زبُور 78
78
کارِ خُدا و رفتارِ قَومِ اِسرائیل
قَصِیدِه آساف.
1اَی قَوم مه، تعلِیم مَره بِشنَوِید؛
و دَ توره های دان مه گوش بِدِید.
2ما دان خُو ره بَلدِه مَثَل گُفتو واز مُونُم
و توره های پوشِیدِه زمانای قدِیم ره یگ یگ بیان مُونُم؛
3 چِیزای ره که مو شِنِیدے و فامِیدے
و آتهگون مو دَز مو نقل کده.
4مو اُونا ره از اَولادِه ازوا تاشه نَمُونی،
بَلکِه کارای قابِلِ سِتایشِ خُداوند ره
دَ نسل های آینده نقل مُونی،
قُدرت و کارای عجِیبِ ازُو ره که اُو انجام دَده.
5اُو یگ شاهِدی دَ یعقُوب قرار دَد،
یعنی یگ شریعت بَلدِه اِسرائیل تعیِین کد
و دَ بابهکَلونای مو اَمر کد
که امُو چِیزا ره دَ بچکِیچای خُو تعلِیم بِدیه؛
6تاکه نسل های آینده امُو چِیزا ره بِدَنه،
بچکِیچای که دَ آینده تَوَلُد مُوشه،
و اُونا ام باله شُده امُو چِیزا ره دَ بچکِیچای خُو نقل کُنه؛
7تا اُونا دَ خُدا تَوَکُل کُنه
و کارای خُدا ره از یاد نَبره،
بَلکِه احکامِ ازُو ره نِگاه کُنه
8و رقمِ بابهکَلونای خُو نَبَشه،
رقمِ نسلی که سرکَش و یاغی بُود،
نسلی که دِلِ مُستَحکم نَدَشت
و روحِ شی دَ خُدا وفادار نَبُود.
9بَنی اِفرایم، هرچند قد کمون مُسَلَح بُود،
دَ روزِ جنگ پس دَور خورده دُوتا کد.
10اُونا عهدِ خُدا ره نِگاه نَکد
و رفتار کدو دَ مُطابِقِ شریعتِ ازُو ره رَد کد.
11اُونا کارای ازُو ره پُرمُشت کد،
کارای عجِیبی ره که اُو دَزوا نِشو دَدُد.
12اُو دَ پیشِ چِیمِ بابهکَلونای ازوا کارای عجِیب انجام دَدُد،
دَ سرزمِینِ مِصر، دَ منطقِه صوعَن.
13اُو دریا ره دُو شَق کده اُونا ره از مینکل شی تیر کد
و آوها ره رقمِ تِپه اَلّی دَ دُو طرف ایستَلجی کد.
14دَ غَیتِ روز اُونا ره قد آوُر راهنُمایی کد
و تمامِ شاو قد روشَنی آتِش.
15اُو دَ بیابو قاده ها ره شِکاف کد
و بَلدِه ازوا آوِ پِرَیمو دَد، رقمی که از غَوُجی کٹِه زمی آو بِدیه.
16اُو از دِلِ سنگ چشمه ها ره دَ وجُود اَوُرد
و آو ره رقمِ دریاچه ها جاری کد.
17لیکِن اُونا دَ ضِدِ ازُو دِیگه ام گُناه کد
و دَ خِلافِ قادِرِ مُتعال دَ بیابو شورِش کد.
18اُونا خُدا ره دَ دِل های خُو آزمایش کد،
چراکه اُونا دَ مُطابِقِ خاهِشِ نَفس خُو خوراک طلب کد.
19اوخته اُونا دَ ضِدِ خُدا گپ زَده گُفت:
”آیا خُدا مِیتَنه دَ بیابو دِستَرخو اَوار کُنه؟
20اونه، اُو قاده ره زَد و آو فَواره کده
دَ شِدَّت جاری شُد،
لیکِن آیا اُو مِیتَنه نان ام بِدیه
یا گوشت ره بَلدِه قَوم خُو تَهیه کنه؟“
21پس وختِیکه خُداوند اِی ره شِنِید، غَدر قار شُد؛
یگ آتِش دَ ضِدِ یعقُوب دَر گِرِفت
و خَشمِ ازُو دَ ضِد بَنیاِسرائیل اَلَنگه کد.
22چُون اُونا دَ خُدا ایمان نَدَشت
و دَ قُدرتِ نِجاتِ ازُو تَوَکُل نَکد.
23ولے خُداوند دَ آوُر های باله اَمر کد
و درگه ھای آسمو ره واز کد؛
24اُو بَلدِه ازوا «مَن» بارَند تا بُخوره،
اَرے، اُو بَلدِه ازوا غَلّه-و-دانِه آسمانی دَد.#خرُوج ۱۶:۳۱.
25آدما از نانِ ملایکه ها#۷۸:۲۵ دَ جای «ملایکه ها» دَ زِبونِ عِبرانی «زورتُوها» نوِشته یَه. خورد؛
اُو بَلدِه ازوا خوراکِ پِرَیمو رَیی کد.
26اُو بادِ شَرقی دَ آسمونا رَیی کد
و قد قُوَت خُو بادِ جنُوبی ره باله کد.
27اُو رقمِ گَرد-و-خاک دَ بَلِه ازوا گوشت بارَند،
اَرے، رقمِ ریگِ دریا مُرغَکوی بالدار ره.
28 امُو چِیزا ره دَ مَنِه خَیمهگاهِ ازوا بارَند
و دَ چاردَورِ جای های بُود-و-باشِ ازوا.
29اُونا خورد و خُوب سیر شُد،
چُون چِیزی ره که نَفسِ ازوا خاهِش کدُد، خُداوند بَلدِه ازوا دَد.
30لیکِن پیش ازی که اُونا خاهِشِ نَفس خُو ره پُوره کنه
و دَ حالِیکه خوراک هنوز دَ دانِ ازوا بُود،
31قار خُدا دَ ضِدِ ازوا باله اَمَد
و اُو قَوِیتَرِین آدمای ازوا ره کُشت
و جوانای اِسرائیل ره دَ زمی زَد.
32باوجُودِ پگِ امزی کارا، اُونا دَ گُناه های خُو اِدامه دَد
و دَ کارای عجِیبِ ازُو ایمان نَوُرد.
33امزی خاطر، اُو روزای عُمرِ ازوا ره عَبَث تیر کد
و سال های ازوا ره دَ ترس-و-وَحشَت.
34هر وختِیکه خُداوند اُونا ره مُوکُشت، اُونا دَ طلبِ ازُو بُر مُوشُد
و توبه کده قد شَوق-و-علاقه خُدا ره طلب مُوکد.
35اُونا دَ یاد خُو میوُرد که خُدا قاده-و-پناهگاهِ ازوا یَه
و خُدای مُتعال نِجات دِهِندِه ازوا.
36لیکِن دَ حقِیقت اُونا قد دان خُو چاپلُوسی ازُو ره مُوکد
و قد زِبون خُو دَزُو دروغ مُوگُفت.
37دِل های ازوا دَ خُدا راست نَبُود
و اُونا دَ عهدِ ازُو وَفا نَکد.
38ولے خُدا که رحِیم اَسته،
گُناه های ازوا ره پوشَند و اُونا ره نابُود نَکد.
اُو بارها قار خُو ره تاه شَند
و تمامِ غَضَب خُو ره باله نَوُرد.
39دَ یادِ ازُو بُود که اُونا اِنسانِ فانی اَسته،
مِثلِ باد که موره و دِیگه پس نَمییه.
40اُونا چِیقَس کَلو دَ بیابو دَ ضِدِ ازُو شورِش کد
و اُو ره دَ امزُو دَشت غَمگی کد!
41اُونا بار بار خُدا ره آزمایش کد،
و امُو مُقَدَّسِ اسرائیل ره سرِ شور اَوُرد.
42اُونا قُوَتِ ازُو ره دَ یاد خُو نَدَشت
و نَه ام روزی ره که اُونا ره از چنگِ دُشمو خلاصی دَد؛
43که چی رقم مُعجزه های خُو ره دَ مِصر نِشو دَد،
کارای عجِیب خُو ره دَ منطقِه صوعَن.
44اُو دریا های ازوا ره دَ خُون تبدِیل کد،
دَ اندازِه که اُونا نَتنِست از دریاچه های خُو آو وُچی کُنه.
45اُو لشکرِ اوخلَی ره دَ مینکلِ ازوا رَیی کد که اُونا ره برباد کد
و قوقریا ره رَیی کد که اُونا ره تَباه کد.
46اُو کِشتِ ازوا ره دَ مور تسلِیم کد
و حاصِلِ زَحمتِ ازوا ره دَ مَلَخ دَد.
47تاک های انگُورِ ازوا ره دَ وسِیلِه زاله خراب کد
و دِرختای انجِیرِ ازوا ره تَوَسُطِ سَرماه.
48اُو گلّه ھای ازوا ره دَ زاله تسلِیم کد،
چارپایای ازوا ره دَ آتِشَک.
49اُو آتِشِ قار خُو ره دَ بَلِه ازوا رَیی کد،
غَضَب و خَشم و مُصِیبت ره،
دَ وسِیلِه ملایکه های تباه کُنِنده.
50اُو بَلدِه قار خُو یگ راه ره جور کد
و جانِ ازوا ره از مَرگ نِگاه نَکد،
بَلکِه زِندگی ازوا ره دَ مَرَضِ وُبا تسلِیم کد.
51اُو پگِ اوّلباری های مِصر ره زَد،
اوّلِین ثَمرِ قُوَتِ مِصریا ره دَ خَیمه های حام.#۷۸:۵۱ ازی که حام باچِه نوح، بابهکَلونِ مِصریا بُود، سرزمِینِ مِصر دَ نامِ «سرزمِینِ حام» ام یاد مُوشُد.
52لیکِن قَوم خُو ره رقمِ گوسپندو اَلّی کوچدِلجی کد
و رقمِ یگ رمه دَ بیابو هِدایت کد.
53اُونا ره دَ اَمنیَت رهبری کد تاکه ترس نَخوره؛
لیکِن دریا دُشمنای ازوا ره پوشَند.
54اوخته خُداوند اُونا ره دَ محوطِه مُقَدَّس خُو اَوُرد،
دَ کوهی که قد دِستِ راست خُو تَصَرُف کدُد.
55اُو مِلَّت ها ره از پیشِ رُوی ازوا هَی کد
و میراث ره بَلدِه ازوا قد ریسپو تقسِیم کد
و طایفه های اِسرائیل ره دَ خَیمه ھای ازوا جای-دَ-جای کد.
56لیکِن اُونا خُدای مُتعال ره آزمایش کده دَ ضِدِ ازُو شورِش کد
و فرمان های شی ره نِگاه نَکد؛
57بَلکِه از راه بُر شُد و رقمِ بابهکَلونای خُو خیانَت کد
و رقمِ کمونِ کَج بےاِعتُبار شُد.
58اُونا قد جای های عِبادت#۷۸:۵۸ دَ بعضی ترجُمه ها «جای های بِلند» نوِشته یَه که مقصد شی «جای های عِبادت» اَسته و مردُم دَمزُو جای ها خُدایون خُو ره عِبادت مُوکد. خُو قارِ ازُو ره باله اَوُرد؛
و قد بُت ھای خُو غَیرَتِ ازُو ره شور دَد.
59وختِیکه خُدا اِی ره شِنِید، اُو غَضَبناک شُد
و اِسرائیل ره کامِلاً رَد کد.
60اُو جایگاهِ خُو ره که دَ شِیلو#۷۸:۶۰ شِیلو یگ جای دَ سرزِمِینِ کِنعان بُود که بَنی اِسرائیل خَیمِه مُقَدَّس ره دَ اُونجی ایستَلجی کد. بُود، ایله کد،
امُو خَیمِه ره که دَ مینکلِ اِنسان ها ایستَلجی کدُد.
61اُو صندُوقِ عھد#۷۸:۶۱ دَ جای «صندُوقِ عھد» دَ زِبونِ عِبرانی «قُوَت» نوِشته یَه. خُو ره دَ اسِیری دَد
و نشانی بُزُرگی-و-جلال خُو ره دَ دِستِ دُشمو تسلِیم کد.
62اُو قَوم خُو ره دَ دَمِ شمشیر دَد
و دَ بَلِه میراث خُو غَضَبناک شُد.
63جوانای ازوا ره آتِش قُورت کد
و بَلدِه دُخترونِ ازوا سرُودِ توی خانده نَشُد.
64پیشوایونِ ازوا دَ دَمِ شمشیر اُفتَد
و خاتُونوی بیوِه ازوا سوگواری نَکد.
65اوخته خُداوند باله شُد
رقمِ کسی که از خاو بیدار مُوشه
و رقمِ مُبارِزی که از تاثِیرِ شراب چِیغ مِیزَنه.
66اُو دُشمنای خُو ره وادار دَ عَقَب نِشِینی کد
و اُونا ره دَ رَسوایی اَبَدی گِرِفتار کد.
67اُو اَولادِه یوسُف#۷۸:۶۷ دَ جای «اَولادِه یوسُف» دَ زِبونِ عِبرانی «خَیمِه یوسُف» نوِشته یَه. ره رَد کد
و طایفِه اِفرایم ره اِنتِخاب نَکد،
68لیکِن طایفِه یهُودا ره اِنتِخاب کد،
کوهِ صَھیون ره که دوست دَشت.
69اُو جایگاهِ مُقَدَّس خُو ره رقمِ آسمونای بِلند آباد کد
و رقمِ زمی که بُنیاد شی ره اَبَدی ایشته.
70اُو خِدمتگار خُو داوُود ره اِنتِخاب کد
و اُو ره از قوتونِ گوسپندو گِرِفت؛
71از پسِ میش ھای شِیرتُو، اُو ره اَوُرد
تا قَوم شی یعقُوب ره چوپونی کُنه،
میراثِ ازُو اسرائیل ره.
72و داوُود اُونا ره قد دِل راست چوپونی کد
و قد دِستای لایق رهبری کد.
Currently Selected:
زبُور 78: HAZ
Highlight
Copy
Compare
Share
Want to have your highlights saved across all your devices? Sign up or sign in
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from Hazaragi Bible.
Copyright © 2025 UBS. Used by permission. All rights reserved.
زبُور 78
78
کارِ خُدا و رفتارِ قَومِ اِسرائیل
قَصِیدِه آساف.
1اَی قَوم مه، تعلِیم مَره بِشنَوِید؛
و دَ توره های دان مه گوش بِدِید.
2ما دان خُو ره بَلدِه مَثَل گُفتو واز مُونُم
و توره های پوشِیدِه زمانای قدِیم ره یگ یگ بیان مُونُم؛
3 چِیزای ره که مو شِنِیدے و فامِیدے
و آتهگون مو دَز مو نقل کده.
4مو اُونا ره از اَولادِه ازوا تاشه نَمُونی،
بَلکِه کارای قابِلِ سِتایشِ خُداوند ره
دَ نسل های آینده نقل مُونی،
قُدرت و کارای عجِیبِ ازُو ره که اُو انجام دَده.
5اُو یگ شاهِدی دَ یعقُوب قرار دَد،
یعنی یگ شریعت بَلدِه اِسرائیل تعیِین کد
و دَ بابهکَلونای مو اَمر کد
که امُو چِیزا ره دَ بچکِیچای خُو تعلِیم بِدیه؛
6تاکه نسل های آینده امُو چِیزا ره بِدَنه،
بچکِیچای که دَ آینده تَوَلُد مُوشه،
و اُونا ام باله شُده امُو چِیزا ره دَ بچکِیچای خُو نقل کُنه؛
7تا اُونا دَ خُدا تَوَکُل کُنه
و کارای خُدا ره از یاد نَبره،
بَلکِه احکامِ ازُو ره نِگاه کُنه
8و رقمِ بابهکَلونای خُو نَبَشه،
رقمِ نسلی که سرکَش و یاغی بُود،
نسلی که دِلِ مُستَحکم نَدَشت
و روحِ شی دَ خُدا وفادار نَبُود.
9بَنی اِفرایم، هرچند قد کمون مُسَلَح بُود،
دَ روزِ جنگ پس دَور خورده دُوتا کد.
10اُونا عهدِ خُدا ره نِگاه نَکد
و رفتار کدو دَ مُطابِقِ شریعتِ ازُو ره رَد کد.
11اُونا کارای ازُو ره پُرمُشت کد،
کارای عجِیبی ره که اُو دَزوا نِشو دَدُد.
12اُو دَ پیشِ چِیمِ بابهکَلونای ازوا کارای عجِیب انجام دَدُد،
دَ سرزمِینِ مِصر، دَ منطقِه صوعَن.
13اُو دریا ره دُو شَق کده اُونا ره از مینکل شی تیر کد
و آوها ره رقمِ تِپه اَلّی دَ دُو طرف ایستَلجی کد.
14دَ غَیتِ روز اُونا ره قد آوُر راهنُمایی کد
و تمامِ شاو قد روشَنی آتِش.
15اُو دَ بیابو قاده ها ره شِکاف کد
و بَلدِه ازوا آوِ پِرَیمو دَد، رقمی که از غَوُجی کٹِه زمی آو بِدیه.
16اُو از دِلِ سنگ چشمه ها ره دَ وجُود اَوُرد
و آو ره رقمِ دریاچه ها جاری کد.
17لیکِن اُونا دَ ضِدِ ازُو دِیگه ام گُناه کد
و دَ خِلافِ قادِرِ مُتعال دَ بیابو شورِش کد.
18اُونا خُدا ره دَ دِل های خُو آزمایش کد،
چراکه اُونا دَ مُطابِقِ خاهِشِ نَفس خُو خوراک طلب کد.
19اوخته اُونا دَ ضِدِ خُدا گپ زَده گُفت:
”آیا خُدا مِیتَنه دَ بیابو دِستَرخو اَوار کُنه؟
20اونه، اُو قاده ره زَد و آو فَواره کده
دَ شِدَّت جاری شُد،
لیکِن آیا اُو مِیتَنه نان ام بِدیه
یا گوشت ره بَلدِه قَوم خُو تَهیه کنه؟“
21پس وختِیکه خُداوند اِی ره شِنِید، غَدر قار شُد؛
یگ آتِش دَ ضِدِ یعقُوب دَر گِرِفت
و خَشمِ ازُو دَ ضِد بَنیاِسرائیل اَلَنگه کد.
22چُون اُونا دَ خُدا ایمان نَدَشت
و دَ قُدرتِ نِجاتِ ازُو تَوَکُل نَکد.
23ولے خُداوند دَ آوُر های باله اَمر کد
و درگه ھای آسمو ره واز کد؛
24اُو بَلدِه ازوا «مَن» بارَند تا بُخوره،
اَرے، اُو بَلدِه ازوا غَلّه-و-دانِه آسمانی دَد.#خرُوج ۱۶:۳۱.
25آدما از نانِ ملایکه ها#۷۸:۲۵ دَ جای «ملایکه ها» دَ زِبونِ عِبرانی «زورتُوها» نوِشته یَه. خورد؛
اُو بَلدِه ازوا خوراکِ پِرَیمو رَیی کد.
26اُو بادِ شَرقی دَ آسمونا رَیی کد
و قد قُوَت خُو بادِ جنُوبی ره باله کد.
27اُو رقمِ گَرد-و-خاک دَ بَلِه ازوا گوشت بارَند،
اَرے، رقمِ ریگِ دریا مُرغَکوی بالدار ره.
28 امُو چِیزا ره دَ مَنِه خَیمهگاهِ ازوا بارَند
و دَ چاردَورِ جای های بُود-و-باشِ ازوا.
29اُونا خورد و خُوب سیر شُد،
چُون چِیزی ره که نَفسِ ازوا خاهِش کدُد، خُداوند بَلدِه ازوا دَد.
30لیکِن پیش ازی که اُونا خاهِشِ نَفس خُو ره پُوره کنه
و دَ حالِیکه خوراک هنوز دَ دانِ ازوا بُود،
31قار خُدا دَ ضِدِ ازوا باله اَمَد
و اُو قَوِیتَرِین آدمای ازوا ره کُشت
و جوانای اِسرائیل ره دَ زمی زَد.
32باوجُودِ پگِ امزی کارا، اُونا دَ گُناه های خُو اِدامه دَد
و دَ کارای عجِیبِ ازُو ایمان نَوُرد.
33امزی خاطر، اُو روزای عُمرِ ازوا ره عَبَث تیر کد
و سال های ازوا ره دَ ترس-و-وَحشَت.
34هر وختِیکه خُداوند اُونا ره مُوکُشت، اُونا دَ طلبِ ازُو بُر مُوشُد
و توبه کده قد شَوق-و-علاقه خُدا ره طلب مُوکد.
35اُونا دَ یاد خُو میوُرد که خُدا قاده-و-پناهگاهِ ازوا یَه
و خُدای مُتعال نِجات دِهِندِه ازوا.
36لیکِن دَ حقِیقت اُونا قد دان خُو چاپلُوسی ازُو ره مُوکد
و قد زِبون خُو دَزُو دروغ مُوگُفت.
37دِل های ازوا دَ خُدا راست نَبُود
و اُونا دَ عهدِ ازُو وَفا نَکد.
38ولے خُدا که رحِیم اَسته،
گُناه های ازوا ره پوشَند و اُونا ره نابُود نَکد.
اُو بارها قار خُو ره تاه شَند
و تمامِ غَضَب خُو ره باله نَوُرد.
39دَ یادِ ازُو بُود که اُونا اِنسانِ فانی اَسته،
مِثلِ باد که موره و دِیگه پس نَمییه.
40اُونا چِیقَس کَلو دَ بیابو دَ ضِدِ ازُو شورِش کد
و اُو ره دَ امزُو دَشت غَمگی کد!
41اُونا بار بار خُدا ره آزمایش کد،
و امُو مُقَدَّسِ اسرائیل ره سرِ شور اَوُرد.
42اُونا قُوَتِ ازُو ره دَ یاد خُو نَدَشت
و نَه ام روزی ره که اُونا ره از چنگِ دُشمو خلاصی دَد؛
43که چی رقم مُعجزه های خُو ره دَ مِصر نِشو دَد،
کارای عجِیب خُو ره دَ منطقِه صوعَن.
44اُو دریا های ازوا ره دَ خُون تبدِیل کد،
دَ اندازِه که اُونا نَتنِست از دریاچه های خُو آو وُچی کُنه.
45اُو لشکرِ اوخلَی ره دَ مینکلِ ازوا رَیی کد که اُونا ره برباد کد
و قوقریا ره رَیی کد که اُونا ره تَباه کد.
46اُو کِشتِ ازوا ره دَ مور تسلِیم کد
و حاصِلِ زَحمتِ ازوا ره دَ مَلَخ دَد.
47تاک های انگُورِ ازوا ره دَ وسِیلِه زاله خراب کد
و دِرختای انجِیرِ ازوا ره تَوَسُطِ سَرماه.
48اُو گلّه ھای ازوا ره دَ زاله تسلِیم کد،
چارپایای ازوا ره دَ آتِشَک.
49اُو آتِشِ قار خُو ره دَ بَلِه ازوا رَیی کد،
غَضَب و خَشم و مُصِیبت ره،
دَ وسِیلِه ملایکه های تباه کُنِنده.
50اُو بَلدِه قار خُو یگ راه ره جور کد
و جانِ ازوا ره از مَرگ نِگاه نَکد،
بَلکِه زِندگی ازوا ره دَ مَرَضِ وُبا تسلِیم کد.
51اُو پگِ اوّلباری های مِصر ره زَد،
اوّلِین ثَمرِ قُوَتِ مِصریا ره دَ خَیمه های حام.#۷۸:۵۱ ازی که حام باچِه نوح، بابهکَلونِ مِصریا بُود، سرزمِینِ مِصر دَ نامِ «سرزمِینِ حام» ام یاد مُوشُد.
52لیکِن قَوم خُو ره رقمِ گوسپندو اَلّی کوچدِلجی کد
و رقمِ یگ رمه دَ بیابو هِدایت کد.
53اُونا ره دَ اَمنیَت رهبری کد تاکه ترس نَخوره؛
لیکِن دریا دُشمنای ازوا ره پوشَند.
54اوخته خُداوند اُونا ره دَ محوطِه مُقَدَّس خُو اَوُرد،
دَ کوهی که قد دِستِ راست خُو تَصَرُف کدُد.
55اُو مِلَّت ها ره از پیشِ رُوی ازوا هَی کد
و میراث ره بَلدِه ازوا قد ریسپو تقسِیم کد
و طایفه های اِسرائیل ره دَ خَیمه ھای ازوا جای-دَ-جای کد.
56لیکِن اُونا خُدای مُتعال ره آزمایش کده دَ ضِدِ ازُو شورِش کد
و فرمان های شی ره نِگاه نَکد؛
57بَلکِه از راه بُر شُد و رقمِ بابهکَلونای خُو خیانَت کد
و رقمِ کمونِ کَج بےاِعتُبار شُد.
58اُونا قد جای های عِبادت#۷۸:۵۸ دَ بعضی ترجُمه ها «جای های بِلند» نوِشته یَه که مقصد شی «جای های عِبادت» اَسته و مردُم دَمزُو جای ها خُدایون خُو ره عِبادت مُوکد. خُو قارِ ازُو ره باله اَوُرد؛
و قد بُت ھای خُو غَیرَتِ ازُو ره شور دَد.
59وختِیکه خُدا اِی ره شِنِید، اُو غَضَبناک شُد
و اِسرائیل ره کامِلاً رَد کد.
60اُو جایگاهِ خُو ره که دَ شِیلو#۷۸:۶۰ شِیلو یگ جای دَ سرزِمِینِ کِنعان بُود که بَنی اِسرائیل خَیمِه مُقَدَّس ره دَ اُونجی ایستَلجی کد. بُود، ایله کد،
امُو خَیمِه ره که دَ مینکلِ اِنسان ها ایستَلجی کدُد.
61اُو صندُوقِ عھد#۷۸:۶۱ دَ جای «صندُوقِ عھد» دَ زِبونِ عِبرانی «قُوَت» نوِشته یَه. خُو ره دَ اسِیری دَد
و نشانی بُزُرگی-و-جلال خُو ره دَ دِستِ دُشمو تسلِیم کد.
62اُو قَوم خُو ره دَ دَمِ شمشیر دَد
و دَ بَلِه میراث خُو غَضَبناک شُد.
63جوانای ازوا ره آتِش قُورت کد
و بَلدِه دُخترونِ ازوا سرُودِ توی خانده نَشُد.
64پیشوایونِ ازوا دَ دَمِ شمشیر اُفتَد
و خاتُونوی بیوِه ازوا سوگواری نَکد.
65اوخته خُداوند باله شُد
رقمِ کسی که از خاو بیدار مُوشه
و رقمِ مُبارِزی که از تاثِیرِ شراب چِیغ مِیزَنه.
66اُو دُشمنای خُو ره وادار دَ عَقَب نِشِینی کد
و اُونا ره دَ رَسوایی اَبَدی گِرِفتار کد.
67اُو اَولادِه یوسُف#۷۸:۶۷ دَ جای «اَولادِه یوسُف» دَ زِبونِ عِبرانی «خَیمِه یوسُف» نوِشته یَه. ره رَد کد
و طایفِه اِفرایم ره اِنتِخاب نَکد،
68لیکِن طایفِه یهُودا ره اِنتِخاب کد،
کوهِ صَھیون ره که دوست دَشت.
69اُو جایگاهِ مُقَدَّس خُو ره رقمِ آسمونای بِلند آباد کد
و رقمِ زمی که بُنیاد شی ره اَبَدی ایشته.
70اُو خِدمتگار خُو داوُود ره اِنتِخاب کد
و اُو ره از قوتونِ گوسپندو گِرِفت؛
71از پسِ میش ھای شِیرتُو، اُو ره اَوُرد
تا قَوم شی یعقُوب ره چوپونی کُنه،
میراثِ ازُو اسرائیل ره.
72و داوُود اُونا ره قد دِل راست چوپونی کد
و قد دِستای لایق رهبری کد.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from Hazaragi Bible.
Copyright © 2025 UBS. Used by permission. All rights reserved.