یعقُوب 5
5
فصلِ پنجُم
اخطار دَ سرمایهدارا
1اَی مردُمِ سرمایهدار، مَخته و چخرا کنِید، چراکه بَلا-و-غَم دَ سر شُمو اَمدَنی اَسته. 2مال-و-دَولت شُمو بَرباد شُده و کالای شُمو ره کویه خورده. 3طِلّا و نُقرِه شُمو ره زَنگ زَده و زَنگزدَگی ازوا دَ پیشِ خُدا دَ ضِدِ شُمو شاهِدی مِیدیه و رقمِ آتِش اَلّی گوشت شُمو ره مُوخوره، چُون شُمو حتیٰدَ روزای آخِر ام دَ جَم کدونِ مالِ دُنیا مصرُوف اَستِید.
4مُزدِ امزُو کارگرا ره که زمِینای شُمو ره دِرَو کده، شُمو دَغَلی کده نِگاه کدِید و امُو مُزد دَ ضِد شُمو فریاد مُونه.#۵:۴ یعنی شاهِدی مِیدیه. و نالِه امزُو دِرَوگرا دَ گوشِ خُداوندِ لشکر ها رسِیده. 5شُمو دَ رُوی زمی عَیش و نوشِ کَلو کده کُفتِ دِل خُو ره بُر کدِید و خود ره بَلدِه روزِ کُشتو چاق کدِید.#۵:۵ یعنی بَلدِه روزِ قیامت. 6شُمو آدمِ عادِل-و-نیک ره محکُوم کدِید و دَ حالِیکه هیچ از خُو دِفاع نَمُوکد، اُو ره کُشتِید.
صَبر دَ وختِ مُشکِلات
7پس امزی خاطر، اَی بِرارو، تا روزِ اَمَدونِ مَولا عیسیٰ صَبر-و-حَوصِله کنِید. اونه، دیغو بَلدِه کِشتِ پُر اَرزِشِ زمِین خُو اِنتِظار کشِیده صَبر-و-حَوصِله مُونه تاکه بارِشِ اوّل و آخِر دَ بَلِه کِشت بُباره. 8اَرے، شُمو ام باید صَبر دَشته بَشِید و خاطرجم بَشِید، چراکه اَمَدونِ مَولا عیسیٰ قرِیب اَسته.
9 اَیبِرارو، از یگدِیگِه خُو شِکایت نَکنِید، نَشُنه که خودون شُمو محکُوم شُنِید؛ چُون قاضی حقِیقی امی آلی بَلدِه قضاوَت کدو دَ دانِ درگه ایسته یَه.
10بِرارو، از صَبر-و-حَوصِلِه پَیغمبرای که دَ نامِ خُداوند توره گُفته و رَنج کشِیده، سرمَشق بِگِیرِید. 11واقعاً، مو آدمای پُر صَبر و تَحَمُل ره خوشبَخت مِیدَنی. شُمو دَ بارِه صَبر-و-تَحَمُلِ اَیُوب پَیغمبر شِنِیدید و کاری ره که دَ آخِر خُداوند بَلدِه ازُو انجام دَد اممِیدَنِید، چُون خُداوند غَدر رَحِیم و مِهربو اَسته.
12از پگ کده مُهِمتَر، اَی بِرارای مه، قَسم نَخورِید؛ نَه دَ آسمو و زمی و نَه دَ هیچ چِیزِ دِیگه. «نَهِ» شُمو «نَه» بَشه و «اَرے» شُمو «اَرے» بَشه؛ نَشُنه که محکُوم شُنِید.
قُدرتِ دُعا
13اگه کُدَم نفر دَ بَینِ شُمو دُچارِ رَنج-و-مُصِیبت بَشه اُو باید دُعا کنه و کسی که خوش اَسته، باید سرُود بِخانه. 14اگه کسی دَ بَین شُمو ناجور بَشه، اُو بُزُرگای جماعتِ ایماندارا ره طلب کنه که بییه و دَ نامِ مَولا عیسیٰ بَلدِه شی دُعا کده جان شی ره قد روغونِ زَیتُون چرب کنه. 15دُعای که از رُوی ایمان بَشه ناجور ره شفا مِیدیه و مَولا عیسیٰ اُو ره از بِسترِ ناجوری باله مُونه؛ و اگه گُناه کده بَشه گُناهِ شی ام بخشِیده مُوشه. 16پس گُناه های خُو ره دَ پیشِ یگدِیگِه خُو اِقرار کنِید و بَلدِه یگدِیگِه خُو دُعا کنِید تاکه جور شُنِید. دُعای آدمِ صادِق-و-راستکار قُدرت و تاثِیرِ کَلو دَره. 17اِلیاس پَیغمبر مِثلِ ازمو وَری یگ اِنسان بُود، لیکِن وختی از تَی دِل دُعا کد که بارو نَباره، تا سِه و نِیم سال دَ بَلِه زمی بارو نَبارِید، 18و زمانِیکه دُوباره دُعا کد، از آسمو بارو بارِید و زمی حاصِل دَد.
19اَی بِرارون مه، اگه کُدَم کس دَ مینکل شُمو از راهِ حقِیقت گُمراه شُده بَشه و دِیگه نفر اُو ره پس دَ راهِ راست بیره، 20بِدَنِید که امُو نفر که گُناهکار ره از گُمراهی پس دَ راه میره، دَ حقِیقت جانِ ازُو ره از مَرگِ اَبَدی نِجات مِیدیه و گُناه های غَدرِ آدمِ گُمراه ره مُوپوشَنه.
Currently Selected:
یعقُوب 5: HAZ
Highlight
Share
Copy
Want to have your highlights saved across all your devices? Sign up or sign in
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from Hazaragi Bible.
Copyright © 2025 UBS. Used by permission. All rights reserved.
یعقُوب 5
5
فصلِ پنجُم
اخطار دَ سرمایهدارا
1اَی مردُمِ سرمایهدار، مَخته و چخرا کنِید، چراکه بَلا-و-غَم دَ سر شُمو اَمدَنی اَسته. 2مال-و-دَولت شُمو بَرباد شُده و کالای شُمو ره کویه خورده. 3طِلّا و نُقرِه شُمو ره زَنگ زَده و زَنگزدَگی ازوا دَ پیشِ خُدا دَ ضِدِ شُمو شاهِدی مِیدیه و رقمِ آتِش اَلّی گوشت شُمو ره مُوخوره، چُون شُمو حتیٰدَ روزای آخِر ام دَ جَم کدونِ مالِ دُنیا مصرُوف اَستِید.
4مُزدِ امزُو کارگرا ره که زمِینای شُمو ره دِرَو کده، شُمو دَغَلی کده نِگاه کدِید و امُو مُزد دَ ضِد شُمو فریاد مُونه.#۵:۴ یعنی شاهِدی مِیدیه. و نالِه امزُو دِرَوگرا دَ گوشِ خُداوندِ لشکر ها رسِیده. 5شُمو دَ رُوی زمی عَیش و نوشِ کَلو کده کُفتِ دِل خُو ره بُر کدِید و خود ره بَلدِه روزِ کُشتو چاق کدِید.#۵:۵ یعنی بَلدِه روزِ قیامت. 6شُمو آدمِ عادِل-و-نیک ره محکُوم کدِید و دَ حالِیکه هیچ از خُو دِفاع نَمُوکد، اُو ره کُشتِید.
صَبر دَ وختِ مُشکِلات
7پس امزی خاطر، اَی بِرارو، تا روزِ اَمَدونِ مَولا عیسیٰ صَبر-و-حَوصِله کنِید. اونه، دیغو بَلدِه کِشتِ پُر اَرزِشِ زمِین خُو اِنتِظار کشِیده صَبر-و-حَوصِله مُونه تاکه بارِشِ اوّل و آخِر دَ بَلِه کِشت بُباره. 8اَرے، شُمو ام باید صَبر دَشته بَشِید و خاطرجم بَشِید، چراکه اَمَدونِ مَولا عیسیٰ قرِیب اَسته.
9 اَیبِرارو، از یگدِیگِه خُو شِکایت نَکنِید، نَشُنه که خودون شُمو محکُوم شُنِید؛ چُون قاضی حقِیقی امی آلی بَلدِه قضاوَت کدو دَ دانِ درگه ایسته یَه.
10بِرارو، از صَبر-و-حَوصِلِه پَیغمبرای که دَ نامِ خُداوند توره گُفته و رَنج کشِیده، سرمَشق بِگِیرِید. 11واقعاً، مو آدمای پُر صَبر و تَحَمُل ره خوشبَخت مِیدَنی. شُمو دَ بارِه صَبر-و-تَحَمُلِ اَیُوب پَیغمبر شِنِیدید و کاری ره که دَ آخِر خُداوند بَلدِه ازُو انجام دَد اممِیدَنِید، چُون خُداوند غَدر رَحِیم و مِهربو اَسته.
12از پگ کده مُهِمتَر، اَی بِرارای مه، قَسم نَخورِید؛ نَه دَ آسمو و زمی و نَه دَ هیچ چِیزِ دِیگه. «نَهِ» شُمو «نَه» بَشه و «اَرے» شُمو «اَرے» بَشه؛ نَشُنه که محکُوم شُنِید.
قُدرتِ دُعا
13اگه کُدَم نفر دَ بَینِ شُمو دُچارِ رَنج-و-مُصِیبت بَشه اُو باید دُعا کنه و کسی که خوش اَسته، باید سرُود بِخانه. 14اگه کسی دَ بَین شُمو ناجور بَشه، اُو بُزُرگای جماعتِ ایماندارا ره طلب کنه که بییه و دَ نامِ مَولا عیسیٰ بَلدِه شی دُعا کده جان شی ره قد روغونِ زَیتُون چرب کنه. 15دُعای که از رُوی ایمان بَشه ناجور ره شفا مِیدیه و مَولا عیسیٰ اُو ره از بِسترِ ناجوری باله مُونه؛ و اگه گُناه کده بَشه گُناهِ شی ام بخشِیده مُوشه. 16پس گُناه های خُو ره دَ پیشِ یگدِیگِه خُو اِقرار کنِید و بَلدِه یگدِیگِه خُو دُعا کنِید تاکه جور شُنِید. دُعای آدمِ صادِق-و-راستکار قُدرت و تاثِیرِ کَلو دَره. 17اِلیاس پَیغمبر مِثلِ ازمو وَری یگ اِنسان بُود، لیکِن وختی از تَی دِل دُعا کد که بارو نَباره، تا سِه و نِیم سال دَ بَلِه زمی بارو نَبارِید، 18و زمانِیکه دُوباره دُعا کد، از آسمو بارو بارِید و زمی حاصِل دَد.
19اَی بِرارون مه، اگه کُدَم کس دَ مینکل شُمو از راهِ حقِیقت گُمراه شُده بَشه و دِیگه نفر اُو ره پس دَ راهِ راست بیره، 20بِدَنِید که امُو نفر که گُناهکار ره از گُمراهی پس دَ راه میره، دَ حقِیقت جانِ ازُو ره از مَرگِ اَبَدی نِجات مِیدیه و گُناه های غَدرِ آدمِ گُمراه ره مُوپوشَنه.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from Hazaragi Bible.
Copyright © 2025 UBS. Used by permission. All rights reserved.