زبُور 112

112

کامیابی آدمِ خُداتَرس

1حمد-و-ثنا دَ خُداوند!

نیک دَ بَختِ کسی که از خُداوند ترس دَره

و از احکامِ ازُو خوشی کَلو حاصِل مُونه.

2اَولادِه ازُو دَ رُوی زمی قُدرتمَند مُوشه؛

آدمای نیک دَ هر نسل بَرکت پَیدا مُونه.

3مال و دارایی دَ خانِه ازُو مییه

و نیکوکاری شی تا اَبَد باقی مُومنه.

4نُور بَلدِه آدمای راستکار دَ ترِیکی روشَنی مُونه،

بَلدِه هر کسی که رحِیم و بَخشِنده و نیکوکار اَسته.

5آدمی که مِهربو و قرض دِهِنده یَه

و دَ کارای خُو با اِنصاف اَسته، نیکبَخت-و-کامیاب مُوشه.

6یقِیناً آدمِ عادِل هرگِز تکان نَمُوخوره؛

اُو تا اَبَد دَ یاد ها باقی مُومنه.

7اُو از خبرِ بَد ترس نَمُوخوره؛

دِلِ ازُو مُستَحکم اَسته و دَ خُداوند تَوَکُل دَره.

8دِلِ ازُو اُستوار اَسته و اُو ترس نَمُوخوره؛

دَ آخِر پیروزی خُو ره دَ بَلِه دُشمنای خُو مِینگره.

9اُو بَخش کده دَ غرِیبا مِیدیه،

نیکی ازُو تا اَبَد باقی مُومنه؛

شاخِ#۱۱۲‏:۹ مقصدِ «شاخ» دَ اِینجی «مقام و قُدرت» اَسته. ازُو با عِزَت بِلند مُوشه.

10آدمِ شرِیر اِی ره مِینگره و قار شی باله مییه،

اُو دَندونای خُو ره خَیده تَباه مُوشه؛

آرزوی آدمِ شرِیر دَ هیچ برابر مُوشه.

Currently Selected:

زبُور 112: HAZ

Highlight

Copy

Compare

Want to have your highlights saved across all your devices? Sign up or sign in

Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:

Scripture taken from Hazaragi Bible.

Learn More About Hazaragi Bible