Riwayat Rasul-Rasul Isa 3
3
Petrus saterang tau repok
1Pang sopo ano jam telu rawi, yanansi waya sembayang tau Yahudi, Petrus ke Yahya lalo lako Balaʼ Alatala. 2Pang nan ada sopo tau salaki ade repok kalis ka yaparanak. Saruntung ano tau nan yabawa ke yasatokal pang lawang gerbang Balaʼ Alatala ade basingin Gerbang Balong, mabau nya eneng sadeka lako tau ade tama lako dalam Balaʼ Alatala nan. 3Muntu tau repok nan yagita Petrus ke Yahya ya tama lako dalam Balaʼ Alatala, nya eneng sadeka lako taunan. 4Konang Petrus ke Yahya yapaniat nya, ke beling mo Petrus, "Ingo kami!" 5Teris tau repok nan ingo Petrus ke Yahya kewa rea pangarap ya dapat apa-apa kalis taunan. 6Konang beling Petrus, "Emas perak nonda pang aku, konang apa ade ada pang aku kubeang lako kau. Kewa kawasa Isa Al Masih tau Nazaret nan, balangan mo!" 7Karing yaenti mo ima kanan tau repok nan ke yatulung manang. Waya nan si kuat mo ne ke mata manuk nya. 8Teris nya koat kewa kotar ke balangan koto kota. Karing tama mo nya barema ke Petrus ke Yahya lako dalam Balaʼ Alatala rena balangan ke nyempung puji Alatala. 9Sarea tau ade ada pang nan yagita nya balangan rena puji Alatala. 10Ke muntu sarea taunan yato luk nya nan tau repok ade biasa tokal eneng sadeka pang Gerbang Balong Balaʼ Alatala, taunan teris mo ngangan ke manang gaok ling yagita apa ade kamo dadi lako nya nan.
Hotba Petrus pang dalam Balaʼ Alatala
11Muntu tau ka repok nan teris-teris enti ke turit Petrus ke Yahya, sarea tau ade manang gaok nan barari datang liuk taunan pang teras Balaʼ Alatala ade basingin Teras Sulaiman. 12Muntu Petrus yagita tau peno nan teris beling mo nya, "Sanak sawai salaki, tau-tau Yahudi, kakuda bua manang gaok nene gita luk ta? Ke kakuda bua teris-teris nene ingo kami? Siong ling kawasa kami atawa ling kami saleh lako Alatala rua, tau repok ta bauʼ balangan. 13Tuhan Ibrahim, Tuhan Ishak ke Tuhan Yakub, yanansi Tuhan balo tolo kita, kamo yasamulia Hamba Diri yanansi Isa. Isa ta ade ka nene sera lako pemerinta Roma ke ka nene tolak pang angkang Pilatus, gubernur nan, manaling Pilatus kamo saputis umin lepas Isa. 14Konang nene tolak Ade Suci ke Benar, ke nene ngeneng lako Pilatus mabau yalepas umin nene tau ade basamate. 15Nene samate Diri, asal katelas sarea tau, konang Alatala yasatelas Diri kalis kamate, ke lako sarea luk nan kami dadi saksi. 16Kamo nene gita ke paniat apa ade dadi lako tau repok ta. Nya kamo dadi kuat kabali apaling nya nyadu lako kawasa Isa. Ling nya nyadu lako Isa nan bua nya kamo dadi terang pang angkang sarea nene. 17Sanak sawai salaki, kuto si nene ke pemimpin-pemimpin nene boat ade nan luk lako Isa apaling nongka nene to tegas apa ade nene boat nan#3:17 nene to tegas apa ade nene boat nan: Ade no yato tegas ling taunan yanansi luk Isa nan Raja Basalamat Ade Yajangiʼ Ling Alatala.. 18Konang ola kaboat nene nan mo Alatala yasatunas apa ade ka yafirman ling Diri dunung ola nabi-nabi Diri, yanansi luk Raja Basalamat Ade Yajangiʼ Ling Alatala mesti menderita. 19Ling luk nan tobat ke ramalik mo lako Alatala mabau dosa nene yaapus, 20ke mabau nene dapat kanyaman apaling Alatala ada barema ke nene. Ke Alatala ya utus Isa datang lako nene, apaling Diri kamo yasatentu ling Alatala dadi Raja Basalamat umin nene. 21Raja Basalamat nan mesti tetap pang surga jangka dapat waya Alatala ya sabalong kabali sarea luk mudi, ma luk ade ka yafirman ling Alatala pang saman dunung ola nabi-nabi Diri ade suci. 22Nabi Musa ka kadu beling, 'Alatala Tuhan nene ya utus sopo nabi tawa nene kalis bangsa nene diri, mara Diri utus aku. Sanenge ke boat mo sarea ade yasanapat ling nabi nan lako nene. 23Tau ade no basanenge ke nongka yaboat pangkeling nabi nan yaselis kalis tenga-tenga umat Alatala ke yasangancir.'#3:22-23 Ade yasanapat ling Nabi Musa ka yaete kalis Kitab Ulangan 18:19 24Dunung nabi-nabi lin mulai kalis Nabi Samuil ke nabi-nabi ade datang kasuda nya kamo kadu sanapat apa ade dadi saman ta. 25Nene mo ade ka tarima jangi-jangi kalis Alatala ade yasanapat ola nabi-nabi. Dalam jangi ade ka yasangada ling Alatala ke balo tolo nene, Alatala bafirman lako Nabi Ibrahim, ta seda, 'Ola rowe bekamu mo, sarea bangsa pang bao dunia ya dapat berka.'#3:25 Kalimat ta yaete kalis Kitab Kejadian 22:18. Jangi nan tawa nene si ampo. 26Nan bua muntu Alatala yautus Hamba Diri, Isa, Diri yautus Isa mula-mula lako nene tau-tau Yahudi, mabau Isa beang berka lako nene yanansi bawa saruntung nene ramalik lako Alatala kalis sarea kaboat jahat nene.
Currently Selected:
Riwayat Rasul-Rasul Isa 3: SMW
Highlight
Copy
Compare
Share
Want to have your highlights saved across all your devices? Sign up or sign in
©️2025 The Seed Company
Riwayat Rasul-Rasul Isa 3
3
Petrus saterang tau repok
1Pang sopo ano jam telu rawi, yanansi waya sembayang tau Yahudi, Petrus ke Yahya lalo lako Balaʼ Alatala. 2Pang nan ada sopo tau salaki ade repok kalis ka yaparanak. Saruntung ano tau nan yabawa ke yasatokal pang lawang gerbang Balaʼ Alatala ade basingin Gerbang Balong, mabau nya eneng sadeka lako tau ade tama lako dalam Balaʼ Alatala nan. 3Muntu tau repok nan yagita Petrus ke Yahya ya tama lako dalam Balaʼ Alatala, nya eneng sadeka lako taunan. 4Konang Petrus ke Yahya yapaniat nya, ke beling mo Petrus, "Ingo kami!" 5Teris tau repok nan ingo Petrus ke Yahya kewa rea pangarap ya dapat apa-apa kalis taunan. 6Konang beling Petrus, "Emas perak nonda pang aku, konang apa ade ada pang aku kubeang lako kau. Kewa kawasa Isa Al Masih tau Nazaret nan, balangan mo!" 7Karing yaenti mo ima kanan tau repok nan ke yatulung manang. Waya nan si kuat mo ne ke mata manuk nya. 8Teris nya koat kewa kotar ke balangan koto kota. Karing tama mo nya barema ke Petrus ke Yahya lako dalam Balaʼ Alatala rena balangan ke nyempung puji Alatala. 9Sarea tau ade ada pang nan yagita nya balangan rena puji Alatala. 10Ke muntu sarea taunan yato luk nya nan tau repok ade biasa tokal eneng sadeka pang Gerbang Balong Balaʼ Alatala, taunan teris mo ngangan ke manang gaok ling yagita apa ade kamo dadi lako nya nan.
Hotba Petrus pang dalam Balaʼ Alatala
11Muntu tau ka repok nan teris-teris enti ke turit Petrus ke Yahya, sarea tau ade manang gaok nan barari datang liuk taunan pang teras Balaʼ Alatala ade basingin Teras Sulaiman. 12Muntu Petrus yagita tau peno nan teris beling mo nya, "Sanak sawai salaki, tau-tau Yahudi, kakuda bua manang gaok nene gita luk ta? Ke kakuda bua teris-teris nene ingo kami? Siong ling kawasa kami atawa ling kami saleh lako Alatala rua, tau repok ta bauʼ balangan. 13Tuhan Ibrahim, Tuhan Ishak ke Tuhan Yakub, yanansi Tuhan balo tolo kita, kamo yasamulia Hamba Diri yanansi Isa. Isa ta ade ka nene sera lako pemerinta Roma ke ka nene tolak pang angkang Pilatus, gubernur nan, manaling Pilatus kamo saputis umin lepas Isa. 14Konang nene tolak Ade Suci ke Benar, ke nene ngeneng lako Pilatus mabau yalepas umin nene tau ade basamate. 15Nene samate Diri, asal katelas sarea tau, konang Alatala yasatelas Diri kalis kamate, ke lako sarea luk nan kami dadi saksi. 16Kamo nene gita ke paniat apa ade dadi lako tau repok ta. Nya kamo dadi kuat kabali apaling nya nyadu lako kawasa Isa. Ling nya nyadu lako Isa nan bua nya kamo dadi terang pang angkang sarea nene. 17Sanak sawai salaki, kuto si nene ke pemimpin-pemimpin nene boat ade nan luk lako Isa apaling nongka nene to tegas apa ade nene boat nan#3:17 nene to tegas apa ade nene boat nan: Ade no yato tegas ling taunan yanansi luk Isa nan Raja Basalamat Ade Yajangiʼ Ling Alatala.. 18Konang ola kaboat nene nan mo Alatala yasatunas apa ade ka yafirman ling Diri dunung ola nabi-nabi Diri, yanansi luk Raja Basalamat Ade Yajangiʼ Ling Alatala mesti menderita. 19Ling luk nan tobat ke ramalik mo lako Alatala mabau dosa nene yaapus, 20ke mabau nene dapat kanyaman apaling Alatala ada barema ke nene. Ke Alatala ya utus Isa datang lako nene, apaling Diri kamo yasatentu ling Alatala dadi Raja Basalamat umin nene. 21Raja Basalamat nan mesti tetap pang surga jangka dapat waya Alatala ya sabalong kabali sarea luk mudi, ma luk ade ka yafirman ling Alatala pang saman dunung ola nabi-nabi Diri ade suci. 22Nabi Musa ka kadu beling, 'Alatala Tuhan nene ya utus sopo nabi tawa nene kalis bangsa nene diri, mara Diri utus aku. Sanenge ke boat mo sarea ade yasanapat ling nabi nan lako nene. 23Tau ade no basanenge ke nongka yaboat pangkeling nabi nan yaselis kalis tenga-tenga umat Alatala ke yasangancir.'#3:22-23 Ade yasanapat ling Nabi Musa ka yaete kalis Kitab Ulangan 18:19 24Dunung nabi-nabi lin mulai kalis Nabi Samuil ke nabi-nabi ade datang kasuda nya kamo kadu sanapat apa ade dadi saman ta. 25Nene mo ade ka tarima jangi-jangi kalis Alatala ade yasanapat ola nabi-nabi. Dalam jangi ade ka yasangada ling Alatala ke balo tolo nene, Alatala bafirman lako Nabi Ibrahim, ta seda, 'Ola rowe bekamu mo, sarea bangsa pang bao dunia ya dapat berka.'#3:25 Kalimat ta yaete kalis Kitab Kejadian 22:18. Jangi nan tawa nene si ampo. 26Nan bua muntu Alatala yautus Hamba Diri, Isa, Diri yautus Isa mula-mula lako nene tau-tau Yahudi, mabau Isa beang berka lako nene yanansi bawa saruntung nene ramalik lako Alatala kalis sarea kaboat jahat nene.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©️2025 The Seed Company