زبُور 81

سرُودِ عِید

بَلدِه سردِستِه خانِنده ها. قد آلِه مُوسِیقی تاردار خانده شُنه. زبُورِ آساف.

1بَلدِه خُدا که قُوَت مو اَسته، قد خوشی سرُود بِخانِید.

بَلدِه خُدای یعقُوب دَ آوازِ بِلند بِخانِید.

2سرُود بِخانِید،

آوازِ دَیره و بَربطِ خوشصَدا و چنگ ره بُر کُنِید

3دَ ماهِ نَو شیپُور ره دَ صَدا بیرِید،

و دَ وختِیکه ماهتَو پُوره مُوشه، دَ روزِ عِید مو،

4چراکه اِی یگ قانُون اَسته دَ اِسرائیل،

یگ حُکم از طرفِ خُدای یعقُوب.

5خُدا اِی ره دَ عِنوانِ شاهِدی دَ یوسُف#۸۱‏:۵ مقصدِ «یوسُف» دَ اِینجی تمامِ «قَومِ اِسرائیل» اَسته. دَد،

وختِیکه دَ ضِدِ سرزمِینِ مِصر رفت.

ما یگ آوازِ ناآشنا شِنِیدُم که مُوگُفت:

6”شانِه تُو#۸۱‏:۶ دَ جای «تُو» دَ زِبونِ عِبرانی «اُو» نوِشته یَه. دَ خطِ دوّم امزی آیه عَینِ چِیز اَسته. ره از زیرِ بار آزاد کدُم

و دِستای تُو از بُردونِ سَبَد خلاص شُد.

7دَ غَیتِ سختی-و-مُشکِلات، تُو کُوی کدی و ما تُو ره خلاصی دَدُم؛

از جای تاشه از مینکلِ گُرگُردراغ دُعای تُو ره قبُول کدُم.

دَ پیشِ آو های مِرِیبا تُو ره آزمایش کدُم. سِلاه.

8اَی قَوم مه بِشنَو، ما تُو ره خبردار مُونُم.

اَی اِسرائیل، کشکِه دَ تورِه مه گوش بِدی.

9دَ بَین شُمو خُدای بیگَنه نَبَشه

و دَ پیشِ خُدای دِیگه سَجده نَکُنِید.

10ما خُداوند-خُدای شُمو اَستُم

که شُمو ره از سرزمِین مِصر بُرو اَوُردُم.

دان خُو ره کٹه واز کُنِید و ما اُو ره پُر مُونُم.

11لیکِن قَوم مه از اَید مه نَشُد؛

اِسرائیل مَره نَخاست.

12پس اُونا ره دَ سنگدِلی ازوا تسلِیم کدُم

تا اُونا از نقشه های خودون خُو پَیرَوی کُنه.

13کشکِه قَوم مه دَ تورِه مه گوش مِیدَد

و اِسرائیل دَ مُطابِقِ راه های مه رفتار مُوکد.

14اوخته دَ زُودی دُشمنای ازوا ره سرکوب مُوکدُم

و دِست خُو ره دَ ضِدِ مُخالِفای ازوا باله مُوکدُم.

15کسای که از خُداوند بَد مُوبره، اُونا دَ برابرِ خُداوند سر خَم مُوکد

و تا اَبَد امُو رقم باقی مُومَند.

16لیکِن بَلدِه اِسرائیل خُوب‌تَرِین گندُم ره مِیدَدُم که بُخوره

و اُونا ره قد عسل از قاده سیر مُوکدُم.“

Currently Selected:

زبُور 81: HAZ

Highlight

Copy

Compare

Want to have your highlights saved across all your devices? Sign up or sign in

Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:

Scripture taken from Hazaragi Bible.

Learn More About Hazaragi Bible