اوّلِ قُرِنتیا 13

فصلِ سیزدَهُم

مُحَبَت

1اگه دَ زِبونای مردُم و ملایکه ها توره بُگیُم، ولے مُحَبَت نَدَشته بَشُم، ما مِثلِ یگ زنگِ پُر سر-و-صَدا و سَنجی که تَرَنگ-و-پَرَنگ مُوکُنه اَستُم. 2اگه تُحفِه پیشگویی دَشته بَشُم و تمامِ راز ها و تمامِ عِلم ره بِدَنُم و ایمانِ کامِل دَشته بَشُم، دَ اندازِه که بِتنُم کوه ها ره از جای شی حَرکت بِدیُم، ولے مُحَبَت نَدَشته بَشُم، ما هیچ اَستُم. 3اگه پگِ دارایی خُو ره خَیرات کنُم و جِسم خُو ره تسلِیم کنُم تا دَر دَده شُنه، ولے مُحَبَت نَدَشته بَشُم، هیچ فایده دَ دِست نَمیرُم.

4مُحَبَت باصَبر-و-حَوصِله اَسته؛ مُحَبَت مِهربان اَسته؛ مُحَبَت بخِیلی نَمُونه و فَخرفروش و مغرُور نِیَسته؛ 5مُحَبَت رفتارِ نامُناسِب نَدره، خودخاه نِیَسته، قار نَمُوشه و کِینه نَمِیگِیره؛ 6مُحَبَت از بَدی-و-شرارَت خوشحال نَمُوشه، ولے از راستی خوشحال مُوشه. 7مُحَبَت تمامِ چِیزا ره تَحَمُل مُونه، پگِ چِیزا ره باوَر مُونه، دَ تمامِ چِیزا اُمِیدوار اَسته و تابِ تمامِ چِیزا ره میره.

8مُحَبَت هرگِز خلاص نَمُوشه؛ مگم تُحفِه پیشگویی خلاص مُوشه و تُحفِه زِبونای مُختلِف بَند مُوشه و تُحفِه عِلم از بَین موره. 9چُون عِلم مو جُزئی اَسته و پیشگویی که مو مُوکُنی ام جُزئی اَسته. 10مگم وختِیکه کامِل بییه، جُزئی از بَین موره. 11زمانی که بچکِیچه بُودُم، ما رقمِ یگ بچکِیچه توره مُوگُفتُم و رقمِ یگ بچکِیچه فِکر مُوکدُم و مِثلِ یگ بچکِیچه دلِیل میوُردُم. مگم وختِیکه آدمِ کٹه شُدُم، کارای بچکِیچگی ره ایله کدُم. 12چُون دَ زمانِ حاضِر مو دَ آینه خِیره مِینگری، لیکِن دَ اُو زمان#۱۳‏:۱۲ یعنی دَ آخِر زمان و یا دَ زمانِ پس اَمَدونِ عیسیٰ مسیح. رُوی دَ رُوی مِینگری. فِعلاً شِناخت مه جُزئی اَسته، ولے دَ اُو زمان ما کامِلاً مینَخشُم، امُو رقم که ما کامِلاً شِنَخته شُدیم. 13فِعلاً امی سِه چِیز باقی مُومنه: ایمان، اُمِید و مُحَبَت؛ مگم بُزُرگتَرِینِ امزیا مُحَبَت اَسته.

Currently Selected:

اوّلِ قُرِنتیا 13: HAZ

Highlight

Copy

Compare

Want to have your highlights saved across all your devices? Sign up or sign in

Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:

Scripture taken from Hazaragi Bible.

Learn More About Hazaragi Bible