1 Vatesaronika 5
5
Liwapaikira ewizo lyaHompa
1Vakwetu, ose kapi twa hepa kumutjangera asi siruwoke ndi ezuvake ngayi horoka yene eyi. 2Nyonevene mwa diva nawa‐nawa asi ezuva lyaHompa ngali wiza, moomu a wiza muwidi masiku. 3Nsene ngava tanta asi: “Nayinye mompora, kutupu upyakadi,” yipo ngali va gwanena ezonauko poopo, moomu tupu au gwana mukadi udigu pehampuruko. Nokusi ngava hendukira. 4Nye one vakwetu, kapi mwa kara momundema, olyo ezuva asi ngali mu kondekedere mo pamuwidi. 5One namuvenye mu vantu ava mwa hamena kouzera nokomutenya. Ose kapi twa hamena komasiku nokomundema si kooku. 6Yipo nye walye atu rareni ngwendi wovena. Atu vangareni, tu kare vandjewa‐ndjewa. 7Ava ava rara, masiku ava rara, nava ava korwa, masiku ava korwa. 8Nye ose ava twa hamena komutenya, atu nyokeni unkorwe. Epuro neharo tu yi rukiseni silikandwiso setu, ano ehuguvaro lyeparu tu li rukiseni ekoli lyetu. 9Karunga kapi ga tu horowera ehandu lyendi, hawe, age kwa tu horowera asi tu gwane eparu mwaHompa gwetu Jesus Kristusa, 10ogu ga tu fililire, ngatu kare nendi, tu kare ose tu vanamwenyo ndi tu vafe, apa nga wiza. 11Yipo nye nomu tundira kulikorangeda‐korangeda oku tomu likwafa‐kwafa, moomu tupu muna kurugana pwanaina.
Mapukururo nomakundo gokuhagesa
12Tatu mu hundire, vakwetu, omu fe nonkenga ava ava mu ruganene, ava ga horowora Hompa, va mu gendese oku tava mu rongo. 13Omu va tekure pakuto neharo lyenene morwayirugana eyi va rugana. Omu likara‐kare nombili.
14Tatu mu pukurura, vakwetu, rondoreni vahezuvhu oku tomu korangeda wompwagetjima, kwafeni varupiranonkondo, omu didimikire navenye. 15Nomeneni, walye omu lininki rwasiningambwa. Tambeni kulirugana momuwa nyamweni nanyamweni rambanga ko nanavenye.
16Omu hafe nkenye apa, 17omu kanderere narunye, 18omu pandure moyipimpo nayinye. Eyi yiyo ga mu harera Karunga momalikaro geni naJesus Kristusa.
19Walye omu donganesa Mpepo zoKupongoka, 20walye omu paya yiuyungisiso yaKarunga. 21Omu hetaike nayinye, yoyiwa mo yi kwateni. 22Nkenye eyi yoyidona yi nyokeni.
23Karunga Munambili a mu sikisilire mo, mu pongoke mu kare vendi. Karunga a mu runge moukaro weni naunye monomutjima nomonomwenyo nomomarutu geni, mu likerere komausima nagenye, ngomu wapere ewizo lyaJesus Kristusa. 24Ogu ga mu zigida, nga yi sikisa mo, morwa age kumuhuguvara tupu.
25Nose omu tu kandererere ko, vakwetu.
26Kundisireni po vakwetu navenye nencumito lyokupongoka.
27Ame kuna kumukorangedera medina lyaHompa, mu resere vakwetetu navenye mbilive ezi.
28Hompa gwetu Jesus Kristusa a mu fire nkenda.
Currently Selected:
1 Vatesaronika 5: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
1 Vatesaronika 5
5
Liwapaikira ewizo lyaHompa
1Vakwetu, ose kapi twa hepa kumutjangera asi siruwoke ndi ezuvake ngayi horoka yene eyi. 2Nyonevene mwa diva nawa‐nawa asi ezuva lyaHompa ngali wiza, moomu a wiza muwidi masiku. 3Nsene ngava tanta asi: “Nayinye mompora, kutupu upyakadi,” yipo ngali va gwanena ezonauko poopo, moomu tupu au gwana mukadi udigu pehampuruko. Nokusi ngava hendukira. 4Nye one vakwetu, kapi mwa kara momundema, olyo ezuva asi ngali mu kondekedere mo pamuwidi. 5One namuvenye mu vantu ava mwa hamena kouzera nokomutenya. Ose kapi twa hamena komasiku nokomundema si kooku. 6Yipo nye walye atu rareni ngwendi wovena. Atu vangareni, tu kare vandjewa‐ndjewa. 7Ava ava rara, masiku ava rara, nava ava korwa, masiku ava korwa. 8Nye ose ava twa hamena komutenya, atu nyokeni unkorwe. Epuro neharo tu yi rukiseni silikandwiso setu, ano ehuguvaro lyeparu tu li rukiseni ekoli lyetu. 9Karunga kapi ga tu horowera ehandu lyendi, hawe, age kwa tu horowera asi tu gwane eparu mwaHompa gwetu Jesus Kristusa, 10ogu ga tu fililire, ngatu kare nendi, tu kare ose tu vanamwenyo ndi tu vafe, apa nga wiza. 11Yipo nye nomu tundira kulikorangeda‐korangeda oku tomu likwafa‐kwafa, moomu tupu muna kurugana pwanaina.
Mapukururo nomakundo gokuhagesa
12Tatu mu hundire, vakwetu, omu fe nonkenga ava ava mu ruganene, ava ga horowora Hompa, va mu gendese oku tava mu rongo. 13Omu va tekure pakuto neharo lyenene morwayirugana eyi va rugana. Omu likara‐kare nombili.
14Tatu mu pukurura, vakwetu, rondoreni vahezuvhu oku tomu korangeda wompwagetjima, kwafeni varupiranonkondo, omu didimikire navenye. 15Nomeneni, walye omu lininki rwasiningambwa. Tambeni kulirugana momuwa nyamweni nanyamweni rambanga ko nanavenye.
16Omu hafe nkenye apa, 17omu kanderere narunye, 18omu pandure moyipimpo nayinye. Eyi yiyo ga mu harera Karunga momalikaro geni naJesus Kristusa.
19Walye omu donganesa Mpepo zoKupongoka, 20walye omu paya yiuyungisiso yaKarunga. 21Omu hetaike nayinye, yoyiwa mo yi kwateni. 22Nkenye eyi yoyidona yi nyokeni.
23Karunga Munambili a mu sikisilire mo, mu pongoke mu kare vendi. Karunga a mu runge moukaro weni naunye monomutjima nomonomwenyo nomomarutu geni, mu likerere komausima nagenye, ngomu wapere ewizo lyaJesus Kristusa. 24Ogu ga mu zigida, nga yi sikisa mo, morwa age kumuhuguvara tupu.
25Nose omu tu kandererere ko, vakwetu.
26Kundisireni po vakwetu navenye nencumito lyokupongoka.
27Ame kuna kumukorangedera medina lyaHompa, mu resere vakwetetu navenye mbilive ezi.
28Hompa gwetu Jesus Kristusa a mu fire nkenda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003