NDANIYERA 5
5
Sipito saBelisasara
1Masiku gamwe hompa Belisasara kwa zigidire vanamadina kosipito sosinene, makura tava ya nu kumwe vhinyu. 2Awo kuna kunwa, Belisasara ta gava mpangera asi va ka rete yipako yosisiliveli neyi yongorodo eyi ga ka gusire guhwe Nebukadenesara montembeli zaJerusarema. Age kwa yi tuminine asi a ya nwine mo nomarenga gendi novakadi vendi noyihora yendi. 3Mosikando yipako yongorodo nare vana ka yi reta, makura tava nwine mo 4oku tava fumadeke vakarunga wongorodo nosisiliveli nongoporo nosivera noyitji nomamanya.
5Va liharuka ko kuwoko kuna kuhoroka ku tjange pekuma lyombara eli va goronga oku wa monekerere nawa uzera wonoramba. Ano hompa ta mono kuwoko omu kuna kutjanga. 6Sipara sahompa makura tasi lipirura, magazaro gendi taga mu tukukisa, magwanekerero goyisupa yononyonga taga ligaunuka, nongoro dendi kuna kulipwakura. 7Ta zigire unene gumwe a ka rete nompure nononganga novakonakoni wonombungururu. Tava wiza mo, makura hompa ta va tantere asi: “Nkenye ogu na vhura kuresa etjango eli, a tantere nge eyi lina kutanta, tava mu dwareke marwakani gosiuhompa gopurupuli, ta dwara kalyenge kongorodo mosingo, age nga kara hena gwautatu mokupangera sirongo.” 8Vagavindunge womombara tava hedere po, nye nagumwe si ga vhulire kuresa olyo etjango ndi asi a tantere hompa eyi lina kutanta. 9Makura hompa Belisasara ta tukuka nye unene oku ana guvarara, marenga gendi nago si kwa piyaganene.
10Konzogera zahompa nezi zomarenga gendi, zinyahompa ta hwilire mosiliro ta tanta asi: “Hompa ngano ta kara ngorooro nomwenyo! Yingasi wa ha tukuka, sipara soge naso sa ha lipirura. 11Mosirongo soge mweli mugara gumwe ga kara nompepo zovakarunga wokupongoka. Apa ga kere guhwo hompa, mwendi mwa monekere mayere nonondunge noukonentu ngwendi ukonentu wovakarunga. Makura guhwo Nebukadenesara yiyo ga mu tulire a kare mukurona govapumbi nonompure nononganga nogu govakonentu wonombungururu. 12Mwendi kwa kara mo mpepo zongwa nediwo nonondunge dokufwaturura nonzodi noyisewe noyihoramo; mu tumina mugara ogu Ndaniyera, ogu ga ruka hompa asi Belitesasara, makura a ya ku tantere eyi yina kutanta nayinye eyi.”
Ndaniyera ta fwaturura etjango
13Makura Ndaniyera tava mu reta kosipara sahompa, ano hompa ta mu tantere asi: “Nyove Ndaniyera, nkwate zimwe zovaJuda, ava ga ka retere hompa, otate, moJuda ndi? 14Ame kuna ku zuvhu asi ove kwa kara nompepo zovakarunga wokupongoka, hena asi mayere nonondunge noukonentu wounzi wa kara mo moge. 15Sinkwantaantani tupu vana kureta mo vagavindunge nonompure va ya rese etjango eli va ya fwatwilire nge eyi lina kutanta, nye kapi vana yi vhuru. 16Nye na zuvhu asi ove kuvhura kugwana mafwaturo, aga ga horama to fwaturura yihoramo. Nsene no vhura kuresa eli etjango o tantere nge eyi lina kutanta, tava ku dwareke marwakani gosiuhompa gopurupuli, ano elyenge lyongorodo tali kara monsingo zoge, ove hena ngo kare gwautatu mokupangera sirongo.”
17Ndaniyera makura ta limburura asi: “Uhwi woge u kare wanyaamoge, ndi u pa gumwe gwapeke. Nye etjango tani li ku resere, li kare efwaturo nalyo nani li ku divisa.
18“Karunga gekeguru‐guru kwa pere oguhwo Nebukadenesara uhompa nounene nefumano nountungi. 19Ano mounene nye ou ga mu pere, nomuhoko nadinye nomarudi nagenye nomaraka nagenye yipo nye ngava kankamene tava menge. Ogu ana hara asi a dipage, ta dipaga; ogu ana hara asi a kare nomwenyo, ta kara nomwenyo. Ogu ana hara kuzerura ndi asi a mu supipike, ta yi rugana. 20Ano eyi ga linenepeka nye a runde mutwe, a kare mudona makura tava mu gusa ko kosipundi sendi souhompa, nefumano lyendi nalyo tava li mu gusa. 21Kwa mu tundisire mo movantu, makura nondunge dendi tadi kara ngwendi dosikorama. Nga kara kumwe nononsino domowiza, ta li wayi ngwendi nongombe. Nga rara ngorooro poruzera, eme tali mu rokere korutu. Konyima ntani ana kudimburura asi Karunga gekeguru‐guru kwa kara nononkondo komauntungi nagenye govantu, hena asi kuvhura a ga gave kwankenye ogu ana horowora.
22“Nye ove munwendi, kapi wa linunupika nyamoge, ove nye mokudiva wa yi diva nayinye eyi. 23Ove kwa rugana yokulilimba naHompa geguru, yiyo ono ka reta yipako eyi va gusa montembeli zendi. Nove nomarenga goge novakadi woge noyihora yoge yimo muna nwine vhinyu oku tomu fumadeke vakarunga wongorodo nosisiliveli nongoporo nosivera noyitji nomamanya — vakarunga ava va ha mono ndi kuzuvha ndi asi va dive yuma. Nye Karunga ogu a panga asi to kara nomwenyo ndi to fu, ogu a pangere nayinye eyi o rugana, nokumufumadeka si. 24Karunga yipo nye ana tumine kuwoko ku tjange nonkango edi.
25“Eyi va tjanga po yeyi: ‘Sivaro, sivaro, heteko, magaunuko!’ 26Eyi yina kutanta yeyi: sivaro: Karunga ana vara mazuva gouhompa woge, yiyo ana u hagesa po; 27heteko: ove kuna ku heteke posiviha, nye kuna ku mono asi o mureru; 28magaunuko: sirongo soge tava si gaununa va si gave koVamede noVaperesiya.”
29Poopo ngoso Belisasara ta panga asi va dwareke Ndaniyera marwakani gosiuhompa gopurupuli nelyenge lyongorodo monsingo zendi, makura tava mu zigire montanto yi zuvhike asi, age ta kara gwautatu mokupangera sirongo. 30Masiku googo, Belisasara, hompa gwaBabironiya, tava mu dipaga; 31ano Daliusi goMumede, ogu ga kere nonomvhura nomurongo ntano nazimwe nonomvhura mbali, ta gusa uhompa.
Currently Selected:
NDANIYERA 5: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
NDANIYERA 5
5
Sipito saBelisasara
1Masiku gamwe hompa Belisasara kwa zigidire vanamadina kosipito sosinene, makura tava ya nu kumwe vhinyu. 2Awo kuna kunwa, Belisasara ta gava mpangera asi va ka rete yipako yosisiliveli neyi yongorodo eyi ga ka gusire guhwe Nebukadenesara montembeli zaJerusarema. Age kwa yi tuminine asi a ya nwine mo nomarenga gendi novakadi vendi noyihora yendi. 3Mosikando yipako yongorodo nare vana ka yi reta, makura tava nwine mo 4oku tava fumadeke vakarunga wongorodo nosisiliveli nongoporo nosivera noyitji nomamanya.
5Va liharuka ko kuwoko kuna kuhoroka ku tjange pekuma lyombara eli va goronga oku wa monekerere nawa uzera wonoramba. Ano hompa ta mono kuwoko omu kuna kutjanga. 6Sipara sahompa makura tasi lipirura, magazaro gendi taga mu tukukisa, magwanekerero goyisupa yononyonga taga ligaunuka, nongoro dendi kuna kulipwakura. 7Ta zigire unene gumwe a ka rete nompure nononganga novakonakoni wonombungururu. Tava wiza mo, makura hompa ta va tantere asi: “Nkenye ogu na vhura kuresa etjango eli, a tantere nge eyi lina kutanta, tava mu dwareke marwakani gosiuhompa gopurupuli, ta dwara kalyenge kongorodo mosingo, age nga kara hena gwautatu mokupangera sirongo.” 8Vagavindunge womombara tava hedere po, nye nagumwe si ga vhulire kuresa olyo etjango ndi asi a tantere hompa eyi lina kutanta. 9Makura hompa Belisasara ta tukuka nye unene oku ana guvarara, marenga gendi nago si kwa piyaganene.
10Konzogera zahompa nezi zomarenga gendi, zinyahompa ta hwilire mosiliro ta tanta asi: “Hompa ngano ta kara ngorooro nomwenyo! Yingasi wa ha tukuka, sipara soge naso sa ha lipirura. 11Mosirongo soge mweli mugara gumwe ga kara nompepo zovakarunga wokupongoka. Apa ga kere guhwo hompa, mwendi mwa monekere mayere nonondunge noukonentu ngwendi ukonentu wovakarunga. Makura guhwo Nebukadenesara yiyo ga mu tulire a kare mukurona govapumbi nonompure nononganga nogu govakonentu wonombungururu. 12Mwendi kwa kara mo mpepo zongwa nediwo nonondunge dokufwaturura nonzodi noyisewe noyihoramo; mu tumina mugara ogu Ndaniyera, ogu ga ruka hompa asi Belitesasara, makura a ya ku tantere eyi yina kutanta nayinye eyi.”
Ndaniyera ta fwaturura etjango
13Makura Ndaniyera tava mu reta kosipara sahompa, ano hompa ta mu tantere asi: “Nyove Ndaniyera, nkwate zimwe zovaJuda, ava ga ka retere hompa, otate, moJuda ndi? 14Ame kuna ku zuvhu asi ove kwa kara nompepo zovakarunga wokupongoka, hena asi mayere nonondunge noukonentu wounzi wa kara mo moge. 15Sinkwantaantani tupu vana kureta mo vagavindunge nonompure va ya rese etjango eli va ya fwatwilire nge eyi lina kutanta, nye kapi vana yi vhuru. 16Nye na zuvhu asi ove kuvhura kugwana mafwaturo, aga ga horama to fwaturura yihoramo. Nsene no vhura kuresa eli etjango o tantere nge eyi lina kutanta, tava ku dwareke marwakani gosiuhompa gopurupuli, ano elyenge lyongorodo tali kara monsingo zoge, ove hena ngo kare gwautatu mokupangera sirongo.”
17Ndaniyera makura ta limburura asi: “Uhwi woge u kare wanyaamoge, ndi u pa gumwe gwapeke. Nye etjango tani li ku resere, li kare efwaturo nalyo nani li ku divisa.
18“Karunga gekeguru‐guru kwa pere oguhwo Nebukadenesara uhompa nounene nefumano nountungi. 19Ano mounene nye ou ga mu pere, nomuhoko nadinye nomarudi nagenye nomaraka nagenye yipo nye ngava kankamene tava menge. Ogu ana hara asi a dipage, ta dipaga; ogu ana hara asi a kare nomwenyo, ta kara nomwenyo. Ogu ana hara kuzerura ndi asi a mu supipike, ta yi rugana. 20Ano eyi ga linenepeka nye a runde mutwe, a kare mudona makura tava mu gusa ko kosipundi sendi souhompa, nefumano lyendi nalyo tava li mu gusa. 21Kwa mu tundisire mo movantu, makura nondunge dendi tadi kara ngwendi dosikorama. Nga kara kumwe nononsino domowiza, ta li wayi ngwendi nongombe. Nga rara ngorooro poruzera, eme tali mu rokere korutu. Konyima ntani ana kudimburura asi Karunga gekeguru‐guru kwa kara nononkondo komauntungi nagenye govantu, hena asi kuvhura a ga gave kwankenye ogu ana horowora.
22“Nye ove munwendi, kapi wa linunupika nyamoge, ove nye mokudiva wa yi diva nayinye eyi. 23Ove kwa rugana yokulilimba naHompa geguru, yiyo ono ka reta yipako eyi va gusa montembeli zendi. Nove nomarenga goge novakadi woge noyihora yoge yimo muna nwine vhinyu oku tomu fumadeke vakarunga wongorodo nosisiliveli nongoporo nosivera noyitji nomamanya — vakarunga ava va ha mono ndi kuzuvha ndi asi va dive yuma. Nye Karunga ogu a panga asi to kara nomwenyo ndi to fu, ogu a pangere nayinye eyi o rugana, nokumufumadeka si. 24Karunga yipo nye ana tumine kuwoko ku tjange nonkango edi.
25“Eyi va tjanga po yeyi: ‘Sivaro, sivaro, heteko, magaunuko!’ 26Eyi yina kutanta yeyi: sivaro: Karunga ana vara mazuva gouhompa woge, yiyo ana u hagesa po; 27heteko: ove kuna ku heteke posiviha, nye kuna ku mono asi o mureru; 28magaunuko: sirongo soge tava si gaununa va si gave koVamede noVaperesiya.”
29Poopo ngoso Belisasara ta panga asi va dwareke Ndaniyera marwakani gosiuhompa gopurupuli nelyenge lyongorodo monsingo zendi, makura tava mu zigire montanto yi zuvhike asi, age ta kara gwautatu mokupangera sirongo. 30Masiku googo, Belisasara, hompa gwaBabironiya, tava mu dipaga; 31ano Daliusi goMumede, ogu ga kere nonomvhura nomurongo ntano nazimwe nonomvhura mbali, ta gusa uhompa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003