Sam 19
19
Sam 19
Noa noilaghi God ka noa vuavuhare
Noa khoze mae Devet.
(Vese lao ka mavitu)
1Manga klia ie tufuni falalase harighita noa noilaghi bi'o God ie,
ni eulanauwa vuavuha fate'o te kofira tati ka manga ie are,
fatakleza tufuni noa gloku te keli teke eira God re.
2Leuleghu naga'e ie tati kofiza noa noilaghi God ie.
Euwateuwe, leuleghu bongi ie tati eulanauwa kofiza noa gloku magne re.
3Manga klia ni goifata fate'o te au tagna re theome tangomana te vevese ie,
eume tati theome tangomana te rogira naogla dire.
4Neuba nauwa, goeghozedire la rogira hui nanoni fate'o hia te hia ka nauthoglu gne.
God ne e'ei noa hnimoto nadafi ie ka manga ie klia.
5Nadafi ie haghe boibongi fufugho jateula mae te toilaghi valu te hneahnegha te jifla mei ka noa nachogho ia euwa.
Ni eulanauwa jateula mae te kaikaliti mala gnabo ka chari te fua hneahnegha ia euwa.
6Nadafi ie haghe ka keha philegna manga ie tei plulu ka keha philegna manga ie.
Eume, the'o kahe goifata te tangomana peloza najalagna ie.
Noa vetula God
(Vese lao ka mavitu)
7Noa vetula LOD ie tufuni kohlo lui, ni tangomana te fahehetaghita.
Tati tangomana te fatutu'anira noa fagriu LOD re,
euwateuwe noa goeghoze magne re tangomana te gulao glalase te keli ka ihei te theome lalase re.
8Noa vetula LOD ie tufuni kohlo lui, ni ihei te leghura re tufuni hneahnegha nodi lui.
Noa vetula LOD ie tufuni tutu'ani lui, ni gumei gaoghatho te keli ka tati.
9U puhi te broabronaza tati LOD ie tufuni keli, igne kaina au fatheve, the'o ka huigna.
Noa puhi fate LOD ie tufuni tutu'ani lui, ni leuleghu fata ie kohlo lui.
10Rei tufuni ngagughaura noa goeghoze LOD re, ke tulaodini nadedei fate'o ka nauthoglu gne,
ni mamahe, ke mamahe gnani jujurukuli.
(Vese lao ka God)
11 LOD nou goeghoze ghoe re, gumei harighau rei nou mae glokugne glalase te keli,
ni ghoe tabaghau, eigna rei leghura nou goeghozere.
12 LOD, the'o kahe nanoni te kofu deira fahui nakhibogna thaigna re,
ghoe atha kokora nakhibogu teke eira rei ni theome ghatho deira hui teu rei re.
13Tovi sakreghau LOD, mala eira rei puhi fa'io'iho te ngagughaura rei ire.
Tovi fa'uvera me mala funei fruniza nakahragu ie.
Malani sagla ni kohlo eu rei ka noa noilaghi nakhibo.
14 LOD rei toregho, mala goeghoze te jifla mei ka naflogu ni gaoghatho ka gnagnafagu teure mala kohlo ka nathamu ghoe.
LOD, ghoe lana u nogu hnimoto hneta mala polo ni mae mala fakahrighau.
Currently Selected:
Sam 19: ggaNTP
Highlight
Copy
Compare
Share
Want to have your highlights saved across all your devices? Sign up or sign in
© 2025 SIL Solomon Islands
Sam 19
19
Sam 19
Noa noilaghi God ka noa vuavuhare
Noa khoze mae Devet.
(Vese lao ka mavitu)
1Manga klia ie tufuni falalase harighita noa noilaghi bi'o God ie,
ni eulanauwa vuavuha fate'o te kofira tati ka manga ie are,
fatakleza tufuni noa gloku te keli teke eira God re.
2Leuleghu naga'e ie tati kofiza noa noilaghi God ie.
Euwateuwe, leuleghu bongi ie tati eulanauwa kofiza noa gloku magne re.
3Manga klia ni goifata fate'o te au tagna re theome tangomana te vevese ie,
eume tati theome tangomana te rogira naogla dire.
4Neuba nauwa, goeghozedire la rogira hui nanoni fate'o hia te hia ka nauthoglu gne.
God ne e'ei noa hnimoto nadafi ie ka manga ie klia.
5Nadafi ie haghe boibongi fufugho jateula mae te toilaghi valu te hneahnegha te jifla mei ka noa nachogho ia euwa.
Ni eulanauwa jateula mae te kaikaliti mala gnabo ka chari te fua hneahnegha ia euwa.
6Nadafi ie haghe ka keha philegna manga ie tei plulu ka keha philegna manga ie.
Eume, the'o kahe goifata te tangomana peloza najalagna ie.
Noa vetula God
(Vese lao ka mavitu)
7Noa vetula LOD ie tufuni kohlo lui, ni tangomana te fahehetaghita.
Tati tangomana te fatutu'anira noa fagriu LOD re,
euwateuwe noa goeghoze magne re tangomana te gulao glalase te keli ka ihei te theome lalase re.
8Noa vetula LOD ie tufuni kohlo lui, ni ihei te leghura re tufuni hneahnegha nodi lui.
Noa vetula LOD ie tufuni tutu'ani lui, ni gumei gaoghatho te keli ka tati.
9U puhi te broabronaza tati LOD ie tufuni keli, igne kaina au fatheve, the'o ka huigna.
Noa puhi fate LOD ie tufuni tutu'ani lui, ni leuleghu fata ie kohlo lui.
10Rei tufuni ngagughaura noa goeghoze LOD re, ke tulaodini nadedei fate'o ka nauthoglu gne,
ni mamahe, ke mamahe gnani jujurukuli.
(Vese lao ka God)
11 LOD nou goeghoze ghoe re, gumei harighau rei nou mae glokugne glalase te keli,
ni ghoe tabaghau, eigna rei leghura nou goeghozere.
12 LOD, the'o kahe nanoni te kofu deira fahui nakhibogna thaigna re,
ghoe atha kokora nakhibogu teke eira rei ni theome ghatho deira hui teu rei re.
13Tovi sakreghau LOD, mala eira rei puhi fa'io'iho te ngagughaura rei ire.
Tovi fa'uvera me mala funei fruniza nakahragu ie.
Malani sagla ni kohlo eu rei ka noa noilaghi nakhibo.
14 LOD rei toregho, mala goeghoze te jifla mei ka naflogu ni gaoghatho ka gnagnafagu teure mala kohlo ka nathamu ghoe.
LOD, ghoe lana u nogu hnimoto hneta mala polo ni mae mala fakahrighau.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 SIL Solomon Islands