya ha ku tetura nsene o mona epangero tali hepeke vahepwe, li va hakane usili nouhungami. Nkenye erenga gogu ga li pitakana yige a li popere, ano navenye mouvali wawo marenga aga ga va pitakana yigo aga va popere.
9Nahompa si googu nage kwa huguvara momuzangu.
10Nsene yimaliva wa hara, kapi ngo yi kuta; nsene kwa hara asi o kare ngawo, kapi ngo gwana nayinye eyi wa hara. Kutupu sikwafa. 11Mokungawopa koge unenene, yimo mokurera koge hena wovanzi. Eyi o pongaike lyoolyo ediwo asi ove ngawo. 12Mugara gokurugana kuvhura a gwane mo ndi a dire kugwana mo yokumugwanena mokulya, nye age kurara pokoso. Ano mugara gongawo gemona lyenzi kumulimba kuponyoka.
13Sininke sosidona esi na mona mouzuni ou sesi: vantu kupungura yimaliva yawo, pokaruwo aka vana kuyihepa, 14makura tava yi zumbanesere nayinye moyininke ya hana mutompo, ano moruhura kwato yuma yokusigira vana vawo. 15Mouzuni ou ose kutunda mo moomu tupu twa wizire mo — twa hana yuma. Nayinye eyi ya tunda moyirugana yetu, nakamwe si aka ngatu za nako. 16Ndi yimo sa! Ngatu za moomu twa wizire. Ose kurugana, tu heteke kukwata mpepo, nye yinke nye eyi ngatu gwana po? 17Ukaro wetu kwa u kara momundema nemeguwo nemesivano nemehandu nomouvera.
18Eyi na nongonona po yeyi asi: sosiwa po esi ga hepa kurugana nkenye ogu sokulya oku to nu eyi wa ruganena moukarogona ou ga mu pa Karunga; eyi yiyo ya tumbukira muntu. 19Karunga nsene ana pe muntu ugawo nemona, kuna mu pe a li bodjane, a pandure a bodjane eyi ga ruganena. Ayo uhwi wokutunda kwaKarunga. 20Siruwo esi ga mu pulisira Karunga a hafe, ga ha sivana unene yokuhamena koukaro wousupi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003