متیٰ 1

فصلِ اوّل

پُشت نامِه عیسیٰ مسیح

1پُشت نامِه عیسیٰ مسیح، اَولادِه داوُود، اَولادِه اِبراهِیم:

2اِبراهِیم آتِه اِسحاق، اِسحاق آتِه یعقُوب و یعقُوب آتِه یهُودا و بِرارونِ ازُو بُود؛ 3یهُودا آتِه فارِص و زارِح از تامار شُد. فارِص آتِه حَصرون، حَصرون آتِه ارام، 4ارام آتِه عمِیناداب، عمِیناداب آتِه نَحشون، نَحشون آتِه سَلمون، 5و سَلمون آتِه بوعَز از راحاب شُد. بوعَز آتِه عوبید از رُوت شُد. عوبید آتِه یسّی 6و یسّی آتِه داوُود پادشاه بُود.

داوُود آتِه سُلَیمان از خاتُونِ اوریا شُد. 7سُلَیمان آتِه رِحُبعام، رِحُبعام آتِه اَبیا، اَبیا آتِه آسا،#۱‏:۷ دَ بعضی نُسخه های قدِیمی «آساف» نوِشته یَه. 8آسا آتِه یهوشافاط، یهوشافاط آتِه یورام، یورام آتِه عُزیا، 9عُزیا آتِه یوتام، یوتام آتِه آحاز، آحاز آتِه حِزقیا، 10حِزقیا آتِه مَنَسّی، مَنَسّی آتِه آمون و آمون آتِه یوشیا بُود. 11یوشیا آتِه یِکُنیا و بِرارونِ ازُو شُد دَ زمانی که یهُودیا دَ بابُل بُرده شُد.

12بعد از اسِیر شُدو دَ بابُل: یِکُنیا آتِه شِئَلتِیئیل و شِئَلتِیئیل آتِه زِروبابِل 13و زِروبابِل آتِه اَبِیهُود و اَبِیهُود آتِه ایلیاقِیم و ایلیاقِیم آتِه عازور 14و عازور آتِه صادوق و صادوق آتِه یاکِیم و یاکِیم آتِه ایلِیهُود 15و ایلِیهُود آتِه اِلعازار و اِلعازار آتِه مَتان و مَتان آتِه یعقُوب 16و یعقُوب آتِه یوسُف شُد و یوسُف شُوی مریَم بُود و مریَم عیسیٰ ره که لَقَب شی «مسیح»#۱‏:۱۶ بَلدِه معنای «مسیح» دَ فهرِستِ لُغات رُجوع کُنِید. بُود، دَ دُنیا اَوُرد.

17پس تمامِ نسل ها از اِبراهِیم تا داوُود چارده نسل و از داوُود تا بُرده شُدونِ یهُودیا دَ بابُل چارده نسل و از بُرده شُدو دَ بابُل تا مسیح چارده نسل اَسته.

تَوَلُدِ عیسیٰ مسیح

18تَوَلُدِ عیسیٰ مسیح اینی رقم واقِع شُد: وختِیکه مریَم آبِه عیسیٰ خوستِه یوسُف بُود، پیش ازی که هر دُوی شی یگجای شُنه، اُو دَ وسِیلِه روح اُلقُدس حامِله شُد. 19خوستِه شی یوسُف، ازی که آدمِ دُرُستکار بُود و نَمیخاست اُو ره رَسوا کُنه، قَصد کد که اُو ره خَپ-و-چُپ ایله بِدیه. 20وختِیکه اُو هنوز دَزی باره فِکر مُوکد، ملایکِه خُداوند دَ عالمِ خاو دَزُو ظاهِر شُده گُفت: ”اَی یوسُف اَولادِه داوُود، از گِرِفتونِ مریَم بحَیثِ خاتُون خُو ترس نَخور، چُون نِلغِه که دَ کَورِه شی دَ وجُود اَمَده از روح اُلقُدس اَسته. 21اُو یگ باچه دَ دُنیا میره و تُو نام شی ره عیسیٰ#۱‏:۲۱ «عیسیٰ» دَ زِبونِ عِبرانی «یِشُوعَ» تلفُظ مُوشه و «نِجات دِهِنده» معنیٰ مِیدیه. بیل، چُون اُو قَوم خُو ره از گُناه های شی نِجات مِیدیه.“ 22پگِ امزی چِیزا واقِع شُد تا تورِه که خُداوند دَ وسِیلِه پَیغمبر گُفتُد، پُوره شُنه:

23”اینه، یگ دُخترِ خانه حامِله مُوشه و یگ باچه دَ دُنیا میره

و نام شی ره «عِمانُوئیل» میله،“

که معنای شی «خُدا قد از مو» اَسته. 24وختِیکه یوسُف از خاو بیدار شُد، اُو امُو رقم کد که ملایکِه خُداوند دَزُو اَمر کدُد: اُو مریَم ره بحَیثِ خاتُون خُو گِرِفت. 25مگم اُو قد شی یگجای نَشُد تا وختِیکه مریَم باچِه خُو ره دَ دُنیا اَوُرد؛ و یوسُف نامِ ازُو ره عیسیٰ ایشت.

Currently Selected:

متیٰ 1: HAZ

Highlight

Copy

Compare

Want to have your highlights saved across all your devices? Sign up or sign in

Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:

Scripture taken from Hazaragi Bible.

Learn More About Hazaragi Bible