1 Timoteusa 1
1
Ekundo
1Mbilive ezi kuna kutunda kwaPaurusa ogu ga panga Muparuli gwetu Karunga asi ni kare mupositoli gwaHompa Jesus Kristusa, ogu endindiro lyetu. 2Tani ku tjangere ove Timoteusa, munwange mwene‐mwene gemepuro. Karunga Guhyetu naHompa gwetu Jesus Kristusa va ku fire nkenda oku tava ku zaverere oku tava ku pe mbili.
Erondoro morwerongo lyepuko
3Ame kuna ku harere o kare ngorooro moEfeso, moomu na ku pamperekedere apa na zire koMakedoniya. Vantu vamwe woko kuronga marongo gepuko, nye ove o yi va nyokere. 4O va tantere va zumbe nongano nomalikwamo gomare gomadina gozinyakurwawo, yeeyi ayo nompata delike ayi reta. Ayo kapi ayi kwafa eyi ga tamba Karunga, eyi ya divikwa kepuro lyelike. 5Sitambo sompangera ezi sokupindura eharo lyokutunda momutjima gomuwa nemezwi lyewa lyomomutjima nemepuro lyokuhungama. 6Vantu vamwe va yi zumba eyi, makura yiyo nye vana puka, va guse po yiyayagana yomawoko‐woko. 7Awo kwa hara kukara varongi woVeta zaKarunga, nye awo vene kapi ava yi zuvhu eyi ava uyunga neyi ava kondjere asi yosili.
8Nye ose twa diva asi Veta ngwa, nsene o zi genda moomu za tanta. 9Eyi tu yi diveni asi, Veta kapi va zi tulira po vahungami, nani nye kwa zi tulira po vadini woVeta nonompumpe novadinikarunga novananzo nava wokudira kupongoka nava wokudira kuhungama novadipagi woguhyawo nava wozinyawo novarudipagavantu. 10Kwa zi tulira po vahondedi nava ava rara vagara vakwaawo novavaki wovantu novanayimpempa nonondipo doyimpempa nava navenye ava rugana nayinye eyi ayi lilimbi nerongo lyosili. 11Erongo eli yilyo na gwana moMbudi zoNgwa ezi va pa nge asi ni zi udise, ezi za tunda kwaKarunga gouyerere ga fumana.
Mpandu morwankenda zaKarunga
12Ame tani pandura Jesus Kristusa, Hompa gwetu, ogu ga pa nge nonkondo ni sikise mo yirugana yange. Tani mu pandura morwa ga huguvara nge, yiyo ga tura nge asi ni mu kerere, 13nampili ngomu ngani mu uyunga momudona, tani mu hepeke oku tani mu swaura. Nye Karunga ga fililire nge nkenda, morwa apa ngani yi rugana, ame simpe nokupura si, ame hena kapi na divire eyi ngani rugana asi yinke. 14Ano Hompa gwetu kwa fililire nge unene nkenda, makura ta pe nge epuro neharo mokulikwatakana naJesus Kristusa. 15Nonkango edi dosili, ado da fira kudipura nawa‐nawa asi, Jesus Kristusa kwa wizira mouzuni asi a ya parure vananzo. Ano ame, nyame munanzo gomunene po nye. 16Nye ame kwa fira nge nkenda, asi Jesus Kristusa a horore mwange udidimiki wendi naunye, ngau kare sihonena sava ngava mu pura, ngava gwane mwenyo gwanarunye. 17Hompa gwanarunye, ogu ga pira uhura ndi asi a moneke, yige Karunga gelike thi. Ava mu hamberere oku tava mu panda narunye‐narunye. Amen.
18Timoteusa munwange, tani ku pamparekedere yininke eyi, moomu da uyunga nare nonkango douporofete dokukuhamena. Nonkango odo di kare yirwiso yoge mokurwa yita yoyiwa. 19O kwaterere mepuro nezwi lyewa lyomomutjima. Vamwe kapi ava purakene ezwi lyomomutjima, makura yiyo va zumba epuro lyawo. 20Vamwe vangoso yiwo oHimeneusa naArekisandeli, ava na gava kwaSatana, va lirongere po yokudira kuswaura Karunga.
Currently Selected:
1 Timoteusa 1: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
1 Timoteusa 1
1
Ekundo
1Mbilive ezi kuna kutunda kwaPaurusa ogu ga panga Muparuli gwetu Karunga asi ni kare mupositoli gwaHompa Jesus Kristusa, ogu endindiro lyetu. 2Tani ku tjangere ove Timoteusa, munwange mwene‐mwene gemepuro. Karunga Guhyetu naHompa gwetu Jesus Kristusa va ku fire nkenda oku tava ku zaverere oku tava ku pe mbili.
Erondoro morwerongo lyepuko
3Ame kuna ku harere o kare ngorooro moEfeso, moomu na ku pamperekedere apa na zire koMakedoniya. Vantu vamwe woko kuronga marongo gepuko, nye ove o yi va nyokere. 4O va tantere va zumbe nongano nomalikwamo gomare gomadina gozinyakurwawo, yeeyi ayo nompata delike ayi reta. Ayo kapi ayi kwafa eyi ga tamba Karunga, eyi ya divikwa kepuro lyelike. 5Sitambo sompangera ezi sokupindura eharo lyokutunda momutjima gomuwa nemezwi lyewa lyomomutjima nemepuro lyokuhungama. 6Vantu vamwe va yi zumba eyi, makura yiyo nye vana puka, va guse po yiyayagana yomawoko‐woko. 7Awo kwa hara kukara varongi woVeta zaKarunga, nye awo vene kapi ava yi zuvhu eyi ava uyunga neyi ava kondjere asi yosili.
8Nye ose twa diva asi Veta ngwa, nsene o zi genda moomu za tanta. 9Eyi tu yi diveni asi, Veta kapi va zi tulira po vahungami, nani nye kwa zi tulira po vadini woVeta nonompumpe novadinikarunga novananzo nava wokudira kupongoka nava wokudira kuhungama novadipagi woguhyawo nava wozinyawo novarudipagavantu. 10Kwa zi tulira po vahondedi nava ava rara vagara vakwaawo novavaki wovantu novanayimpempa nonondipo doyimpempa nava navenye ava rugana nayinye eyi ayi lilimbi nerongo lyosili. 11Erongo eli yilyo na gwana moMbudi zoNgwa ezi va pa nge asi ni zi udise, ezi za tunda kwaKarunga gouyerere ga fumana.
Mpandu morwankenda zaKarunga
12Ame tani pandura Jesus Kristusa, Hompa gwetu, ogu ga pa nge nonkondo ni sikise mo yirugana yange. Tani mu pandura morwa ga huguvara nge, yiyo ga tura nge asi ni mu kerere, 13nampili ngomu ngani mu uyunga momudona, tani mu hepeke oku tani mu swaura. Nye Karunga ga fililire nge nkenda, morwa apa ngani yi rugana, ame simpe nokupura si, ame hena kapi na divire eyi ngani rugana asi yinke. 14Ano Hompa gwetu kwa fililire nge unene nkenda, makura ta pe nge epuro neharo mokulikwatakana naJesus Kristusa. 15Nonkango edi dosili, ado da fira kudipura nawa‐nawa asi, Jesus Kristusa kwa wizira mouzuni asi a ya parure vananzo. Ano ame, nyame munanzo gomunene po nye. 16Nye ame kwa fira nge nkenda, asi Jesus Kristusa a horore mwange udidimiki wendi naunye, ngau kare sihonena sava ngava mu pura, ngava gwane mwenyo gwanarunye. 17Hompa gwanarunye, ogu ga pira uhura ndi asi a moneke, yige Karunga gelike thi. Ava mu hamberere oku tava mu panda narunye‐narunye. Amen.
18Timoteusa munwange, tani ku pamparekedere yininke eyi, moomu da uyunga nare nonkango douporofete dokukuhamena. Nonkango odo di kare yirwiso yoge mokurwa yita yoyiwa. 19O kwaterere mepuro nezwi lyewa lyomomutjima. Vamwe kapi ava purakene ezwi lyomomutjima, makura yiyo va zumba epuro lyawo. 20Vamwe vangoso yiwo oHimeneusa naArekisandeli, ava na gava kwaSatana, va lirongere po yokudira kuswaura Karunga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003