2 Vatesaronika 2
2
Munankore naKarunga
1Ano mokuhamena ewizo lyaHompa gwetu Jesus Kristusa nepongaiko lyetu kwendi: na mu kanderere, vakwetu, 2nokulivinduka si kulimbilirwa ndi zi mu piyaganeke mpepo ndi nonkango domayokora ndi mbilive ezi va tjanga medina lyetu, va mu tjilise asi ezuva lyaHompa lina wiza. 3Nokutarerera si muntu a mu pukise nonkedi zongandi. Yeeyi ezuva olyo kapi ngali wiza, awo udinikarunga wa hana kulihanena mouzuni mudima ndi Muntu gomudona ga hana kuhoroka, ogu ga hamena ezonauko lyanarunye. 4Munankore ogu nga linenepeka a pitakane nayinye eyi ava tumbura asi yosiukarunga ndi yokupongoka. Makura nga litura montembeli zaKarunga, ta litumbura mwene asi Karunga.
5Kapi muna kudiworoka asi nayinye eyi, apa na kere pweni, na yi mu tantera, ndi? 6Ano muna diva nye eyi yina kulimba po asi mugara ogo goMudona a horoke dogoro siruwo sendi noku ngasi sika mo. 7Nonkondo doUdona kuna kurugana dina kurugana mokahorehore. Nye yokuhoroka kapi ngayi horoka, dogoro noku ngava faga po yilimbika. 8Makura ogo Mudona nga ka horoka, nye Hompa Jesus nga mu dipagesa komunku gomokana kendi, nga mu zonagwise kehoroko lyouyerere wendi, apa nga wiza. 9Muntu goMudona ogo nga wiza nononkondo daSatana, nga ya rugana yitetu peke‐peke noyidiviso yononkondo yoyimpempa. 10Nga ya ruganesa mankisa peke‐peke gomadona, a gombekese ko ava ngava ka zonauka. Ngava ka zonauka morwa kapi va tambura usili wokuvaparura va u hare. 11Ano morwangoso yiyo nye nga va tuminina Karunga epukiso lyedigu lyokuvapulisisa yoyimpempa. 12Kuninka asi, navenye ava va dira kupura usili, yiyo va hara po uhahungami, ngava va pangura.
One kwa mu horowera eparu
13Nye nyose kupandura Karunga nkenye apa mwarweni, one vakwetetu ava ga hara Hompa. Yeeyi Karunga kwa mu horowera eparu kutunda ketameko. Mpepo ga mu pongwesesa Karunga, mu pure usili. 14Karunga kwa mu horowesesa eyi koMbudi zoNgwa, ezi ngatu mu udisire, nkumwe ngomu gwane eparu nouyerere waHompa gwetu Jesus Kristusa. 15Ano nye vakwetu, koreni mweyi twa mu ronga, yi kare yokuuyunga ndi yomombilive.
16Ano Hompa gwetu Jesus Kristusa mwene naKarunga Guhyetu, ogu ga tu hara yiyo ga tu pa ehengagwido lyanarunye nehuguvaro lyewa morwankenda, 17ngano ta hengagwida nomutjima deni, a mu koreke moyiuyungwa nayinye yoyiwa nomoyirugana yoyiwa.
Currently Selected:
2 Vatesaronika 2: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
2 Vatesaronika 2
2
Munankore naKarunga
1Ano mokuhamena ewizo lyaHompa gwetu Jesus Kristusa nepongaiko lyetu kwendi: na mu kanderere, vakwetu, 2nokulivinduka si kulimbilirwa ndi zi mu piyaganeke mpepo ndi nonkango domayokora ndi mbilive ezi va tjanga medina lyetu, va mu tjilise asi ezuva lyaHompa lina wiza. 3Nokutarerera si muntu a mu pukise nonkedi zongandi. Yeeyi ezuva olyo kapi ngali wiza, awo udinikarunga wa hana kulihanena mouzuni mudima ndi Muntu gomudona ga hana kuhoroka, ogu ga hamena ezonauko lyanarunye. 4Munankore ogu nga linenepeka a pitakane nayinye eyi ava tumbura asi yosiukarunga ndi yokupongoka. Makura nga litura montembeli zaKarunga, ta litumbura mwene asi Karunga.
5Kapi muna kudiworoka asi nayinye eyi, apa na kere pweni, na yi mu tantera, ndi? 6Ano muna diva nye eyi yina kulimba po asi mugara ogo goMudona a horoke dogoro siruwo sendi noku ngasi sika mo. 7Nonkondo doUdona kuna kurugana dina kurugana mokahorehore. Nye yokuhoroka kapi ngayi horoka, dogoro noku ngava faga po yilimbika. 8Makura ogo Mudona nga ka horoka, nye Hompa Jesus nga mu dipagesa komunku gomokana kendi, nga mu zonagwise kehoroko lyouyerere wendi, apa nga wiza. 9Muntu goMudona ogo nga wiza nononkondo daSatana, nga ya rugana yitetu peke‐peke noyidiviso yononkondo yoyimpempa. 10Nga ya ruganesa mankisa peke‐peke gomadona, a gombekese ko ava ngava ka zonauka. Ngava ka zonauka morwa kapi va tambura usili wokuvaparura va u hare. 11Ano morwangoso yiyo nye nga va tuminina Karunga epukiso lyedigu lyokuvapulisisa yoyimpempa. 12Kuninka asi, navenye ava va dira kupura usili, yiyo va hara po uhahungami, ngava va pangura.
One kwa mu horowera eparu
13Nye nyose kupandura Karunga nkenye apa mwarweni, one vakwetetu ava ga hara Hompa. Yeeyi Karunga kwa mu horowera eparu kutunda ketameko. Mpepo ga mu pongwesesa Karunga, mu pure usili. 14Karunga kwa mu horowesesa eyi koMbudi zoNgwa, ezi ngatu mu udisire, nkumwe ngomu gwane eparu nouyerere waHompa gwetu Jesus Kristusa. 15Ano nye vakwetu, koreni mweyi twa mu ronga, yi kare yokuuyunga ndi yomombilive.
16Ano Hompa gwetu Jesus Kristusa mwene naKarunga Guhyetu, ogu ga tu hara yiyo ga tu pa ehengagwido lyanarunye nehuguvaro lyewa morwankenda, 17ngano ta hengagwida nomutjima deni, a mu koreke moyiuyungwa nayinye yoyiwa nomoyirugana yoyiwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003