AMOSA 2
2
Mowaba
1 Hompa ta tanta asi: “Vantu womoMowaba kuzona‐zona, yipo nye ngani va futisira nawa‐nawa. Awo kwa swaura yisupa yahompa gwaEdomu pokuyihwika yi kare enoto. 2Ngani tuma mundiro mosirongo saMowaba ngani hwike nohotepopero daKeliyoto. Vantu womoMowaba nzogera zoyita ngazi va lya apa ngava kuga vakwayita nkugo oku tava siki nombendo. 3Ame ngani dipaga mupangeli gwaMowaba novagendesi navenye womosirongo.”
Juda
4 Hompa ta tanta asi: “Vantu womoJuda kuzona‐zona, yipo nye ngani va futisira nawa‐nawa. Awo kwa swaura marongo gange, kapi ava sikisa mo nompangera dange. Va va tjandjura vakarunga woyimpempa ava ngava ruganene ozinyakurwawo. 5Ano ame ngani tuma mundiro moJuda, ngani hwike po nohotepeporo daJerusarema.”
Epanguro lyaKarunga kwaIsraeli
6 Hompa ta tanta asi: “Vantu vaIsraeli kuzona‐zona, yipo nye ngani va futisira nawa‐nawa. Vahungami ava gana kuvhura kufuta makongo gawo, awo kuvarandesa koupika, ano hepwere epando lyononkaku. 7Awo kulyatagura varupiranonkondo nava va hana sikwafa tava zundura mo vahepwe monzira zawo. Vantu naguhwe kurara nomupika gumwe tupu gomukadona, makura tava nyateke edina lyange lyokupongoka. 8Nkenye pevega lyokutongamenena vagara kurara poyikoverero eyi va gusa kovahepwe yosipateko somakongo. Montembeli zaKarunga gwawo awo kunwa vhinyu ezi va gusa kwava va kara noyimaliva yawo.
9“Ani nye ame nye morweni na hanagwire nuunu Vaamoli, vagara wovare ngwendi yitji yonosedeli, awo nonkondo ngwendi maunyandi. 10Ano ame hena nyame na mu gusa moEgipite, yiyo na kara mpitameho zeni momburundu ure wonomvhura nomurongo ne, yiyo na mu pa sirongo soVaamoli si kare seni. 11Ame kwa horowere mo vana wovagara vamwe va kare vaporofete, ano vamati veni vamwe va kare vanasilite. Ndi yimo sa, ove mbunga zaIsraeli? Ame Hompa, nyame na yi uyunga. 12Nye one yiyo mwa ninka vanasilite va nwe vhinyu, ano vaporofete yiyo mwa va pangera va hageke kuuyunga mbudi zange. 13Ngani mu myonena pevhu, tomu gonagere ngwendi nohove dina kusinauka kosireyi sina zura mahangu. 14Navaava si ava duka unene kapi ngava yoworoka; vanankondo ngava zumbanesa nonkondo dawo, vakwayita nawo si ngayi va vhura neyi yokuparura nomwenyo davene yeeyi. 15Vaponyi wovanene kapi ngava yorowoka, varondi wononkambe kapi ngava parura nomwenyo dawo. 16Mezuva olyo novakwayita wovaradi vaava ngava zumba yirwiso yawo, tava duka.” Hompa yige ana yi uyunga.
Currently Selected:
AMOSA 2: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
AMOSA 2
2
Mowaba
1 Hompa ta tanta asi: “Vantu womoMowaba kuzona‐zona, yipo nye ngani va futisira nawa‐nawa. Awo kwa swaura yisupa yahompa gwaEdomu pokuyihwika yi kare enoto. 2Ngani tuma mundiro mosirongo saMowaba ngani hwike nohotepopero daKeliyoto. Vantu womoMowaba nzogera zoyita ngazi va lya apa ngava kuga vakwayita nkugo oku tava siki nombendo. 3Ame ngani dipaga mupangeli gwaMowaba novagendesi navenye womosirongo.”
Juda
4 Hompa ta tanta asi: “Vantu womoJuda kuzona‐zona, yipo nye ngani va futisira nawa‐nawa. Awo kwa swaura marongo gange, kapi ava sikisa mo nompangera dange. Va va tjandjura vakarunga woyimpempa ava ngava ruganene ozinyakurwawo. 5Ano ame ngani tuma mundiro moJuda, ngani hwike po nohotepeporo daJerusarema.”
Epanguro lyaKarunga kwaIsraeli
6 Hompa ta tanta asi: “Vantu vaIsraeli kuzona‐zona, yipo nye ngani va futisira nawa‐nawa. Vahungami ava gana kuvhura kufuta makongo gawo, awo kuvarandesa koupika, ano hepwere epando lyononkaku. 7Awo kulyatagura varupiranonkondo nava va hana sikwafa tava zundura mo vahepwe monzira zawo. Vantu naguhwe kurara nomupika gumwe tupu gomukadona, makura tava nyateke edina lyange lyokupongoka. 8Nkenye pevega lyokutongamenena vagara kurara poyikoverero eyi va gusa kovahepwe yosipateko somakongo. Montembeli zaKarunga gwawo awo kunwa vhinyu ezi va gusa kwava va kara noyimaliva yawo.
9“Ani nye ame nye morweni na hanagwire nuunu Vaamoli, vagara wovare ngwendi yitji yonosedeli, awo nonkondo ngwendi maunyandi. 10Ano ame hena nyame na mu gusa moEgipite, yiyo na kara mpitameho zeni momburundu ure wonomvhura nomurongo ne, yiyo na mu pa sirongo soVaamoli si kare seni. 11Ame kwa horowere mo vana wovagara vamwe va kare vaporofete, ano vamati veni vamwe va kare vanasilite. Ndi yimo sa, ove mbunga zaIsraeli? Ame Hompa, nyame na yi uyunga. 12Nye one yiyo mwa ninka vanasilite va nwe vhinyu, ano vaporofete yiyo mwa va pangera va hageke kuuyunga mbudi zange. 13Ngani mu myonena pevhu, tomu gonagere ngwendi nohove dina kusinauka kosireyi sina zura mahangu. 14Navaava si ava duka unene kapi ngava yoworoka; vanankondo ngava zumbanesa nonkondo dawo, vakwayita nawo si ngayi va vhura neyi yokuparura nomwenyo davene yeeyi. 15Vaponyi wovanene kapi ngava yorowoka, varondi wononkambe kapi ngava parura nomwenyo dawo. 16Mezuva olyo novakwayita wovaradi vaava ngava zumba yirwiso yawo, tava duka.” Hompa yige ana yi uyunga.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003