1 Timoteusa 4
4
Varongi woyimpempa
1Mpepo kutanta nawa‐nawa asi, momazuva gopouhura vamwe ngava zumba epuro, makura tava pura yonompepo doyimpempa, va kwame marongo gonompepo donondona. 2Marongo aga ngaga tunda mekumbagero lyovantu woyimpempa, ava lya fa ezwi lyomomutjima, ngwendi lyava ga stamba Satana nosivera sosipyu. 3Vantu vangoso kusilika nonkwara nonondya edi ga paka po Karunga mwene asi vapuli ava va diva usili va di lye oku tava pandura. 4Yeeyi nkenye eyi ga sita Karunga yiwa, sinene tava yi tambura nompandu. Kutupu eyi ya fira kuyizumba, 5yeeyi ayo kuyipongokesa kononkango daKarunga nekekanderero.
Mukareli gomuwa gwaJesus Kristusa
6Nsene o ronga vakweni erongo eli, ngano ngo kara mukereli gomuwa gwaJesus Kristusa. Ove makura to lirere nononkango depuro nerongo lyewa eli o kwama. 7Walye o pakere mbili nongano doyimpempa domawoko‐woko, nye ove o liyomberese moukaro wapaKarunga. 8Yeeyi maliyombereso goparutu mulyo gwago musesu, nye maliyombereso gopampepo kwa kara nomulyo gwanayinye, yeeyi ago kututumbwidira mwenyo gwantaantani nogu gokomeho. 9Nonkango edi kudihuguvara tupu, ado da fira kuditambura nawa‐nawa. 10Eyi yiyo atu kondjere po, tatu rugana unene, yeeyi ose ehuguvaro lyetu kwa li tura mwaKarunga goMunamwenyo, Muzowoli gwanavenye, nye unene gwava va pura.
11Pamparekeda ove o ronge vantu yininke eyi. 12Walye ava ku dini morwaunona woge. Nye kara sihonena sovapuli mononkango doge nomoyikara nemeharo nemepuro nomoukuhuki woge. 13Kovekeda ngorooro kuresa matjangwa nkenye apa, oku to korangeda nokuronga dogoro noku ngani wiza. 14Walye o dini uhwi wopampepo ou wa kara moge, ou va ku pa pokuuyunga vaporofete nopokukukambeka vakurona wombungakriste mawoko gawo. 15O liyomberese moyininke eyi nayinye, ove o kare mwayo, kukura koge va ku mone navenye. 16O litakamese nyamoge nerongo lyoge. O kovekede kuyirugana eyi, yeeyi nsene o yi rugana, ngo paruka kumwe nava vana kukupurakena.
Currently Selected:
1 Timoteusa 4: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
1 Timoteusa 4
4
Varongi woyimpempa
1Mpepo kutanta nawa‐nawa asi, momazuva gopouhura vamwe ngava zumba epuro, makura tava pura yonompepo doyimpempa, va kwame marongo gonompepo donondona. 2Marongo aga ngaga tunda mekumbagero lyovantu woyimpempa, ava lya fa ezwi lyomomutjima, ngwendi lyava ga stamba Satana nosivera sosipyu. 3Vantu vangoso kusilika nonkwara nonondya edi ga paka po Karunga mwene asi vapuli ava va diva usili va di lye oku tava pandura. 4Yeeyi nkenye eyi ga sita Karunga yiwa, sinene tava yi tambura nompandu. Kutupu eyi ya fira kuyizumba, 5yeeyi ayo kuyipongokesa kononkango daKarunga nekekanderero.
Mukareli gomuwa gwaJesus Kristusa
6Nsene o ronga vakweni erongo eli, ngano ngo kara mukereli gomuwa gwaJesus Kristusa. Ove makura to lirere nononkango depuro nerongo lyewa eli o kwama. 7Walye o pakere mbili nongano doyimpempa domawoko‐woko, nye ove o liyomberese moukaro wapaKarunga. 8Yeeyi maliyombereso goparutu mulyo gwago musesu, nye maliyombereso gopampepo kwa kara nomulyo gwanayinye, yeeyi ago kututumbwidira mwenyo gwantaantani nogu gokomeho. 9Nonkango edi kudihuguvara tupu, ado da fira kuditambura nawa‐nawa. 10Eyi yiyo atu kondjere po, tatu rugana unene, yeeyi ose ehuguvaro lyetu kwa li tura mwaKarunga goMunamwenyo, Muzowoli gwanavenye, nye unene gwava va pura.
11Pamparekeda ove o ronge vantu yininke eyi. 12Walye ava ku dini morwaunona woge. Nye kara sihonena sovapuli mononkango doge nomoyikara nemeharo nemepuro nomoukuhuki woge. 13Kovekeda ngorooro kuresa matjangwa nkenye apa, oku to korangeda nokuronga dogoro noku ngani wiza. 14Walye o dini uhwi wopampepo ou wa kara moge, ou va ku pa pokuuyunga vaporofete nopokukukambeka vakurona wombungakriste mawoko gawo. 15O liyomberese moyininke eyi nayinye, ove o kare mwayo, kukura koge va ku mone navenye. 16O litakamese nyamoge nerongo lyoge. O kovekede kuyirugana eyi, yeeyi nsene o yi rugana, ngo paruka kumwe nava vana kukupurakena.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003