Sam 3
3
Sam 3
Tharai boibongi fufugho
Noa koze kilo ulu mae Devet kate peloza mae thugna ie Absolom, eigna magne neke ngaguza falemeza magne.
(Vese lao ka God)
1 LOD, nogu naoka rei re fua chuku,
la fua chuku te kekepileghau rei re!
2Hatimare lepo eu'ani eigu rei,
“God kaina theome toghoza magne.”
3Ni ghoe, lana LOD, jateula nogu glave te mala toghoghau ka hoholo fate'o te dufighau re.
Ghoe ghatho boheghau ni fahehetaza eu gnagnafagu ie.
4 LOD, rei tahngi ari ka ghoe mala toghoghau,
ni ghoe au ka nou gukhu blahi ie, ne rogi meighau ni toghoghau.
5 LOD, rei fakohlo soru ne thuru nogu fakeli bongi thaudolu ie,
eigna ghoe au te koikofighau ie.
6Rei theome hmaura ka salaghi thogha mae naoka te
mei kegra falithughau re.
7Nogu LOD,
mei fakahrighau.
Mei magrira nogu mae naokare God,
ni tapla sorura nodi noilaghi nanoni te di'a ire.
8 LOD, ghoe lana te au noilaghi mala fakahrira nanonire.
Rei toregho mala fablahira nou nanonire.
Currently Selected:
Sam 3: ggaNTP
Highlight
Copy
Compare
Share
Want to have your highlights saved across all your devices? Sign up or sign in
© 2025 SIL Solomon Islands
