NDANIYERA 12
12
Siruwo sehagero
1Muengeli gokudwara yikoverero yolina ta tanta asi: “Posiruwo oso muengeli gomunene Mikayera, ogu a gamene vantu woge ta horoka. Makura tapa kara siruwo somaudigu, sosidona unene esi sa dira kukara po rumwe, hada tamekera kukara po nomuhoko. Apa nye ngasi wiza oso siruwo, makura vantu navenye womomuhoko goge womadina aga va tjangera mobuke zaKarunga, tava va parura. 2Sinzi sava va fa nare ngava kara hena nomwenyo: vamwe ngava vhumbukira mwenyo gwanarunye, ano ava vamwe nomuga noruhepo rwanarunye. 3Vagendesi wonondunge ngava ka paima ngwendi uzera weguru. Ava ngava rongo vantu wovanzi va rugane youhunga, ngava paima ngwendi nombungururu narunye.”
4Ta tantere nge asi: “Ngesi Ndaniyera, kudumika buke o ture ko sinongweneso dogoro pehagero lyouzuni. Wovanzi ngava yi konakona va dive asi yinke yina kuhoroka.”
5Makura tani mono vagara vavali vana sikama komukuro, nkenye ogu konontere edi. 6Gumwe ta pura muengeli ogu ga sikamene kontunda zomema asi: “Dogoro siruwoke ngayi ka haga yitetu eyi?”
7Muengeli ta zerura mawoko gendi keguru, ta tumbwidire nomugano medina lyaKarunga Munamwenyo. Tani mu zuvhu ta tanta asi: “Ngayi kara po nomvhura ntatu noharufa. Apa nye ngali haga ehepeko lyovantu vaKarunga, makura nayinye tayi pu kuhoroka.”
8Eyi ga tente na yi zuvhire, nye nokuyikwata si egano. Makura tani pura asi: “Tate, nani ngapi omu ngayi haga‐haga nayinye?”
9Age ta limburura asi: “Ngesi zende, Ndaniyera, morwa nonkango edi demehoramo, ado kwa pungukwa dogoro ehagero ngali wize. 10Vantu wovanzi ngava va kuhura. Vadinikarunga kapi ngava yi zuvha, ngava twikira ngorooro noudinikarunga wawo; vaava wonondunge velike yiwo ngava yi kwata egano.
11“Kutunda apa va silika nonzambo dankenye ezuva, ano kutunda posiruwo sezonauko lyedona mazuva 1 290 ngaga pita po. 12Verago vaava ngava kara ngorooro valimburukwi dogoro mazuva 1 335 taga piti!
13“Ano ove Ndaniyera kara ngorooro mulimburukwi dogoro pehagero. Ngo fa, nye ngo vhumbuka to tambura mfeto zoge pehagero lyosiruwo.”
Currently Selected:
NDANIYERA 12: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
NDANIYERA 12
12
Siruwo sehagero
1Muengeli gokudwara yikoverero yolina ta tanta asi: “Posiruwo oso muengeli gomunene Mikayera, ogu a gamene vantu woge ta horoka. Makura tapa kara siruwo somaudigu, sosidona unene esi sa dira kukara po rumwe, hada tamekera kukara po nomuhoko. Apa nye ngasi wiza oso siruwo, makura vantu navenye womomuhoko goge womadina aga va tjangera mobuke zaKarunga, tava va parura. 2Sinzi sava va fa nare ngava kara hena nomwenyo: vamwe ngava vhumbukira mwenyo gwanarunye, ano ava vamwe nomuga noruhepo rwanarunye. 3Vagendesi wonondunge ngava ka paima ngwendi uzera weguru. Ava ngava rongo vantu wovanzi va rugane youhunga, ngava paima ngwendi nombungururu narunye.”
4Ta tantere nge asi: “Ngesi Ndaniyera, kudumika buke o ture ko sinongweneso dogoro pehagero lyouzuni. Wovanzi ngava yi konakona va dive asi yinke yina kuhoroka.”
5Makura tani mono vagara vavali vana sikama komukuro, nkenye ogu konontere edi. 6Gumwe ta pura muengeli ogu ga sikamene kontunda zomema asi: “Dogoro siruwoke ngayi ka haga yitetu eyi?”
7Muengeli ta zerura mawoko gendi keguru, ta tumbwidire nomugano medina lyaKarunga Munamwenyo. Tani mu zuvhu ta tanta asi: “Ngayi kara po nomvhura ntatu noharufa. Apa nye ngali haga ehepeko lyovantu vaKarunga, makura nayinye tayi pu kuhoroka.”
8Eyi ga tente na yi zuvhire, nye nokuyikwata si egano. Makura tani pura asi: “Tate, nani ngapi omu ngayi haga‐haga nayinye?”
9Age ta limburura asi: “Ngesi zende, Ndaniyera, morwa nonkango edi demehoramo, ado kwa pungukwa dogoro ehagero ngali wize. 10Vantu wovanzi ngava va kuhura. Vadinikarunga kapi ngava yi zuvha, ngava twikira ngorooro noudinikarunga wawo; vaava wonondunge velike yiwo ngava yi kwata egano.
11“Kutunda apa va silika nonzambo dankenye ezuva, ano kutunda posiruwo sezonauko lyedona mazuva 1 290 ngaga pita po. 12Verago vaava ngava kara ngorooro valimburukwi dogoro mazuva 1 335 taga piti!
13“Ano ove Ndaniyera kara ngorooro mulimburukwi dogoro pehagero. Ngo fa, nye ngo vhumbuka to tambura mfeto zoge pehagero lyosiruwo.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003